رواية قتلني ورحل الفصل السادس والثلاثون 36 - بقلم ميفو سلطان

ما ان دخلت الاسانسير حتي استدارت مشتعله لتصرخ. وانت بقه فاتحهالي عالبحري ايه المسخره دي. ليبهت من غضبها ليمد يده يقفل زر الاسانسير ويهتف. بحري بحري ايه. لتصرخ. الهانم اللي واقفه تدلع ايه قله ادبك دي ماتحترم نفسك شويه انت واحد متجوز عايز تفضحني. ليبتسم ويركن علي الاسانسير ليهتف. انت عقلك ترللي وانا صحتي ما تستحملش هبلك ده. لتقترب وتخبطه.

والله يا قاسم لو وقفت وضحكت مع السحليه دي لاموتك مالها زعلت قوي انك اتجوزت هو فيه ايه ماتتلمو. ليقترب ويحاوطها. حبيبي زعلان ليه طيب غيران يا مز انت.. هو انا اقدر ابص لحد تاني. كانت منفعله لتصرخ. وبتبص معاها ليه انت انا مراتك عيب هتقول ايه. ليهتف بغلب. مش انت يا بنتي اللي قلتي شهر اتنين وهتقولي. انت مخبوله. لتظل تاكل نفسها لتهتف. ولو برضه هيعرفو اننا متجوزين وانا ماقبلش بكده. ليلاصق بها ويهمس.

حبيبي مايقبلش بايه وانا اعمله. لتتنهد وتخجل لتهتف. ماتقفش مع البت دي تاني عينها عليك. ليرفع حاجبيه. عينها عليا ازاي. لتهتف بغضب. عينها عليك ايه عايزه تاخدك خدها ربنا ايه ده مابيصدقو. ليقرب من وجهها ليهمس. وانت مش عايزاها تاخدني. لتندفع. والله اموتها بقه بقلك اهوه. ليتلمس شفتيها ليهمس. دانا اللي هفطس دلوقتي من جمال حبيبي. لتنظر اليه غاضبه. ليتنهد طب فكي التكشيره دي طيب انا ماعملتش حاجه هيا اللي جت اعمل ايه. لتخبطه.

تعمل كتير تبعد ماتضحكش بتضحك علي ايه انت عشان بت حلوه صح. ليتنهد. لا انت لسعتي لا دي مش عيشه انا تعبت. لتدمع عينها. تعب تعب مني خلاص يا سوادك يا ليال هيروح للسحليه تاخده. لتنظر اليه بقهر. خلاص تعبت وعيشتي بقت زفت اه وسيادتك مبسوط طبعا وماصدقت مش كده قول قول خرج اللي في قلبك ومخبيه. عجباك يا قاسم صح قول. ماهو انا ماعتش اعجب خلاص بعض مش كده والبيه بيتسبله وبيسحسحوله انطق عجباك مش كده عايزها انطق. ليتنهد بغلب.

انت مجنونه يا ليال. لتندفع. وتمد يدها لزر الاسانسير. اه مجنونه خلاص اوعي بقه شغل البتاع ده اوعي وروح ليها تاكلك خلاص مش انت تعبت ومش عايزني اوعي وسع. ليحاوطها ويشدها كانت عيونها دامعه ليحتضنها ويهمس. اروح فين بالطين اللي بتبلعهولي بس. لتنظر اليه دامعه. طين يا قاسم انا طين. ليهتف. انا ماعملتش حاجه يا قلبي خالص زعلانه ليه. لتنظر اليه ببراءه. لا عملت ومبسوط بالسحليه وانا طين وعيشتي وحشه. ليتنهد.

والله يا قلبي انت لاسعه انا قلت انك طين فين ده دا حبيبي واكل قلبي حبيبي بالدنيا حبيبي مافيش غيره في قلبي. ليهمس. حبيبي غيران قلبي يا ناس. دانت اللي في قلبي والله. لينزل عليها ويتوه معها لتتشبث به وهو يحاوطها ليتنهد اخيرا ويبتعد وهيا في احضانه. ليهمس. غيران يا قلبي.. انا برضه ابص لحد تاني .. حبيبي مايزعلش دا حبيبي مالي عيني. لتهمس. طب ماتكلمهاش تاني. ليلتصق بها لتتوه في نظراته. ليهمس. حبيبي يأمر .. ايه تاني. لتهمس.

