تحميل رواية كيان الفهد الجزء الثاني بقلم هدى عبدالصافي pdf

رواية كيان الفهد الجزء الثاني 2 البارت الحادي عشر 11 بقلم هدى عبدالصافيرواية كيان الفهد الجزء الثاني 2 الفصل الحادي عشر 11عمر: بحبك يا صعبة المناللانا: وانا بموت فيك****زياد: بحبك يا حب طفولتىحبيبة بحب:وانا بعشقك يا زيزو و..

فهد والكل وصلو القصر وتمارا ومريم دخلو جرى ومريم جرت وحضنت جنه اللى كانت قاعده فى الريسبشن

مريم:انتى كويسه ياجنه

جنه:الحمدلله يامريومه والله

الكل اطمنو على جنه

تمارا:حبيبتى فين زين

جنه:فوق فى اوضته ياتوتا

تمارا طلعت بسرعه ومعاها فهد على اوضه زين

البنات قربو من جنه

زينه:خوفنا عليكى اوى ياجوجو لما عرفنا اللى حصل معاكو

جنه:الحمدلله انها عدت على خير

البنات:الحمدلله

مريم:حبيبتى شكلك تعبانه اطلعى ارتاحى فى اوضتك شويا

جنه:حاضر

البنات:هنيجى معاكى يلا

زينه:هروح اطمن على زين واجيلكوو

البنات:حاضر

البنات طلعوو والكل طلعو على اوضه زين عشان يطمنو عليه

=================

فى اوضه زين قاعد على السرير وبيفتكر كل اللى حصل معاهم وفاق من تفكيره لما باب الاوضه اتفتح وجرت تمارا عليه

تمارا حضنته:حبيبي انت كويس طمنى عليك

زين:انا بخير ياتوتا متخافيش عليا

فهد حط ايده على كتفه:ابنك بطل ياتمارا ميتخافش عليه

تمارا:طب خلينى اطمن على الجرح يازين

زين:جنه خيطته ليا ياتوتا وكمان غيرتلى عليه من شويا

تمارا بغمزة:قامت بالواجب يعنى

زين ابتسم

تمارا:وحضرتك اتكلمت ولا زى مانتو

زين:احم تقريبا زى ماحنا

تمارا بصت لفهد:هيجرالى حاجه بسبب ابنك ده اقسم بالله يارب صبرنى

الباب خبط ودخل الكل واطمنو علي زين ونزلو عشان يرتاح ودخلت زينه وجرت على حضن اخوهااا وعيطت:حبيبي يازيزو خوفت عليك اوى انت كويس

زين:كويس يازينوو ومش عيب تخافى على زين الفهد

زينه ضحكت:صح عيب انا عارفه ان اخويا بطل بردو وبعدين جوجو كانت معاك واكيد اهتمت بالجرح كويس

زين ضربها على راسهااا:هتبداى ولا ايه

زينه ضحكت:هروح اشوفهااا لان شكلها تعبانه اوى ومصدومه من اللى حصل

زين:صح اخبار فريد ايه

زينه:اخر مرة كلمنى قالى انه مسافر عنده شغل

زين:شغل فين

زينه:لبنان

زين:تمام روحى

زينه خرجت ودخل اسر

زين:انا شكلى مش هعرف ارتاح النهارده

اسر حضنه:حمدلله على سلامتك ياصاحبي انت كويس

زين:بخير ياصاحبي

اسر:بس تفتكر مين ممكن يعملها يازين

زين:مش عارف وحاسس راسى هتنفجر من التفكير

اسر:صح نسيت اقولك حاجه مهمه

زين:ايه هيااا

اسر:رجالتنا شافو فريد رايح شقه فى عمارة فى الزمالك ولسه هناك من يومين منزلش

زين:بس الفيلا بتاعته فى اسكندريه ايه اللى يوديه شقه فى الزمالك

اسر:مش عارف انا خليت رجالتنا واقفين هناك لما نشوف ايه اخره

زين افتكر كلام زينه ان فريد مسافر لبنان وبص لاسر اوى

اسر:فى حاجه يازين

زين:انت قولت ان الراجل اللى مراقب فريد قال انه راح شقه فى الزمالك من يومين صح

اسر:اه

زين:طب ازاى وزينه بتقولى انه مسافر لبنان

اسر:هى قالتلك كدا

زين:امممم

اسر:يبقي هو قالها انه مسافر وراح الزمالك طب ليه وبيعمل ايه

زين:مش عارف لازم نعرف هو لوحده فى الشقه ولا معاه حد

اسر:طب هنعرف ازاى

زين:فى طرق كتير بس لازم نتكلم مع الفهد الاول وخلى رجالتنا مفتاحين كويس

اسر:تمام هسيبك ترتاح شويا

زين:تمام

==============

عند فريد فى شقه الزمالك اتصل على رجالته وعرف منهم اللى حصل وان زين ضربهم وهرب مع جنه بس اتجرح فى جمبه

فريد:كويس علمنا عليه وخوفناهم شويا

الست:مالك ياحبيبي بتكلم نفسك

فريد حكالها اللى حصل مع زين

الست:وتفتكر هيسكتو على اللى حصل

فريد:سبيهم يلفو حولين نفسهم شويا ياست الكل يلا اجهزى انتى عشان ننزل نروح معادك عند الدكتور

الست:حاضر ياحبيبي

فريد والست جهزو ونزلو فتحلها باب العربيه ولف ركب مكانه ورجاله اسر شافوهم وكلمو اسر وعرفوه باللى حصل وطلب منهم يمشو وراهم يشوفو رايحين فين

===================

بليل فى مكتب الفهد كان قاعد ومعاه اسر وزين

فهد:ومين اللى كانت معاه

اسر:مش عارف اخدها عند الدكتور ورجعو تانى على شقه الزمالك

زين:معقول قريبته مثلاا

اسر:مش عارف

فهد:خليهم وراه ولو نزل معاها مرة تانيه يصورها ووقتها نعرف هى مين

اسر:تمام

فهد:اطلعو ارتاحو يلا عشان من بكرة الكل هينزل شغله وانت يازين ارتاح يومين بلاش تنزل الشغل

زين:انا كويس يابابا هنزل معاكوو

فهد:تمام

==================

صباح يوم جديد الكل صحو وفطروو وكل واحد راح على شغله

فى المستشفى جنه عملت عمليه التانيه لطفله نور والطفله حالتها كانت صعبه لان العملتين كانو فى وقت قريب من بعض وهى صغيرة وجنه اللى كانت مسؤله عن حالتها

زينه دخلت مكتب جنه:يلا ياجوجو

جنه:نور حالتها صعبه يازينه مش هقدر اسيبها

زينه:عرفت من الممرضه ان شاء الله تبقي بخير

جنه:يارب

زينه:انتى ناسيه اننا ممنوع نتاخر او نبات برا

جنه:طب عرفيهم فى البيت وانا هابقي اكلم السواق يجى ياخدنى لما اطمن عليها ومش هتاخر

زينه:حاضر وخدى بالك من نفسك

جنه:حاضر يازينوو

زينه خرجت وروحت على البيت وجنه سابت فونها فى المكتب وراحت تطمن على نور

==========================

زينه رجعت القصر وقالتهم ان جنه هتتاخر عشان حاله اللى معاها وهتبقي تكلم السواق يروحلهااا

عدى وقت كبير والساعه بقت ١٢ بليل والكل بيرنو عليها مش بترد ومن كتر الرنات الفون فصل والكل قلقانين عليها

