رواية كيان الفهد الفصل الرابع والثلاثون 34 - بقلم هدى عبدالصافي

عمر وحبيبة الفرح خلص وروحوا. عمر: حبيبة فوقي كده معايا، احنا لسه في أول اليوم. حبيبة بضحك: حاضر يا سيدي. عمر وهو بيبوس جبينها: يلا يا جميل، طيب ادخلي غيري. حبيبة: ماشي. ودخلت غيرت. عمر: تعالي بقا هقولك حاجة ونتفق على حاجات كتير و.... حبيبة: بكرة طيب، بجد يا عمر أنا تعبانة وعايزة أنام ومش قادرة أفكر بجد. عمر: حبيبة بطلي هبل، مش هينفع، انتي بتستعبطي. حبيبة باستو في خده وراحت تنام.

حبيبة بتعب: اطفى النور بقا عشان بجد عايزة أنام. عمر: هيا ليلة باينة من أولها. وطفى النور وخرج، دخل أوضة المكتب. عمر: مهو لاما كده لكده. وقعد يشتغل على المشروع الجديد لحد ما نام وهو بيشتغل. حبيبة الصبح صحيت وملقتش عمر في الأوضة، راحت أوضة المكتب لقتو نايم. حبيبة بضحك: ماشي. حبيبة جابت كوباية مياه ودلقتها في وشه. حبيبة بصراخ وضحك: حريييييييقة حريييييييقة. عمر قام مفزوع: إيه إيه، اجري اجري يا بت هنولع، اجري.

حبيبة فطست على نفسها ضحك. عمر بغضب أما استجمع الموقف: مش هتبطلي الهزار بتاع الأطفال اللي بتعمليه ده. حبيبة بضحك: أبدا. عمر: عندك كام سنة يا طفلة انتي عشان تعملي كده. حبيبة بضحك: مبعدش يا جيمى. عمر: جيمى ها، طب تعالي بقا. حبيبة بصراخ وضحك: عمممممر، لا لا وحيات مامتك يا شيخ. عمر: وحيات أمك منا سيبك. وفضلوا يجرو ورا بعض وعمر شالها ونط في البسين. حبيبة: أعاااا يا متخلف يا عمر، قلتلك متعملش الحركة دي تاني، ميت مرة أقولك.

عمر: عادي، وأنا قلتلك برضو نفس الكلام. حبيبة: اوعى يارخم. وسابته وطلعت تغير، وعمر راح الأوضة هو كمان يغير، وكان في حد بيصورهم. لانا الصبح في الشركة: فونها جاله رسالة محتواها (البيه اللي زعلانة عليه ولا شاغل باله بوجعك، بلعكس ده فرحان مع مراته، انسيه وبصي قدامك هتلاقي اللي بيحبك بجد) وبعتلها الصور. لانا بدموع: 1، 2، 3، 4، 5، 6، 7، 8، أووف، اهدى اهدى بس، انتي في الشغل، انسى، انسى خلاص، انسى.

وقفت الفون واتملكت نفسها وحاولت تكمل بقيت الشغل بس مقدرتش، راحت تجيب قهوة عشان تركز. فهد: ها. كيان: أفندم، مش فاهمة. فهد: هو مين اللي المفروض يزعل من مين. كيان: لو سمحت يا مستر فهد، لسه مكملتش. لقت فهد شدها وحضنها من ضهرها وحط دماغه على كتفها. فهد: مش هنفضل كده كتير، خلاص بقا، المفروض أنا اللي أزعل عشان مراتي وحبيبتي مجتش معايا.

كيان وهي بتبعد عنه: اللي انت وصاحبك عملتوه ده غلط، دخلتوها في لعبة قذرة ملهاش دخل فيها، ليه تتعبوها كده. فهد: خلاص يا كيان بقا، ملناش دعوة. كيان: لينا يا فهد، عشان أنا مش هرضاها على نفسي، فاكيد مش هرضاها لغيري. فهد: وأنا مستحيل أعملها فيكي. كيان: فهد، خلاص كفايا، بعد إذنك، عندي شغل. فهد بعصبية: أوووف، خلاص بقا يا كيان، دي إيه دي. كيان: بعد إذنك يا مستر فهد. وسابته وخرجت.

فهد بغضب: وحياة أمك ماشي، وانت يا عمر الكلب، هوريك، منا مش هبقى لوحدي. وخرج من المكتب. فهد: أنا رايح مشوار. كيان: تمام يا مستر فهد، براحتك، معندناش اجتماعات انهاردة. فهد بعصبية: تمام يا كيان، اتفضلي كملي شغلك. وسابها ونزل. فهد: حبيبتي وحشتيني. خديجة: يا بكاش، هو انت بتبص في وشي أصلا ولا بتقول حتى، اتصل أطمن عليها. فهد بحب: والله يا ديجة مشغول. خديجة: والاستاذ التاني فين. فهد: احم، لا، مهو هو، أصلو هو هيجيلك.

