رواية كيان الفهد الفصل الثالث والثلاثون 33 - بقلم هدى عبدالصافي

كيان بضحك: ها يا ابني وصلت. فهد: فاضل شوية عايزة تقفلي، اقفلي متصدعنيش. كيان بضحك: خلاص يا عم اهدا. فهد: عم متجوز واحد صاحبي زي ما قلت. لسه مكملش كلامه، كيان سمعت صوت فرملة عربية وصوت ضرب نار كتير وبعدها الخط قطع. كيان بخوف: فهد! فهد! كيان قامت جري، مكنتش لسه غيرت هدومها. مامت كيان: رايحة فين يا بنتي الوقت ده؟ كيان: هروح فين مش عارفة، معرفش هو فين. وفضلت تعيط، وجه في دماغها ترن على لانا، ترن على عمر عشان هي مش هينفع.

بترن وهيا مبتردش. كيان بخوف دخلت أوضتها وفضلت تعيط ورنت على عمر. عمر بنوم: مين؟ كيان بعياط: ع عمر الحق فهد. عمر اتنطر: اهدى في أي، فهمني. كيان بعياط: ف فهد كنت بكلمه وكان في عربية بتمشي وراه، وفجأة سمعت ضرب نار وصوت فرملة والخط قطع، وأنا خايفة عليه. عمر بخوف: طب جربتي ترني تاني عليه؟ كيان بعياط: جربت ومفيش فايدة. عمر بقلق: طب اهدى طيب، أنا هنزل أشوفه. كيان: طب طب تعالا عدّي عليا بالله. عمر: خليكي، وأنا هشوفه وأطمنك.

كيان بعياط: لا لا أنا عايزة أنا أطمن عليه بالله يا عمر. عمر: طيب انتي فين؟ كيان وصفت له العنوان، وهو استغرب إن فهد سكنها هنا، بس قال دي من عيلته دلوقتي، ونزل زي ما هو بيلبس البيت، تي شيرت رصاصي وبنطلون أسود. وخد المفاتيح ونزل جري، عدى على كيان وشاف وحدد المكان بتاع فهد وراح لقى فهد. فهد: إيه ده! إيه اللي جابكم هنا؟ كيان جريت بعياط وحضنته جامد. فهد وهو بيحضنها: اهدى يا حبيبتي، في إيه؟ اهدى مالك. عمر: في إيه؟

انت إيه اللي حصل؟ فهد: ابن الـ*** كان بيراقبني. عمر: وهو فين؟ فهد: ضربت على كاوتش العربية نار، والرجالة جاية عشان توديه المخزن. عمر: طب أشطة، أنا ماشي أنا عشان هموت وأنام. فهد: تمام. فهد لكيان: مالك يا حبيبي؟ اهدى والله أنا كويس. كيان بعياط وخوف وبتتفحص وشه: متأكد؟ فهد: آه يا حبيبي. انت نزلت إزاي؟ كيان: ماما دخلت تنام وأنا نزلت اتسحبت. فهد بضحك: طب يلا يا روحي عشان أروحك. كيان: وهترجع تاني؟ لا روح انت.

فهد: وأسيبك تروحي؟ صح. يلا يا بت قدامي. كيان: يا ابني لا. فهد: لتتيجي معايا، لا جي معاكي. كيان: تعالا معايا. فهد: هموت من الجوع. كيان: بعد الشر عليك. ماما عاملة حمام وورق عنب، بس تحفة. فهد: طب يلا عشان جوعت بجد. كيان: يلا. وفهد مشي ووصلوا. فهد: اطلعى يلا يا حبيبي. كيان: إيه ده! مش هتدخل؟ فهد: لا يا روحي، ادخلي وأنا هطلع. كيان: بس انت جعان. فهد: حبيبي مش هينفع أدخل كده في الوقت ده. مامتك هتقول إيه؟

كيان بعفوية: هتقول واحدة بتاكل جوزها. فهد قرب عليها: حلوة كلمة بتاكل جوزها دي. كيان: فهد ابعد ويلا عشان تدخل، وبتشد ايده. مامتها كانت صحيت وسمعت صوت على السلم، ففتحت. مامت كيان: إيه اللي موقفك كده؟ كيان: احم يا ماما، فهد يا أمي جعان ومش راضي يدخل ياكل معانا، عمالة أقول له وهو مش راضي. مامت كيان بذوق: وده يصح برضو. اتفضل يا ابني ميصحش. فهد: لا تسلمي، أنا هطلع أنا أنام. مامت كيان: تطلع؟

كيان: مهو يا ماما فهد لما بيكون متأخر بينام في شقة من العمارة فوق. ماهي: ميصحش برضو، اتفضل. كيان: طب يا ماما لو حابب ياكل فوق. فهد: لا خلاص بجد، هطلع أنام. ماهي: ميصحش يا ابني، اطلع وأنا هخلي كيان تجيب لك الأكل. فهد: يا. كيان: خلاص بقا يا فهد. فهد طلع، ومامت كيان طبعاً شتمتها على نزولها وكده، وبعدها أدت لها أكل ياكلوه هما الاتنين. فهد فتح الباب وكان غير لشورت وتيشيرت. فهد: ادخلي.

