رواية كيان الفصل السابع عشر 17 - بقلم روري ابراهيم

حمزه: أحم، أنا بعتله على الفون. زين: 🤦🏻‍♂️ حسن: شوف كده هو شافها ولا لأ. حمزه: شافها ومردش. عدى نص ساعة وكريم مجاش. حسن بقلق: هو كريم مجاش ليه؟ زين: مش عارف، ما إحنا قاعدين معاك أهو. حسن بقلق: أنا رايح أشوفه. زين: تمام. حسن راح عنده، لقاه مغمى عليه والدم حواليه. حسن بصدمة: كريم! كريييم! حسّت قطع التيشيرت بتاعه عشان يربط إيده وخرج وهو لسه مصدوم. (ملاحظة: أوضة كارما هي وكريم في نفس الممر.)

حسن جري على زين وهو بيعيط: زين! زين الحقني! زين وقف بصدمة: في إيه يا حسن؟ حسن وهو بيعيط: كريم لقيته انتحر! زين وهو بيجري على أوضة كريم: حمزة، انده لأي دكتور بسرعة! حمزة جري بسرعة ينده لأي دكتور. كيان منهارة بسبب حالة صاحبتها وحالة كريم اللي بتعتبره أخوها. مرة واحدة لقت ميار خرجت من الأوضة جري. كيان: كارما مالها يا دكتورة؟ ميار: لازم عملية حالاً. ميار راحت تقول للممرضات يجهزوا أوضة العمليات، وجت تاني الأوضة.

كيان لقت كارما بتخرج قدامها وهي نايمة، مش مستوعبة ولا حاسة بأي حد حواليها. كارما دخلت العمليات، وكذلك كريم. كلهم كانوا قاعدين على أعصابهم، وكيان وحمزة بيعيطوا، وحسن ماسك نفسه بالعافية، وزين قاعد على أعصابه بس متماسك عشانهم. بدر قلق على كيان لأنها اتأخرت أوي، فراح يدور عليها. بدر: إيه ده؟ في إيه؟ في إيه يا كيان؟ كيان بانهيار: كارما يا بابا، كارما في العمليات وبين الحياة والموت! بدر خدها في حضنه لما لقاها منهارة.

بدر: اهدى يا حبيبتي، اهدى، إن شاء الله هتقوم بالسلامة، اهدى انتي بس. حسن قام وقف وماشي. زين: رايح فين؟ حسن: رايح أصلي عشان ربنا يخليهولي. 🤲🏻 زين: استنى، أنا جاي معاك. 😞 حمزة وهو بيعيط: استنوني، أنا جاي معاكم. 😓 بدر: أنا كمان جاي معاكم يا ولاد. زين: اتفضل يا عمو. بدر والشباب راحوا صلوا ودعولهم إنهم يقوموا بالسلامة. بدر كان مستغرب إنه الشباب زعلانين أوي كده ليه على البنت، بس هو مداش للموضوع أهمية وإنه "بعد الظن إثم".

(ملاحظة: بدر ميعرفش إن كريم برضو في العمليات.) بدر والشباب رجعوا عند كيان. زين: لسه مفيش أي أخبار؟ كيان: لأ، محدش لسه خرج. قعدوا شوية ولقوا ممرضة بتجري لبره. حسن ناداها: في إيه؟ كريم ماله؟ الممرضة: عايزين دم ضروري. حسن: أنا توأمه، ممكن تاخدي الدم مني. الممرضة: مينفعش، انت تعبان. بدر: هو فصيلة دمه إيه؟ الممرضة: O -بدر: دي نفس فصيلة دمي، ممكن تاخدوا مني.

الممرضة: بس إحنا عايزين كيسين، ومنقدرش ناخد غير هو كيس واحد من حضرتك. بدر: خدي على قد ما هو محتاج، ملكيش دعوة بيا. الممرضة: بـ... بدر قاطعها: أنا مسؤول عن أي ضرر هيحصلي. الممرضة بقله حيلة عشان عايزين الدم بأسرع ما يمكن: اتفضل يا فندم. بدر دخل أوضة واتسحب منه الكيسين. الممرضة: لازم متتحركش لحد ما تتحسن شوية عشان سحبنا منك كمية دم كبيرة. بدر: تمام، شكراً. في الخارج. كيان كانت نامت من كتر العياط. حمزة: زين، كيان نامت.

زين: تمام. دقيقتين وجاي. زين شالها ووداها الأوضة بتاعتها، وجالهم تاني. مرة واحدة لقوا ممرضتين خارجين من أوضة كارما بيجروا. زين بزعر: في إيه؟ إيه اللي حصل؟ الممرضة: القلب وقف، ومحتاجة إنعاش، وأنا راحة أنادي لدكتور القلب.