تقولهم اني مراتك وكلهم يحترمو نفسهم. ليقبلها قبلات اذابتها. حبيبي يأمر.. مراتي طب هتبقي مراتي امتي. لتهمس. هاه.. اه هبقي مراتك. ليهمس. يعني خلاص يا قلب قاسم عايزه تبقي بتاعه قاسم. لتتوه وتشتعل من لمساته لتنساب مشاعرها لتحاوطه بيدها ليحس ان قلبه سينفلق. قلبي هيقف اروح بيكي فين دلوقتي ليتوه معها ليتجلد اخيرا ويبتعد. ليهمس.

لا مش قادر حبيبي فوق يا مز هموت وافطس هنتفضح.. يا لهوي الغيره تعمل اكتر من كده قلبي غيران وخد عقلي. لتعود لنفسها لتدفعه وتحمر خجلا. مين اللي غيرانه بس بس اوعي بقه انت بتعرف تقل ادبك اوعي عندنا شغل. لينفتح الاسانسير لتندفع مشتعله ليضحك ويهتف. اعمل فيكي ايه وانت قمر كده خدتي عقلي يا بنت الايه بس هانت المز ساح ولان يا قلبه وحشني. ليتنهد. هطولك امتي بس. في الشركه دخل شريف علي صديقه. ليهتف.

ايه اي عم يومين خانس ماعرفش انت فين ولا بترد ايه القيامه قامت. ليهتف قاسم. اسكت يا شريف دانا كنت في مدعكه والله شفت مرمطه ماحدش شافها. وبدا يحكي له. ليهتف شريف. يا ليله سوده جدك عمل كل ده يا حزنك يا قاسم بس يا واد انت طلعت جبروت ايه ده. ليهتف قاسم.

جبروت دانا لو طلت ساعتها اطلع روحه كنت طلعتها لا وشوف المسخره بقه. البت اتهطلت ونازله حب فيه وسحسحه وبتزعقلي عشانه انا هنجلط عايش في المرستان. عايز اتجوز يا شريف البت لسعت اكتر ماكانت هبله. ليهتف صديقه. يابني إحمد ربنا ان الامور اتحلت وهيا بقت بتاعتك خلاص انت مالك بومه كده ليال طييه وانت قادر ميتفهمش انك مش هتقدر يعني عليها. ليهتف.

لا انا اقدر عليها وعلي ابوها بس عارف انها هتغلبني ليال عيله في تفكيرها الناس بتفكر في حته ودي توديك سكه تانيه بيبي صغير هقعد اراضي لحد ما اطرشق وانا تعبت. ليهتف شريف. طب ماتدادي حد طايل يدلع اللي بيحبه. ليقول قاسم بقهر.

اه ادادي وادلع والاخر اكل قطن المرتبه لوحدي اسكت والنبي الا القهر مكلبش كل اما اشوفها مع جدي حاسس اني متجوز ملبوسه صبرني يا رب كميه عته غير عاديه لا والراجل ماصدق عمل فيها حج ومن اولياء الله الصالحين دا وقفالي لو قلتله كلمه. ليهتف شريف. مش بقلك طيبه بس برضه انت عملت في جدك اللي مايتعمل وربنا الهادي يا قاسم ماتتجبرش زيه التوبه مقبوله يا صاحبي. ليتنهد قاسم. والله تعبت بجد ما عت عارف حاجه. يلا نشوف شغلنا.