زينه:طب انا هكلم الاستقبال فى المستشفى يخولها تكلمنا

تمارا:كلميهم يازينه بسرعه

زينه كلمتهم وقالوها ان الدكتورة زينه مشت من نص ساعه

مريم:طب كلمو السواق يمكن كلمته

كنان رن عليه وقاله ان محدش كلمه وانه روح بيته

مريم:طب هتكون راحت فين ياكنان

فهد متابع الكل وعينه على ابنه اللى فاضله ثانيه وهينفجر من الغضب:اهدوو ياجماعه... زين روح شوف جنه اكيد مش هتلاقى تاكسي فى الوقت ده

زين:حاضر

اسر:اجى معاك

فهد:خليك انت يااسر

اسر:تمام

كنان:ازاى تتاخر بالشكل ده وكمان مش بترد على حد وبعد كدا الفون يتقفل

مروة:ممكن يكون فصل وهى متعرفش

شروق:اهدى ياكنان ان شاء الله خير

الكل:يارب

زين خرج وركب عربيته ومشي فى طريق الوحيد اللى بيوصل للمستشفى

===========================

عند جنه خرجت من المستشفى وطلعت فونها عشان تكلم السواق لقيته فاصل

جنه:اوبس ده وقتك تفصل يعنى طب انا هعمل ايه الوقت

جنه قربت من الحارس اللى وافق على البوابه:لو سمحت ممكن اعمل مكالمه من تلفونك

الحارس:اسف يادكتورة بس مش معايا رصيد والله

جنه:لا عادى ولا يهمك .بس هو مافيش تاكسي بيعدى

الحارس:فى الوقت ده صعب بس فى موقف قريب من المستشفى بشويا بيكون فى تاكسي كتير

جنه:تمام شكرااا

جنه مشت وكانت خايفه لان الوقت متاخر وخصوصا بعد البر حصل معاها هى وزين وكمان مافيش اى حد فى الشارع وصلت عند الموقف بس ماكنش فى ولا سواق

جنه:مانتى غبيه بردو مين اللى هيشتغل فى الوقت المتاخر ده

جنه فضلت ماشيه وكانت مرعوبه بجد شافت عربيه جايه من بعيد وخافت اكتر ليكون فيها شباب وهى لوحدهاا وسرعت فى مشيتها

العربيه وقفت قدام جنه ونزل منها زين وجنه اول ماشافته ارتاحت :زين

زين قرب منها:انتى اتجننتى عشان تمشي لوحدك فى وقت زى ده

جنه:انا خلصت متاخر ومافيش ولا تاكسي

زين بعصبيه:ماتكلمى السواق او اى حد فينا يجى ياخدك

جنه:فونى فاصل

زين اتعصب وبعد عنها خطوتين وضرب عجله العربيه برجله ولف بصلها تانى:انتى عارفه الكل فى البيت قلقانين عليك ازاى ومامتك حالتها ايه

جنه عينيها دمعت:انا قولت لزينه تعرفهم انى..

زين بعصبيه وصوت عالى:انك غبيه مش كدا لما تفضلى فى وقت زى ده برا وكمان ماشيه لوحدك فى شارع لو حد اتعرضلك ممكن تفهمينى هتعملى اي

جنه عيطت وخافت من عصبيه زين

زين شافها كدا حاول يهدى شويا:اركبي يلا

جنه ركبت قدام وزين ركب مكانه وطلع فونه وكلمهم فى البيت وطمنهم عليها وساق العربيه

بعد شويا وصلو القصر وجنه نزلت وكانت خايفه من رد فعل الكل اكيد متعصبين زى زين

زين:هتفضلى وافقه كتير

جنه دخلت ومريم اول ماشافتها جرت عليها واخدتها فى حضنها:حرام عليكى ياجنه كدا تقلقينى عليكى

جنه عينيها على الكل وشايفه عصبيه ابوهاا

فهد شاف جنه وعينيها الحمرا وعرف ان اكيد زين اتعصب عليها

كنان قرب من جنه اللى فى حضن مريم وشد جنه من دراعها وجنه استغربت:بابا انا اسفه

كنان بعصبيه:اعمل بيها ايه اسفه دى انتى عارفه انتى خوفتينا عليكى ازاى لا بتردى على فونك وبعد كدا اتقفل والمستشفى يقولو انك خرجتى حضرتك عارفه الساعه كام الوقت

جنه هزت راسها بلا

كنان:الساعه بقت ١ ياانسه يامحترمه ..فى بنت محترمه ترجع بيتها فى الوقت ده ولوحدها

مريم:خلاص ياكنان

كنان:لو سمحتى يامريم...احنا قولنا مليون مرة ممنوع تاخير برا حتى فى الشغل صح ولا غلط

جنه:صح..انا اسفه والله بس حاله البنت كانت صعبه اوى ومقدرتش اسيبها

تمارا قربت من كنان:خلاص ياكنان المهم انها رجعت بخير

جنه عينيها اللى كلها دموع كانت بتمر على كل اللى وافقين لحد ما وصلت عند زين اللى واقف بيتابع من بعيد وباين عليه العصبيه ودموعها نزلت وحطت وشها فى الارض

فهد:زينه خدى جنه على اوضتها

زينه قربت منها واخدتها فى حضنها وطلعو والبنات طلعو وراهااا

مريم بصت لكنان:ممكن افهم ليه تتكلم معاها كدا انت عارف ومتاكد ان بنتك محترمه وجدااا كمان وان اللى حصل غصبن عنها انا كنت دكتورة فى حالات بتعدى علينا مش بنقدر نسيبها

كنان:انا عارف انا بعمل ايه يامريم

مريم:انت عارف ان جنه حساسه جداا وانك تكلمها بطريقه دى وقدام الكل هيأثر عليها ازاى كنت عايز تعاتبها خدها واتكلم معاها لوحدكو مش قدامنا بشكل ده

تمارا:خلاص يامريم اللى حصل حصل

حسن:مريم معاها حق ياكنان المفروض كنت اخدتها المكتب او اوضتها واتكلمت معاها

راكان:خلاص ياجماعه حصل خير

فهد:يلا كله يروح ينام الوقت اتاخر وهنصحى من بدرى

الكل راح على اوضهم وفضل فهد وزين

فهد:اتعصبت عليها صح

زين:....

فهد:يعنى انا غلطت لما طلبت منك تروح تجيبها

زين:دى ماشيه لوحدها فى طريق مقطوع افرض كان حد اتعرضلها

فهد:حصل خير يلا اطلع نام

فهد وزين كل واحد راح على اوضته......

فى اوضه جنه نايمه على السرير وباصه لسقف وبتعيط فى صمت بعد مارفضت ان البنات يفضلو معاها وقالتلهم انها تعبانه وهتنام والبنات كل واحده راحت على اوضتها وبتفتكر كلام زين ان لو حد اتعرضلها كانت هتعمل ايه وهى لوحدها وكلام كنان لما قالها ان فى بنت محترمه ترجع فى وقت متاخر زى ده

جنه كانت مخنوقه ومش قادرة تتنفس

(جنه لما بتزعل او بتخاف بتحس بخنقه ومش بتقدر تتنفس ولازم تاخد البخاخه بتاعتها)

جنه قامت من على السرير وفتحت درج اللى بيكون فيه بخاخه بس ماكنتش موجوده افتكرت انها كانت معاها على السطح فتحت الباب وخرجت وهى بتسند على الحيطه خلاص نفسها بيقل والرؤيه مش واضحه بس مش عايزة تقول لحد كفايه انها قلقتهم النهارده عليها طلعت السلم براحه لحد ماوصلت لسطح راحت ناحيه الدولاب اللى بيحطو فيه حاجاتهم بس خبطت فى الزرعه اللى موجوده ووقعت على الارض وهى وقعت ومش قادرة تقوم تانى

