رواية قصيرة القامة طويلة اللسان الفصل السادس والثلاثون 36 - بقلم شيماء صبحي

الفصل السادس والثلاثون .. ✨الآخير✨

رواية🌸قصيرة القامة طويلة اللسان🌸

قلم_شيماء_صبحي

بعدما استقرت حالة الظابط الي خبطة عزيز تم معاقبة عزيز ب5 سنوات سجن لانه تعدي علي كمين وكان في حالة سُكِر وتم دفع غرامه ماليا 200الف جنيه مصري وبعد لقاء القاضي بالحكم تم اخذ عزيز الي السجن ...

خرج ادهم من المحكمه ومعاه زوجته اللي كانت منهاره علي حالة ابنها..

ادهم وقف جمب المحامي الي كان حاضر الجلسه وقال" اعرضلي الشركه للبيع انا مبقتش عايز اي حاجه..!

المحامي هز راسه وبعدها سابهم ومشي وادهم اخد مراته وركبوا عربيتهم ومشيوا ..

___________

وبعد مرور 7 شهور ..!

في قصر الجارحي وقف هادي وهوا بيستعجلهم علشان الحفلة قربت تبدأ وهما اتأخروا..

قمر خرجت من اوضتهم وهيا شايله بنتها وهيا بتقول بتعب " امسك البنت يا هادي علي ما اخلص اخر حاجه..

هادي شال طفلته واللي اسمها ليليان وقال بابتسامه " حبيبت قلب بابا تعالي هنا..

قمر ابتسمت علي كلامه ودخلت علشان تعدل مكياچها وبعدها هادي نزل وهو شايل ليليان ولقي ان صافي كانت خلصت لبس فقرب منها وقال" ماما امسكي لولي علشان اروح للشباب الي بقالهم ساعه بيجهزوا دول هنتأخر..

صافي ابتسمت واخدت البنت منه وهوا طلع علي السلم بسرعه ودخل اوضة قمر وقال بإبتسامه" الجميل عامل ايه وحشتيني..

قمر ضحكت عليه وقالت" خير يا ابو لولي مش المفروض اننا متأخرين..!

هادي هز راسه بلأ وقال" منتاخر وفيها ايه المهم انتي يا روح قلبي .. قرب منها وحض""نها من ضهر"ها وقال " وحشتيني اوي يا احلي ام لولي..

قمر ابتسمت ولفتله وهيا بتقول بابتسامه " وانت كمان وحشتيني بس متنساش اننا هنتأخر فعلا والمفروض ان انت تكون اول واحد موجود لان الحفله علشانك ولاكن هقول ايه الشقي شقي بق..

هادي شالها وهوا بيقول بضحك" طول عمر لسانك دا هموت و... قمر بصتله بطرف عينيها وهو قال بابتسامه قصدي يعني بينقط عسل..

قمر ابتسمت وبعدها بعدت عنه وهيا بتظبت بقيت مكياجها وقالت يلا يا حبيبي روح لاصحابك وخليهم ينجزوا بيعملوا ايه كل دا..

هادي هز راسه بغيظ ومشي وراح لاوضه سعيد ولقاه جاهز وماسك سيجاره وبيدخن" هادي بصله وقال بسخريه " يلا يا استاذ سعيد عندنا حفله مش وقت روقان هوا..

سعيد وقف وهوا بيبصله وقال" روح لعبدالله الحبيب بدل متجيلي انا راجل جاهز من بدري.. هادي هز راسه باقتناع وقال" فكره برضوا بس انجز وانزل علشان نمشي.. سعيد هز راسه وهادي خرج من اوضته ودخل اوضة عبدالله لقاه بيتكلم في التيلفون ومغمض عينه وبيقول" المهم بق هتلبسي ايه..

هادي كان واقف وهوا رافع حاجبه وسامع كلامه وكان فاكره انه بيظبط بنت من البنات اللي كانوا يعرفوها زمان..

عبدالله ضحك وقال" اهم حاجه متتاخريش انا مش عارف هقدر استحمل نص ساعه من غير مشوفك ازاي..

هادي مسكه من قميصه وهوا بيقول بجديه.. عندنا حفله ومستعجلين ممكن اعرف انت بتهبب ايه دلوقت..

عبدالله رمي التيلفون بخضه وقال" اي يا عم براحه مش كدا وبعدين دي ندي خطيبتي يا عم هكون بكلم مين يعني...

هادي ضم عينيه بشك وقال" مش موضعنا المهم انجزانت جهزت ولا لسا ..

