رواية كيان الفهد الفصل الثامن والأربعون 48 - بقلم هدى عبدالصافي

لانا بدموع وموطية دماغها في الأرض. عمر راح لها وحضنها. عمر بثبات: ها يا دكتورة بنت ولا لا؟ الدكتورة: المدام... الدكتورة: بنت لسه. لانا بصدمة واقفة مذبهلة. عمر: تمام يا دكتورة. ديجة: حبيبتي متزعليش إني حطيتك في موقف زي ده، بس أنا عارفة إن ابني بتاع بنات. لانا ولسه في صدمتها: تمام تمام. عمر: ديجة هاخد لانا وننزل نشوف حاجات عشان الفرح وكده. ديجة: تمام يا حبيبتي. لانا: إنت اتفقت مع الدكتورة؟

عمر: هتفق معاها إمتى وليه أصلاً؟ وإنتي بنتي. لانا: مش فاهمة. عمر: لانا أنا ملمستكيش أصلاً، كل اللي عملته إني شيلتك من العربية وطلعتك، نيمتك على السرير ودي مادة عاملة زي الدم بالظبط، وإنتي أصلاً كنتي لسه زي ما إنتي، بلبسِك متبهدلش، السرير بس اللي اتبهدل بلون المادة، بس إنتي من خضتك صدقتي، يبقى هي إزاي مش هتقول إنك بنت. لانا بصدمة ودموع: إنت إنت بتقول إيه؟ إنت فاهم إنت خلتني حاسة بإيه؟ إنت فاهم إحساسي وقتها عامل إزاي؟

عمر: المهم إنك بخير. لانا بدموع: طلقني يا عمر. عمر بصدمة: لانا إنتي بتقولي إيه؟ إنتي هبلة؟ ده مستحيل، أنا مأصدقت بقيتي معايا. لانا: معاك بالكذب؟ معاك وأنا مضطرة. عمر بحزن وحضنها: أنا عملت كل ده عشان تكوني مراتي وحبيبتي. لانا في الأول كنت عايزك، بس أنا دلوقتي مقدرش أستغنى عنك، مقدرش أعيش من غيرك، مستحيل أتخيل حد تاني هو اللي يبقى معاكي. لانا أنا أنا بحبك والله بجد بحبك، ومحبتش ومش هحب غيرك.

لانا بعياط: وأنا كمان بحبك، بس إنت كدبت عليا يا عمر، كدبت في أول حياتنا. عمر بعد عنها وبيمسح دموعها: عشان خاطري خلاص، انسى ونبدأ من النهاردة. لانا: .... عمر: موافقة؟ لانا: موافقة عشان بحبك. عمر شدها لحضنه وحضنها جامد. عمر بابتسامة: هنروح نشوف الفستان. لانا: لا لا لازم يبقى مفاجأة. عمر: زي ما تحبي، هبعتلك مصممين بكرة وشوفي إنتي عايزة إيه والشكل اللي عايزاه هيتعمل فوراً. لانا: بحبك. عمر: قولي تاني. لانا باحراج: خلاص.

عمر: وأنا بموت فيكي يا لولو. لانا: حلو لولو. عمر: طب يلا يا ستي تحبي تروحي فين؟ لانا: ... تلفون عمر رن. حبيبة: عمر في واحد صاحبك مستنيك، متتأخرش. عمر: مين صاحبي ده؟ حبيبة: اسمه زياد. عمر: آه، طيب ماشي سلام. عمر بأسف: حبيبي لازم نرجع دلوقتي البيت عشان في واحد مستنيني في البيت. لانا: عادي. عمر باس إيدها ودور العربية ومشي. عند حبيبة. حبيبة: صبرني يارب. زياد: يارب يا بنتي بدل ما أنا مولع من كتر نفخك.

حبيبة: ملكش دعوة بيا. زياد: هو أنا كلمتك! حبيبة: اوف، إنت عايز إيه؟ زياد: أنا كلمتك يابت إنتي، هبلة. حبيبة: بقولك إيه، متغلطش بدل ما أزعلك. ديجة كانت وصلت. ديجة: إيه ده؟ زيزو وحشتني يا روحي. حبيبة: إنتي تعرفيه؟ ديجة: في إيه يا حبيبة، إنتي معرفتيهوش ولا إيه؟ حبيبة: لا محصلش، القرف. ديجة: بطلي الألاكة دي، زياد يا ديجة، زيزو.

