رواية كيان الفهد الفصل الثامن والعشرون 28 - بقلم هدى عبدالصافي

فهد: طب استنى بس شوية، هو أنا في حضنك كل يوم؟ شوية وهنقوم. كيان: يا فهد يلا بقا، إيه جو الأطفال ده. فهد: طب متيجي نعيش جوا الكبار. كيان: أيوه وقوم بقا عشان تلبس وننزل. فهد: لا، انتي فهمتي غلط، جو الكبار بيبقى كده. وخلاها في حضنه وهو فوق و... كيان بتوتر: فهد ابعد. فهد بتلذذ: ولو مبعدتش؟ كيان: ابعد بقا. وزقته وقامت. فهد: كيان. كيان: ها. فهد: انتي قلتي امبارح إنك بتحبيني.

كيان بتوتر: لا لا، فهد أنا راحة ألبس عشان ننزل، يلا انت كمان البس. فهد شدها في حضنه. فهد: بتحبيني ولا لا؟ كيان بضعف: بحبك أوي يا فهد، فوق ما تتخيلي، انت الوحيد اللي حبيته حتى بعد اللي عملته فيا، بس بحبك. فهد بعشق: بجد؟ كيان بكسوف: آه. فهد: هتتتعبي معايا أوي، أنا مش سهل. كيان: هستحمل لحد ما أخليك تحبني، ويمكن أكتر. فهد: ولو مقدرتيش؟ كيان: يعني انت مبتحبنيش؟

فهد: قصدي لو مقدرتيش تكملي وتستحملي تقلباتي المزاجية وعصبيتي وزعقي. كيان: قبل ما تكمل، أنا متأكدة إني هقدر. فهد: طب افرضي مقتدرتيش؟ كيان: يبقى نلت شرف المحاولة وهحاول تاني لحد ما أقدر ومش هيأس. فهد: متأكدة؟ كيان: متأكدة. فهد باسها وطلعها من حضنه. فهد: يخربيت الفراولة اللي بتطلع في خدودك دي، يلا روحي البسي على ما ألبس. كيان: حاضر. وسابته وخرجت. بعدها بشوية نزلوا بعد ما كيان حضرت فطار بسرعة وخلت فهد يفطر. في العربية.

كيان بتوتر: فهد. فهد: سامعك، اتكلمي. كيان: هو هفضل مخبيا على ماما كده كتير؟ فهد وقف العربية: عايزة إيه؟ اللي عايزاه قوليه، متخافيش. كيان بتوتر: عايزة أقولها إني اتجوزت. فهد: حاضر. كيان بفرحة: بجد يا فهد؟ فهد: أكيد بجد، بعد الشغل نتكلم. كيان: ماشي. في الشركة. لانا دخلت لعمر. لانا: مستر عمر. عمر ببرود: خير. لانا: حضرتك عندك اجتماع بليل. عمر: الاجتماعات كيان لغتها الأسبوع ده، إزاي عندي اجتماع بليل؟ لانا: لا، مهو...

عمر: انطقي في إيه. لانا باحراج: خلاص يا مستر عمر مفيش حاجة، بعد إذنك. عمر بعد ما خرجت: غبي، مكنش ينفع تزود كده، لا بس هي تستاهل. لانا قعدت برا تعيط. عمر: لانا تعالي. لانا بصوت عياط: حاضر يا مستر عمر. عمر مستناش لما سمع صوتها وطلع لها. عمر: انتي بتعيطي ليه؟ لانا: مفيش حضرتك، كنت عايز إيه؟ عمر: بقولك بتعيطي ليه؟ لانا: قلت لحضرتك مفيش. عمر: ورايا على المكتب. لانا: حاضر. عمر: بتعيطي ليه؟

لانا: قلت لحضرتك مفيش، لو جايبني تسألني على كده بعد إذنك، عندي شغل. عمر: لما أكلمك تقفي عدل وتتكلمي عدل. لانا: أنا بتكلم كويس. عمر: لا مش بتتكلمي كويس، كنتي بتتزفتي تعيطي ليه؟ لانا: حاجة متخصكش. عمر: لا تخصني. لانا: والله اللي هو إزاي. عمر: انتي هنا في الشغل وبتعيطي، قولي في إيه. لانا: حبيبي مش حاسس بيا، نفسي يحس. عمر بغضب: حبيبك مين يا روح أمك؟ انتي هبلة يا بت ولا إيه. لانا: احترم كلامك، إيه اللي بتقوله ده.

