رواية كيان الفصل العاشر 10 - بقلم روري ابراهيم

كيان: إيه الجمال ده. زين: شوفتي بقى. تعالي معايا. كيان راحت مع زين. زين: محمد بقولك. محمد: قول يا أسطى. زين: عايز شوكولاتة جالاكسي وهوهوز وجيلي كولا. محمد: إشطة يا أسطى، خمس دقايق وتكون عندك. زين: تسلم يا أسطى. كيان: هو المكان ده بجد؟ زين: طبعًا بجد. بس إياكي تقولي لحد من الدكاترة، علشان هيعرفوا مكانه ومش هيرضوا يخلونا نيجي هنا تاني. كيان: طبعًا مش هقول. شكرًا بجد يا زين، متعرفش كان نفسي في حاجات حلوة دي من امتى.

زين: إنتي تأمري بس. كيان بامتنان: شكرًا. زين: على إيه؟ كيان: على كل حاجة. محمد جه بالحاجة. محمد: خد يا زين. زين: شكرًا يا أسطى. تعالي بقى يا كيان. كيان: يلا. زين: بصي، مينفعش تاكلي الحاجات دي برا، فإنتي هتاكليها هنا الأول، وهنبقى نخرج. كيان: تمام. زين اداها الحاجة علشان تاكل. كيان قسمت الشوكولاتة اتنين، وخدت حتة ليها وحتة لزين. كيان: خد. زين: لأ، شكرًا مش عايز. كيان: لأ، ما أنت هتاخد يعني هتاخد.

زين: ياستي، أنا مش بحب الحاجات المسكرة. كيان: علشان خاطري، يعني ينفع تكسف إيدي؟ زين وهو بياخدها منها: مقدرش طبعًا. قعدوا هما الاتنين ياكلوا، ولما خلصوا خرجوا. زين: إيه رأيك نجري؟ كيان: نجري إيه يا زين، إحنا كبرنا. زين: عادي يعني يا كوكي، إنتي ليه محسساني إننا عندنا 60 سنة. كيان: مش كده بس. وفجأة كان زين واخد كيان وجريوا، وراحوا قعدوا في حتة بعيدة في جنينة المستشفى. ساعتها كان الجو ليل، وكانت السما صافية والقمر مكتمل.

زين: إيه ده، القمر مكتمل. كيان: آه، فيها إيه؟ زين: يعني السرداب مفتوح. كيان باستغراب: سرداب إيه اللي مفتوح؟ زين: بجد متعرفيش سرداب إيه؟ كيان: وأنا أعرف منين؟ زين: إيه رأيك نروح مكان التعامل فيه مش بفلوس. كيان: أمال باه؟ زين: بوحدات الذكاء. كيان باستغراب: بوحدات الذكاء؟ زين: طبعًا. ولو كنتي أقل واحدة عندك وحدات ذكاء، هتتقتلي في يوم في السنة مخصص إنه يقتل الأغبياء اللي زيك. كيان: تصدق إنك إنت اللي غبي. إيه الجنان ده؟

زين: غوري، إنتي تعرفي حاجة؟ كيان: لأ، ما شاء الله عليك. طب اسمه إيه المكان ده يا أستاذ زين؟ زين: أرض زيكولا. كيان: أنا أول مرة أسمع عن بلد بالاسم ده. زين: أجمل مكان ممكن تشوفيه. كيان: يا سلام. زين: بصي، اقرأي كتاب (أرض زيكولا) وإنتي هتفهمي قصدي. كيان: ماشي، هبقى أقرأه. زين: بقولك إيه، أنا خلاص قفلت. عايز أنام. تعالي يلا نطلع. كيان: تصدق، عندك حق. أنا كمان مش قادرة. زين: طب يلا. راحوا هما الاتنين، كل واحد على أوضته.

كيان صحيت وراحت على أوضة جني، وانصدمت من اللي شافته.