==========================

زين كان لسه صاحى فى اوضته وبيفتكر جنه ودموعها اللى نزلت اول مابصت فى عينيه وفاق على صوت حاجه وقعت على السطح قام بسرعه يشوف فى ايه طلع السطح واتفاجأ لما شاف واحده واقعه على الارض بس شعرها مدارى وشها مش عارف دى مين قرب منها وشال شعرها من على وشها واتصدم لما شاف جنه شالها من الارض بسرعه وحطها على الكنبه:جنه ردى عليا

جنه بتعب:زين.....بخاخه

زين:هى فين

جنه شاورتله على الدولاب وهو راح بسرعه بقي يفتح كل الادراج لحد مالاقاها وجرى على جنه وقرب البخاخه منها وساعدها تستخدمها وجنه شهقت بقوة لما اخدتها ونفسها بدا ينتظم وهدت نوعا مااا

زين قام جبلها ميا:اشربي ميا ياجنه

جنه شربت شويا صغيرين وزين اخد منها الكوبايه وحطها على التربيزة:انتى كويسه

جنه:الحمدلله

زين كان سرحان فى جمالها دى اول مرة يشوفها من غير حجاب وشعرها اللى واصل لاخر ضهرها ولابسه بجامه بكم لونها ازرق

زين:ايه اللى حصلك ياجنه

جنه:مافيش انا كنت محتاجه البخاخه بس كنت نسياها هنا

زين:انتى كنتى بتعيطى فى اوضتك مش كدا

جنه بصلته اوى وحطت ايدها على وشها وعيطت

زين قعد جمبها:طب ممكن تهدى شويا لو انتى زعلانه بسبب كلامنا معاكى فده بسبب خوفنا عليكى مش اكتر

جنه شالت ايدها ومسحت دموعها:بابا شايفنى مش محترمه بس مقدرتش اسيبها دى طفله عندها ٥ سنين لو كنت سبتها كانت ماتت

زين:طب اهدى عشان ماتتعبيش تانى

جنه مسحت دموعها:حاضر...ممكن متقولش لحد انى تعبت كفايه قلقهم عليا النهارده

زين:انتى كويسه ولا انادى زينه تنامى معاكى

جنه:لا كويسه شكراا

جنه شعرها نزل على وشها وبترجعه ورا ودنها فجاه برقت وبصت لزين اللى استغرب:نهااار اسود انا خرجت كدا ازاى من اوضه

جنه قامت بسرعه وحست بدوخه وكانت هتقع وزين صدهاا:اهدى ....لو كان حد تانى من الشباب اللى شافك كان نهارك هيبقي اسود بجد... لكن انا اللى شوفتك فعادى

جنه بتوتر:عادى ازاى مش فاهمه مانت كمان غريب زيهم

زين:لا مش غريب لان ببساطه انتى هتكونى زوجه زين الفهد

جنه شهقت لما قال كدا ووشها احمر ومش قادرة تبص فى عينيه

زين ضحك:هتموتى من الكسوف والله

جنه جرت بسرعه على اوضتهااا وزين ابتسم على كسوفهاا ونزل اوضته

===========================

جنه دخلت اوضتها وكانت هتموت من الفرحه معقول زين قالها انها هتكون زوجه زين الفهد فضلت تنطنط من الفرحه وراحت نامت على السرير ونامت وهى فرحانه

===========================

صباح تانى يوم فى اوضه كنان ومريم

مريم:روح صالحها قبل ماتنزل ياكنان لو سمحت

كنان:حاضر يامريم ممكن بلاش تزعلى منى بقي

مريم دخلت فى حضنه:عمرى ماازعل منك والله ياكنان بس زعلت عشان خاطر جنه

كنان:تعالى معايا نروحلها

مريم:روحلها انت ياحبيبي وانا هنزل المطبخ

كنان:حاضر

==========================

كنان راح وخبط على الباب وجنه فتحتله واتوترت لما شافته:بابا اتفضل

كنان اخدها فى حضنه وهى عيطت جامد:انا اسفه والله يابابا مش هتكرر تانى

كنان:خلاص ياحبيبه قلبي انا اللى اسف انى اتعصبت عليكى

جنه بعدت عن حضنه:لا حضرتك متتأسفش انت كنت خايف عليا انا اللى اسف انى قلقتكو بشكل ده

كنان:انتى لسه مجهزتيش ليه

جنه:النهارده حابه اخد اجازة حاسه انى تعبانه شويا

كنان بخوف:مالك ياحبيبه قلبي تحبي نروح لدكتورة

جنه:لا ياحبيبى والله انا بس تعبت امبارح فكلمتهم عشان اقولهم انى مش هاجى النهارده

كنان:طب يلا ننزل نفطر سواا

جنه:طب لحظه البس الاسدال

كنان:حاضر

جنه لبست الاسدال ونزلت مع كنان اللى اخدها فى حضنه والكل كانو متجمعين حولين السفره وفرحو لما شافوهم نازلين سواا

مريم بمرح:ايوا بقي اخد بنتك حبيبتك فى حضنك وراحت عليا

جنه جرت على حضن مريم:انتى الاصل يامريومه

زينه:ايه ده ياجوجو انتى مش هتروحى المستشفى

جنه:لا كلمتهم وقولتهم هاخد اجازة النهارده

تمارا:ليه ياحبيبتى

جنه:امبارح تعبت شويا فقولت ارتاح النهارده

زينه:طب ونور

جنه:اطمنت عليها الحمدلله اتنقلت اوضه عاديه وكويسه جداا

الكل:الحمدلله

مروة:طب يلا عشان تفطرووو

شروق:بدام جوجو النهارده اجازة تعمليلنا الكيكه بتاعتك اللى كلنا بنحبها قشطااا

اسيل:ايوا بقي

جميله:وزودى صوص الشوكلت ونبي

جنه:من عيونى حاضر

زين نزل:صباح الخير

جنه وشها احمر اول ماسمعت صوته وزين قعد مكانه وعينه على جنه اللى وشها فى طبقها فهد متابع اللى بيحصل وابتسم وتمارا بصلته وهو هز راسه بمعنى مافيش

اسيل:بابا

حسن:نعم ياحبيبتى

اسيل:النهارده ادهم عايزنى اروح اتغدى معاه هو ومامته لانه عنده مهمه لمده اسبوعين

حسن:حاضر ياحبيبتى روحى

اسيل:حبيبي ياابو على

زينه بتاكل وعينيها جت على اسر اللى بيبصلها وكانت مستغربه نزلت وشها تانى وافتكرت لما كانت هتقع من على السلم وهو صدها وقتها حست احساس غريب وقلبها فضل يدق جامد ومش فاهمه اى ده

حارس دخل ووقف على الباب:فهد باشا

فهد قام وقرب منه:فى ايه

حارس:فى ناس برا عايزين الدكتورة جنه

الكل استغرب وجنه كمان

كنان:ناس مين

الحارس:معرفش يابيه هما قالو عايزين الدكتورة

زين:طب دخلهم كدا

جنه قامت وقفت اول ماشافت اهل نور وجرت عليهم:نور كويسه حصلها حاجه

ام نور:لا ياحبيبتى الحمدلله كويسه

جنه بصت لفهد وكنان:دول اهل نور الطفله اللى عملتها العمليه امبارح دى والدتها مدام فاطمه وده اخوهاا استاذ محمد

مريم:طب اتفضلو ادخلووو

دخلو قعدو وجنه قعدت جمب والدتها

فاطمه:احنا سالنا عليكى يابنتى فى المستشفى قالو انك اخده اجازة واحنا كنا حابين نشكرك على اللى عملتيه مع بنتنا امبارح