عمر: حبيب مين؟ انتي اللي هيقرب من بيتك هقتله، أي حد هيفكر فيكي يا لانا هقتله، انتي سامعة. لانا: انت واحد همجي ومش بتفهم، أنا طالعة. وسابته وطلعت. عمر قعد متعصب ومفيش دقايق وخرج وركب العربية ومشي. بعدها فهد وكيان جم. فهد: عمر. لانا: لا لسه ماشي يا مستر فهد. كيان: انتي كويسة النهارده؟ لانا: آه الحمد لله. فهد: تمام، لما ييجي قوليله ييجي. لانا: تمام. فهد راح المكتب بتاعه ووراه كيان.

كيان: أول اجتماع هيبقا يوم السبت الجاي، بداية الأسبوع. فهد شدها ليه وهي واقفة جنبه وقعدها على رجله. كيان بخضة وتوتر: مستر فهد، مينفعش كده. فهد بضحك: مستر إيه؟ يعني يبقى بليل حبيبي، والصبح بحبك، وتيجي تقوليلي دلوقتي مستر. كيان: ابعد يا فهد، مينفعش كده. فهد: طب كملي وأنا هركز معاكي وإنتي كده. كيان: يا فهد ابعد، افرض حد دخل من الموظفين. فهد: سيبك منهم. كيان: فهد ابعد بقا. الباب خبط وفهد مش راضي يسيب كيان برضو.

كيان بضحك: يخربيت كده هنتفضح، ابعد بقا. فهد باستمتاع: هتنامي في حضني النهارده تاني؟ كيان: لا مستحيل. فهد: خلاص خلينا. كيان: ابعد يا فهد عشان خاطري. الباب خبط تاني. فهد ساب كيان وهي راحت قعدت بعيد وخدت الورق. فهد: اتفضل. موظف: فهد باشا محتاجين حضرتك توقع هنا. فهد: إيه ده؟ موظف: دي الكشوفات بتاعت الجرد بتاع الأرشيف الشهر ده. فهد: تمام، سيبوه واتفضل انت. موظف: تمام يا فندم. فهد قفل الباب بالمفتاح وراح قعد جنب كيان.

كيان بخوف: فهد ابعد عشان خاطري. فهد: انتي خايفة مني؟ كيان: ابعد يا فهد عشان خاطري، مينفعش كده، غلط. فهد: غلط إيه؟ انتي مراتي. كيان: مش قدام الكل. فهد: أووف يا كيان، خلاص قلتلك. كيان: مفتاح المكتب يا فهد عشان أطلع أشوف شغلي. فهد: ماشي يا كيان. وفتح لها الباب وخرجت وفضلت تعيط. فهد خرج لها بعدها بشوية لقاها بتعيط، قومها وخدها المكتب. فهد: بتعيطي ليه يا كيان؟

كيان بشحتفة: حاساك مش عايزيني، وبتعمل كده وخلاص عشان صعبت عليك. فهد وخدها في حضنه: مين ده اللي مش عايزك؟ ده أنا بتمنا اليوم ده بفارغ الصبر، أنا عايزك يا كيان، انتي ملكي، أنا ملك فهد الصقر وبس، انتي الوحيدة اللي هزيتي عرش الصقر وقعدتي جوه قلبه، انتي بس اللي بقدر أبينلها ضعفي وأنا مش مكسوف أو خايف. كيان بعياط: أنا مش بحب أشوفك ضعيف، عايزك دايما فهد القوي اللي مش بيخاف من حاجة غير اللي خلقه، أنا بحبك يا فهد، بحبك.

فهد قرب عليها وباسها وبعد عنها. وكيان حطت وشها على صدره بكسوف. فهد بضحك: حددي لي معاد مع ممتك النهارده، مش قادر أستنى، هتجنن. كيان بضحك: حاضر. عند عمر فضل ماشي بالعربية بسرعة رهيبة ووقف في مكان مفهوش ناس وصرخ بأعلى صوته.

عمر: ااااااااااااه، أنا بحبها، هي لو ترضى هقولها إني بحبها، بس، وشر'ف أمي منا مخلي حد لامسها ولا حتى يفكر فيها غيري، ويبقا سنين أمه س'ودة اللي يفكر في كده، قال حبيبي يحس، أعرفه بس وهندمه، وانتي يا لانا حاضر، وحيات أمك لتشوفي مني وش م'هبب على دماغك انتي والز'فت اللي بتحبيه. وبعدها ركب العربية ومشي بسرعة رهيبة ووصل الشركة تاني. لانا: مستر عمر. عمر بعصبية: عايز إيه؟ لانا: مستر فهد عايز حضرتك. عمر: طيب، ماشية.

لانا: مالو ده؟ عمر: متدخليش في حاجة متخصكيش، فاهمة؟ ركزي في شغلك. لانا باحراج: تمام. عمر راح لفهد ودخل من غير ما يخبط، لقى فهد وكيان.