رواية كيان الفصل الثالث 3 - بقلم روري ابراهيم

كلهم بصوا بصدمه لقوا حسن وجني عمالين ينكشوا في بعض وحسن عمال يتغزل فيها بصوت واطي وهي تضحك بكسوف. زين: إيه اللي بيحصل ده؟ حسن: عايز إيه؟ كريم: يلا يا جماعة الله يفضحكم فضحتونا قدام البت. كيان: لأ عادي. زين بهيام: ضحكتك حلوة أوي. كيان بكسوف: احم، لأ مش حلوة ولا حاجة ده حتى عادية. زين: بتهيقلك، دي تخطف القلب. كيان: إن شاء الله يخليك وتجبر بخاطري ديما. زين: إن شاء الله يخليك وأجبر بخاطرك. كيان: أه.

كريم: يلا يا جماعة علشان نسبها نرتاح. كلهم خرجوا من عندها والشباب أخدوا زين على جنب. كريم: إنت متخلف يلا. زين ببلاهة: ليه؟ حسن: داخل فيها معاكسات، عارفين إنك بتحبها من أول ما جت المستشفى وإنت بتراقبها من بعيد ومكنتش عارف تروحلها بسبب مامتها، دلوقتي لما جت الفرصة إنك تتكلم معاها تخليها تاخد جنب منك يا غبي. زين: تفتكروا بتفكر فيا إزاي دلوقتي؟ حمزة: يا إما بتقول عليك متخلف أو متحرش، أيهما أقرب. زين: بجد؟

كريم: بالتأكيد، لو مكنتش قالت حاجة تانية. زين: هتساعدوني أقرب منها؟ كلهم في نفس الوقت: سيبها علينا. زين: والله أخواتي. حمزة: بس طبعًا مش ببلاش، مش كده يا رجالة؟ كريم وحسن: بالتأكيد. زين بصوت منخفض: صحاب مادية. حسن: بتقول حاجة يا زين؟ زين: بقول ربنا قادر على الظالم والمفترى. كريم: أنا بقول كده برضوا. زين: طلباتكم. حمزة: إيدك على 300 جنيه. زين: لييييييه، كتير أوي. حمزة: بس مش كتير على المزة.

زين بغضب: قسماً بالله لو قلت عليها مزة تاني لهخلي الدكتور مايعرفش يخيط فيك غرزة. حمزة بخوف: ليه، الطيب أحسن. كريم: ظبطلي مع كارما. زين: إيه. كريم: إيه. زين: اشمعنى أنا؟ كريم: لأنه باختصار هي بتعتبرك أخوها وهتوافق تسمع منك. زين: تمام، وإنت يا حسن إيه؟ مش عايز حاجة إنت كمان؟ حسن: لأ مش عايز حاجة من خلقتك. زين: بيموت فيا. حمزة: طب أنا هدخل أقعد مع البنات شوية. الشباب: ابقى اعملها.

حمزة بخوف: أنا أنا كنت بهزر معاكم، أنا أصلاً رايح على أوضتي وفر هارباً من قدامهم. مرة واحدة سمعوا صوت عالي من الأوضة مع عياط.