رواية كيان الفهد الفصل السابع والأربعون 47 - بقلم هدى عبدالصافي

هنكشف نشوف هيا بنت ولا. لانا وشها اصفر واتقلب. عمر: ليه يا ديجة؟ وبعدين اصلًا. ديجة: ده شرطي. عمر بتوتر: ماشي يا ديجة. لانا بصتله وبرقت. عمر بهدوء: ماشي يا ماما. ديجة: مالك يا لانا وشك اصفر كده ليه؟ لانا بتوتر: ها لا مفيش حاجة. ديجة: ماشي يا حبيبتي يلا اطلعى البسي وانتا كمان يا عمر اطلع البس. عمر: تمام. شد لانا وطلعوا. لانا: عمر انتا بتهزر؟ انا انا. وعيطت. عمر شدها في حضنه. عمر: متخافيش يا حبيبي. لانا بعياط: مخافش؟

أي ربنا يسامحك ليه تحطني في موقف زي ده؟ ليه يا عمر؟ هعمل أي دلوقتي؟ عمر: مش هتعملي حاجة. ممكن تهدى بس. مفيش حاجة خالص عشان تتوتر وتخاف. لانا: يا عمر انتا بتهزر. عمر: حبيبي البسي ومتقلقيش. هتصرف. لانا دخلت تلبس في الدريسنج وعمر دخل الحمام. كيان تحت. ديجة: شكلك قمر ما شاء الله. كيان: شكراً يا طنط. ديجة: ديجة يا حبيبتي. كيان: ماشي. حبيبة: بعد إذنكم أنا هطلع. ديجة: ليه يا حبيبتي؟ حبيبة بحزن: عايزة اطلع ارتاح شوية.

ديجة: ماشي يا حبيبتي. وطلعت. فهد: أنا هطلع لها. كيان كانت ماسكة إيده ومش راضية تسيبها. فهد: حبيبتي مش هتأخر. وشال إيديها وطلع. خبط ودخل لقى حبيبة قاعدة بتعيط. فهد: بقلق مالك يا حبيبة؟ في أي؟ حبيبة: مفيش حاجة بس عايزة ارتاح شوية. فهد بحنية: هتخبّي عليا يا بيبة؟ حبيبة بعياط: معلش يا فهد سيبني لوحدي. أنا تعبانة شوية وهبقى كويسة. فهد: قوليلى مالك. حبيبة: مش هينفع. مش هينفع. فهد: بتحبي يا حبيبة؟ حبيبة بصدمة: بحب مين؟

فهد: بسألك انتي بتحبي. حبيبة بحزن: مش هتفرق. فهد: ليه مش هتفرق؟ حبيبة: عشان هو مش شايفني وكمان كمان يبقى. فهد: كملي. حبيبة: متجوز. فهد بعصبية: انتي أكيد بتهزري؟ بتحبي واحد متجوز؟ حبيبة بعياط: مش بإيدي. أنا حبيته. فهد بيحاول يتمالك أعصابه: مين هو؟ حبيبة: مش هينفع أقولك. سيبني يا فهد لو سمحت. فهد خدها في حضنه وهي مسكت فيه جامد.

فهد: أنا في ضهرك يا بيبة. انتي أختي الصغيرة وبنتي وحبيبتي وهتمنالك كل الخير. بس مش مع واحد متجوز. حبيبة بدموع: ماشي يا فهد. فهد بعدها وباس دماغها. فهد: هسيبك ترتاحي وتفكري كويس. ونزل خد كيان. فهد: هنمشي إحنا دلوقتي. وخد كيان وركبوا. كيان: هنروح فين؟ فهد: مفاجأة. كيان: أي هيا؟ فهد: هتعرفي لما نوصل. بعد وقت فهد وقف قدام فيلا فخمة. فهد: شكلها حلو؟ كيان: آه ما شاء الله جميلة. فهد: تعالي نتفرج عليها من جوه. خدها واتفرجوا.

كيان: حلوة ما شاء الله اللهم بارك. فهد: مبروك عليكي يا حبيبتي. كيان: مبروك إيه؟ فهد: الفيلا يا حبيبتي. كيان: مش فاهمة. فهد: فيلتنا يا روحي اللي هنتجوز ونعيش فيها. كيان بصدمة: انت بتهزر يا فهد؟

فهد: تؤتؤ مش بهزر. تعرفي إن الفيلا دي الوحيدة اللي من ساعة ما اتعملت وأنا مش راضي أدخل حد فيها بعد العمال ما خلصوها. والغريبة إني كنت لازم كل يوم أجي نص ساعة أشوف عملوا إيه. كنت حاببها جداً ومستغرب ده. بس دلوقتي عرفت إني كنت بعمل كده عشان هتبقى لأجمل بنت في العالم كله. كيان: أنا بحبك أوي. فهد: وأنا كمان يا حبيبتي. كيان: بس ماما والبيت هناك وجدو. فهد: كل واحد يا حبيبتي ليه بيته وهنبقى نشوفهم. كيان: طب يلا عشان نمشي.

فهد: ماشي يلا. عند عمر. ديجة: أنا هركب عربيتي وانتا وهيا اركبوا مع بعض. عمر: وأي لزمتها؟ ما تيجي معانا. ديجة: لا يلا. وركبو. عند حبيبة. الدادة: في واحد تحت بيقول إنه صاحب عمر بيه. حبيبة: هو عمر مشي؟ الدادة: آه. حبيبة: طب خلاص روحي انتي. ونزل. حبيبة: أهلاً اتفضل. شخص: شكراً أنا بس انتي. حبيبة: هو أنت طالع لي في البخت يا ابني أنت. زياد: بخت بس يا ماما. يلا العبي بعيد بألفاظك دي. فين عمر؟

حبيبة بغيظ: مش موجود. خرج مشي. هج من هنا. زياد: ما هو لازم يمشي. ما هو أكيد مستحملش لسانك. حبيبة: لم نفسك يا ابن آدم أنت. زياد: ياساتر عليكي. حبيبة: عايز إيه؟ زياد: عايز صاحبي مش سواد عيونك. حبيبة: اللهم طولك يا روح. عند فهد. فهد: خير. سليم: عايز أتكلم معاك. فهد: مش فاضي الحقيقة. سليم: لازم يا فهد. وشد إيده ودخلوا المكتب اتكلموا. وبعدها فهد اتصدم. فهد: سليم بابا يا كيان. كيان باحترام: تشرفت.

سليم بود: الشرف ليا يا حبيبتي. اسمك جميل. كيان: شكراً ليك. سليم: مبروك يا ولاد. كيان وفهد: الله يبارك فيك. صقر: الفرح هيبقا امتى يا فهد؟ فهد بابتسامة: هبقى كمان أيام. عند عمر. لانا دموع وموطية دماغها في الأرض. عمر راح لها وحضنها. عمر بثبات: ها يا دكتورة بنت ولا لا؟ الدكتورة: المدام...