عند ايان وكارما كان ايان قد استيقظ وظل يتأمل حبيبته. ليقترب منها و يداعب شفتيها بحب. لتبدا في الافاقه ليبتسم ويهتف. قمر قايم من النوم يا لهوي هو هيبقي قمري عسليه كده وهو نايم جنبي. لتقطب جبينها وتقوم وتهتف. ايه كلامك ده ونايم جنبك ايه ده بطل بقه. وقامت وخرجت من الحجره. ليبتسم. يا لهوك يا ايان البت قمر ونايمه في حضنك قمر.. بكره ماتخرجيش من حضني بس امحط الاول وامشي علي رجلي وساعتها هجيبك يا قمر ولا اسيبك يوم تبعد.

ليمرب اليوم كالمعتاد مابين مشاكساته لها ومحاولتها ان تبدو جديه وبين جلسات العلاج. لتمر الايام ويستطيع ايان ان يمشي ولكنه لا يخبر كارما حتي لا تتركه وترحل. وهو لا يتواني عن بث حبه لها وقلبها يؤلمها فهيا تعشقه ولكنها تصده بشده. لياتي يوم وقاسم قد حضر ويقول. خلاص يا حبيبي المفروض تكمل علاجك في البيت. لتهتف كارما. بلهفه يعني الدكتور قال ان حالته خلاص بقت كويسه. ليذغده ايان. ليخفي قاسم ضحكته ليقول.

لا يا كارما للاسف لسه فيه خطر ومحتاج دعم ورعايه. لتقطب جبينها وتحزن لتقول. وماله بالوقت هيبقي كويس عادي وان شاء الله هيخف ويبقي كويس. لتتجه لايان لتمسك يده. هتبقي كويس ماتحطش في دماغك. ليضحك قاسم. اه طيب يلا بقه ونبقي نشوف هيبقي كويس ازاي. لينظر اليه ايان بغضب ويتم نقله الي البيت ليدخلا ليجدا الجميع. ليهب الجد ويذهب الي ايان. حمدالله علي سلامتك يا حبيبي والله كنت هموت عليك بس.. بس.. ليربت ايان علي يده.

خلاص يا جدي ماتزعلش انا بقيت كويس. لينظرا الي كارما. ازيك يا حبيبه جدك. لتهمس كويسه وتدير وجهها بعيدا. لتقترب ليال من الجد. تعال اقعد انت شكلك تعبان. ليتنهد قاسم ويهمس. والله انا عايش في مصحه مجانين. ليخبطه ايان. اهمد بقه الراجل شكله تعبان. ليرفع قاسم حاجبيه. ودا من امتي الحنيه المفرطه دي.. حاجه تجيب كرشه نفس. ليذهب ويجلس بعيدا. ليهتف ليال تعالي. لتذهب اليه. افندم اومر. ليشدها ويهتف. اقعدي عشان انا في موال من الصبح.

ليحتضنها لتحاول ان تتململ وتقول. ايه ده ابعد عيب كده. ليمد يده تحت بلوزتها لتتجمد ليضحك ويقول. ايوه لمي نفسك واقعدي بدل ماعمل فضيحه. لتهمس. لم نفسك وشيل ايدك عيب كده. ليضحك. طب اهمدي بدل مافقعك بوسه قدامهم هتسورقي ساعتها. لتكتم انفاسها وتجبر نفسها علي الصمت وهو كل حين واخر يداعبها فتتشنج لتصدح ضحكته. ليهتف ايان. مالك نازل سخسخه كده ماتضحكنا معاك. ليشدد علي ليال ويقول.

لا والله ماينفع اللي انا فيه مجهود ذاتي ما ينفعش حد يدخل معايا. ليستعجب ايان ويهتف. علي فكره قريب هنزل الشغل. لتتعجب كارما فهيا لا تعلم ان ايان استعاد صحته. لتقول. شغل ايه انت اتجننت انت لسه قدامك علاج. ليهتف قاسم. ماهو الشغل جزء من العلاج عادي يا كوكو. لتستعجب مما يجري. ليهتف الجد. الشغل يا ابني بيجيب صحه انا اهوه هتشل من قعده البيت. ليهتف قاسم بسخريه. لا انت هتتشل من عمايل ايديك. لتستدير ليال وتخبطه.

