رواية قطتي الفصل الثالث 3 - بقلم ندى

حمدي / يا ولدي جولتلك من خرج من داره اتقل مجداره. علي / هههه معاك حق يا بوي. حمدي / فين أسد وفرح؟ علي / فوق، أسد خد فرح وطلعها تقريبا عشان تغير اللي هي لابساه. حمدي / معلش، أسد بيغير على فرح شوية. علي / عامل زي المجنون ههههه، زي ما يكون بيحبها. حمدي / وهو الحب حرام؟ علي / لا مش حرام، بس فرق السن لوحده كفاية، أسد أكبر بكتير من فرح. حمدي / ومن امتى الحب بالسن يا ولدي. علي اتعصب جدا من تلميحات ابوه إن أسد بيحب فرح.

علي / يعني إيه؟ حمدي / أنا هجوز فرح لأسد. علي / أنا مش هسحلكوا تعملوا كده. حمدي / وده بصفتك إيه؟ علي بزعيق / أنا مش هسمحلكوا تظلموا فرح بالشكل ده، فرح اختي ولسه صغيرة، ولما تتجوز هتتجوز واحد من سنها يفهمها ويبقى بنفس تفكيرها. حمدي بصوت عالي / أنت ملكش صالح عاد. عند أسد، سمع صوتهم من فوق ونزل يشوف في إيه. فرح غيرت الدريس ببنطلون وتيشيرت تلت كم ونزلت ورا أسد. أسد / في إيه؟ صوتكوا واصل لحد فوق.

علي / تعالى شوف أبوك بيقول إيه. أسد / في إيه يا بوي؟ حمدي / كل ده عشان جولت إني هجوزك فرح. علي / أنت موافق على الكلام ده؟ أسد / اسمع يا علي، أنا في الأول قولت لأ، بس بعدين فكرت وقولت هتجوزها عشان تبقى قدام عيني وأعرف آخد بالي منها، لما تسافر هروح معاها وابقا مطمن عليها دايما. علي بسخرية فضل يسقف لأسد / لا. لا برافو. يعني هتتجوزها عشان تخلي بالك منها وتحافظ عليها؟ أسد / مالك يا علي في إيه؟

علي / في إنكوا كده بتظلموا فرح، في إنك أكبر من فرح بكتير جداً، في إن فرح لسه صغيرة، ولا أنت مش واخد بالك يا أسد؟ فرح من ورا أسد / هو إيه ده اللي أسد مش واخد باله منه يا علي؟ حمدي بسرعة / س. سيبك انت يا فرح، اتنين إخوات وبيتكلموا مع بعض. فرح / امممم. طيب. علي عايزة أتكلم معاك شوية. علي / تعالي يا فرح. علي خد فرح ونزلوا قعدوا في جنينة القصر. أسد طلع غرفته وفضل يفكر في كلام علي وهل هو كده بيظلم فرح ولا لأ؟

لحد ما راح في النوم. عند علي وفرح. علي / ها يا ستي قولي عايزة إيه؟ فرح بدموع / أنا... عايزة أمشي من هنا، عايزة أسافر وأرجع تاني كايرو، مش عايزة آجي هنا تاني. علي / اهدي، بتعيطي لي؟ هو حد زعلك هنا؟ فرح / لا لا، أنا بس كنت فاكرة إني هتعود على العيشة هنا، بس كنت غلطانة. محدش هنا عاجبه أي حاجة أنا بعملها، لبسي، خروجاتي، أي حاجة بحبها مبتعجبهمش هنا. علي / Where's My strong love? أين هي حبيبتي القوية؟

فرح / أنا عمري ما كنت قوية للأسف، أنا بدَّعِي إني قوية بس أنا في الحقيقة ضعيفة ومن جوايه ضعيفة أوي. علي حضنها وابتدى يهديها ويطبطب عليها بحنان. علي / إنتي عمرك ما كنتي ضعيفة، حتى ف أشد الأوقات كنتي أقوى واحدة عرفتها. اهدي وأنا هعملك اللي انت عايزاه. فرح / بجد هنسافر؟ علي / أيوا. وسكتوا شوية. علي / فروحتي؟ فرح / ههه نعم. علي / بقولك إيه لو افترضنا إن في واحد اتقدملك بس هو أكبر منك بكتير، توافقي عليه؟

فرح / كبير بقد إيه يعني؟ علي / أكبر منك بـ ١٥ سنة. فرح / وده هيتقدملي أنا ليه هههه. علي / يا بنتي افترضي اتقدملك. فرح / معرفش على حسب، بس غالباً لأ. علي / اممم تمم. مش هتنامي بقا ولا إيه؟ فرح / تعرف يا علي إنك كنت واحشني أوي، مكنتش بلاقي حد أنكد عليه. علي / أنا مكنتش بلاقي حد آخده ف حضني وأعيط هههههههه. فرح / حاسب طب. علي / يا شيخة حاسب بعد ما خلصتي كلام. فرح / آه هههههه عايزة أنام. علي / طب يلا قومي.