خديجة: مش مصدقاك، طالما عملت كده يبقى في مصيبة، صح، قول، عرفاكوا كويس. فهد: لا يا ديجة، عيب عليكي، إيه بس ده. خديجة: يارب أكون ظالماكوا فعلاً. فهد: طب أنا جعان أوي بقا. خديجة: إيه ده، من امتى وانت بتاكل الصبح. فهد بضحك: عادي يعني، تغيير. خديجة: يارب يا حبيبي، حاسة الموضوع في بنت صح. فهد بضحك: يا واد يا لماح انت. خديجة: لا استنى بقا، أخلي الشغالة تعمل فطار وقهوة وتحكي لي.

فهد بضحك: طب يلا تعالي نقعد فوق، الجو هنا حر أوي. خديجة: يلا يا نور عيني. فهد في سره: دي لو سمعتك بتقول لي كده هتولع فينا من غير ما تفهم، مجنونة وتعملها. خديجة: يلا يا ابني. فهد: حاضر، يلا. خديجة: يا أم ياسر، اعملي فطار خفيف ليا أنا وفهد، وطلعيه، ولما تخلصي اندهي. أم ياسر: حاضر. فهد: هاتى ايدك طيب. خديجة: امشي يلا. فهد بضحك: يلا، ده انتي خدتي عليا أوي. خديجة: طب اطلع بدل ما أضربك.

فهد بضحك: لا وعلى إيه، الطيب أحسن، طب تيجي نشوف مين هيسابق مين. خديجة بضحك: رغم إنك قاسي مع الكل وجد، بس لسه جواك روح الطفل مكبرتش. فهد: دي بتطلع لك انت يا عسل. خديجة: يا أشطة. فهد: اه، انت بتبتزني بقا. خديجة بضحك: أنا حاشى لله، عيب عليكي، بشقطك بس. فهد بضحك: طب خلي عمر يسمعك. فهد بضحك: ولا يقدر يعملي حاجة، مبخافش. خديجة: ياراجل، قول كلام غير ده. فهد بضحك: طب خلاص، طيب، في إيه. خديجة: طب يلا.

وطلعوا، وفهد حكالها كل حاجة عن كيان، ما عدا اللي حصل في المعسكر واللي حصل في الشاليه. خديجة: حاسة إن في حاجات ناقصة، انت محكتهاش. فهد: لا، مفيش، هي كانت دكتورة في المعسكر زي ما قلتلك، وجت قدمت على وظيفة عندي، وبعدها حبيتها واتجوزتها. خديجة: هحاول أصدقك. رسالة على فون كيان محتواها (جوزك الغالي بيخونك، لو مش مصدقاني اتصلي شوفي فين ده، لو لقيتيه فاتح تليفونه أو رد) كيان اتوترت واتعصبت ورنت عليه، لقتو بيقفل.

كيان: مش بترد، أكيد مع السنيورة بتاعتك، والله ما هسيبك تتهني. خديجة: مين يا حبيبي. فهد: دي كيان. خديجة: طب رد عليها، هتلاقيها قلقانة أو في حاجة. فهد: لا، مش مهم، متخانق معاها، هتلاقيها بترن عشان تكمل خناق، فكك. خديجة: حرام عليك يا ابني، رد عليها. فهد: لا، فكك. وقفل الفون. كيان لقتو اتقفل، قعدت تعيط واتأكدت إنه بيخونها. كيان بعياط: بتخونى يا فهد، من قبل حتى ما نتجمع في بيت واحد، ماشي يا فهد.

ولمت حاجتها ومشيت، وكانت أكيد خلصت الشغل وخدت الباقي تكمله في البيت. كيان روحت. ماما كيان: مالك يا بنتي، في إيه، بتعيطي ليه. كيان راحت حضنتها. ماما كيان: اهدى يا بنتي، في إيه. كيان: بيخونى يا ماما، بيخونى. ماهي: يا بنتي، بيخونك إزاي، عرفتي منين. كيان: جتلي رسالة على التليفون، ولما رنيت قفل، وبعدها قفل التليفون خالص. ماهي: يا بنتي، استهدي بالله، يمكن في حاجة تانية، متسيئيش الظن. كيان فضلت تعيط.