حبيبة بوجع: زياد اللي سابني وراح اتجوز وخلف، زياد اللي نسى حبي ليه وحبي ليا وسافر واتجوز وخلف، وقالي انسيني. ديجة: يا بنتي رحتي فين؟ حبيبة بقوة: أهلاً، إيه اللي رجعك؟ وفين مراتك وأولادك؟ ديجة: حبيبة اتكلمي بذوق. زياد بأسف: سيبيها يا ديجة، مفيش حاجة. حبيبة: بعد إذنكم. وطلعت جري على فوق. ديجة: زياد. زياد بتفهم: مفيش حاجة يا ديجة، بس ممكن أطلع له؟ ديجة: أكيد، بس خلي بالك. زياد: متقلقيش. زياد طلع خبط، وهي مرضيتش.

قام دخل لقاها نايمة حاضنة المخدة ومغطية نفسها بلحاف وبتعيط. زياد بوجع: بيبي قومي. حبيبة بوجع وعياط: اطلع برا يا زياد. زياد: أنا آسف. حبيبة واتعدلت وعنيها حمرا بطريقة غبية ووشها. حبيبة: آسف على إيه؟ آسف على إنك كسرت قلبي وسيبتني؟ آسف على حب سنين وسيبتني ورحت اتجوزت وخلفت؟ آسف إنك راجع بعد سنين وعايزني أقول أوكي يا بيبي خلاص؟

زياد: أنا متجوزتش، وأقسم لك إني محبتش غيرك، أنا عملت كده عشان أكون نفسي ومعلقكيش بيا، عملت كده عشان... حبيبة بصريخ: عشان إيه؟ عشان إيه؟ عملت كده ليه؟ تعمل فيا كده لييييه؟ أنا مقدرتش أنساك، معرفتش. زياد وخدها في حضنه: ولا أنا يا حبيبة نسيتك، والله عملت كل ده عشانك، عشان أرجعلك وأنا محقق هدفي وحلمي، عشان لما أتقدملك مبقاش قليل.

حبيبة بزعيق: كداب، إنت مكنتش قليل، إنت باباك عنده شركات كبيرة، وداخل شريك مع ديجة، مكنتش قليل، إنت سيبتني عشان إنت عايز كده. زياد: والله يا حبيبة، والله أبداً، والله كل ده عشانك، كنت بتعذب وإنتي بعيدة عني ومش عارف أكلمك، ولما قلتلك إني اتجوزت وخلفت ده كان عشان متوقفيش حياتك عليا. حبيبة بعياط: إنت أنا إني مفكرتش غير في نفسك، لكن أنا مش مهم، أولع وأروح في ستين داهية، مش مهم.

زياد: بعد الشر عليكي، حبيبة والله أنا بحبك، محبتش غيرك. حبيبة فضلت تعيط وزياد شدد من حضنه ليها. عمر دخل لقى زياد حاضنها. عمر بعصبية: إنت بتعمل إيه؟ وشده وفضل يضرب فيه، وزياد بيصد الضربات. قام عمر أداله بوكس في وشه. زياد بوجع: يا عم أبو إيدك التقيلة. عمر بغضب: إيدك متلمسش أختي تاني، سامع؟ زياد: هصلح غلطتي. عمر بغضب: غلطت إيه ياض يا ابن ال**، إنت عبيط يلا؟

زياد: يا عم قصدى حضنها، يخر'بيتك مبتصدق. المهم أنا طالب إيد أختك. عمر بيبص لحبيبة بحب: رأيك إيه؟ حبيبة كأن روحها اتردت لها: موافقة. عمر: معملتش نفسها تقيلة حتى. زياد بتسرع: كتب الكتاب النهاردة، وأدينا لسه الصبح هنلحق إن شاء الله. عمر شد لانا اللي واقفة جنبه في حضنه، وهي اتكسفت. عمر: لا هتبقى مع فرحي أنا ولانا وفهد وكيان. زياد: هتتجوز يا ن**؟ عمر: يا عم أبو دي' معرفة، امشي يلا برا.

