رواية قطتي الفصل الرابع 4 - بقلم ندى

أسد: بحبك. فرح: حبيبي، وأنا كمان. بس ليه الخضة دي؟ أسد: لا، انت مش فاهماني. أنا بحبك وعايز... فرح: متكملش دلوقتي. أسد: ليه؟ في إيه؟ فرح: أصل أنا... هتأخر يا أسد. هتأخر. سارة مستنياني. أسد: طيب. هوصلك. فرح: يلا. وبالفعل أسد وصلها. وطول الطريق فرح متكلمتش، ولا أسد اتكلم، على عكس اللي بيحصل على طول. أسد: يلا، وصلنا. انزلي. فرح نزلت من العربية، وأسد كمان. أسد: يلا سلام. فرح: باي.

أسد لسه هيركب العربية ويمشي، لقى فرح بتجري عليه وبتحضنه. فرح (جمب ودنه) : بحبك. أسد حضنها بتملك. فرح: احم... أسد... يا قطتي... سيبني عايزة أمشي. أسد: آه. طيب. فرح دخلت الكافيه، وسارة كانت مستنياها جوه. فرح: سرسور، عاملة إيه؟ سارة: فروحتي الحمد لله. كل ده يا باردة؟ فرح: بصي، هحكيلك إيه اللي حصل بس بعد ما أفطر، عشان مفطرتش. سارة: قصدك تتغدي؟ فرح: ههههههه، زي بعضه.

فرح طلبت لنفسها دونت وبان كيك ونسكافيه. سارة طلبت آيس كوفي. سارة: ها، اتكلمي. فرح: هو لو حد قالك إنه بيحبك، تقولي له إيه؟ سارة: نعم؟ هو حد قالك إنه بيحبك؟ فرح: ردي بس. سارة: معرفش. لو بحبه هقول له وأنا كمان. لو لأ، هطنشه. فرح: اممم، يعني مش ممكن يكون بيقولك بحبك عادي زي أختي وكده؟ سارة: لا، محدش هييجي يقولك بحبك ويبقى قصده زي أختي. ههههههه. فرح: أو ماي جاد. سارة: مالك؟ في إيه؟ فرح: أصل أسد قالي إنه بيحبني.

سارة: أسد ابن عمك؟ فرح: آه. سارة: ده بقا بيحبك زي بنته. فرح: مبهزرش. سارة: طب وانتي قولتي له إيه؟ فرح: قولتي له وأنا كمان. بس أنا مسيبتوش يكمل وقولت له بسرعة عشان اتأخرت. سارة: انتي هبلة. فرح: ليه؟ عملت إيه؟ سارة: ما كنتي تسيبيه يكمل وتعرفي هو قصده إيه، بدل ما انتي جاية تسأليني. فرح: منا مكنتش هعرف أتكلم ساعتها. سارة: هو انتي بتحبيه؟ فرح: طبعًا يا بنتي، بس حب القرايب ده، يعني مش حب وجواز وكده.

سارة: يا ختي، حلوة. ودي نسميها إيه؟ فرح: أووف، يلا نمشي. سارة: طب خلاص، فكك وانسي اللي حصل. هكمل الآيس كوفي ونمشي. فرح قاعدة بتفكر في أسد وإنه ممكن يكون بيحبها فعلًا، ولو مكنتش وقفته كان هيتقدملها. فرح: بس لا لا لا، أنا مش عايزة أتخطب دلوقتي خالص، مش قبل ما يبقى عندي 25 سنة. لأ. لا. سارة: بتوشوشي نفسك؟ بتقولي إيه؟ فرح: بشتمك. يلا نمشي. سارة: يلا. هههههههه. وربنا يسامحك.

