رواية كيان الفهد الجزء الثاني الفصل العاشر 10 - بقلم هدى عبدالصافي

قلتلك هتبقى ملكي. اناريماس بنفس متقطع: انت ازي عملت كده؟ سليم كان نفسه يعمل حاجة، شدها من وسطها. الستارة كانت مقفلة، البلكونة كلها وباب البلكونة مقفول. سليم شدها ليه من وسطها وقرب عليها، وباسها و.... ريماس بعدته: وبتاخد نفسها بسرعة ووشها كله أحمر. سليم بضحك: اهدى يا روحي. ريماس ضربته في صدره وخرجت تجري على الأوضة. شوية وسليم خرج بعد ما عدل نفسه ومشوا. وبعدها بليل سافروا.

زين: بقولك إيه، اتلمي. مفيش زفت نزول بحر. عندك البسين ابقي انزلي، لكن تنزلي البحر قدام الكل لـ.... لـيان: يا زين هو احنا جايين مصيف عشان انزل بسين الفيلا؟ ما كنت نزلت بسين بيتنا أحسن. زين: لا، أخليكي تنزلي وأقولهم بصوا على البنت اللي معايا. عمر شافهم كده واطمن، وبعدين راح قعد جنب لانا وخدها في حضنه وهي بتثبت فيه. سليم فضل يتمشى على الشط وهو بيكلم ريماس، اللي لسه مش مستوعبة لكن فرحانة إنها معاها راجل زي سليم.

بعد شهر بالظبط كان فرحهم. هما التلاتة. التاريخ بيعيد نفسه. التلت بنات والتلت ولاد. من 24 سنة بيتجوزوا. كل واحد ماسك إيد مراته وبيفتكر اللي حصل من 24 سنة. بيفتكروا اللي حصل لحد ما بقوا مع بعض. بعد تعب ومشاكل. هما كملوا واتجوزوا. وانهاردة فرح ولادهم. قد إيه العمر لحظة، تتلاحقها تعيشها صح مع الشخص الصح. متتلاحقهاش وتقضي باقي عمرك تعيس.

كل واحد خد عروسته وفضلوا يرقصوا، وكانوا فرحانين. وريماس اتعلقت بسليم أكتر خلال الفترة دي. فهو أثبتلها قد إيه هو راجل، ومعاملته وطريقته في حل المشاكل وبيحتويها وبيفهمها. اليوم عدا، وكل واحد خد عروسته وراحوا فيلتهم. سليم بحب: بحبك. ريماس بإحراج: وأنا كمان بحبك. سليم: غيري وتعالي نبدأ حياتنا مع بعض بصلاة عشان ربنا يبارك لنا في حياتنا الجاية. ريماس: حاضر.

سليم باس دماغها، وهي دخلت غيرت ولبست أسدال واتوضت. وسليم غير واتوضا وصلوا. عند مازن وكيالا. مازن وهو بياخدها في حضنه: بحبك. كيالا بحب: وأنا كمان يا مازن بحبك فوق ما تتخيل. مازن باسها: يلا يا روحي غيري عشان نصلي. كيالا دخلت غيرت واتوضت وصلوا. عند زين وليان. زين بحب: بقينا لوحدنا يا جميل. ليان: يعني؟ زين: هقولك يعني إيه، بس تعالي نصلي الأول. وراحوا اتوضوا وصلوا. زين وهو بيشيل الطرحة من على دماغها:

زين: بحبك يا ملكة الزين. ليان: وأنا بموت فيك. زين قرب عليها وباسها، وقاموا من على سجادة الصلاة. كل واحد خد حب حياته وعشرة عمره وراحوا بيتهم اللي في ذكرياتهم وثمرة حبهم، وهي أولادهم.

البيت بقى فاضي عليهم، كل واحد بيفتكر في الوقت ده شقاوة ابنه أو بنته اللي ميقدروش يستغنوا عنهم. كل واحد عينه بتنزل دموع لوحدها وهما لاقيين أوضتهم فاضية ومقفولة. زي مهما فرحانين ليهم، على قد ما هما موجوعين على فراقهم من جنبهم. مكنوش متخيلين في يوم إنهم هيبعدوا عنهم، ولكنها سنة الحياة. فهد: ربنا يخليكي ليا يا أجمل زوجة وأم وحبيبة وصاحبة. بحبك يا كيان الفهد. كيان: وأنا بحبك يا أجمل رجل رأيته عيني وسوف تراه.

عمر: بحبك يا صعبة المنال. لانا: وأنا بموت فيك. زياد: بحبك يا حب طفولتي. حبيبة بحب: وأنا بعشقك يا زيزو.