عبدالله هز راسه وقال" جهزت يا عم متقلقش ..

هادي بصله بسخريه وسايه وخرح وهوا خارج لقي ان قمر خرجت هيا كمان قرب منها وقال بابتسامه" اي الجمال دا كلو لأ بقولك ايه انتي كدا ممكن تتخطفي مني .. قمر ضحكت علي كلامه وقالت" هتخطف ازاي وانا معاك.. هادي ضحك علي كلامها ومسك ايديها ونزلوا مع بعض ...

قمر ابتسمت لما شافت ساندي لانها كانت لابسه فستان رقيق وجميل اوي عليها..

ساندي ابتسمت لقمر وهيا عاجبها شكل فستانها وقربوا البنات من بعض وسلموا علي بعض بحب وبعدها ساندي قالت" علي فكره احنا اتاخرنا جداا..

قمر بصتلها بصدمه وقالت "بجد .. ساندي ورتها الساعه وقمر لفت لهادي وقالت "" هادي احنا اتاخرنا علي فكره..

هادي هز راسه وقال" منا بقالي ساعه بقول كدا ننجز علشان هنتاخر ..

قمر بغيظ وهما الشباب بيعملوا ايه فوق ..

هادي رفع كتفه وقال" انا خلاص جبت اخري منهم معرفش بيعملوا ايه لسا ..

قمر هزت راسها وطلعت علي السلم وهيا بتنادي عليهم بصوت عالي وفي ثواني كانوا نزلوا وهما بيقولوا" خلاص والله نزلنا يلا بينا..

قمر ضحكت وبصت لهادي واللي رفع ايده بفخر وبهعدها مسك ايديها وخرجوا..

صافي كانت شايله ليليان واحمد كان عايز يشيلها.. صافي برفض. لا دي حفيدتي انا.. احمد بصلها بصدمه وقال" وحفيديتي انا كمان علي فكره هاتي البنت..

صافي ببرفض" لاااا لولي حبيبت تيتا بس..

قمر لاحظت خناقهم فسابت ايد هادي وقربت منهم اخدت بنتها وقالت

انجزوا بق عندنا حفله..

احمد وصافي بصولها بصدمه وهيا اخدت البنت ووكبت عربية جوزها واتحركوا وبعدها احمد وصافي ركبوا عربيتهم وساندي ركبت معاهم وعبدالله ركب عربيته وسعيد ركب عربيته وكلهم اتحركوا ورا بعض...

وعند محمد وسهر كان ماسك ايديها وبيركبها العربيه بالراحه علشان الحمل وسهر بعدما قعدت كويس شاورتله يركب هو كمان علشان اتاخروا....

_________

وفي الحفله اللي كانت معموله علشان النجاح اللي قدمته شركة الجارحي في المشروع الجديد وكمان افتتاح للشركة رسميا بيعلنوا فيه عن استعدادها لاستقبال المشاريع الجديده بكل قوة ..!

وصل محمد وسهر الاول ودخلوا الحفله وكانوا موجودين صحافيين واعلاميين وكانوا بيصورا كل اعضاء الشركه واللي محمد واحد منها وبعدها وصل شخص ومعاه بنت والصحافه علشان متعرفهوش مصورتهوش وبعد دقيقه بالظبط وصلت عائلة الجارحي ..

اول عربيه كانت احمد الجارحي وزوجته صافي ومعاهم ساندي بنت اختها وثاني عربيه كانت لهادي الجرحي وزوجته وطفلتهم وثالث عربيه للعضو الثالث للشركه سعيد منصور وبعده العضو الرابع عبدالله منير وكانت الصحافه مركزه اكتر مع هادي لانه هوا الرئيس التنفيزي للشركه ...

دخل هادي وقمر جمبه وبعدهم الشباب ووالده ووالدته وساندي واو لما وصلوا كانوا المفروض ان هادي هيقص الرباط الاحمر علشان يبدأوا الاحتفال ..قرب منه شاب ومعاه المقص وقدمه لهادي وبعدها هادي شاور للشباب يمسكوا ايده علشان يكونوا قصوه مع بعض لان كلهم بزلوا مجهود كبير في الشركه معاه ولاكن قبل ما يقطعوا الرباط وقفهم صوت قوي كله لف للصوت بصدمه..!

قمر انتبهت الاول لانها عارفه الصوت دا كويس واول مشافت الشخص ابتسمت وقالت بفرحه" خالد ...؟

خالد قرب منهم وقال بجديه " من غيري يا خونه..!