جنه:دى واجبي والحمدلله انها بخير وان شاء الله تخرج بالف سلامه

محمد اخو نور:الدكتورة امبارح ماسبتش نور ابدااا لحد مابقت كويسه ولولاها الله اعلم يمكن نور ماكنتش موجوده معانا الوقت

مريم:بعد الشر عليها وربنا يباركلكو فيها يارب

فاطمه:بصراحه احنا جايين عشان حاجه تانيه

كنان:اتفضلى فى حاجه

فاطمه:انا بدور على عروسه لابنى هو مهندس فى شركه معماريه والحمدلله اموره كويسه

اسر بص لزين وهمس:البس يامعلم

زين اتعصب وبص لابوه اللى فهم نظرة ابنه

جنه خافت ومسكت ايد زينه اللى همستلها:متخافيش

فهد:ربنا يباركلك فيه بس ايه المطلوب

فاطمه:انا بطلب ايد الدكتورة جنه لابنى محمد هو معجب بيها من اول ماشافها بس كنا بنستنى لما نطمن على نور الاول

فهد:ده شرف كبير لينا بس للاسف جنه مخطوبه

الكل اتصدم لما قال كدا ماعدا كنان وزين اللى ابتسم وعينه جت على جنه اللى كانت مصدومه

فاطمه:مكناش نعرف والله لانها مش لابسه حاجه فى ايدهاا

كنان بص لفهد وفهم نظراته:لاننا لسه هنعمل الخطوبه قريب ان شاء الله واكيد هتكون اول المعزومين

فاطمه قامت ومحمد :ان شاء الله ده شرف لينا طب نستأذن احنا عشان نور لوحدها

تمارا:نورتوو

فاطمه وابنها وخرجو مريم بصت لشروق واتكلمت بصوت عالى:هى جنه اتخطبت امته

الكل ضحكووو

فهد:انا اتكلمت مع كنان عشان خطوبه زين وجنه

البنات صوتو ماعدا جنه اللى كانت مكسوفه والشباب صفرووو

تمارا قربت من جنه:مبروك ياحبيبه قلبي

جنه:الله يبارك فيكى

الكل بدا يبارك لزين وجنه

ريان قرب من كنان:ونبي ياعمى انا كمان عايز اخطب البت الغلبانه اللى قربت تعنس دى

جميله: قربت اعنس ياريان

ريان:اسكتى انتى

راكان:بص هو ابنى واهبل بس اجبر بخاطره ينوبك ثواب

كنان ضحك:وانا موافق

الكل بقي يبارك لريان وجميله

فهد:الخطوبه الاسبوع جاى قبل امتحانات جميله

تمارا:بس اسبوع قليل اوى يافهد

فهد:كل حاجه هتجهز متقلقوش

حسن:طب يلا نروح الشركه بقي العيال دول عطلونا

الكل راح على شغله وجنه والماميز دخلو المطبخ يجهزو الغدا وجنه بتعمل الكيكه ..........

&&&&&&

اخيرااا زين اتحرك داحنا نعمل حفله بقى

فى الشركه الشباب متجمعين فى مكتب زين

اسر:يابنى ارحم امى دماغى صدعت

ريان:ياعم فرحاااااان اخيراا هخطب المزة بتاعتى

اسر:ربنا يفرحكوو يارب

زين بص لصاحبه:ان شاء الله هتكون من نصيبك ياصاحبي

ريان:بصراحه زينو خسارة فى اللى اسمه فريد ده

اسر:اللى عايزه ربنا هيكون ان شاء الله

زين:ريان انت اللى هتقابل العميل النهارده واعمل زى ماقولتلك

ريان:اعتبره تم ياكبير

زين:امممم

اسر:انا هروح مكتبي بقي

زين:تمام

===========================

فى مكتب اسيل بتشتغل وجميله معاها وبتعمل زيهاا

جميله:كدا صح

اسيل:ايوا صح كملى بقي على نفس النظام ده ولما تخلصى ودى الورق لعمو كنان عشان هو اللى هيراجع شغلك

جميله:احنا شغلنا فل الفل يابنتى مبنخافش

اسيل ضحكت:ماشي ياختى انا همشي بقي

جميله:ليه

اسيل:ادهم هياخدنى ونتغدى مع مامته

جميله:قشطااا

اسيل اخدت حاجاتها وخرجت ونزلت كان ادهم واقف ساند على عربيته:انا فكرتك هتطلع

ادهم:عبيط انا عشان اطلع والشباب يلبسونى شغل اعمله

اسيل ضحكت:لا جدع

ادهم:يلا اركبي

اسيل ركبت قدام وادهم جمبهاا وراحو على الفيلا اللى عايش فيها ادهم مع مامته ونزلو من العربيه وادهم مسك ايدها ودخلوو كانت مامته قاعده فى الريسبشن اسيل جرت عليها:حبيبه قلبي ياسوسو وحشتينى

سهام والده ادهم:ياحبيبه قلبي وانتى وحشتينى والله

ادهم:وانا فين من الحب ده

سهام:انت القلب ياحبيبي..ارتاحى ياحبيبتى على مااحضر الغدا

اسيل:ودى تيجى بذمتك لازم اساعدك يلا بينا

سهام ضحكت:يلا ياسولا

ادهم بيبصولهم بفرحه لانه بيحب علاقه والدته واسيل جدااا

بعد شويا كانو قاعدين على السفره

اسيل:تسلم ايدك ياسوسو الاكل تحفه

سهام:بالف هنا ياحبيبتى

اسيل:لما اتجوز واجى اعيش معاكى تعملينى كل الاكل اللى ادهم بيحبه

سهام:ان شاء الله ياحبيبتى ربنا يفرحكو يارب

ادهم:ايوا بقي نفسي ابقي عريس

اسيل:صح نسيت اقولك خطوبه زين وجنه وريان وجميله كمان اسبوع

ادهم:احلفى اخيرااا الكبير اتحرك

اسيل:اخيراااا

سهام:هابقي اكلم مريم اباركلها

اسيل:دانتى تتكلمى وتنورى فى اى وقت ياسوسو

سهام ضحكت على جنان اسيل

بعد وقت طويل قضوه هزار وضحك ادهم وصل اسيل على الفيلا ودخل يسلم عليهم كان الكل متجمعين فى الجنينه

ادهم:مساء الخير

الكل:مساء الخير

ادهم سلم على الكل وقعد

حسن:مهمتك امته ياوحش

ادهم:هسافر بكرة باذن الله ياعمى

مروة:ربنا يحميك ياحبيبي يارب

ادهم:حبيبتى ياحماتى

اسر:كدا حماك هيقلب عليك

ادهم بص لحسن:حبيبي ياحمايا

راكان:بتسحب ناعم انت

ادهم:اومال ايه

فهد:لازم تكون هنا فى خطوبه الولاد

ادهم:صح مبروك ياشباب اسيل قالتلى النهارده

زين وريان:الله يبارك فيك

ادهم:اكيد هاجى باذن الله ياعمى

جنه جت ومعاها الكيكه اللى عملاها وقدمتها للكل بس زين جاله مكالمه وراح بعيد يرد عليها

