رواية كذبه حب الفصل الثالث 3 - بقلم بتول أسامة

_مراتي! مراتك... زين حبيبي قول إنك بتكذب. ضحك زين. _لا، مراتي فعلًا. رد يامن وهو يقهقه عاليًا. _أنا بقيت عم... لا وعندي مرات أخ... ثم أخذ الطفل من يد جميلة. _حبيب عمو... يا روحي بطل عمك... نظرت إليه جميلة باستغراب وخوف على طفلها. _بس... ذهب يامن إلى غرفته ومعه الطفل الصغير. نظرت جميلة إلى زين. _متقلقيش يا جميلة هو بس فرحان... اقتربت فيروز من زين. _زين... أنا بحبك وأنت بتحبني صح؟ _خلاص يا فيروز...

أنا مبحبكيش أنتِ مجرد بنت عمي. قامت فيروز بالذهاب إلى جميلة وهي علامات الغضب على وجهها. _مراته صح... ردت جميلة بقلق. _آه... في إيه؟ أمسكت فيروز جميلة من يديها بقوة. _تعالي معايا... ذهبت جميلة معها بخوف. في مكان تاني... _قلت لك تجيب لي بنتي يا أمجد. _دورت عليها ومقلتهاش يا خديجة أعمل إيه؟ اقتربت خديجة منه وهي وجهها ملئ بالغضب والكره. _أنت اللي سفرتها لواحد ما يستاهلش... علشان الفلوس... يا رخيص...

_ندمان يا خديجة ندمان... أقسم بالله ندمان... _خلال يومين لو ملقيتش بنتي لتكون في الاسم أنت سامع. ذهبت من أمامه ودخلت المطبخ لتقوم بطهي الطعام لها ولطفلتها الصغيرة. هناك عند جميلة وفيروز. كانت فيروز تتمشى في الحديقة قدام جميلة. _أنا دلوقتي عايزة أعرف مراته إزاي جيتي منين؟ ردت جميلة بتلقائية. _وأنتِ مالك؟ اقتربت فيروز منها بغل. _زين خطيبي وجوازنا كمان شهر أنتِ... عارفة يعني إيه؟ ضحكت جميلة.

_خلاص بقى جوزي يا حبيبتي اركني على جنب وأبو ابني كمان. كان واقف زين يراقب الوضع من بعيد وابتسم على كلام جميلة. _شكلها ولعت معاك يا زين... _وهان عليك تخبي على أمك برضه يا زين؟ نظر زين خلفه. _ماما... حقك عليا يا ماما... عارف إني عملت غلط كبير في حقك. قامت أم زين بوضع يديها على جبين زين. _أنا كنت واقفة ساكتة علشان أشوف فيروز هتعمل إيه بس يا زين ما اخترت... جميلة اسم على مسمى...

نظر زين إلى جميلة التي كانت قاعدة على الطاولة وفيروز كانت تتمشى أمامها. لكن انصدم لما شاف... هناك في مكان تاني... _فين الفلوس يا بت؟ _مفيش حاجة يا بابا... قام بصفعها على وجهها. _بقولك تطلعي الفلوس... قامت بإخراج الجنيهات من جيبها. _هما دول يا بابا... أقسم بالله هما دول اللي كانوا معايا. أمسك ذراعها بقوة... أخرجها من المنزل. _تروحي تجيبي وتشحتي يا عائشة لو ملقيتش بقية الفلوس قدامي هتكون نهايتك على إيدي...

ذهبت عائشة من أمامه بخوف. _بت يا عائشة... دي آخر شغلانة والساعة داخلة على واحدة بالليل. _أعمل إيه يا زينب أبويا يقتلني لو لقى إن الفلوس ناقصة. _يعني بيعمل حاجة نافعة ده بيشرب بيهم... قعدت عائشة على الرصيف... وهي تأكل رغيف حاف. _نصيبي بقى يا زينب نعمل إيه؟ قعدت زينب بجانبها وهي تضحك. _الواد أُشطة جاي... انصدمت عائشة وكانت اللقمة تقف في زورها. _اجري يا زينب ده جاي ياخد الفلوس مننا... كانوا يجرون...

ولم ينظروا إلى خلفهم. ... لحد ما تخبطت زينب في... _أنا آسف... _أنت؟ _أنتِ!