رواية كيان الفهد الفصل السادس عشر 16 - بقلم هدى عبدالصافي

معتز: وأنا مش هدخلها بيتي غير لما أكشف عليها. دي كانت مع راجل غريب لوحدهم. فهد: قصدك إيه؟ معتز: هنروح لدكتورة وتكشف عليها. لو بنت هدخلها بيتي، لو مش بنت فترجع مكان ما جت. مش عايز العار يجيلى لحد عندي. كيان خافت وجسمها كش. فهد بجمود: تمام. يلا اتفضل البس أنت والمدام، وكيان هتستنى تحت في العربية معايا. معتز: أفندم؟ فهد بجمود: أعتقد إنك قلت مش عايزها غير لما تتأكد إنها بنت. معتز: تمام.

فهد بجد في حالة صدمة: هو ده أبوها فعلاً اللي المفروض يحميها ويحافظ عليها؟ فهد: يلا يا كيان. كيان: نزلت معاه وركبت جنبه. كيان: فهد، أنا خايفة. فهد: اهدّي، متخافيش. كيان: هيموتني. فهد: ميقدرش. كيان سكتت عن الكلام وسندت على إزاز العربية وفضلت تعيط. فهد بعد ما أهلها نزلوا، ركب معاهم وداهم وطلعوا على عيادة دكتورة. معتز هو اللي اختارها. كيان بخوف وماسكة في إيد مامتها جامد.

فهد في كمية برود: أنت لو مش عارف مش هتبقى في كمية البرود دي. الممرضة: كيان معتز؟ فهد: أيوه. الممرضة: دورها يا فندم. فهد: تمام. كيان داخلة بتقدم رجل وبتاخر رجل وخايفة. الدكتورة: لو سمحت يا فندم، ممنوع غير والدتها بس اللي تدخل. مش هينفع كلكم. فهد: تمام. بعد وقت، كيان خرجت من الأوضة وهي خايفة من اللي الدكتورة صممت تقوله قدام الكل. الدكتورة: الآنسة بنت زي ما هي.

الأم بارتياح وطمأنينة وحمدت ربها وخدت كيان في حضنها. كيان مبحلقة في فهد ومش فاهمة إيه ده وإيه اللي هي قالته، إزاي قالت كده وهي مش بنت أصلاً، وشكت في فهد. فهد باصلها بجمود: طب يلا نخرج من العيادة. بس انزلوا أنتم على تحت الأول. وادا لكيان المفتاح بتاع العربية. فهد: افتحيها، اقعدوا فيها على ما أدفع الفلوس. (هو طبعاً دفعها أول ما جه بس بيحور، بس إحنا مينفعش نقول.) فهد دخل للدكتورة. الدكتورة: اتفضل يا أستاذ فهد.

فهد: شكراً على اللي قلته. الدكتورة: مش فاهمة قلت إيه؟ فهد: إنها بنت وكده. الدكتورة باستغراب: طب ما هي بنت فعلاً. آسفة بس أنا مش فاهمة حضرتك، ممكن تفهمني؟ فهد: كيان المفروض مش بنت. الدكتورة بتعجب: المفروض إزاي مش فاهمة؟ فهد: أنتِ متأكدة إنها بنت؟ الدكتورة: بقولك كشفت عليها. فهد: تمام. وسابها ونزل متعصب ومش فاهم حاجة. ركب العربية وساق ووقف قدام بيت كيان. كيان كانت نازلة. فهد مسك إيديها. باباها بص.

معتز: شيل إيدك من عليها يا جدع أنت. فهد ببرود: أنت مكنتش هتدخلها بيتك لو مش بنت. واعتبرها مش بنتك. معتز: أنت بتقول إيه؟ أنت؟ فهد: أعتقد سمعت كويس. بس هفهمك. كيان مش هتطلع معاك. كيان هتروح شقتها تبع الشغل. معتز بجمود: خدها يا أخويا، أهي عندك. ماهي: يالهوي يا راجل! أنت بتقول إيه؟ دي بنتك. بنتي مش هتروح في حتة. كيان بتعاطف. فهد: عن إذنكم، اتفضلوا أنتم عشان الحق أوصلهالكم. معتز: يلا يا ولية، اطلعى قدامي.

ماهي: مش هسيب بنتي لوحدها. أنت اتجننت يا راجل أنت ولا إيه؟ معتز: أنتِ بتعلي صوتك؟ طب روحي يا أختي معاها. كيان بتعيط ومش عارفة تعمل إيه. فهد: تعالي معانا يا مدام. فهد بجمود: اتفضل انزل. معتز: نازل يا أخويا، قال يعني نازل من الجنة. وأنتِ يا ولية، اعملي حسابك، ملكيش رجعة للبيت ده تاني. والفلوس هاجي آخدها من بنتك كل شهر. أنتو سامعين؟ فهد اللي هو خلاص مبقاش في حيل للاستغراب، مش مصدق أساساً إنه أب.

