رواية كيان الأسد وعشق الليث الفصل الثامن عشر 18 - بقلم الكاتبة الصغيرة

كيان بصدمة: إيه ده؟ طيارة هيلوكبتر بتاعة مين دي يا أسد؟ أسد: بتاعتك أنتي يا كياني، بصي كده. كيان بصت لقت الطيارة مكتوب عليها "كيان الأسد". كيان بصدمة: دي بتاعتي؟ أنت بتهزر يا أسد. أسد: لا مبهزرش، أنا بتكلم بجد. كيان بفرحة حضنت أسد. كيان: أنا مبسوطة جدًا يا أسد. أسد فرح جدًا لفرحتها ولأنها حضنته. أسد شدّت على حضنها. أسد: يا رب ديما تكوني مبسوطة، حضنك وحشني أوي يا كياني. كيان أدركت الموقف وبعدت عنه.

كيان: مش يلا بينا نجربها؟ أسد: يلا بينا. أسد خد كيان وركبوا الطيارة وكيان كانت خايفة من الأماكن المرتفعة، فمسكت في أسد وغمضت عينها وراحت في النوم. أسد قعد يحسس على وشها ويتأسف لها. وهبطت الطيارة في جزيرة. أسد: كياني، كياني قومي يا قلبي وصلنا.

كيان صحيت واتصدمت من المنظر، كان حولها البحر وكان على الشط المكان متزين وفي بيت كان شكله جميل جدًا مع إنه بسيط وحول البيت حديقة جميلة جدًا مليانة شجر صغير وورد كتير بكل الألوان وكان في مرجيحة عليها كرسيين وكراسي وترابيزة. كان المكان خرافي جدًا. كيان بفرحة: الله! إيه المكان الجميل ده يا أسد؟ أسد بفرحة لفرحتها: دي الجزيرة بتاعة كيان وفهد بس. كيان: الله دي جميلة أوي. أسد حضن كيان وقالها: نفسي تسامحيني يا كياني.

كيان حضنته وقالت: مسمحاك يا أسد، أسد أنا بحبك أوي. أسد: احلفي. كيان بعلو صوتها: أنا بحبك يا أسد. أسد شالها ولف بيها وصوت فرحته. أسد: وأنا بحبك يا كيان. أسد بوقاحة: حيث كده ماتيجي نجيب أخ لفهد؟ كيان بكسوف: بس يا أسد. أسد بوقاحة: ده مش وقت كسوف. وشالها ودخلوا جوا وأصبحوا زوجين أمام الله بس بالحب. بعد مرور شهر. أسد كان مدلع كيان وفعلاً قدر يخليها تسامحه. أسد: كيان يلا عشان نرجع. كيان: يلا عشان فهد وحشني أوي والله.

أسد: إحنا هنرجع عشان ليث هييجي ياكلنا، الواد عايز يتجوز عشق ومستنينا عشان نرجع. كيان: يلا. قاموا لبسوا وراجعوا. ليث: أسد وحشتني يا صاحبي. وحضنوا بعض. ليث: يعني كان لازم الشهر تبقي أنت بتجلع وأنا طالع عين أهلي في الشغل. أسد: بس يلا ومبروك يا ولا هتبقي عريس وتشيل مسؤولية. ده أنت مش قادر تشيل نفسك. ليث: لا يا أخويا ده أنا قادر أشيل مسؤولية أوي. كيان حضنت عشق وحضنت أمها وشالت فهد حضنته وأسد برضه سلم عليهم وحضنوا فهد.

كيان حست بدوخة. أسد بخوف: كيان في حاجة؟ كيان: لا يا حبيبي مفيش حاجة. كيان عينيها بدأت تغمض لحد ما أغمي عليها، أسد شالها وخلى عشق تكشف عليها. عشق: مبروك كيان حامل في شهر. أسد بفرحة حضن كيان. أسد: أنا مبسوط أوي. كيان: وأنا كمان. جه وقت الفرح وعشق كانت ملكة في الفستان. ليث أول لما شافها: قمر أوي يا عشقي، عشق أنا بحبك. عشق: وأنا كمان بحبك يا ليثي. كيان كانت حورية في فستانها. معلش يا جماعة أصلي مبعرفش أوصف الهدوم.

أسد: بحبك يا كياني. كيان: وأنا بعشقك يا أسدي.