رواية كيان الاسد الفصل الثاني 2 - بقلم مريم محمد

هي إيه اللي حصلها؟! دلوقتي تفوق وتسلمي عليها. بعد شوية، فاقت صفية وبصت جمبها لقيت كيان بتبصلها بنظرة غير مفهومة. صفية بخوف: لأ لأ لأ... انتي حقيقية. انتي لسة عايشة يا غرام؟! أسد: أقدم لكم يا جماعة كيان مراتي. فاروق وصفية ونادين نزل عليهم الكلام زي النار. صفية: كيان؟! .... دي شبه غرام أوي يا أسد. أسد: ده فعلاً.. بس هي مش غرام. كيان وهي تحتضن صفية: أزي حضرتك يا طنط. صفية بكسوف: الحمدلله يا حبيبتي.

اقتربت كيان من نادين عشان تسلم عليها ومدت يدها ولكن نادين خرجت بره من شدة ضيقها. كيان في سرها: أبو شكلك.. عيلة زبالة... انتي تطولي تسلمي عليا. والله لأعلمك الأدب انتي وامك اللي بتشر سـم دي. أسد: يلا يا كيان عشان تطلعي ترتاحي شوية. أومأت له كيان وصعدت إلى غرفة أسد. أول ما دخلت الأوضة قفلت الباب وراها وجريت على الصورة اللي على الكومدينو.. وحضنتها بدموع. كيان بحرقة: راجعة عشان انتقم لكل حد إذاكي...

هوفي بوعدي ليكي يا حبيبتي... والله لأندمهم على اللي عملوه فيكي.. بحق حرقة قلبي اللي حاسة بيها.. هحرق قلبهم وهخليهم يتمنوا الموت... هموتهم بالبطئ. قامت كيان من مكانها ودخلت الحمام وأخذت شاور.. ولبست بيجامة وخرجت من الغرفة وراحت أوضة إيلا. دخلت الأوضة لقيتها حلوة أوي. راحت عند السرير وشافت إيلا وهي بتعيط وهي باصة لصورة غرام. جريت عليها وحضنتها وهي بتعيط. كيان وهي بتمسح دموع إيلا: معقولة القمر يعيط...

لأ أنا كده هزعل منك ومش هحكيلك حدوتة. إيلا وهي تحتضن كيان بقوة: لأ خلاص مش هعيط... بس احكيلي حدوتة والنبي. كيان بإبتسامة: من عيوني يا روح قلبي. وبدأت تحكي لها قصة.. ونامت إيلا في حضن كيان. وكل ذلك يحدث تحت نظرات أسد الذي كان يتابع من بعيد وهو يبتسم. في منتصف الليل، نام الجميع ما عدا صفية مرات فاروق. فضلت تتسحب لحد ما وصلت لأوضة إيلا وفتحتها براحة خالص ودخلت بهدوء وشافت كيان وهي نايمة جمب إيلا.

صفية في نفسها: مش هسيبك تعيشي لازم تموتي زي اللي ماتت.. هحرق قلبه عليكي زي ما حرقت قلبه عليها... وكل حاجة هتبقى ليا أنا وبنتي وبس... واقتربت من كيان وهي تمسك سكيـ ـنة في إيدها ووضعتها على رقبة كيان بسعادة وهتسحب السكيـ ـنة. وحصل اللي متوقعتهوش صفية إطلاقاً.