ماتبس بقه واوعي كده واله ما قاعده جنبك اقعد بقه عض في روحك بلا ماتعض في اللي قاعدين. وهبت مبتعده. ليهز راسه ويقول. اما اقوم واسيبلكو الحته اعملو وصله العشق الممنوع. ويتركهم غاضبا ويصعد. لتتنهد كارما ويصعب عليها جدها فهو يبدو عليه القهر. لتذهب اليه وتجلس بجواره صامته لينظر اليها ليمسك يدها. وحشتيني والله يا قلب جدك. لتتنهد ليكمل.

هتفضلي كده ماتبصليش حتي.. دانتي اللي في القلب والله.. جدك انهد وماعتش زي الاول. جدك انذل وعرف ان الله حق. اقول ايه لله الامر.والله يا بنتي الحسره في قلبي هتخلص عليا. يا ريت يرجع بيا الزمن كنت ما وجعتش حد فيكو وبالذات قاسم. قاسم انا عملته واحد تاني ماعرفوش كان قلبه حته دهب بس جبروتي قتل قلبه ده. يا رب سامحني الواد بيمزع قلبي. لتمسك يده وتهتف. خلاص يا جدي اهدي شكلك تعبان بكره كل حاجه تتصلح. ليهمس.

يا ريت يا ريت قبل ما اموت يا بنتي ألحق ابص في عيونهم وما الاقيش الكره. لتقترب منه وتربت علي كتفه. خلاص بقه اسكت والنبي بطل بقه. لينادي علي الخدم ليصعدوه الي الاعلي ويبدو علي محياه التعب. هنا عاد قاسم وشد ليال. ليهتف يلا عايز انام هلكان تعب. لتخبطه. ماتنام انا مالي بيك دا ايه ده. ليرفع حاجبيه. طب نطلع فوق ونشوف مالك بيا ازاي اصلا هنشوف يا جامد انت. ويشدها ويصعد بها.

اما كارما وايان نادت علي الحرس ليصعدا الي الاعلي ويضعونه في حجرته. لتهتف هاخد شاور واجيلك اديك الدوا اوك. ليبتسم اليها بحب ولم يتكلم. لتذهب وتاخذ شاور وتلبس برنسها وخرجت تدلك شعرها لتنصدم من وجود ايان علي السرير. لتهتف. ايان انت جيت هنا ازاي هو انت قلتلهم يجبوك. لتقترب منه وتجلس بجواره لتقول. مانا كنت جيالك. ليبتسم ويشدها اليه لتنصدم ويقول. وحشتيني اوي. لتهتف بخجل. ايان من فضلك بقه مايصحش كده.

ودفعته وقامت مسرعه الي حجره الملابس ووقفت تضع يدها علي قلبها. تهدئ من نفسها فقربه يشعلها لتتنهد وتستدير لتصرخ وتنشل لتجد ايان امامها ليحاوطها بشده لتحس انها ترتجف وتهتف. ايان انت واقف..انت ازاي كده. ايان انت بتمشي. ايان. لتصرخ وتحتضنه بشده وتظل تقفز من فرحتها ليشدها اكثر وهو سعيد علي سعادتها. لتهدا وتقول. بس ازاي مش انت كنت.. قاسم قال ان عندك انتكاسه واحتمال نعمل عمليه هو فيه ايه. ليهتف.

اعمل ايه ماهو علشان انا قليت ادبي وزعلت حبيبي وحبيبي كان عايز يسيبني ويمشي ماقدرتش والله غير اني اعمل كده. لتقطب جبينها. انت كنت بتضحك عليا انت وقاسم. ليشدها بحب ويقول. طب اعمل ايه.. قلبي كان هيقف. كنت هموت نفسي لما عرفت إنك هتمشي. والله يا قلبي غصب عني كل الكلام الزبالة اللي قلته. كنت خايف عليكي وقلبي وجعني إنك تربطي نفسك بواحد مشلول. والله كنت بموت ساعتها. لتخبطه بشدة وتهتف: انت وجعتني. أوعي بقى ويلا من هنا.

