رواية قطتي الشقية الفصل الثامن والعشرون 28 - بقلم همس كاتبة

وقف أسد وقال بصوت عالٍ: 86.6% صرخت مليكة بصوت عالٍ وحضنته، وهو من شدة السعادة رفعها عن الأرض. عم صوت الصراخ والصفير والزغاريد. ونهال سحبت مليكة وحضنتها وهي تبكي من الفرحة. كان الكل يبارك لها ويحضنها، وأخواتها يبكون من الفرحة. مليكة برجفة: أ.. أمنية؟ نهال: أيوه صحيح.. ظهرت نتيجة أمنية يا خالد؟ خالد بتوتر: لغاية الآن ما ظهرتش عندها.. السيستم معلق. عند أمنية: أماني: اهدي يا حبيبتي، أكيد هتظهر بس عشان في ضغط.

أمنية بدموع: يا ربييييييي. فجأة صرخت بصوت عالٍ وقالت: نجحتتت.. 88%.. أعاااااااا. أمسكت أماني الموبايل وبسرعة قالت لخالد. خالد بسعادة: نجحت.. 88%. مليكة بفرحة: الحمد لله.. يا رب لك الحمد، ما ضاعش تعبي ولا تعبها. زينب: هروح أجيب الشربات والحلويات.. ده كل قرايبنا هيزورونا النهاردة. دنيا: ألف مبروك يا ملوكة. مليكة بسعادة: ربنا يبارك فيكي يا حبيبتي. رزان: بقولكم إيه، إحنا الليلة هنعمل حفلة لملوكة عشان نجحت.

فراس: أيوه هنعملها بره في الجنينة.. خلى التجهيزات عليا أنا وسليم، انتو حضروا حلويات وعصاير وأكلات كده يعني عشان نتبسط. إيمان: أنا بقول نطلب أكل من بره للكل ونجيب دي جي ورقص وكده. محمد: ما تجيبي رقاصات من مرة.. جرا إيه يا إيمي. إيمان: أيوه أنا بقترح يعني. مليكة بابتسامة: أنا بقول بلاش فوضى.. يعني نعمل قعدة حلوة وهادية وخلاص. رزان: أهي جات غراب البين. مليكة بشقة: أنا يا رزان غراب؟

رضوى: سيبك من العيال السيس دول وقوليلي هتدخلي كلية إيه. مليكة: مش عارفة. أسد بهدوء: بعدين هنقعد نفكر مع بعض وهي تختار. إبراهيم: المهم يا مليكة إنك تختاري حاجة بتحبيها وتكون مناسبة ليكي ولطبيعة حياتك. مليكة بابتسامة: والله لسه محددتش.. أنا ما توقعتش إن مجموعي هيكون كويس أصلاً. صباح: أهو ربنا جبر بخاطرك يا حبيبتي.. عقبال ما نشوفك عروسة. أسد سحب مليكة ليه وقال بحب: هتكون أحلى عروسة. سليم: يا عم الرومانسي.

خالد: طول عمره صاحب مزاج.. طب بقولكم إيه.. إيه رأيكم النهاردة نعمل قعدة عربي ونسهر ونلعب وكده يعني نحتفل بمليكة وأمنية بقى. فراس بسخرية: وهي ست الحسن بتاعتك فين يا عم.. دي مش معبراك خالص. خالد بعبوس: عادي نكلمها فيديو كول ونفرح معاها. أتت زينب وقالت: روّقوا البيت بسرعة يا بنات جايلي ضيوف ياما عشان يباركو لمليكة.. وإنتي يا حبيبتي اطلعي البسي حاجة حلوة عشان تستقبليهم معايا. مليكة: حاضر يا طنط.

مر اليوم وجاء ضيوف كتير وبعدين راحوا. كان اليوم كله سعادة وابتهاج لغاية ما جاء الليل والساعة بقت 12:00. كانوا قاعدين في الجنينة قعدة عربي ومشغلين أغاني أم كلثوم وكل العيلة قاعدين. سليم وفراس بيشيشوا ورزان وغدير ورضوى قاعدين معاهم وبيصوروا مع بعض ستوريات. خالد وأسد ومليكة وإيمان ومحمد ومروان ودنيا بيلعبوا كوتشينة وكل شوية يتخانقوا. هشام وإبراهيم ومهران قاعدين بعيد عنهم شوية وبيتكلموا عادي.