تمارا:خلى نصيب زين فى المطبخ ياجنه لما يخلص يبقي ياكلها

جنه:حاضر

بعد شويا ادهم استاذن ومشي وكل واحد راح على اوضته

===========================

زينه فى اوضتها بتفكر فى فريد وكلامه

وفاقت لما الباب خبط قامت فتحت كان زين

زينه:زين مالك

زين:مافيش هيكون مالى يعنى

زينه:اصل غريبه جايلى اوضتى

زين:هى جريمه لما اجيلك اوضتك ولا ايه

زينه:هاا بقي ياسيدى عايز ايه

زين:طالب منك خدمه

زينه:اؤمر

زين:عايز جنه تطلع السطح

زينه:ليه

زين:عايز اتكلم معاها يا زينه الله

زينه:بقي زين الفهد مش هيعرف يخليها تطلع السطح وجيلى انا اساعده

زين:لا طبعا اقدر اخليها تطلع بس هى بتتكسف ومش هتوافق ومش بتطلع غير معاكى

زينه:طب استنى هكلمها

زينه رنت على جنه وفتحت اسبيكر وجنه ردت عليها:زينووو مالك

زينه:قلب زينو بصراحه زهقانه

جنه:وعايزة ايه بقي

زينه:نطلع السطح

جنه:لااااا مستحيل اطلع الوقت

زينه:ليه مش اول مرة نطلع زى الوقت

جنه:المرة اللى فاتت طلعنا وزين طلع وربنا يستر ميكونش سمع كلامنا

زين ابتسم وزينه ضحكت:لا متخافيش مسمعش حاجه ونبي تعالى اطلعى وهاتيلى حته كيكه من بتاعتك

جنه:انسي

زينه:انسي ايه

جنه:كلكو اكلتو الحته اللى تحت بتاعه زين هو اللى لسه ماكلش

زينه:اخص عليكى يعنى انا بقولك نفسي فى حته تقوليلى بتاعه زين والله زعلت

جنه:انتى عارفه مقدرش على زعلك بس ايه رايك اعملك بكرة صنيه لوحدك

زينه:بجد

جنه:جد الجد بس الحته دى لا دى بتاعه زين

زينه:يعنى انا ولا زين

جنه:معرفش

زينه:يعنى مش انا ياواطيه

جنه:يووووه بس بقي

زينه:طب يلا اطلعى

جنه:هلبس الاسدال واطلع

زينه:محدش صاحي الوقت

جنه:كدا احسن سلام

زينه:سلام

زينه قفلت وبصت لزين:ليا هديه على المساعده دى

زين:شوفى عايزة ايه وانا هجبلك

زينه:هفكر واقولك

زين:اوكى سلام

زين خرج وطلع على السطح

==========================

زين طلع ووقف فى مكان عشان جنه متشوفوش وشويا وجنه طلعت ولابسه اسدال بلون الزهرى

جنه:زينه ...ايه ده هى لسه مطلعتش

جنه لسه هتلف وتنزل لقت اللى بيشدهاا من ايدهاا كانت لسه هتصرخ بس زين حط ايده على بوقها:هششش دانا زين اهدى

زين شال ايده:اسف انى خضيتك

جنه بعدت شويا عنه:هى زينه فين

زين:مافيش غيرى انا

جنه:طب عن اذنك

زين مسك ايدها:رايحه فين

جنه:زين لو سمحت مينفعش حد يشوفنا هنا لوحدنا

زين:متخافيش محدش صاحى وبعدين احنا مش بنعمل حاجه غلط انا كنت عايز نتكلم شويا وبس

جنه:نتكلم فى ايه

زين:واحنا واقفين يعنى تعالى نقعد

زين قعد على كنبه وجنه على الكنبه اللى قدامه ووشها فى الارض ومكسوفه وزين عينه عليها

جنه بصتله:احم اخبار الجرح ايه

زين:تمام توتا غيرتلى عليه الصبح ومن شويا

جنه:تمام

زين:جنه

جنه بصلته:نعم

زين:انتى مبسوطه باللى حصل النهارده ولا لأ

جنه باستغراب:هو ايه اللى حصل

زين:موضوع خطوبتنا ياجنه موافقه ولا

جنه بصت فى الارض وزين حب يضايقها:يبقي مش موافقه خلاص انا هعرف عمى بكرة

جنه بسرعه:لا والله موافقه

زين ضحك وجنه اتكسفت

زين:عارف انك موافقه على فكرة

جنه بصلته:عرفت ازاى

زين:انا زين الفهد...وبعدين انا سامع ان فى حته كيكه بتاعتى هى فين

جنه:فى المطبخ تحب اجبهالك

زين:ياريت

جنه قامت ونزلت بسرعه جابت قطعتين كيك وطلعت كان زين قاعد على السور السطح

جنه:انت قاعد هنا ليه يازين تعالى نقعد على الكنب

زين:متخافيش تعالى

جنه:لا طبعاا مستحيل اقعد هنا

زين نزل اخد منها الطبق وحطه على السور وشال جنه فجاه وقعدها على السور

جنه:لا ونبي يازين نزلنى

زين:متخافيش السور عريض يعنى مش هتقعى وبعدين انا معاكى وعمرى ماهسمح ان يحصلك حاجه

جنه بصلته وابتسمت:طب ممكن تاكل بقي

زين قعد جمب جنه ومسك الطبق وبدا ياكل:تسلم ايدك ياجنه

جنه:بالف هنا

زين مد ايده بالشوكه لجنه

جنه:انا اكلت كل انت

زين:وانا عايزك تاكلى معايا

جنه اكلت القطعه وزين بدا ياكل وياكلها معاه لحد ماالطبق خلص وزين حطه على السور جمبه

زين:جنه

جنه بصلته:نعم

زين:انتى بجد فرحانه

جنه بصه فى الارض وهزت راسها باه

زين:موافقه على الخطوبه

جنه هزت راسها باه

زين:بتحبينى

جنه هزت راسها باه وفجاه برقت وبصت لزين اللى ضحك عليها:مانا عارف

جنه:ومين قالك

زين:مانا قولتلك انا زين الفهد

جنه:طب ممكن تنزلنى عشان انزل انام عندى بكرة شغل كتير

زين:طبعاا

زين نزل ومسك جنه من خصرهاا وهى بشكل تلقائى حطت ايديها على كتفه زين نزلها وباسها من راسهااا

جنه نزلت ايدها:تصبح على خير

زين قرب منها:وانتى من اهلى ياجنتى

جنه بصلته وابتسمت ونزلت بسرعه على اوضتهاا

وزين ابتسم ونزل اوضته هو كمان....

الكل روح من الحفله كانو تعبانين وطلعو اوضهم عشان يرتاحووو

فى اوضه اسر كان هيتجنن من كتر التفكير يعنى لو ماكنش شاف فريد وهو بيشد زينه كان هيعمل معاها ايه وازاى يقرب منها كدااا فاق من تفكيره على الباب اللى بيخبط راح يفتح كان الفهد

اسر:خير ياعمى فى حاجه

فهد دخل وقعد على الكنبه:احكى

اسر:احكى ايه مش فاهم

فهد:اللى حصل فى الحفله بينك وبين فريد وزينه

اسر:حضرتك عرفت منين

فهد بصله برفعه حاجب

اسر:اسف نسيت ان حضرتك بتعرف كل حاجه

فهد:لا متنساش تانى انا سامعك اهو

اسر بدأ يحكيله كل حاجه وفهد اتعصب

فهد:فريد منزلش تانى مع الست اللى فى عمارة الزمالك

اسر:لا من يوم مااخدها عند دكتور ورجعو مخرجتش تانى ولما واحد من رجالتنا سال البواب قاله انها قريبه الباشمهندس فريد وبيجى عندها كل فترة