ليبتسم بحب: وجعتك آه وندمان وبتمنى الموت والله. لتهتف: بس بقى بطل تقول كده. ليبتسم: والله بحبك وكنت بحرق عليكِ وعالوجعك. بس صعب عليا أشوفك عايشة مع حد ما ينفعلكيش. لتصرخ: وانت مالك تقرر لي ليه؟ أنا اللي أقول. انت ما فيكش فايدة، عايز تتحكم وخلاص. ليضحك: أتحكم إيه بس! ده أنا معاكِ ما بعرفش أنطق. ماتحن عليا بقى يا قلبي. والله هموت. نفسي في حبيبي وحبيبي مش حاسس بالنار اللي جوايا.

لتهتف غاضبة: أحسن، تستاهل عشان قلة أدبك وتجيب سحلية تقعد تبوس فيها وتقهرني. أوعي بقى ومش عايزة. ليضحك بشدة: هو إيه اللي مش عايزاه؟ والنبي عسل ومز وقمر وهموت عليه. يا بت راعي ظروفي. يعني أشوفك بالقميص النار ده ولا أقربش؟ نمت محصور والله. لتحمر خجلاً: بس بس بقله أدبك دي. أنا عملت كده عشان تخف. ويلا خلاص شطبنا، ما عادش ليك عندي حاجة. انت خفيت أهو، امشي يلا.

ليبتسم بخبث: بقي ما عادش عندي ليكي حاجة. يا قلبي انت كلك بتاعتي وربنا. بس العقل يترلل. لتهتف غاضبة: تاني بتاعتك وزفت وتتحكم فيا. لتحاول أن تدفعه: يلا أوعي امشي بقى. أنا مش عايزاه. وهسافر وأسيبك. يلا امشي ارجع للسحلية بتاعتك اللي حضنتها وبوستها. لتخبطه: انت واحد سافل! بتحضنها ليه وتبوسها؟ عبو شكلك. ليضحك ويضمها: طب آسف، حقك عليا والله غصب عني. كنت مقهور، خايف عليكي، كنت بتقطع وبموت.

لتهتف: انت السبب تقول لي ليه انت مالك وتوجعني؟ أنا اتوجعت منك قوي. حرام عليك. ليقبل خدها ويهمس: والله كنت بتعذب. ده أنا لما عرفت إنك بقيتي مراتي قلبي انخلع من الفرحة وانقهرت. وقعدت طول الليل سهران ألمسك. والله كنت مقهور. لتهمس: كداب. اللي مقهور ما يقعدش يبوس. يا قليل الأدب. ليبتسم ويتلمسها بحنان: أبوس إيه بس؟ ده أنا هموت عليكي. لتهتف غاضبة: لا، أنا شفتك كنت مبسوط. انت وحش، عجبتك البت دي. بوستها كتير، عجبتك صح؟

بوستها حلوة؟ أوعي. مش طايقاك. ليبتسم: بوسة مين اللي حلوة؟ يا قلبي اللي هينط من مكانه دا. حبيبي شفايفه نار وهموت عليهم. كان يتلمسها بحنان. لتهمس: لا، مش مصدقاك. ليهمس: طب قلبي، أنا هخليه يصدق. لينال عليها يلتهم شفتيها بقوة وهي أحست أنها ستنهار بين يديه. ليبتعد ويهمس: يخربيت نارك. لتهمس: بطل. مش عايزة بقى. امشي. ليشدها أكثر وهي تقاومه. لياخذها ويدفعها على السرير وينزل بجسمه عليها ليهتف: بقي عايزاني أمشي؟

أروح فين بعيد عن قلبي اللي مشعوطني؟ ليهتف بحب: بحبك والله بحبك. بس هقول إيه. ليمُد يده من تحت برنسها لتصرخ. ليضحك بشدة ليقول: عايز بس أعرف مش عايزاني إزاي؟ قلبي ولع من كلمتك. ليمد يده أكثر. لتصرخ: بس بقى عيب بقله أدبك دي. ليهتف: لا والله ما هبص. أنا تقولي لي مش عايزاني إزاي؟ كان يداعبها وهي مشتعلة. لتهمس: بس بقى عيب. ليضحك ويهتف: عيب انت واسكتي خالص. لينزل ويقبلها بشدة لتذوب بين يديه. ليهمس: لسه مش عايزاني برضه؟