والستات مبسوطين وكل شوية بيقدموا أكلات أو مشروبات. كان جو لطيف وهادي مليان محبة وألفة والكل مبسوط وفرحان. إبراهيم: واضح إنكم حابين تسهروا وأنا مقدرش على السهر.. هطلع أنام وانتوا هليكم قاعدين. صباح: والله وأنا كمان نعست، استنى هطلع معاك. سليم بهمس: جدك طول عمره شقي حتى بعد العمر ده هيستفرد بصبوحة. فراس: يا شيخ اتهد منك لله، دي جدتك يا حمار. سليم: آه صحيح. فراس: متخلف. ذهب الكبار جميعهم وفضل بس الشباب.

رزان باستغراب: مالك يا مليكة. مليكة بخنقة: اتخنقت أوي من الشيشة.. خلاص بقى شيلوها أنا هرجع. سليم بضحك: لا استني علينا شوية، إنتي دوبك لسه خلصتي ثانوية. مليكة باستغراب: مش فاهمة إيه جاب سيرة الثانوية بالشيشة. رزان بحدة: أقسم بالله لو ما احترمت نفسك هكون مهزقاك قدام الكل. سليم بسخرية: يمامييي خوفت أوي. قرب أسد من مليكة وقال بأذنها: قصده يعني في بيبي. مليكة: والله؟! متخلف.. بقولك إيه أنا زهقت تعالا نطلع أوضتنا.

أسد بغمزة: طلعتي مش سهلة يا بت. ضربته على صدره وقالت بخجل: بلاش قلة أدب، قصدي نرتاح شوية طول اليوم وأنا واقفة على كعوب رجليا هموت. أسد: بعد الشر عليكي يا روحي.. يلا تعالي. ومسك إيدها وأخذها للأعلى. خالد: يا رب امتى هبقى زي أسد آخد مراتي من بين الكل وأخرج ومحدش يقدر يفتح بوقه. مروان: يا عم إنت موضوعك هيمشي بسرعة، أنا الولية اللي عندي هتموتني ناقص عمر. خالد: يلهوي.. ربنا يعينك على ما بلاك.. دنيا تشيب بلد بحالها.

دنيا بغضب: والله يا سي خالد! .. وأنا يا مروان بيه مش عاجباك كمان؟! أومال اتنيلت على عينك وخطبتني ليه. مروان برومانسية: عشان بحبك يا روحي. رضوى: لا راعوا السناجل يا عم.. جو العشاق والمحن ده خلوه بالسكوتة. دنيا بمشاكسة: أصلا كلكم غيرانين عشان بيحبني. محمد بهمس لإيمان: ربنا يشفيهم، عيلتك كلها مجانين. إيمان بضحك: سيبنالك العقل يا أبو عقل. ***************** في أوضة أسد ومليكة:

أسد: حبيبتي اللي نجحت بالثانوية ورفعتي راسنا كلنا. مليكة بدلع: أيوه. أسد بعشق: اممم لازم مكافأة مش كده؟ مليكة: أيوه لسه كنت هفكرك. أسد: وهو ينفع أنسى؟ انتي روح قلبي وأهم حد بحياتي.. استنى أوريكي جبتلك إيه. مليكة بسعادة: إيه؟ تناول علبة من التسريحة وقال بحب: اتفضلي. أمسكت مليكة العلبة وهي تبص له وعينيها بتلمع، أول ما فتحتها ابتسمت بتلقائية.. كانت سلسلة فضة محفور اسمها واسم أسد عليها، وتحت السلسلة في عازل ممكن سحبه

(يعني في طبقة تانية تحت) مليكة بسعادة: إنت عرفت منين إني بحب الفضة. أسد بحب: من الأكونتات اللي بتابعيها على الانستجرام.. حسيت إنك بتحبي الفضة أكتر حاجة فجبتهالك عشان تفضل ذكرى حلوة. مليكة بابتسامة: للدراجادي متابعني. أسد: طبعًا يا روحي أنا بحب كل تفاصيلك.. المهم شوفي اللي جوه العلبة من تحت. مليكة: بال أول لبسني السلسلة. أسد: حاضر يا حبيبتي. لبسها إياها وهي كانت فرحانة جدًا كأنها طفلة صغيرة.

مليكة: شكلها تحفة يا أسد.. ميرسي جدًا يا حبيبي. بعد شوية: سحبت القطعة العازلة وجحظت عيناها وقالت بصدمة: إيه ده؟!!!! أسد بابتسامة: إنتي شايفة إيه؟ مليكة بصدمة: مفتاح عربية! أسد بضحك: طيب.. ده الهدية بقى. مليكة: لا يا أسد أكيد غالية أوي مينفعش، وبعدين أنا أصلاً معيش رخصة سواقة. أسد بابتسامة: مفيش حاجة تغلى عليكي يا حبيبتي.. وبعدين أنا معاكي وهعلمك السواقة لغاية ما تبقي محترفة. مليكة بسعادة: أنا بحبك أوي يا أسد.

