رواية كيان الفهد الجزء الثاني الفصل الثامن 8 - بقلم هدى عبدالصافي

زين: يخر'بيت زينو لما بتقولها وقرب منها. ليان بتوتر: زين في إيه؟ زين: ردي بس على السؤال. تتجوزيني؟ ليان بتوتر: ا ااه. زين: بس وهو ده المطلوب. وقرب منها باسمها وحضنها جامد وقعدها على الكنبة. ليان بخوف: زين في إيه؟ زين: انتي عارفة إني بحبك صح؟ ليان بتوتر: اه. زين: أنا نفسي تكوني معايا العمر كله. ليان بحب: وأنا كمان. زين: طب تعالى. ورجعوا الفيلا ودخلوا. ليان: هو بابي ومامي فين؟ حبيبة: بيجيبوا حاجات عشان السفر يا حبيبتي.

سليم: وأنا هطلع أجهز نفسي. أنا عريس بكرة. كيان بضحك: حبيب أمه اللي هيبقى عريس. سليم حطلها بوسة في الهوا. فهد: اتلمي يا بنتي. سليم بضحك: بكرة يا عم مراتى هتبقى معايا ونفسي حد يتكلم. كيان: بقى كده يا سليم؟ وأنا؟ سليم راح قعد قدام رجليها. سليم بحب: انتي ست الكل. انتي أمي وصحبتي وحبيبتي. لو طلبتي أي حاجة أنفذها لك. وباس رجليها وأيديها ودماغها. كيان عيطت وخدته في حضنها. فهد عينه بقت فيها دموع. سليم ساب كيان وراح لفهد.

سليم: ويكفيني إني ابقى ابن أعظم راجل شفته. الراجل اللي رباني وعلمني وكبرني. الراجل اللي ديما جنبي وسندي في الدنيا. بحبك يا أعظم أب. وحضنه فهد. خده في حضنه جامد. صقر: ربنا يخليكم لبعض يا ولاد كلكم. كلهم: ويخليك لينا يا صقر باشا. صقر ضحك. وكلهم بلا استثناء قاموا باسو دماغه وإيده. وكذلك مع ماهي وديجة وسليم الجد. سليم: هطلع أنا بقى. زين: اطلع يا عريس براحتك. سليم ضحك وسابه وطلع. زين: طب وإحنا إيه نظامنا؟ زياد: هتتجوزوا.

زين بفرحة: احلف. سليم الجد بضحك: قال هتتجوزوا خلاص بدل ما يرجع في كلامه. زين بفرحة وضحك: زغرطي يا بت انتي وهي لوووولي. وعمل نفسه بيزغرط. حبيبة: ابني اتجنن الحمد لله. كيان بضحك: ده اتجنن. زين: طب بعد إذنكم بقى كده هاخد مراتي المستقبلية وهنشتري حاجات. ديجة: بسرعة عشان لو خالك جه هيعلقك. زين: لا هنيجي بسرعة. يلا يا ليان مالك ساكتة كده ليه. وشدها وهما فضلوا يضحكوا. مازن: بعد إذنكم يا جماعة هروح أنا بقى.

فهد: فرحك هيبقى مع زين وسليم. مازن بفرحة: أخيرا. وبص لكيالا بحب. طب همشي أنا بقى. كيالا: طب يا بابي هطلع. فهد قبل ما يكمل: روحي. كيالا طلعت وصلتوا لحد الباب. مازن بفرحة: مش مصدق. كيالا: ولا أنا يا حبيبي. مازن خدها على جنب وفضل حاضنها وبيشم ريحتها وبس. وبعدها باسها في خدها وراح ركب عربيته. وهيا طلعت على أوضتها جري ودخلت وفضلت تضحك. فهد: البيت هيفضى علينا. ماهي: دي سنة الحياة يا ابني. كيان

قامت باست ايدها وحضنتها: ربنا يخليكي لينا يا أمي. ماهي: ويخليكم يا حبيبتي لأولادكم. عند لانا وعمر راحوا يشتروا حاجات من المول. وبعدها ودوا الشنط العربية ورجعوا. دخلو كافية وقعدوا يتكلموا ويرجعوا وقت مكان لسه شباب. زين وليان فضلوا يلفوا بالعربية. ليان: هنفضل نلف كده يا زين. زين: عايزة تروحي فين يا حبيبتي. ليان: مش عارفة بس كده زهقانة. زين بتفكير: طب تعالى نروح الفيلا. ليان بخوف: لا.

زين: متخافيش ياروحى. ولف بالعربية ومشى في طريق بيته. ليان: زين لو بابي أو أونكل عرفوا هيزعقوا وهتحصل مشكلة. زين: متخافيش ياروحى. ونص ساعة وكانوا وصلوا الفيلا عند زين. زين خبط والشغالة فتحت الباب. الشغالة: زين بيه اتفضلوا. ودخلوا. ليان: زين يلا نمشي. زين: هو إحنا لحقنا حتى نقعد يا ليلو. تعالي بس عايز أوريكي حاجة عملتها في الأوضة بتاعتي. ليان: إيه؟ زين شدها وطلعوا فوق. ليان: فين هيا؟

زين: شدها براحة لجوا الأوضة ووقفها في ركن جمب الدولاب. زين: اهي. وقرب عليها و...