كانت ساهمة. ليمد يده يداعبها لتفيق وتصرخ. ليقول: والله ما هسكت معاكي للصبح. لتهمس: والله خلاص، بس بقى. ليهمس بحب ويتلمس شفتيها: خلاص إيه يا قلب أيان؟ لتنظر إليه بحب: بس انت وجعتني وقلبي بيوجعني. ليضع يده على صدرها ويقبله بحب. لتحس أنها ستموت بين يديه. ليقول: والله آسف وعهد عليا أشيلك فوق راسي العمر كله ولا أزعلك. ده أنتِ قلبي من جوه. لتهمس: يعني هتبطل تزعلني ومش هتتحكم فيا؟ لينظر إليها بهيام: أتحكم إيه بس!

ده أنتِ بتتحكمي وبتوديني وبتجيبي. وهموت وهفطس في إيدك. واسكتي بقى والله ما قادر. وانهال عليها يقبلها بحب ويغرقها بعشق. ليمر فترة وهما هائمين وقلبه سيخرج من مكانه. لتحس به يتمادي. لتتململ ليهتف: وحياتي ما تبعدي. مش قادر. لتهمس: لا، بس أوعى. عيب بقى. ليهتف: عيب إيه بس!

ده أنتِ مراتي. عيب انت. ده أنا بحبك لحد ما قلبي اتهري. آسف يا عمري إني وجعتك، آسف إني عذبتك وتعبتك. آسف على سنين وجع. كنت حمار وسببت لكِ ألم. آسف ألف مرة. كارمة انت روحي وعايزك مراتي وحبيبتي. لا يوم أتحكم ولا يوم أجبر. أيان كان مغرور وجبروت وكان ماشي في سكة الحديدي. جيتي انت وقلبتي دنيتي وخليتها أجمل. حبك رجع أيان للطفل اللي فقد نفسه. أيان كان قاسي، انت جيتي لينتيه. لينتِ الحديد وبقى طايع، بيتمنى حبيبه يجي يشكله على هواه. انت روحي ومراتي وحبيبتي.

لتنظر إليه بحب لتدمع عينها. ليندفع وينهال عليها ويخرج ما في قلبه. لتشتعل بحبه الذي أهلكها. ليبتعد ويهمس: بحبك. عايزك مراتي دلوقتي. هموت والله. لتقول بخجل: لا يا أخويا. انت هتضحك عليا. أنا ليا شروط. هو الجواز سهل؟ ليرفع حاجبيه: شروط إيه دي؟ لتهمس: عايزة فرح كبير وفستان وهيصة. هو انت هتاخدني كده سكيتي؟ ليقول: دا القمر يطلب وأنا أنفذ. لتبتسم بحب لتقول: طب يلا أوعي بقى. عيب كده.

ليرفع حاجبيه: لا، انت فاهمة غلط. أنا هعمل لك كل ده. إنما دلوقتي هعمل اللي هموت عليه. لتحاول أن تعترض لتهمس: أيان. ليقول بحب: عيونه وقلبه من جوه. والله هموت كده. لتقول: بس بقى بعد الفرح والنبي. ليهتف: طب بس انت عشان روحي هتطلع. ولو حصل إيه ما هبصش. اسكتي والنبي. والله الدخان هيخلص عليا. لتعترض: أيان! لا والنبي. أنا عايزة فرح وعروسة بقى. اسكت. ليهتف بحب: طب يعني هكمل بحسرتي كده؟ يوم القميص اتحسر ودلوقتي انقهر؟

لا والنبي ما يحصل. مش قادر. لتهتف: لا يا كوكو عشان خاطري، عايزة أفرح. ليهتف: طب ما نفرح عادي. إيه المانع؟ حبيبي قربه نار. هيخلص على جتتي. لتخبطه: طب يلا بقى وبطل. عيب. روح نام. وبعد الفرح تعالي. عيب أصلاً تنام جنبي كده قبل الفرح. ليهتف: انت هبلة صح؟ والله ما هيحصل. ليمد يده يتحسسها لتصرخ. ليهتف: يعني لا نوم ولا تحسيس؟ لا كده هفطس كتير على جتتي. بس بس. لتعترض: أيان! والنبي بلاش ت..