فرح وعلي طلعوا وكل واحد دخل نام في غرفته. تاني يوم الصبح. فرح كالعادة بتصحى على صوت المنبه بعد ما بتفصله عشر مرات. فرح / هااا كده مش هلحق أفطر. والتليفون بيرن، مردتش وقامت خدت دش ولبست تيشيرت بنص كم أبيض وجيبه جلد سودة وعملت شعرها الأصفر ديل حصان ونزلت. أسد / ما لسه بدري، إيه كل ده نوم؟ فرح / هو أنا بنام بعينك انت؟ أسد / إنتي عارفة الساعة كام؟ فرح / آه ٢ ونص. أسد / كويس إنك عارفة والله. فرح / حاسب طب نزلني.

أسد / تعالي. فرح / آجي فين عاااا. أسد شالها ونزلها. أسد / إيه أوامر تانية يا قمر؟ فرح / اوف يا أسد اوف. تليفون فرح رن تاني. فرح / الو أيوا يا سارة. سارة / ساعتين عشان تردي. فرح / معلش اصلي لسه صاحية. سارة / طيب قابليني في الكافيه ده عشان مش هعرف أعدي عليكي معلش. فرح / امممم طيب باي. وقفت. فرح بتبص لأسد بابتسامه / قطتي. أسد / لا من غير قطتي، أنا ماشي كده كده. فرح / استنى بس. أسد / عايزة إيه؟

فرح / ما انت عارف ما تستعبطش. أسد / ما إيه؟ فرح / تستعبطش، عايزة مفتاح العربية والنبي يا أسد. أسد / إنتي بتشتمي وعايزة مفتاح عربيتي يا جباروتك يا شيخة. فرح / خليك جنتل بقا، عربيتي بتتصلح. أسد / طيب هوصلك. فرح / يا سيدي بقا أسد باشا هيوصلني بنفسه. أسد / هههه شوفتي يلا. علي نزل وشاف فرح. علي / فروحتي صحيت، صباح الجمال. فرح / صباح النور يا حبيبي. علي / رايحة فين؟ فرح / هقابل سارة صحبتي ونعمل شوبنج، وأسد هيوصلني.

علي / طب أنا كده كده خارج، هوصلك أنا. فرح / لا لا هروح مع أسد، عشان عايزة أتكلم معاه ف حوار كده. علي بيأس / تمم باي. فرح / هادي باي باي اشكيم هههه. أسد خد فرح وبص لـ علي بعتاب وخرج. قدام القصر. فرح / أسد والنبي أقولك نكتة. أسد / اركبي بس الأول. ركبت العربية وأسد كمان ركب واتحركوا. الاتنين اتكلموا في نفس الوقت. أسد / أنا عايز أسألك سؤال. فرح / عايزة أسألك سؤال. أسد / طيب قولي انت الأول. فرح / خلاص انت الأول.

أسد / إنتي بتحبي علي، أو هو بيحبك؟ فرح / يا نهار أسود. أسد / ردي على السؤال. فرح / أيوا طبعاً بحبه. أسد غمض عينه بحزن وقال / تمم. فرح / علي ده.. أخويا اللي بتمناه من الدنيا، دايماً واقف جمبي وعلى طول معايا ف أي حاجة، مش بيعترض على لبسي أو خروجاتي زيك. أسد / يعني بتحبيه زي أخوكي؟ فرح / وأكتر. أسد / ما ترسي على حاجة بقا. فرح / إنت بتسأل لي يا أسد؟ أسد / ........ فرح / قطتي رد عليا، بتسأل لي؟

أسد بضيق / عادي سؤال جه ف دماغي فسألت عشان إنتوا قريبين من بعض جداً. فرح / امممم. طب انت مدايق لي؟ أسد / ....... فرح / طب انت بتغير عليا منه يعني؟ أسد / ....... فرح / قطتي؟ أسد وقف العربية فجأة وفرح اترعبت. فرح / بسم الله في إيه؟ أسد / بحبك.