سارة وفرح مشيوا من الكافيه وعملوا شوبنج. فرح اشترت ماسكات وميكب وفساتين. سارة اشترت أحذية وجواكت جلد. تليفون فرح رن وهم راجعين. فرح: الو، يا علو. علي: انتي فين؟ فرح: ما أنا قولتلك، كنا بنعمل شوبنج وراجعين. علي: طب ارجعي يلا. فرح: في حاجة؟ علي: لا، بس ارجعي بسرعة. فرح: تمام. وقفت. سارة (بتمثيل) : فرح، آه رجلي بتوجعني أوي. فرح: من إيه؟ سارة: معرفش. ممكن تطلعي معايا البيت؟ فرح: حاضر، تعالي. على مهلك.

فرح طلعت مع سارة ودخلتها الأوضة، وسارة قعدت على السرير. فرح: أتصل لك بدكتور؟ سارة: ههههههه. لا لا، ده أنا بس كنت عايزة أعمل لك ميكب أرتست عندي. فضحكت عليكي. فرح: انتي بتستعبطي؟ علي قالي ارجع بسرعة. سارة: والنبي عشان خاطري. هخليكي ملكة جمال. فرح: طب ما أنا من غير حاجة ملكة جمال فعلًا. بس ماشي، هخليكي تعمليلي. سارة جابت الفرش وكل منتجات التجميل اللي هتحتاجها، وعملتلها ميكب سيمبل جدًا. فرح: يا جااامد.

سارة: شوفتي. البسي بقا الفستان ده، هيليق جدًا على الميكب. فرح كانت لسه هتتكلم، بس سارة دخلتها أوضة وقفلت عليها وقالت لها يلا بسرعة. فرح فضلت تضحك، وفعلاً لبست فستان جديد من اللي هي اشترتهم. فرح طلعت من الأوضة. سارة: أوبا. فرح: إيه رأيك؟ سارة: جامدة. يلا بقا. فرح: يلا إيه؟ سارة (بتمثيل) : هاجي معاكي. يعني... عشان لما يسألوني مين القمر اللي عملك كده، أقولهم أنا. فرح: يلا يا آخرة صبري.

قدام القصر، فرح واقفة بتتكلم في التليفون. فرح: أنا وصلت أهو وواقفة قدام القصر. علي: طب ما تدخلي، مستنية إيه؟ فرح: ولا حاجة. اقفل بقا. فتحت فرح ودخلت هي وسارة. لأول مرة بتخاف من القصر، لأن كل الأنوار مقفولة. فرح: سارة، انتي فين؟ علي يا علوشي... يا... يا جماعة. الكل بصوت واحد: سيربرايس. كل سنة وأنتِ طيبة. أصوات زينة بتفرقع، والأنوار كلها اشتغلت. فرح بتفتكر إن النهارده عيد ميلادها، وإنها كده تمت الـ 18.

علي: حبيبة قلبي، تمت الـ 18 سنة وبقت كبيرة. كل سنة وأنتِ طيبة يا حبيبتي. فرح كانت فرحانة أوي، وحضنت علي وقالت: وانت طيب يا حبيبي. انت اللي عملت المفاجأة دي صح؟ علي: بصراحة، لأ. مش أنا. اللي عمل كل ده... أسد. فرح عمالة تدور على أسد مش لاقياه. سارة: حبيبتي، كل سنة وأنتِ طيبة. هاتي حضن. فرح: وانتِ طيبة. بقا عملتي كل ده عشان عيد ميلادي؟ سارة: عيب عليكي يا بنتي. أنا قمر أوي، عارفة. وبتحضنها.

فرح: مش عارفة أقولك إيه يا سارة. شكرًا. أحمدي: كل سنة وأنتِ طيبة يا حبيبة عمو. فرح: وانت طيب يا حبيبي. أومال فين أسد؟ بتلاقي حد بيحط إيده على كتفها، وبيطلع أسد. بتلف وبتحضنه. فرح: شكراً يا أسد. أسد: كل سنة وأنتِ طيبة يا قلب أسد. فرح: ها؟ آه. وانت طيب يا حبيبي. بيديها بوكس، بتفتحه بتلاقي فيه أوراق وتذكرتين. أسد: امضي. فرح: لا. يا ترى إيه اللي في الورق؟ ليه فرح رفضت إنها تمضي؟