فهد:الواد ده لازم نعرف اخره ايه

اسر:حضرتك عرفت مين عمل كدا مع زين

فهد:لا بس ادهم هيفرغ كاميرات اللى على الطريق وهيعرف منها مين الناس دى

اسر:ادهم كمان كان قالى انه هيجيب كل المعلومات عن فريد بطريقته

فهد:تمام

فهد خرج من الاوضه واسر نام على السرير

====================

عند فريد وصل الشقه اللى فى الزمالك ورن الجرس فتحتله الست واتصدمت لما شافته:ياحبيبي يابنى مالك فى ايه مين اللى عمل فيك كدا

فريد دخل وقعد على اقرب كنبه:عملها ابن حسن

الست:اسر طب ليه يضربك

فريد حكلها على اللى حصل

الست:ياحبيبى يابنى طب استنى اكلمك دكتور

فريد:لا ياست الكل انا كويس

الست:طب استنى هجيب عليه الاسعافات واعقملك الجروح دى

الست بدات تعقم الجروح وتحط عليهم لزق طبي

فريد:مش هسيبه مفكر انى عيل ومش عارف انه بيعشقهاا الوقت اكيد فرحان مفكر ان كدا هيفوز بيها بس بيحلم مش هياخدهااا منى

الست:اهدى ياحبيبي وادخل نام يلاا عشان ترتاح شويا

فريد:حاضر

====================

صباح يوم جديد فى قصر الفهد

الماميز والكبار قاعدين على السفره

فهد:فين الشباب والبنات

تمارا:صحيو وبيلبسو ونازلين

ريان نازل على السلم وماسك ايد جميله

ريان وجميله:صباح الفل

الكل:صباح الخير

ريان:انا هاخد جميله وهنخرج نفطر سواا

كنان:هتاخدها وتخرج من غير ماتستاذن منى حتى

شروق:مراته ياكنان الله

راكان:اتكلم بقي لو جدع

كنان:فوضت امرى لله

مريم ضحكت:روحو ياحبايبى

ريان وجميله خرجووو

================

اسر نازل على السلم قابل زينه وهى خارجه من اوضه الروايات:صباح الخير يازينه

زينه:صباح الخير

اسر:انتى مش راحه المستشفى ولا ايه

زينه:لا مش عندى حاجه وكلمتهم واخدت اجازة

اسر:انتى كويسه يازينه

زينه:كويسه يااسر عن اذنك

زينه دخلت اوضتها واسر نزل:صباح الخير

الكل:صباح الخير

مروة:يلا ياحبيبي عشان تفطر

اسر:لا ياست الكل ماليش نفس عن اذنكووو

حسن بص لفهد وفهم ان فى حاجه

زين نزل وبيدور على جنه

تمارا:صباح الخير ياحبيبي

زين:صباح الخير ياتوتااا

جنه نازله بسرعه من على السلم

مريم:مالك ياحبيبتى

جنه:صباح الخير

الكل:صباح الخير

جنه متوترة بسبب نظرات زين:عندى عمليه واتاخرت جداا عليهاا

زين:تعالى انا هوصلك

فهد:زينه مش هتيجى معاكى ياجنه

جنه:لا ياعمو بتقول اخدت اجازة

تمارا:طب روحو انتو ياحبايبى

زين وجنه خرجووو

الكل خلصو فطار وراحو على الشركه واسيل معاهم

====================

فى عربيه زين وجنه طول الطريق بتكلم الممرضين يعملو ايه على ماتوصلو وقفلت معاهم

زين:اخيراا خلصتى

جنه:انا اسفه بس عشان لما اوصل يكون كل حاجه جاهزة

زين:انا لازم استحمل هعمل ايه مانا اللى اتجوزت دكتورة

جنه ابتسمت:مانتو كمان بيكونو وراكو شغل كتير واجتماعات مش الدكاترة بس

زين بصلها وهى اتكسفت:ونبي ياجنه بطلى تتكسفى بقي انا الوقت جوزك ماشي

جنه:حاضر

زين:وصلنا ياستى اهو

جنه:شكرااا

جنه لسه هتنزل زين شد دراعها وقربها منه وباسها من خدها وجنه اتصدمت من اللى عمله

جنه بعفويه:نهارك اسود انت عملت ايه

زين بصدمه:نهارى اسود

جنه حطت ايدها على بوقها:اسفه والله مش قصدى

زين:انزلى ياجنه لان شكلك انتى اللى نهارك هيبقي اسود يلا انزلى ولما تخلصى كلمينى وانا هاجى اخدلك

جنه ضحكت:حاضر باى

زين:باى

جنه نزلت وزين فضل واقف لحد مادخلت واختفت من قدامه وراح على الشركه

=============

زينه قاعده فى اوضتها وبتفتكر كلام الكل على فريد وان الكل كان معترض عليه وهى الوحيده اللى شيفاه كويس الباب خبط وفتحت تمارا ودخلت:روح قلبي قاعده لوحدها ليه

زينه:ولا حاجه ياتوتا

تمارا قاعدت جمبها على السرير:مالك ياحبيبتى

زينه عينيها دمعت:انا طلعت غبيه اوى ياماما اوى

زينه عيطت جامد وتماارا اخدتها فى حضنها:اهدى ياحبيبه قلبي فهمينى بس فى ايه

زينه فضلت تعيط لحد ماهدت خالص وبدات تحكى كل حاجه لتمارا من وقت الحفله اللى فريد اخد زينه معاه لحد حفله الخطوبه

تمارا:ازاى يتجرأ يعمل معاكى كدا والله اسر جدع انه ضربه لو كنت موجوده كنت انا اللى قتلته والله ابن🐶 ده ..... لا وصحابه يقولولك مش شبهه الحمدلله ياحبيبتى انك مش شبه البرص ده ..... بس تعرفى البت اللى اسمها شيرى دى فكرتنى بواحده كدا ملزقه كانت بتحب فهد لما كنا فى ايطاليا اللى يحرقهاا بقي

زينه غصبن عنها ضحكت على طريقه مامتها

تمارا:اه كدا اضحكى ولا تفكرى فيه ولا يهمك ياقلبي دانا اجوزك سيد سيده

زينه:انا بحبك اوى بحبكو كلكوو

تمارا حضنتها:ياروحى انتى

زينه بعدت عن حضنها:وبابا

تمارا:ماله

زينه:هيزعل ولا عادى

تماارا بسرعه:ده هيفرح اوى

زينه ضحكت اوى

تمارا:معلش بقي ماهو اللى كان رخم وبصراحه ماكنش فى حد بيطيقه كنا بنجامله عشانك انتى بس

زينه:كنت حاسه على فكرة

تمارا:طب يلا تعالى ساعدينا فى المطبخ بدل مانتى قاعده كدا

زينه:هغير واجى

تمارا:حاضر ياجميل

تمارا نزلت وزينه غيرت ونزلت هى كمان ودخلت المطبخ وحضرو كلهم الاكل سوااا

====================

فى الشركه الكل متجمعين فى مكتب الفهد

حسن:يعنى الوقت خلاص علاقتهم انتهت

اسر:هى قلعت الخاتم ورميته فى وشه خلاص

فهد:انا لسه متكلمتش مع زينه عشان ارد عليه

زين:تتكلم فى ايه بابا الموضوع انتهى خلاص ولازم يتعاقب على اللى عمله معاها

كنان:اهدى يازين لازم نفكر كويس

راكان:كنان معاه حق لان منعرفش رده فعله هتكون ازاى ودى حاجه تخص سمعه زينه

اسر بعصبيه:يبقي حد يتكلم عليها نص كلمه وانا وقتها اللى هتصرف

ريان:المواضيع متتاخدش كدا يااسر اهدى عشان نفكر

فهد:ادهم عمل ايه جاب معلومات عنه ولا لأ

الباب اتفتح ودخل ادهم:قلبي حس انكو بتجيبو سيرتى

كلهم ضحكو عليه

فهد:خلصت موضوع فريد

ادهم:خلصته وكله تمام مافيش عليه اى غبار بس الغريب انه كان عايش لوحده ومافيش معاه حد وفجاه ظهر ابوه وامه محدش عارف كانو فين ولا عايشين بعيد عنه ليه والغريب كمان ان علاقتهم بيهم مش قويه يعنى هما عايشين فى الفيلا بس اغلب الاوقات مش بيبقو موجودين فيهااا