كيان دخلت وحطت الأكل على السفرة وقعدوا ياكلوا بين هزارهم ومناكشتهم لبعض. عمر روح كمل نوم وحبيبة طلعت نامت هي كمان في أوضتها. كيان خلصوا أكل والمفروض كانت تنزل. فهد: خليكي معايا النهاردة. كيان: لا يا فهد، ماما. فهد: دلوقتي هي بقت عارفة إنك مراتي. كيان: لا يا فهد، وكمان عايزة أغير. فهد: هدومك من المرة اللي فاتت لسه هنا، لبسيها. كيان: لا يا فهد. ودخلت المطبخ عشان تغسل المواعين مكان الأكل وتنزل بيها نضيفة.

فهد: أساعدك طيب. كيان: عايزة بوكس أحفظ فيه الأكل وأحطه في الديب فريزر. فهد: طب استنى. وجاب لها علب بتاعة حفظ الطعام وحطت فيها الأكل وشالتهم وغسلت المواعين ونازلة خلاص. فهد شالهم منها. كيان: يا ابني يلا بطل جو الأطفال ده. فهد: هنزلهم لك طيب. كيان: لا، شكراً يا خفيف، هنزلهم أنا. فهد: يا خفيف. كيان: يلا يا فهد بقا، انت مش عايز تنام، أنا هموت وأنام. فهد: هنزلهم طيب. كيان: عايز تنزل كده قدام ماما؟ فهد: في إيه؟

كيان: فهد بالله شوية وهقع منك، يلا بقا. فهد: طب امشي قدامي طيب، هنزلهم لك وأطلع. كيان: اوف طيب. فهد وبيضربها على دماغها بخفة: متنفخيش. كيان بضحك: حاضر. فهد قرب يبوسها. كيان: بعدت. عارف لو طبق واحد اتكسر، ماما هتولع فينا. فهد بضحك: طب يلا. ونزلها وطلع وكل واحد نام. تاني يوم يوم تجهيز حبيبة وعمر عشان فرحهم. حبيبة: عمر بص الفستان ده تحفة جدا. عمر: آه يا حبيبي. حبيبة: فين البدلة؟ عمر: فوق يا روحي في الأوضة.

حبيبة: ماشي، أنا هنزل دلوقتي أروح الفندق عشان أجهز. عمر: ماشي يا حبيبي. حبيبة باستو في خده ونزلت. كيان بصدمة: انت بتقول إيه يا فهد؟ إزاي ده؟ فهد: كيان، عدّي الليلة على خير. كيان بغضب: البنت بتحبه وهو كدب عليها ودخلها في لعبة قذرة. فهد بغضب: كيان قلت خلاص. كيان بعصبية: أنا مش هروح يا فهد، مش هروح. فهد: ماشي يا كيان، عنك مروحة، سلام. كيان لبست ونزلت راحت لـ لانا. لانا فتحتلها الباب وهي عينيها وارمة من العياط والوجع.

كيان بخضة من شكلها: يالهوي! وشدتها في حضنها. لانا بعياط: أنا تعبانة. كيان: اهدى يا حبيبتي، اهدى. لانا: مش قادرة. جه وقت الفرح، وفهد بيدور على لانا بعينو مش لاقيها. حبيبة: بتدور على حد؟ عمر: لا يا حبيبي. وبعد وقت فهد خرج من الفرح مخنوق ورجع تاني لعمر. فهد: أنا ماشي. عمر: انت بتهزر يا فهد؟ فهد: مخنوق يا عمر وعايز أمشي. عمر: ماشي يا فهد. فهد بجمود: مبروك يا صاحبي. عمر: الله يبارك فيك. عمر وحبيبة وصلوا الفيلا.

عمر: طبعاً مش محتاج أقول لك إنهاردة إيه. حبيبة: إيه؟ عمر: هو إيه اللي إيه؟ عمر: حبيبة فوقي كده معايا، احنا لسه في أول اليوم. حبيبة بضحك: حاضر يا سيدي. عمر وهو بيبوس جبينها: يلا يا جميل، طيب ادخلي غيري. حبيبة: ماشي. ودخلت غيرت. عمر: تعالى بقا هقولك حاجة ونتفق على حاجات كتير و...