أسد بعشق: وأنا بعشقك يا روحي ولو تطلبي عمري يرخص لك. رفعت نفسها حتى وقفت على أطراف أصابعها وحاوطت إيدها رقبته وحضنته بقوة. هو استغل الوضع ده ورفعها أكتر ليه وقال: لازم نحتفل بالمناسبة دي. مليكة بضحك: يا أسدددد.. عايزة أشوف العربية. أسد: بعدين. ************************ تسريع للأحداث: بعد مرور كم يوم: في أوضة الضيوف كان قاعد أمير ومعاه أخته الكبيرة (مهجة 36 سنة) وجوزها.

جوز أخته: والله يا إبراهيم بيه سمعتكم سابقة، واحنا يشرفنا نطلب إيد الآنسة رضوى لابن حمايا وزي أخويا أمير على سنة الله ورسوله. إبراهيم: طبعًا إحنا لينا الشرف بنسبكم، وأمير صاحب أولادي وأحفادي وعشرة عمرهم.. بس الأصول بتقول نسأل العروسة.. وهي أكيد محتاجة وقت تفكر. جوز أخت أمير: طبعًا تاخد وقتها وبراحتكم.. وإن شاء الله هيكون في نصيب. إبراهيم: إن شاء الله.

دلفت رضوى وقدمت القهوة وكانت نظرات مهجة تفترسها من فوق لتحت برفعة حاجب. مهجة: ما شاء الله زي القمر. صباح: ربنا يخليكي. أمير بابتسامة: والهانم دي تبقى مين. رضوى بهمس: ماما. كان بيشرب القهوة بس كان هيدلقها على نفسه وقال بصدمة: دي مامتك دي؟ ده أنا افتكرتها أختك الصغيرة. أسد بضحك: مش للدراجادي يا أمير. أمير بابتسامة: والله ما باين عليها.. طب ينفع نكنسل عن رضوى ونخطبها هي يا إبراهيم بيه.

إبراهيم بضحك: عايز تخطب مراتي يالا. هشام بضحك: خلاص هينزلولك المهر يا أمير اتلم بقى. صباح بضحك: يخرب عقلك يا واد دمك شربات. أمير بضحك: طب ع سيرة الشربات فين الشربات يا حماتييي. مهران: حماتك!!!! لسه العروسة ما وافقتش يا ابني اصبر كم يوم متستعجلش على إيه. مهجة: ربنا يكتبهالك يا أمير، والله نسب عيلتكم ده شرف لينا يا ست صباح. ******************** مليكة: خلاص وأخيرًا أنا دلوقتي هتفرغ لفرحي.. عايزة أجهز كل حاجة بالراحة.

غدير: أيوه فعلًا إنتِ ملحقتيش ترتاحي. إيمان: راحة إيه ده الفرح فاضله 17 يوم. دنيا: طيب هنلحق يا إيمي عادي، المهم دلوقتي يا مليكة إنك تروحي الفيلا بتاعتك وتظبطي ديكورها على ذوقك.. وبعدين ابدأي حضري جهازك.. وموضوع فستان الفرح والميكب أرتيست ده خليه آخر حاجة. رزان: وإحنا كمان لازم نشوف هنلبس إيه. إيمان: أنا اخترت الفستان اللي هلبسه. غدير: وأنا كمان حجزت فستاني.

إيمان: بقولكم إيه.. تعالوا ننزل نطمن على رضوى دي هتموت من التوتر. دنيا: يلا أنا هاجي معاكي. نزلوا تحت كلهم. زينب: واضح إن رضوى موافقة دي طايرة من الفرح. نهال: يا رب يهدي بالها ويجبر بخاطرها.. والله دي غلبانة واتوجعت أوي من الزفت اللي كان خاطبها. زينب: هشام قالي عن أمير كلام حلو جدًا أنا حاساه كويس ومناسب ليها. أتت مليكة من وراهم وقالت بتعب: حد شاف موبايلي؟ زينب: أيوه ع الشاحن. مليكة بتذكر: أيوه والله نسيت.

نهال بقلق: مالك يا مليكة.. وضعك مش عاجبني أبدًا.. من بعد النتيجة وإنتي تعبانة وحتى خسيتي أوي.. في إيه؟ مليكة: والله مش عارفة يا ماما أنا فعلًا بتعب أوي وعلى طول دايخة. نهال: لا لازم ناخدك للدكتور.. ده حتى أكل مش بتاكلي كويس. زينب بلهفة: مش يمكن حامل.. روحي اكشفي دي أكيد أعراض حمل. نهال: يا ولية اتهدي.. البت تعبانة ومش حامل ما تقلقيش. إنتي ما صدقتي.