فهد دور العربية وطلع على شقة في التجمع قريبة منه. فهد نزل وسند كيان وطلعها هي ومامتها. فهد: أنا معرفتش أجيب أكل أو أي حاجة وأنتم معايا. لأن المكان في بوابة تانية. هنزل ومش هتأخر، هجيب لكم أكل وحاجات وأجي. ماهي: ملوش لزوم يا ابني، كتر خيرك. فهد: متقوليش كده، أنتِ تؤمري. ماهي: الأمر لله يا ابني. فهد لكيان بجمود: أنتِ محتاجة تاخدي شاور. ادخلي على ما أجيب الأكل وأجي. كيان من غير كلام راحت. وفهد نزل. فهد: إزاي بنت؟

طب والدم واللي حصلها والدكتور اللي قال إنه حالة اغتصاب. هي بتلعب عليا بقى؟ طب وحياة أمي ما هرحمها. بس افرض طلعت مظلومة؟ أووف! زهقت. ونزل يشتري كل حاجة. خد ساعتين على ما خلص. (طبعاً مش زي البنات، إحنا بننزل الهايبر بنروح بعد أربع وخمس ساعات 😂 ولما بنروح بنفتكر إن فيه حاجات نسيناها.) فهد: دي الحاجات اللي ممكن تحتاجوها مؤقتاً. وأنا دلوقتي رايح.

فهد لكيان: اعملي حسابك بكرة هعدي عليكي عشان ننزل الشركة، فيه شغل كتير. نامي كويس. كيان: لا، كتر خيرك. فهد نزل. وماهي خدت بنتها في حضنها وناموا من غير ما ياكلوا. فهد رن على عمر. عمر: أووف، هو ده وقت حد يتصل فيه؟ ومسك الفون. عمر: إيه يا ابني؟ عايز أنام. فهد: احجز لكيان معايا، هتسافر معايا. عمر واتعدل: تسافر إيه؟ هي مش تعبانة؟ فهد بعصبية: ملكش دعوة، الحق احجز عشان هنسافر بكرة. عمر: طيب يا فهد. فهد: روح كمل نوم.

عمر: طيب، سلام. فهد: سلام. تاني يوم، فهد عدى على كيان. ونزلت لابسة بدلة رسمي بناتي، أكيد يعني لونها أوف وايت على هيلز أبيض ومرجعة شعرها لورا. كيان بتركب: مش كل مرة هنبهك، أنا مش سواق الهانم. اتفضلي اترزعي قدام. كيان: حاضر. بعد عشر دقايق. كيان بحمحمة: احم. فهد بزهق: قولي عايزة إيه؟ كيان: أنت إزاي لحقت تقول للدكتورة وتتفق معاها إنها تقول إنها بنت؟ فهد ضحك بصوت عالي. بعدها بص لها: مقلتش حاجة. كيان بعدم فهم: إزاي؟

فهد وقف العربية مرة واحدة. فهد: بتستعبطيني وتعملي إني اغتصبتك؟ وتتفقي مع الدكتور إنه يقول كده؟ وإنتِ أصلاً بنت؟ كل ده عشان اتجوزك؟ لا بجد، برافو عليكي. كيان بصدمة وفرحة: أنت بتهزر صح؟ أنا لسه بنت بجد يا فهد؟ أنا لسه بنت. وقامت حضنته: أنا فرحانة أوووي بجد. فهد بعدها عنها مرة واحدة. فهد: كفاية تمثيل. وحياة اللي حصلي الفترة دي، هطلعو عليكي. كيان: أنا مش فاهمة حاجة يا فهد، فهمني. فهد بصوت عالي: مستر فهد، ومين يفهم؟

فأنتِ فاهمة كل حاجة. وكفاية رغي. اتأخرت. ودور العربية ومشي. في الشركة بعد ما وصل. فهد: فيه فاكسات كتير اتبعتت، ترجميها واحفظيها في فايل وحطي نسخة منها على اللاب. وهاتي نسخة منهم زيادة لأن دول مهمين. سامعة؟ مش عايز غلطة. كيان: تمام. عند عمر. لانا دخلت من غير ما تخبط. عمر: إيه اللي أنتِ عملتيه ده؟ لانا: إيه؟ في إيه؟ عمر: اخرجى بره وارجعي خبطي. لانا بصوت واطي: آه، مني ناقصة بقا تخلف وعجرفة كدابة.

عمر: بتبرطمي، تقولي إيه؟ لانا: مش بقول. عمر: طب اتفضلي. لانا: أووف. وطلعت ورجعت خبطت. عمر: ادخل. لانا: يخربيت كده، أووف. عمر: قولي عايزة إيه؟ لانا: معاد الصفقة اتغير وبقى بكرة. الشركة لسه باعته، غيرت المعاد. عمر: بكرة إزاي؟ مش كان كمان يومين؟ لانا: مهم، غيروا المعاد ومدوش سبب مقنع. عمر: طب استنى، مترديش عليهم لحد ما أشوف فهد، لأنه هو اللي هيسافر. لانا: تمام. عمر راح لفهد. عمر لكيان: فهد جوه. كيان: آه، اتفضل.

عمر: فهد، الشركة غيرت المعاد وخلته بكرة. فهد: خلاص، ألغي حجز بكرة وهسافر كمان ساعة. جهزلي الطيارة. عمر: تمام. فهد: كيان، يلا عشان هنسافر كمان ساعة. هوْديكِ تجهزي نفسك. كيان: تمام. (اللي هيسأل كيان جابت هدوم إزاي؟ فهد جابلها وهو بيجيب الأكل امبارح.) فهد نزل هو وكيان. كيان: ممكن تفهمني لعبة إيه؟ لأني مفهمتش حاجة. صدقني أنا مش فاهمة والله. فهد زود من سرعة العربية. كيان: براحة، هنموت. فهد سرع أكتر.

كيان: فهد، فهمني، فهمنننني. فهد بغضب وعصبية: وبصلها. أنا قلتلك. ولسه هيتكلم. في عربية جت قدامه بسرعة مع سرعة عربيته. كيان: حااااااسببببببب.