اسر:طب والست اللى فى شقه الزمالك

ادهم:عرفت ان الست دى قريبه اوى منه وبيعتبرها زى امه وبيعزها جدااا

فهد:تعرف اسمها ايه

ادهم:لا حتى الناس اللى فى العمارة والبواب محدش يعرف اسمهاا

حسن:طول عمرى بقول انه غامض جدااا

كنان:طب احنا استفادنا ايه من المعلومات دى كلها تقريبا عرفنها

راكان:بس احنا شوفنا علاقته باهله كويسه جدااا

ادهم:ده اللى مستغربه الصراحه

زين:اكيد فى لغز فى حياته بس ايه هو

فهد:لازم نعرفه

ريان:ازاى

فهد:زين خلى ناس تابعنا يراقبو امه وابوه كويس جداا

زين:اعتبره حصل

فهد:يلا ياشباب روحو عشان الاجتماع واسيل هتحضره معاكوو

الشباب خرجو

كنان:حاسس اننا هنرجع لشغل المافيا من تانى

راكان بحده:اخرس مليون مرة قولنا بلاش نتكلم فى الموضوع ده الولاد ميعرفوش عنه حاجه

حسن:ومش لازم يعرفوه خالص

فهد:سيبكو من الكلام ده خلونا نركز فى الشغل احسن

الكل:تمام

=====================

فى مطعم قاعد ريان وجميله

ريان:واخيرااا هنخرج وندخل براحتنا

جميله:ده على اساس اننا مكناش بنخرج سواا قبل كدا

ريان:بس كنا بنهرب من وراهم الوقت هاخدك ونخرج قدامهم وقدام الكل

جميله:انا فرحانه اوى ياحبيبي ومش مصدقه ان كتب كتابنا كان امبارح

ريان:انتى بتقولى فيها انا ذات نفسي صحابي بعتولى الصور عمال اتفرج عليهم طول الليل ومش مصدق

جميله:صحابى بعتولى صور كتير كنا حولين اوى بجد

ريان:طبعااا يابنتى هو احنا قليلين ولا ايه

جميله:طب ايه مش المفروض جايين نفطر انا جعانه

ريان:تصدقى وانا كمان جعان استنى نطلب

ريان نادى على الجرسون وطلبو الاكل وفطرو سواااا وبعد كدا راحو على الشركه وكل واحد راح على مكتبه

================

ادهم خرج من اوضه الاجتماعات شاف اسيل واقفه تتكلم مع موظف معاهم فى الشركه وكان حاضر معاهم الاجتماع وبتضحك قرب منهم واتكلم بحده:انتو بتعملو ايه هنا مش المفروض وراكم شغل

اسيل حست بغضب ادهم لانها عرفاه مش بيحبها تتكلم مع حد وقررت تهرب من قدامه احسن:انا راحه مكتبي اهو

ادهم:اتفضل على مكتبك ياحمزة

حمزة:حاضر يافندم

ادهم راح على مكتب اسيل وفتح الباب وقفله بقوة اسيل قامت وقفت بخوف:فى ايه ياادهم

ادهم:ممكن افهم الهانم كانت واقفه تتضحك فى نص الشركه ليه

اسيل:انا كنت باخد منه الملفات مش اكتر والله

ادهم بعصبيه:ولما حضرتك بتاخدى منه الملفات ليه كل الضحك ده ياهانم يامحترمه

اسيل:لا بقي انا محترمه غصبن عن اى حد وانا عارفه حدودى كويس

ادهم:والحد ده يبقي انا صح

اسيل:مش قصدى ياادهم

ادهم:قصدك بقي مش قصدك هى كلمه طلعت منك وخلاص

ادهم خرج واسيل بتنادى عليه:ياادهم لو سمحت

ادهم خرج من الشركه واسيل مبقاتش عارفه تشتغل فى اى حاجه ولمت حاجاتها ومشت ورجعت على القصر........

فى المستشفى عند جنه قاعده فى مكتبها بعد ماخلصت العمليه فجاه الباب اتفتح ودخل دكتور احمد

جنه قامت وقفت:انت اتجننت ازاى تدخل كدا

احمد:الوقت اتخطبتى واتجوزتى صح مش كنتى مش بتفكرى فى الموضوع ده الوقت ولا عينك كانت على حبيب القلب مش كدا

جنه:اظن حاجه متخصكش

احمد قرب من جنه ومسك ايدها بقوة واتكلم بعصبيه:انتى عارفه انى بحبك وكنت ناوى اتقدملك وانتى اللى قولتى مش بتفكرى فى الموضوع الوقت وانا قررت استناكى وفى الاخر اتفاجأ انتى اتكتب كتابك

جنه بتحاول تبعد ايده بس مش عارفه وكانت مرعوبه منه:ابعد انت اتجننت انت عارف لو بابا او عمو فهد او زين عرفو باللى انتى بتعمله هيعملو معاك ايه

احمد:ولا يهمنى كل اللى يهمنى انتى وبس

جنه بوجع:سيب ايدى بقي والله هنادى على الامن يرموك برا المستشفى كلها

احمد ساب ايدها وبعد:صدقينى هتندمى على اللى عملتيه معايا ياجنه

جنه:اطلع برا يلااااا

احمد خرج وجنه قعدت على الكرسي وحطت ايدها على قلبها من الخوف وعيطت جامد فونها رن وكان زين مسحت دموعها بسرعه وحاولت تتكلم طبيعى عشان ميحسش بحاجه:الو

زين:خلصتى ياجنه

جنه:اه خلصت

زين:طب انزلى انا تحت ولا تحبي اطلعلك

جنه بسرعه خوفا من انه يقابل احمد:لا انا نازله اهو

زين باستغراب:حاضر

جنه دخلت غسلت وشهاا واخدت شنطتها ونزلت كان زين واقف ساند على العربيه ولابس نضارة وماسك فونه

جنه كانت بتبصله بعشق واد ايه حبيبها حلو اوى ووسيم وسمعت صوت ضحك بنات بصت عليهم كانو ممرضات واقفين بيبصو على زين وبيضحكو بصوت عالى عشان يلفتو انتباهه بس هو مركز فى فونه اوى جنه اضايقت جداا منهم وقربت منهم وهما خافو:انتو سايبين شغلكو وواقفين هنا تعملو ايه