زينب بعبوس: وفيها إيه لو تعمل تحاليل تطمنا.. يا بت ما ترديش على أمك دي مش عارفة مصلحتك. مليكة بضحك: يا طنط والله أول ما يحصل هقولك.. بس أنا مش حامل دلوقتي.. خلاص أوعدك هفاتح أسد بالموضوع ونفكر تاني. زينب: يا بت المال والبنون زينة الحياة الدنيا.. يعني العيال دول اللي هيهنوكي ويفرحوا قلبك و أكيد أسد نفسه بعيال وما تشيليش همهم أنا أهتم بيهم وأشيلهم في عيني وانتِ ذاكري وعيشي حياتك.

مليكة بضحك: حاضر يا طنط.. أنا هروح أنام لأني بجد تعبانة. نهال: الليلة خلي أسد ياخدك للدكتور.. مش معقولة حالتك دي أغلب اليوم نايمة. زينب: وحللي من مرة.. مش يمكن يطلع في بيبي. نهال: يوووه أنا زهقت هروح أشوف الطبيخ. التفتت نهال إلى دنيا وإيمان ورزان متجمعين عند باب أوضة الضيوف وحاطين أذنهم على الباب بيتجسسوا عليهم. نهال بهمس: يخرب بيتكم هتفضحونا تعالوا هنا. إيمان: ثواني يا ماما عايزين نسمع بيقولوا إيه.

نهال: يا بنت الكلب تعالي هنا لحد يشوفكم. دنيا: ما تقلقيش يا طنط كلهم بيتكلموا. فجأة سليم فتح الباب وهما التلاتة وقعوا فوق بعض قدام الضيوف. نهال لطمت على وشها ورزان قامت بسرعة وهربت ودنيا بتحاول تقوم عن إيمان معرفتش إلا لما سليم ساعدها وقفل الباب تاني. غدير من وراهم: تستاهلوا أقسم بالله. نهال: عيال تشل. صباح بإحراج: عيال.. أكيد مش قصدكم. أمير بضحك: ولا يهمك يا صبوحة.

مهجة كانت كاتمة الضحكة وبتتتفرج لجوزها وهو بيحاول ما يتأثرش. ******************* بعد وقت راحوا الضيوف. صباح: أقسم بالله ما عندكم دم فضحتونا. إيمان: والله من غير قصد. مهران: من غير قصد لقيتوا نفسكم التلاتة لازقين بالباب؟ دنيا بتوتر من نظرات والدها قالت: إحنا آسفين. رزان بسخرية: عادي على فكرة كل الناس بتعمل كده. نهال: رزان اخرسي. زينب: أسد يا ابني اطلع شوف مراتك. أسد: ليه مالها؟ حصلها حاجة؟

زينب: لا بس من الصبح مش على بعضها وتعبانة على طول.. أنا بقول خدها للدكتور. أسد بصدمة: طيب طيب. وطلع بسرعة لأوضتها. مهران بقلق: هي مالها؟ نهال: من يوم النتيجة وحالها مش عاجبني وعلى طول تعبانة. إبراهيم: إن شاء الله بسيطة.. يمكن مع التوتر. صباح: ليكون حد عملها عمل ولا سقاها حاجة.. دي حتى فرحها قرب. رزان: إيه الخزعبلات دي يا تيته الكلام ده زمان في الجاهلية.

إيمان: والله يا حبيبتي السحر ورد في القرآن.. يعني ممكن…. بس إن مليكة مين هيعملها حاجة دي بت غلبانة. نهال: ما أعتقدش عمل.. أتوقع بسبب قلة الأكل والتوتر البنت مضغوطة أوي. مهران: فعلًا الفترة اللي فاتت كلها ضغط عليها.. هطلع أطمن عليها. خالد بغمزة: طب إيه يا رضوى ما قولتيليش رأيك بالعريس. رضوى اتكسفت وقالت: وإنت مالك. إبراهيم: أيوه يا بنتي في قبول ولا لا. رضوى: عايزة أفكر يا بابا.