هادي وبقيت الشباب كانوا مصدومين وعيونهم عليه ووقتها بدات الصحافه تلتقط صور كتير وهما بيتسألوا مين الشخص دا لحدما الشباب كلهم جريوا عليه بفرحه وهما مش مصدقين انه رجع تاني...

خالد ابتسم وهوا بيقول بفرحه" وشحتوني يا ولاد ال...

هادي ضربه علي كتفه وقال" حسابك معايا يا جبان.. خالد ضحك وهو بيقول" معلش يا صاحبي كله علشان مصلحتنا كلنا صدقني..

هادي هز راسه وبص للبنت اللي معاه باستغراب وقال" مين دي..

خالد ضحك وقال" دي نيرة بنت عمي ومراتي وحبيبتي ..

نيره ابتسمت بخجل وهادي وبقيت الشباب كانوا مبسوطين بجواز خالد ...

خالد برفع حاجب" هنسيب بق الحفله ونركز مين دي المهم اننا نقطع الخيط ما بعض..

الشباب ضحكوا وشدوا خالد وكلهم مسكوا في ايد هادي واللي اول ماقطع الخيط بدا الكل يهتف بفرحه وبعدها كلهم دخلوا وبدأ الكل يتفرج علي جمال المشروع بعدما الإضاءة إشتغلت وبان المشروع وكل المتواجدين كانو مبهورين بتصميمه وبدا الكل يهتف باسم هادي وهوا كان مبسوط لانه كان مستني اللحظه دي من زمان وعرف معني كلمه النجاح بجد ..

احمد الجارحي كان واقف وهوا بيسقف وفخور بابنه وبالإنجازات اللي عملها وانه ثبت لكل العالم انه مش فاشل وان الفاشل الحقيقي هوا اللي بينتقد اي حاجه بيشوفها لانه مش قادر يعمل زيها...

صافي عيونها دمعت وهيا شايفه ابنها ناجح والكل مبهور بانجازاته ومن اكتر الحجات اللي فرحتها انه لقي ناس بيحبوه بجد وبساعدوه في كل حاجه..!

قمر ادت ليليان للمساعده اللي معاها وبصت لخالد وقالت بابتسامه جميله " ازيك يا خالد حمدلله علي السلامه..

خالد بصلها وهوا مبتسم وهيا هزت راسها بمعني ان كل اللي حصل زمان اتنسي وانها حتي مبتفكرش فيه ..

خالد ابتسم وقرب عليها وحض"نها بفرحه لانها بجد كانت وحشاه جدا..

هادي بعدهم بصدمه وقال"ايه يا عم الحج دي مراتي..

خالد ضحك وقال" وتبقي اختي برضوا.. قمر هزت راسها وابتسمت وهيا بتبص للبنت الي معاه لانها كانت معظم الوقت بتبص في الارض وساكته..

خالد بص لنيره وقال بابتسامه" اعرفك يا نيره باخواتي الرجاله ودي بق يا ستي البنت اللي كنت بحكيلك عنها وعن اللي كانت بتعمله فينا ..

نيره ابتسمت وبصت لقمر وهزت راسها .. وقمر لاحظت انها خجوله فقربت هيا منها وحض"نتها وقالت بابتسامه" مشاء الله يا خالد عرفت تختار عروسه زي القمر ..

نيره بصت في الارض بخجل وبعدها قالت " تسلمي علي كلامك الحلو..

قمر هزت راسها وقالت بابتسامه " احنا من النهارده اخوات مش عايزه شكر وكلام من دا المهم زي مبقولك كلام حلو تقوليلي انتي كمان ..

نيره ضحكت وهزت راسها وقمر ندهت لساندي وسهر وقالت" ودول برضوا اخواتك احنا بنتعامل كدا مش بس اصحاب لا احنا اكتر من اخوات..

نيره ابتسمت وسلمت عليهم بفرحه لانها عمرها مصاحبت حد ولا اتكلمت مع حد غريب بس البنات دول كانو فيهم كميه قبول مش طبيعيه فهيا كانت مطمنه ليهم وحست انهم فعلا اخواتها ..

نيره بعدت خطوه عنهم وهيا مبتسمه و سلمت علي بقيت اصحاب خالد وصافي واحمد رحبوا بيها بابتسامه لانها كانت من نفس طبع سهر وقمر بنت ملامحها طيبه جدا وفيها قبول..

