رواية كيان الفصل السادس 6 - بقلم روري ابراهيم

زين: انتي مخطوبة؟ كيان: مين اللي قالك؟ زين: يعني الكلام ده صح؟ كيان: مين اللي قالك يا زين؟ زين: واحد كده جه وقال إنه خطيبك. كيان: (في سرها) معقول يكون مين؟ زين: إيه، روحتي فين؟ كيان: لأ، أنا هنا أهو. زين: طب، انتي مخطوبة ولا لأ؟ كيان: (بكسرة) ده منظر واحدة ممكن حد يبصلها. زين: أه، إيه اللي ناقصك علشان محدش يبصلك؟

انتي مش ناقصك إيد أو رجل، انتي قمر. أه شعرك وقع وبقيتي هلكانة، بس ربنا إذا أحب عبدًا ابتلاه، يا كيان. وأنتي زي القمر برضو. مقولتيش، مخطوبة ولا لأ؟ كيان: ياض، انت عندك خال أهبل. زين: طب، ليه قلة الأدب دي دلوقتي؟ ولما أجلك؟ كيان: هتعمل إيه يا زين؟ زين: مقدرش أعمل حاجة. كيان: أنا بقول كده برضو. زين: يعني مخطوبة ولا لأ؟ كيان: مش مخطوبة يا زين. مش بقولك ده منظر حد يبصله، معناه إني مش مخطوبة. زين: تصدقي صح.

كيان: والله، عندك خال أهبل. زين: ما خلاص بقى، عادي يعني. بتحصل في أحسن العائلات. كيان: مرة واحدة الباب اتفتح ولقوا واحد بيقول كيان بصوت عالي ورايح يحضنها. زين وقف ما بينهم. زين: انت تاني؟ انت مش مكفيك العلقة اللي لسه واخدها. الشاب: لأ، مش مكفيني. ونور من قدام خطيبتي. كيان: إيه ده؟ إيه اللي حصل يا أحمد؟ مالك متشلفط كده ليه؟ أحمد: اسألي البف اللي جنبك ده. زين: مين ده اللي بف ياض؟

ولما أجي أديك علقة تاني زي اللي لسه واخدها؟ أحمد: (بخوف) ليه؟ الطيب أحسن. زين: أحسن برضو. أحمد: عاملة إيه يا خطييييبتييي؟ كيان: هو مقلب لعبناه على صحابنا وصدقته ولا إيه يا أحمد؟ أحمد: الصراحة، عجبني. كيان: جاي ليه؟ أحمد: الصراحة، كنت عايزك في حاجة. زين: وهي تعبانة وممنوعة أصلاً الزيارات. أحمد: وانت مالك يا عم انت؟ متكونش جوزها وأنا معرفش؟ زين: وانت مالك؟ متكونش ولي أمرها وأنا معرفش؟

كيان: بااااااااااااااااااااااااااااس! كفاية! إيه؟ إنتوا صداع أوي. زين، ممكن تسيبها وتخرج؟ عايزين نتكلم على انفراد. زين: لأ، طبعاً مش هخرج. أحمد: يا عم، بيطردك. خلي عندك دم واخرج. زين: وانت مال أهلك؟ مكنتش ولي أمرها وأنا معرفش؟ كيان: بس بقى يا زين. ده أحمد أخويا أصلاً. زين: (بفرحة) إيه ده؟ بجد؟ كيان: أه، ويبقى توأمي. زين: طب، تمام. أنا خارج. أحمد: أحسن برضو. زين: (بفرحة) لأ، خد راحتك. ما أنت طلعت أخوها.

أحمد: خد الباب في إيدك. زين قفل الباب بغضب. كيان: اممم، عايز إيه؟ أحمد: كنت عايزك في مصلحة. كيان: اللي هي؟ أحمد: تظبطيلي مع بت. كيان: متأكد إنه ده اللي جاي عشانه؟ أحمد: (وهو بيهرش في دماغه) الصراحة، لأ. كيان: أيوه بقى، جاي ليه؟ أحمد: بصراحة. كيان: متخلص يا أحمد. هاتنقطني الكلمة بكلمة. أحمد: (بسرعة) مراد عايز يشوفك. كيان: إيه؟