هشام: يا بنتي إحنا قصدنا مبدئيًا في قبول.. يعني حاساه ممكن يناسبك ولا لا. رضوى بتوتر: ها. دنيا بمشاكسة: اللي بيقول ها معناها سمع ومش لاقي جواب. صباح: ربنا يجيب اللي فيه خير.. فكري على مهلك يا حبيبتي. ********************* دلف أسد بسرعة وجدها نائمة. قرب منها وحط إيده على رأسها وجد حرارتها معقولة.. بدأت يده تتحسس وجهها بتلقائية قرب من شفتيها وباسها بهدوء وهي صحيت وابتسمت. أسد بحب: مالها ملكة قلبي؟ قالولي تعبانة.

مليكة ببحة: مش أوي يا حبيبي.. بقيت أتعب الأيام دي شوية. أسد: طب يلا قومي. مليكة بتعب: ليييه. أسد: هلبسك وهاخدك للدكتور. مليكة: بعدين.. والله مش قادرة. أسد: هتقومي يا مليكة يلا.. هجيبلك لبس. مليكة: هفففف اهو قايمة. خبط الباب ومليكة دلفت الحمام. أسد: ادخل. مهران: فين مليكة يا أسد.. هي مالها. أسد: دخلت تغير هدومها وهاخدها للدكتور. مهران: طيب يا ابني ابقى طمني. أسد: ماشي. بعد وقت: خرجت مليكة ونزلت مع أسد وإيديهم متشابكة.

سليم بمشاكسة: متأكدين إنكم رايحين للدكتور بس؟ أسد: وإنت مالك.. اتلم بقى. سليم بضحك: لا بس بطمن. إبراهيم: ابقى كلمنا وطمنا عليها يا أسد. أسد: حاضر يا جدي. سليم باستغراب: نو فين فراس؟ أنا مشفتهوش من الصبح. غدير: بقاله من الصبح في الشغل. إبراهيم: رزان كلميه وطمنينا عليه. رزان: حاضر. عند أسد ومليكة: طلعوا في العربية ووصلتها رسالة واتساب من رقم مش متسجل عندها.

فتحتها وقرأت محتواها: "عمري ما هسامحك يا مليكة، أنا عارفة إنك مليكيش ذنب بس إنتي السبب، هو حبك إنتي ما حبنيش أنا، إنتي سبب بعده عني، خطبني عشان عايز يغيظك مش أكتر، على طول بيحطني بمقارنة معاكي، أنا لغاية الآن مش قادرة أتأقلم على بعده عني، حبيته وعشقته وإنتي بكل بساطة خليتيه يبعد عني، عمري ما هسامحك ومش هسامحه هو كمان، حسبي الله ونعم الوكيل فيكم." نظرت إلى أسد بصدمة. أسد: مالك يا روحي.

مليكة بدموع: مش عارفة مين باعتلي المسج دي.. هو أنا عملت حاجة غلط؟ أخذ الموبايل من إيدها وقرأ الرسالة. أسد: اممم دي اللي كانت خطيبة شادي.. أهي بتقول "خطبتي عشان يغيظك".. ما تزعليش يا حبيبتي دي ولا تسوى أصلًا. تجمعت الدموع بعينيها. أسد: لا.. مش هنعيط بقى.. مليكة إنتي مليكيش ذنب.. ما تحمليش نفسك ذنبها.. عشان الحق كله على شادي ومحدش ليه حق يلومك. أخذت نفس وقالت بخنقة: أسد أنا خايفة. أسد: ليه يا حبيبتي.

مليكة: حاسة إني مش مرتاحة.. خايفة تحصل حاجة يوم الفرح تزعلني. أسد مسك إيدها وباسها وقال: مش عايز توتر يا قلبي.. مفيش حاجة في الفرح هتمشي إلا بمزاجك ومش هسمح لأي مخلوق يزعل مليكتي.. اطمني يا روحي وما تشيليش هم حاجة.. والبت دي واحدة مش بتفهم أصلًا جاية تعلق عليكي مشاكلها عشان مش لاقية حد تلومه. مليكة بحب: إنت دايمًا بتطمني يا أسد.. وجودك جنبي مهم أوي.. إنت بالنسبالي كل حاجة.. أنا بحبك أوي.

سحبها لحضنه وقال: وإنتي حياتي وملكة قلبي.. مقدرش أعيش من غيرك أبدًا. ********************* على البلكونة: غدير: أنا فتحت فراس وجدو بموضوع إني أسافر. سليم: إزاي يعني مش فاهم؟ وإصلاً مش اتفقنا إنك مش هتسافري؟ غدير: منا قوللتلك إني حابة أبعد شوية عن هنا.. عايزة أخرج شوية من الجو ده وأسافر وأشوف الدنيا. سليم: بس لو سافرتي الإمارات معايا كده هيجبروكي تقعدي عند باباك أو في بيت للطلبة. غدير: لا منا مش هسافر معاك….. يتبع.