لتتوه كلمتها وهو لا يعطيها فرصة للكلام. لينهل من جمالها لتدخل معه في موجة من العشق التي ألهبتهم معا بعد سنين. ليحس أنه سيتهور. ليجمع نفسه ويتجلد وياخذها في حضنه ليهتف بعشقك يا قلب أيان. لتحتضنه بحب وتهتف: وأنا بعشقك يا كوكو والله. ليتنهد: دا إيه الغلب ده؟ والله كتير. ننام بقى عشان أنا ثانية وههجم عليكي. أخلص عليكي. يا رب تعبت. لتهتف: طب قوم، قوضتك وخلاص.

ليشدها إليه ويهتف: نامي يا كارما. والله ما هتحرك سنتي. هيبقي لا فعل ولا تحسيس. وبدأ في تحسسها. نامي وسيبيني أهدي نفسي بنفسي. لياخذها في أحضانه لتنام هي ويظل هو فترة يتلمسها بحب حتى نام أخيراً وهي في أحضانه. لا يريدان شيئاً من الدنيا. *** عند ليال دخلت على قاسم لتجده يبدو عليه التعب ومغمض عينيه. لتحس بوجع عليه. لتقترب بهدوء تتامله. ليمر وقت. لتسمعه يقول: هتفضلي واقفة تبصيلي كده؟ عارف إني مز وقمر، عادي.

لتغضب وتهتف: إيه اللي أبص عليك! انت عقلك خف؟ نام نام بلا كلام أهبل. ليقوم وينظر إليها بخبث ويشدها إليه بسرعة لتصرخ: إيه؟ فيه إيه؟ ليهتف: مش قلتي نام؟ وأنا هموت وأنام يا مدملك انت يا طري. لتصرخ وهو يحملها: احترم نفسك. والله ما هسكت لك دقيقة. ليذهب بها ويريحها على الفراش وينزل بثقله يشل حركتها ليقول: هتعمل إيه يا كتكوت؟ بس قول. لسانك ده بقى أطول منك. قول يا قمري يا مدوخني يا بت. هموت عليكي. يخربيت كده.

لتتململ وتحاول أن تبعده. ليشدها إليه ويقول: انت ما هتسكتيش. أنا عارف. ليقترب منها ويقبلها قبلة حارقة ألهمتها. حاولت ضربه ولكنه ضغط عليها وظل ينهل منها حتى انتهت بين يديه وهو يحركها كما يريد. وهيا معه بهيام. ليبتعد أخيراً. أعمل إيه؟ ده أنتِ هتموتيني من اللي والع جوه. لتظل تنظر إليه. ليقبل شفتيها بروية ويداعبها. وهيا مستكينة تنظر إليه ببلاهة.

ليهمس: لسه برضه ما هتسكتيش يا جامد انت. قلبي يا ناس. كان يقبلها قبلات متفرقة. ليبتسم أخيراً ويديرها. ننام بقى. عشان كده مش هسيبك يا مز انت. واحتضنها. لتتململ أخيراً. ليمد يده يداعب جلدها لتصرخ. ليضحك بشدة: أيوه نهده بقى عشان إيدي هتطيح فيكي وانت ناعمة وطرية كده. وقبلها من رقبتها واحتضنها وهتف: نام يا قلبي. ما هسيبكيش دقيقة. وأصلًا آخرك يومين وبعدها هدوس وأفرم. وإيدي اللي هتطوله هتاخده.