ماهي: لا حول ولا قوة إلا بالله، قومي يا بنتي غيري ونامي شوية. كيان قامت وبعتتله فويس محتواه (ابقى خلي السنيوريتا اللي معاك تنفعك، سلام) وبعدها بعتتله واحد تاني (طبعًا مش هترد، هترد تقول إيه) بعتت واحد تالت (بقى بتطنشني عشانها، وأرن عليك تقفل، وبعدها تقفل تليفونك خالص، ماشي يا فهد، ماشي براحتك، سلام) فضلت تعيط، وبعدها لقتو لسه أوف لاين ومفيش حاجة وصلت، بعتت فويس تاني وصوتها كان مبين إنها بتعيط

(اعمل حسابك يا فهد، عشان هتطلقني، مش هعيش مع واحد خاين زيك، انت سامع) وقفلت الفون وفضلت تعيط لحد ما نامت. خديجة: كان يوم جميل يا حبيبي، متتقطعش تاني بقا. فهد بغمزة: هو أنا أقدر يا جميل، طب أنا أحلى ولا عمر. خديجة بضحك: 😂 يا سلام، انتوا الاتنين قمر. فهد بضحك: كنتي هتقولي عمر أكيد. خديجة: 😂 اخس عليك، أنا أعمل كده. فهد بضحك: ثبتيني، ثبتيني، طب تيجي أتجوزك، وفكك من عمر. خديجة بضحك: امشي يا فهد، ربنا يهديك.

فهد بضحك: هيهديني عشانك، ادعي لي بقا يا ديجة. خديجة بحب: بدعيلك يا نور عيني. وفهد حضنها وباسها وركب العربية ومشى (الساعة كانت 9 ونص بليل) لانا خلصت شغل، وكالعادة فضلت تعيط لحد ما نامت. وفهد فتح فونو لقى 24 مكالمة من كيان و 4 مسج واتس أب. فهد: ينهار أسود. فتح المسج وسمع اللي هي بتقوله، وفضل يضحك على غيرتها وبيسأل هي عرفت إزاي، وسمع الفويس الأخير بتاع الطلاق، اتعصب، لف العربية من طريق بيته لبيتها.

فهد بعصبية: ماشي يا كيان. فهد بيخبط، ماما كيان اللي فتحت. فهد: إزيك يا حجة، عاملة إيه. ماهي: الحمد لله يا حبيبي، في إيه، مالها كيان. فهد: أنا ذات نفسي معرفش. ماهي: طب يا ابني ادخل، هصحيهالك. فهد باحراج: ممكن تسيبيها، وأنا اللي هصحيهالك. ماهي: ماشي يا ابني، وبعد كده قول يا ماما لو حابب. فهد بابتسامة وحب: أكيد يا أمي، الشرف ليا. ماهي بابتسامة: تسلم يا حبيبي، اتفضل. كيان نايمة، وباين إنها عيطت لما فطست.

فهد بحب وحزن على شكلها، راح قعد جنبها وبيمشي إيده على وشها بهدوء وبيصحيها. فهد: كيان، اصحي يا حبيبتي. كيان بتتقلب بعفوية: شوية يا ماما، شوية. فهد بضحك: ماما، أنا بقيت ماما. كيان فتحت وشها وبرقت وسمعت الصوت. كيان بزعيق: انت إيه اللي جابك هنا، وقامت وقفت، اطلع بره، امشششي. فهد: بس يا مجنونة، اهدى، في إيه. كيان: اطلع بره يا خاين، يا بتاع البنات. فهد: خاين وبتاع بنات، الاتنين في جملة واحدة.

كيان بعصبية: انت بتهزر، هتهزررر، اطلع بره وطلقني، سامع. فهد: لا، سكت كتير بقا. شدها ليه جامد، وقعت على السرير. فهد بعصبية خفيفة: عايزة تتطلقي. كيان بخوف ودموع: آه. فهد: شاف خوفها منه وهدى نفسه. كيان: اوعى كده وطلقني، سامع، طلقني، مش هعيش معاك. فهد: انتي مجنونة يا كيان، هو احنا لسه اتجوزنا عشان تقولي كده، انتي يعتبر لسه، لأنك في بيت أهلك مش في بيتي، ومش هطلقك. كيان بدموع: مقلتش كده لنفسك ليه وانت بتخوني.

فهد: يا دي أم الخيانة اللي ماسكة فيها، عرفتي منين إني خونتك. كيان بدموع: فتحت الفون وورته الرسالة. فهد: وانتي أي حد يقولك حاجة تصدقيها. كيان بدموع: انت اللي شككتني فيك، أثبت لي إنك مخنتنيش. فهد: كنت في شغل يا كيان. كيان بدموع: بتكدب، انت كنت معاها أكيد، قلت لها بحبك وحضنتها، أكيد حسستها الإحساس اللي بحسه معاك. فهد بتوهان الموقف: وانتي بقا يا جميل بتحسي بإيه. وجه يقرب عليها. كيان بزعيق وعياط: ابعد عني، انت سامع، ابعد.

فهد: بقا كده، طب انتي اللي جنيتي على نفسك. شوية ومامت كيان لقت صوت الزعيق بتاعهم هدى، قالت تدخل تطمن عليهم، لقت...