زياد: احم، خلاص خلاص، ممكن آخد خطيبتي بقى لتحت ونخرج شوية؟ وكتب الكتاب هيبقى النهاردة. عمر: تمام يا زياد. زياد بفرحة: موافق بجد يا عمر؟ عمر: آه، بس شوف فهد يا برنس الأول وديجة. زياد: ديجة موافقة، وربنا يستر من فهد. عمر: سلام يا برنس. وشد حبيبة: دي تلزمني يا بابا لحد ما تكتب كتابك عليها. زياد: عمر إنت بتهزر؟ عمر: إنت عبيط يلا، إنت مفكر هسيبلك روحي بسهولة؟ يلا يا بابا. زياد: ماشي يا عمر.

وخرج ورن على فهد، وفهد قاله إنه في البيت. عمر بحب: مبسوطة يا روحي؟ حبيبة بدموع: أوي يا عمر. عمر وهو بيبوس دماغها: يارب ديماً يا حبيبتي. لانا بدموع: هروح أغير. عمر: تمام يا حبيبتي. عمر لحبيبة: هسيبك أنا دلوقتي يا روحي. حبيبة: ماشي. عمر راح للانا اللي واقفة بتعيط قدام المراية وحضنها، وانعكاسهم باين بشكل لطيف. عمر: بتعيطي ليه يا روحي؟ لانا بدموع: مفيش حاجة. عمر: يالهوي، أمال ده إيه؟ لانا ولفت حضنته جامد.

لانا بعياط: مكنش عندي أخ، أو شفت مامتي أو بابايا، اتربيت في ملجأ، وكل اللي يعرف كان يقول عليا تربية شوارع، كنت بموت من جوايا وأنا شايفة نظرات شفقة من أي حد ييجي يزورني، أو لما حد يعرف، كنت بخاف وأنا لوحدي أوي يا عمر، كان نفسي أحس بحنان الأم وحب الأب وحماية الأخ لأخته، بس معشتش الإحساس ده، ديماً لوحدي. عمر بوجع: أنا معاكي يا حبيبتي، أنا أبوكي وأخوكي وأختك وأمك وكل عيلتك، مش هتبقي لوحدك بعد كده، هبقى معاكي يا روحي.

لانا بعياط: أنا بحبك أوي يا عمر، بحبك رغم اللي كنت بتعمله، بس فضلت أحبك. عمر بحزن: وأنا كمان بحبك يا قلب عمر، يلا يا حبيبي ادخلي اغسلي وشك وغيري ونامي شوية، وأنا كمان عايز أنا. لانا: حاضر. عند فهد. فهد: لا يا زياد. زياد: ليه يا ابني؟ إيه اللي يخليه ممنوع؟ فهد: إنت عبيط، إنت مفكر إني هسمحلك تخليها تسافر معاك؟ إحنا مأصدقنا رجعت. زياد: يا فهد بس جوزهالي، وأنا والله مش هسافر وهنقل كل حاجة هنا.

فهد: ماشي يا زياد، هديك أغلى جوهرة في عيلة الصقر. زياد: هتبقى في قلبي مش في عيني. فهد: طب يلا الحق جهز لكتب الكتاب. وجه الليل، وحبيبة كانت في أوضتها، وهما بيكتبوا الكتاب تحت في الجنينة. وبعد ما كتبوا الكتاب ندهوا لحبيبة. صقر: مبروك يا حبيبتي. حبيبة وهي بتحضنه: الله يبارك فيك يا جدو. سليم: مبروك يا روحي. حبيبة: الله يبارك فيك يا أونكل. زياد: بعد إذنكم يا جماعة بقى، مأصدقت. وشدها وجرى. حبيبة: براحة يا ابني هقع.

زياد وقف بعيد عنهم. زياد بفرحة: أنا مش مصدق إنك خلاص معايا وملكي أنا، بحبك يا حبيبة، بحبك. حبيبة باحراج: وأنا كمان. زياد وهو بيشدها ليه: وقال بهدوء: وإنتي كمان إيه؟ حبيبة بتوهان: وأنا كمان بحبك. زياد قرب وشو منها وباسها في خدها، وبعدين رقبتها، ورجع شعرها لورا ودانها و...