قمر قربت من المساعده واخدت ليليان وقربت من خالد وقالت" مش هتسلم علي لولي بنت اخوك واختك ..

خالد بصلها وقال بصدمه" دي بنتك..

قمر هزت راسها وضحكت وقالت" ايوا بنتي واسمها ليليان ..!

خالد بص للطفله الرضيعه الي قمر شيلاها وقال بابتسامه" دي جميله اوي يا قمر شبهك بالظبط

هادي بصله وقال بغيره" لا دي شبهي انا.. خالد ضحك علي كلامه وقرب ليليان من نيره وقال" شكلها جميل مش كدا..

نيره هزت راسها وقالت بابتسامه جميله " تخطف القلب..

خالد ابتسم ورجع ليليان تاني لقمر لانه خايف لتقع منه لان حجمها صغير جدا..

كانت المره الاولي اللي يشيل فيها طفله بالحجم دا ...!

قمر اخدت ليليان واداتها للمساعده وبعدها وقفت معاهم وهيا بتقول لهادي.المشروع يجنن .. هادي ابتسم وحض"نها وقال..عجبك!!

قمر هزت راسها وقالت.ابهرتني بصراحه يا حبيبي..

هادي ضحك علي كلامها وقال..هي دي بس اللي بهرتك مفيش اي حاجه تانيه..قمر لفت وشها بخجل وبصت لسهر وشاورتلها انها جايالها ..

وسابته وبعدت عنه وهوا فضل يضحك علي خجلها ..!

سعيد كان واقف وبيشرب العصير وهوا بيبص عليهم وساكت لحدما فجاه لفت نظره بنت جميله لابسه فستان احمر داخله عليهم..

عبدالله كان بيبص لنفس الاتجاه وكانت عينه علي ندي اللي لابسه فستان ازرق وكان شكلها جميل جداا وكانت جمبها رحمه واللي هيا كان سعيد بيبص عليها..

