رواية كيان الفصل التاسع 9 - بقلم روري ابراهيم

كيان: انت ايه الي جابك هنا يا مراد؟ مراد: جاي اشوفك يا كيان، وحشتيني اوي. زين: وحش اما يلهفك. مراد: مين الاخينا؟ وازاي تسمح لنفسك انك تكلمني كده؟ زين: انا اتكلم زي ما انا عايز، مفهوم؟ وبلاها تسخين فيا علشان انا مسخون من نحيتك خلقة ومانع نفسي عنك بالعافية. مراد: ياعم هو انا اعرفك؟ زين: متعرفنيش، بس انا اعرفك كويس اوي من وقت ما اتعرفت علي كيان لحد ما بعدت احمد. مراد: انت مين؟ وتعرف عني كده ازاي؟

زين: تحب نبدأ من اول ما وقعت كيان في حبك؟ مراد بارتباك: احم، مفيش حاجة من ديه حصلت. كيان بانهيار وهي ده كله مستخبية ورا زين: لا، مفيش حاجة من الي زين قالها غلط، كله صح. وانت انسان قذر، وانا كان اكبر غلطة عملتها اني وثقت في واحد زيك. مراد: تصدقي اني غلطان اني كنت جاي ارجعك وانتي عيانة ومش لاقية اي حد يعبرك. هو انتي مفكرة انه انا جيتلك علشان بحبك؟ انا جيتلك شفقة مني على حالك، فاهمة؟

انتي مفيش حد هيحبك وانتي كده، انتي مجرد نكرة. و مرة واحدة قلم نزل على وشه من كيان. كيان: انت شخص وقح، وانا مش عايزاك ومش عايزة شفقتك ومش عايزة حاجة من خلقتك. وانت شخص قذر، ولو مفكر انه مفيش حد بيحبني تبقي غلطان، انا في ناس كتير اوي بيحبوني بعيوبي وبتعبي. ومسكت ايد زين وكملت كلامها:

ده الشخص الوحيد الي عرف يحتويني صح ويفهمني الصح من الغلط. الشخص ده الي مستحملني في تعبي وشايلني من على الأرض شيل وبيحبني من قلبه، وهو الي ساعدني اتحسن. وهو الوحيد الي كان موجود وقت ضعفي، انما انت كنت اكبر غلطة في حياتي. برااااا، ومش عايزة أشوف خلقتك تاني، مفهوم؟ مراد مشي بعد ما اتهان، وهو مكرر انه هيوريها مين هو مراد. كيان بعد ما هو مشي انهارت من العياط. زين: اهدي يا كيان، اهدي يا حبيبتي. كيان: هو شخص حقير اوي.

زين: عارف يا قلبي، عارف. اهدي انتي بس. طب لو هديتي هجيبلك الحلويات الي بتحبيها. كيان وهي بتبصله والدموع في عنيها: بجد؟ بس ديه ممنوعة. زين: عيب، ده انا زين. ايه رايك تيجي اوريكي مخبأنا السري؟ كيان: ايه ده؟ هو انتم عندكم مخبأ سري؟ زين: هتيجي ولا لاء؟ كيان: طبعا جايه. زين: طب يلا قومي اغسلي وشك وانا هستناكي بره. كيان: تمام. زين خرج برا وقعد نص ساعة. زين وهو بيخبط على الباب: ايه يا كيان؟ كل ده؟

نفسي اعرف بتعملي ايه ده كله. كيان وهي بتفتح الباب: ايه يا زين؟ كنت بلبس. زين بتصفير: ايه الجمال ده؟ كيان بغرور مصتنع: ده اقل حاجة عندي. كيان كانت لابسة بنطلون واسع وعليه حزام وتيشيرت مدخلاه في البنطلون ومغطية راسها بكاب. زين بغمزة: من حق الجميل يتغر. كيان: طب يلا باه، عايزة اشوف المكان ده. زين: يلا يا كوكي. كيان: متقوليش يا كوكي. زين: ليه؟ ده حتى اسم حلو. كيان: انا اسمي كيان مش كوكي، ويا ريت متقوليش يا كوكي تاني.

زين: حاضر يا كوكي. كيان: زين. زين: خلاص يا ستي بهزر. كيان: يلا. زين اخدها معاه ونزلوا تحت في الجنينة وخليهم ماشيين شوية. كيان: ايه ده كله؟ زين: خلاص وصلنا. كيان: اتمني. زين شال سلك حديد كان موجود. كيان: خد بالك لتتعور. زين: خايفة عليا؟ كيان: اخاف على مين؟ يلا انا خايفة لتتعور ومتودنيش المكان. زين بصوت واطي: واطية طول عمرك. كيان: بتقول حاجة يا زين؟ زين وهو بيكح: بكح يا كيان، بكح. كيان: ماشي. زين: ادخلي يلا.

كيان: ايه الجمال ده؟