لتنساب مشاعرها وتبدأ في الاسترخاء وتندس بحالمية بين يديه. ليهمس: نامي يا قلبي وحسي بالأمان. لتنظر إليه وترق له ليبتسم. قاسم حبيبك ولا ليكي غيره. طفلتي بنتي اللي هفضل عمري كله حاططها بعيوني. ليديرها وينظر لعيونها. عارف إن جواكي وجع وأنا صابر. عارف إن ليال الطفلة نفسها ترجع بس موجوعة. خايفة تطلع تنام في حضن قاسم. لتنظر إليه بغلب. ليهمس: حاسس والله بيكي. حاسس إنك عايزة تسامحي بس موجوعة. حاسس إنك مش عارفة.

لتدمع عينها. عارف إن جالك كتير وهفضل صابر لو عمري كله. انت النفس اللي بتنفسه يا قلب قاسم. نامي يا عمري وحسي بحضن حبيبك إنه ولا يوم إلا هيكون سند ليكي. ولا يوم هتنامي إلا في حضنه. لأنه انخلق لكِ. كان يقبل رأسها ويتلمسها بحنان. وهيا مغمضة. يدخل كلامه يمس قلبها يداوي ما به من وجع. لتتنهد. ليقبل يدها ويهمس: تنهيدة الوجع دي هتبقى في يوم تنهيدة فرح. ليشدد عليها لتندس أكثر وتستكين.

ليهمس: حبيبي بالدنيا وما فيها. بس يشاور وأنا أقف للدنيا. قاسم عرف إن حبيبه مش عايز حاجة إلا الحضن ده. وعشان كده هيصبر ويدادي لحد ما يبقى حبيبي وحضني واحد. قاسم محاوطك يا نن عين قاسم. نامي واحلمي بالفرح كله. فاكرة حلمنا إني راجع آخدك في حضني؟ فاكرة وعدنا؟

أهو اتحقق وقاسم وفي بوعده إنك ترجعي حضنه وما تطلعيش منه. عشنا القرب في الحلم ودلوقتي عشنا القرب في الحقيقة. بس برضه لسه الحضن ما كملش وحبيبي ما دابش جواه. وهفضل مستني. عهد عليا لأفضل لك حبيبك. مستنيكي تقولي مسامحة يا قاسم. حبيب ليال ويرجع قلب قاسم لقلب ليال. لتنساب في أحضانه وتلتصق به هائمة بحنيته وكلامه. شاعرة بنفسها تتوه في دنيا جميلة بعيدة عن أي وجع.

ليضع يده على قلبها: هصبر لحد ما يدق بفرح. يدق ويقول حبيبك راح وجعه. قلب الدهب هيسامح. ده أنا متأكد منه. لتفتح عيونها الدامعة: بصي لي واعرفي إني مستني قلبك أفرح بيه. لتهمس بحنان: قاسم.. أنا.. أنا... ليقبلها قبلات متفرقة. ليهمس: ما تقوليش. أنا حاسس وعارف بيكي إيه. انت نفسي يا ليال. وعن طيب خاطر مستني. صحيح موجوع بس مستني. يا قلب قاسم. لتتنهد.

ليهمس: تنهدتك دي بتوجع قلبي. أنا بحبك وهفضل أحبك ومستني. بس نظرة رضا. بس نظرة. ليشدها أكثر: نامي يا قلبي من جوا. نامي واهدي وحسي بحبيبك. لتنام أخيراً وبداخلها إحساس بالأمان والاحتياج الشديد لحبيبها. لتكلبش فيه رغماً عنها وتلتصق به.

ليشدد عليها: هانت يا عمري هانت. حاسس إن حبيبي بيرجع لي. ويفضل قلب قاسم لقلب ليال العمر كله. أخدك وأسعدك. مستني أسعدك يا عمري والله مستني. هانت يا عمري هانت وهفرح بيكي قريب. يا رب ردهالي وشيل وجعها وفرحني بيها على قد صبري ووجعي. ليشدد عليها وينام أخيراً هائماً بمن أضنت قلبه.