ندي ابتسمت لما شافت عبدالله وقربت عليه ورحمه معاها وسلمت عليه بخجل وهوا كان مبهور بجمالها ورحمه سلمت عليه وهيا بتبص حواليها لحدما شافت سعيد اللي بيبص عليها .. لفت وشها وهيا بتبتسم لحدما مشافت هادي فقربت منه وهيا بتسلم عليه بابتسامه وبتباركله علي النجاح بتاع الشركه وهوا كان مبسوط بوجودها وسالها علي ندي وهيا شاورتله انها مع عبدالله . هادي ابتسم وطلب منها تفضل معاهم، وعرفها على قمر. وكل دا وسعيد مشال عينه من عليها وكان مبهور جدا بجمالها اللي سحره. رحمة رجعت خصلة من شعرها لورا ودنها بطريقة لطيفة، والحركة دي خلت سعيد يقف وهو مش قادر يستحمل كمية اللطافة اللي هي فيها. قرب منها وقال: "مسلمتيش عليا ليه؟" خالد وهادي انتبهوا له ولأسلوبه معاها، وهي رفعت عينيها وقالت بخجل: "ما أخدتش بالي يا مستر سعيد." سعيد رفع حاجبه وبعدها قال: "طيب تعالي معايا." رحمة بصتله باستغراب وقالت: "خير يا فندم، في حاجة ولا إيه؟" سعيد بص لهادي وخالد ومحمد اللي مركزين معاه وقال وهو بيضغط على سنانه: "تعالي معايا بس وأنا هشرحلك." رحمة هزت راسها ومشيت معاه، وهو خدها وراحوا بعيد عنهم وقال: "انتي إيه اللي لابساه دا؟" رحمة بضيق: "بص يا مستر سعيد، إحنا مش في الشغل، وبعدين لبسي دا حريتي أنا. ولو مش عاجبك لبسي، في هنا بنات كتير ممكن تبص عليهم." قالت كلامها ومشيت، ولكنّه جري ومسك إيديها قبل ما تبعد وبيقول: "استني بس، انتي فهمتي غلط. أنا كنت هقولك إن الفستان جميل جدا." رحمة رفعت عينيها وبصتله بصدمة، وهو ابتسم وقال: "شكلك لطيف أوي." رحمة وشها احمر وهي مش عارفة تتصرف إزاي وتعمل إيه، لحد ما هو قال: "أنا عارف إني كنت قاسي معاكي، بس بجد مش قادر أقوام جمالك النهارده." رحمة بصتله وهزت راسها وقالت بجدية: "شكرًا يا فندم على ذوقك، بعد إذنك." سعيد شدها تاني من دراعها وقال: "انتي رايحة فين؟ خليكي معايا." رحمة بصتله باستغراب من تصرفاته وقالت: "هو حضرتك كويس يا فندم ولا شارب ولا إيه؟" سعيد ضحك وهز راسه بلا وقال: "لا مش شارب، أنا أصلاً مش بتاع الحاجات دي." رحمة بصتله بخجل وقالت: "أنا آسفة يا فندم، مش قصدي." سعيد هز راسه وقال: "خلاص مش مهم، بس قوليلي انتي مرتبطة أو في حد في حياتك؟" رحمة خجلت من سؤاله وهزت راسها بلا، وهوا ابتسم وقال: "طيب ومش عايزة ترتبطي؟" رحمة رفعت حاجبها وهوا ضحك وقال: "قصدي يعني ممكن أجي أتقدم ولا إيه؟" رحمة ابتسمت وهي مش مستوعبة إنه أخيراً نطق. سعيد كان باصص على ملامحها لحد ما هي هزت راسها وهي مبتسمة وقالت: "معنديش مشكلة." سعيد ضحك وقال: "طيب، إيه رأيك نرقص مع بعض؟" رحمة هزت راسها، وهوا مد إيده ومسك إيديها، وبعدها خدها وفضلوا يرقصوا على الأغنية اللي شغالة، وهوا بيبص على ملامح وشها الجميلة اللي أول مرة ينتبه ليها. عبدالله بص لندي وقال: "متيجي نرقص." ندي بصتله بابتسامة وهزت راسها، وهوا مسك إيديها وراحوا جنب سعيد ورحمة ورقصوا. وأول ما رحمة عينيها جت في عين ندي، غمزلها إنه أخيراً نطق، وندي كانت فرحانة جداً إن رحمة أخيراً هتكون مع الشخص اللي حبته. وعند طاولة هادي، وصل الرائد محمود ومعاه المقدم شادي واللواء حمدي، وهما بيسلموا عليه بفخر. هادي كان مبسوط إنهم موجودين وقال: "نورتوا الحفلة يا فندم." اللواء حمدي ابتسم ورد عليه وقال: "الحفلة منورة بصاحبها يا هادي، ألف مبروك على الإنجاز العظيم دا." هادي ابتسم ورد عليه وقال: "الله يبارك فيك يا فندم." اللواء حمدي طبطب على كتفه وقال: "أنا بجد فخور بيك يا هادي." هادي ضم إيده وضرب على قلبه وقال: "كله من تشجيع سيادتك." الرائد محمود بارك لهادي وكان فرحان بنجاحه وقال: "بصراحة لما اللواء حمدي قالي مكنتش مصدق، بس بجد إيه العظمة دي كلها." هادي ضحك وقال: "كله من فضل ربنا، الحمد لله." محمود حضنه بفرحة وقال: "ألف مبروك على النجاح." هادي ابتسم وقال بابتسامة: "الله يبارك فيك، متحرمش منك أبداً يا محمود." محمود ابتسم والمقدم شادي بص لهادي وقال: "ألف مبروك يا بطل." هادي فرح بوجوده وقال: "سيادة المقدم، إزي حضرتك؟" شادي ابتسم وحضنه وقال: "أنا الحمد لله بخير يا هادي، ألف مبروك على النجاح الهايل دا، إن شاء الله مش آخر مرة." هادي ابتسم وقال: "إن شاء الله يا فندم." اللواء حمدي ابتسم وهو بيبص لهادي وقال: "فين مراتك يا هادي؟ عايز أسلم عليها." هادي هز راسه ونده على قمر وعرفها باللواء وبقية الظباط. وكانت ساندي جنبها وشايلة ليليان وهي بتلعبها. وأول ما محمود شافها، كان باصص عليها وهو معجب بجمالها جداً. قمر أخدت ليليان من ساندي وقربتها من اللواء وعرفها إنها بنتهم، واللواء كان مبسوط جداً وخبط على ضهر هادي بضحك وقال: "ربنا يحفظها يا رب ويخليهالكوا." قمر ابتسمت وقالت: "ربنا يخليك يا فندم." هادي شكر اللواء، وبعدها قمر أخدت ساندي ورجعوا تاني عند طاولتهم، وهادي طلب منهم ياخدوا راحتهم، وهوا هيمشي عشان يسلم على بقية ضيوفه. اللواء والظباط هزوا راسهم، وبعدها هادي مشي، وفضل محمود باصص على ساندي اللي خطفت قلبه، وهوا مش قادر يشيل عينه من عليها. ساندي كانت بتعدل شعرها ولفت نظرها محمود اللي كانت عيونه عليها بطريقة واضحة. بصتله بضيق ولفت وشها، وده اللي خلاه يتحرج جداً ويبص في الأرض. هادي فضل يسلم على بقية ضيوفه، واللي أكترهم مستثمرين وعملاء كانوا جايين عشان يتفرجوا على المشروع، وكانوا مبهورين بجمال تصميمه. هادي سلم عليهم كلهم، ولسا بيلف عشان يرجع لطرابيزتهم، لقي سارة وسميح داخلين عليهم. سارة شاورت عليه وهي بتقول: "هادي اهو." سميح انتبه ليه وقرب منه وحضنه بفرحة، وهوا بيقول: "ألف مبروك يا هادي بيه، إن شاء الله مش أول مرة." هادي ابتسم بحب وقال: "الله يبارك فيك يا سميح، وطبعاً مبروك علينا كلنا." سميح ابتسم، وسارة سلمت على هادي وهي بتقول: "بجد المشروع يخطف القلب يا هادي." هادي ابتسم، وبعدها قال: "تسلمي يا سارة، تعالوا معايا عشان أعرفكم على بقية العيلة." سارة ابتسمت وبصت لسميح وهزت راسها إنهم يروحوا معاه، وبعدها كلهم اتعرفوا على بعض. قمر كانت فرحانة إن هادي حقق حلمه وحلم والده ونجح، وكانت فخورة بيه جداً وفخورة إنه يبقى أبو بنتها، وإن شاء الله يخلفوا تاني ويملوا القصر أطفال. اشتغلت أغنية رومانسية وبدأ كل الكابل اللي في الحفلة يرقصوا، وهادي قرب من قمر وقال: "تسمحيلي بالرقصة دي يا قمر؟" قمر هزت راسها وقالت بابتسامة: "موافقة طبعاً يا حبيبي." هادي مسك إيديها وهو بيضحك، وبعدها خدها وبدأوا يرقصوا. وبعدها سهر قالت لمحمد: "تعالى نرقص يا حبيبي." محمد بقلق: "لا، عشان الحمل يا حبيبتي، خلينا واقفين أحسن." سهر هزت راسها وقالت بحزن: "لا، أنا عايزة أرقص." محمد هز راسه وقال: "انتي متأكدة من اللي بتقوليه؟" سهر حركت راسها، وهوا مسك إيديها وأخدها وراحوا جنب قمر وهادي، وبدأوا يرقصوا بس بهدوء عشان حمل سهر. وعند عبدالله وندي، كانوا طبعاً لسا مع بعض وبيرقصوا. وسعيد كان مع ندي، وخالد قال لنيرة يروحوا هما كمان يرقصوا. ونيرة كانت مكسوفة، ولاكنه طمنها إن دي حاجة عادية ومتقلقش. نيرة هزت راسها، وهوا مسك إيديها وبدأوا يرقصوا. أحمد بص لصافي وطلب منها يرقصوا، وهيا وافقت على طول. وفضلت ساندي تبص لسارة وسميح، واللي ابتسموا لبعض، وبعدها راحوا هما كمان يرقصوا. وفضلت ساندي واقفة لوحدها جنب المساعدة اللي شايلة ليليان. محمود كان مركز معاها، فقرر إنه يروح ويعزم عليها، ولو وافقت يبقى حظه حلو. ساندي كانت بتبص عليهم وهي مبتسمة، لحد ما لقت محمود واقف قدامها وبيقول: "تسمحيلي بالرقصة دي يا آنسة؟" ساندي بصتله باستغراب لأنه كان مبتسم وبيعيزم عليها بعشم أوي. فضلت بصاله شوية، وبعدها حركت راسها بالموافقة بعد ما حست إن دي فرصة حلوة ليها بدل ما هي واقفة لوحدها. محمود مسك إيديها وبدأوا يرقصوا هما كمان. وفي اللحظة دي، كانت الصحافة بتاخد صور لكل اللي بيرقصوا، وكان الكل طالع في الصور وهو مبسوط. ونزلت صورة لكل اللي في الحفل وكان عنوانها: "من داخل حفل نجاح شركة الجارحي". كانت الصورة عليها إقبال كبير من المعجبين وناس كتير كانت بتبارك على نجاح المشروع وإعجابهم الشديد بذكاء المهندس هادي الجارحي.