واحده منهم:ده وقت الراحه يادكتورة جنه

جنه بحده:وقت الراحه بيكون فى الكافتيريا مش برا المستشفى اتفضلو جوا بلاش قله ادب

الممرضات دخلو بسرعه وجنه لفت كان زين بيبص عليها ومبتسم جنه قربت منه:اتاخرت عليك

زين فتح باب العربيه:لا يلا اركبي

جنه ركبت وزين لف ركب مكانه وبص على جنه وشايف عينيها الحمرة:مالك ياجنه

جنه بتوتر:مافيش مالى انا كويسه اهو

زين:عينيكى حمرة انتى كنتى بتعيطى

جنه:لالا انا بس مصدعه العمليه كانت صعبه اوى

زين بدون تصديق:تمام

زين اتحرك بالعربيه وبعد شويا وصلو القصر

والكل اتعشو سوااا وكل واحد طلع على اوضته

==================

فى قصر الفهد بليل

زينه قاعده فى اوضتها الباب خبط ودخلت جنه:ممكن نيجى

زينه:دانتو تنورو تعالو

البنات دخلوو وقعدو وجنه بصت لزينه:هاااا ارغى احنا كلنا اذان صاغيه

زينه ابتسمت بحزن وبدات تحكلها اللى حصل يوم الخطوبه

جنه:ده مجنون ازاى يعمل كدا

اسيل:الحمدلله ان اسر كان موجود

زينه:مش عارفه كنت هعمل ايه بجد

جميله:الحمدلله يعنى كدا خلاص قطعتى علاقتك بيه

زينه هزت راسها باه

جنه:تعرفى انى مش زعلانه بالعكس انا فرحانه اوى عشانك

زينه:تعرفو ان انا شخصيااا مش زعلانه شكل توتا معاها حق اللى بينى وبين فريد مكانش حب خالص وانا اتاكدت لانى مش فارق معايا ان انا وهو سبنا بعض

جنه:هو محاولش يكلمك

زينه:لا

جميله بصت لاسيل:مالك انتى كمان

اسيل:النهارده شديت انا وادهم فى الشركه

جنه:وايه السبب

اسيل حكتلهم

زينه:انتى عارفه انه بغير عليكى يااسيل

جنه:مكنش لازم تردى عليه كدا يااسيل

اسيل:عارفه انى غلطت وبرن عليه من وقتها مش بيرد وبعدين قفل فونه ولما كلمت مامته قالتلى انه رجع من زمان وقاعد فى اوضته ومتعرفش ماله

جميله:لو فضل كدا مش بيرد عليكى روحيله بيته

اسيل:بجد

زينه:ده جوزك يابنتى ولازم تصالحيه

جنه:انا رايي من رايهم

اسيل:يبقي بكرة هروحله باذن الله ..هروح انام بقي

جميله:خدينى معاكى

اسيل وجميله خرجوو

جنه بصت لزينه واتنهدت :انا كنت جايه اتكلم معاكى

زينه:مالك فى ايه

جنه حكتلها اللى حصل من دكتور احمد

زينه:نهاره اسود ده اتهبل ده ولا ايه

جنه:مش عارفه اعمل ايه

زينه:لازم تقولى لبابا او زين مش لازم تسكتى خالص

جنه:لالا زين ممكن يقتله لو عرف انتى عرفاه عصبي ازاى

زينه:طب قولى لعمو كنان

جنه سكت شويا:بصى انا هستنى اشوف يمكن يخاف وميعملش حاجه ولو عمل حاجه هقول لبابا

زينه:انتى شايفه كدا

جنه:اه يمكن يخاف لما قولته انى هقول لعمو فهد او زين اكيد هيخاف على مهنته

زينه:معتقدتش ياجنه

جنه:ربنا يستر انا هروح اوضتى عشان انام تصبحي على خير

زينه:وانتى من اهل الخير ياجوجو

جنه خرجت ودخلت اوضتها جت تشرب ملاقتش ميا:اوووف نسيت اجيب وانا تحت

جنه نزلت ودخلت المطبخ وفتحت التلاجه جابت ازاة ميا ومسكت كوبايه وكبت فيها مياا وشربت وبتلف عشان تخرج لاقت زين واقف وراكن على باب المطبخ جنه اتخضت لما شافته وزين ضحك عليها

زين:شوفتى شبح ولا ايه

جنه:انت جيت امته محستش بيك ابدااا

زين:خلاص اهدى انا كنت فى المكتب وشوفتك وانتى داخله المطبخ وجيت وراكى

جنه:حتى فى البيت بتشتغل

زين:كنت ببعت ايميل ضروري بس

جنه:تمام

زين قرب منها ولاحظ لبسها واتكلم بحده:انتى ازاى تنزلى كدا افرضي حد من الشباب شافك

جنه بصت على نفسها كانت لابسه بجامه نص كم لونها اسود وعامله شعرها كحكه:انا كنت عند زينه واوضتى جمبها وبعدين انا عارفه ان الكل هيبقو نايمين فى الوقت ده

زين قرب منها:بس انا صاحى

جنه بعفويه:بس انت جوزى فعادى صح

زين ابتسم على عفويتها:صح

زين مسك ايدها وخرج من المطبخ وطلع السلم وعدى الدور اللى فيه اوضه جنه وطلع الدور التالت

جنه:احنا هنروح فين

زين:اطلعى السطح هجيب حاجه من اوضتى واجيلك

جنه:بس الوقت متاخر اوى

زين:يلا ياجنه اطلعى مش هتاخر عليكى

جنه:حاضر

جنه طلعت وزين دخل اوضته جاب حاجه وطلع وراها كانت قاعده على المرجيحه زين جه وقعد جمبهاا:اتفضلى

جنه بصلته كان مادد ايده بشنطه هدايا صغيرة:ايه ده

زين:انتى شيفاها ايه

جنه:هديه بس بمناسبه ايه

زين:هو لازم يكون فى مناسبه عشان اجيب هديه لمراتى

جنه ابتسمت وهزت راسها بلا

زين:مش هتفتحيها

جنه اخدت الشنطه وفتحت وطلعت علبه وفتحتها كان فون جديد اخر اصدار وبصت لزين

زين:ايه رايك

جنه:بس ليه انا فونى لسه جديد تقريباا

زين:مش انا وقعته من على السلم لما خبطت فيكى وقولت هصلحه

جنه:بس انا قولتلك انها مش غلطتلك انا اللى ماكنتش مركزة

زين بغمزة:صح لانك لما بتمشي بتركزى فى حاجه تانيه

جنه:حاجه تانيه ازاى يعنى

زين:صورى مثلا

جنه برقت ووشها احمر من الكسوف وزين ضحك:بلاش تتكسفى انا زى جوزك بردو ياجنتى

جنه بصلته:جنتك

زين قرب منها وهمس:جنتى وقلبي واحلى حاجه فى حياتى

جنه ماكنتش مصدقه ان اللى بيتكلم ده زين

زين ضحك:مستغربه صح

جنه هزت راسها باه

زين مسك ايدها:جنه احنا سكتنا كتير وضيعنا وقت كبير كنا المفروض نكون فيه سوا صح

جنه هزت راسها باه

زين:يبقي جه الوقت اللى المفروض نقول كل اللى فى قلوبنا ياجنه تبداى انتى ولا ابدا انا

جنه نزلت وشهااا

زين:خلاص ابدأ انااا .... انا حبيتك من وانتى طفله صغيرة بضفاير كنتى بتكبرى قدام عينى وكل ماتكبرى اتشد ليكى اكتر لحد ماكبرتى وبقيتى الدكتورة جنه ووقتها اتاكدت انى بعشقك مش بس بحبك كنت كل مااجى اتكلم معاكى تتكسفى وتوترى وتوترك ده بيخلينى مش عارف اتكلم كنت بسكت وكنت بشوف نظراتك ليا من بعيد لبعيد كان نفسي اتاكد انك بتحبينى زى مابحبك لحد ماسمعتك بتتكلمى مع زينه وانتو قاعدين فى نفس المكان على المرجيحه ان انا تلاجه وبارد مش كدا

جنه:والله قلبي كان حاسس انك سمعتنا

زين:ووقتها فرحت جداا بس بردو مكنتش عارف ابدا منين ....انا خلصت ده مش كل اللى فى قلبي على فكرة ده اختصار .... انا سامعك يلا اتكلمى

جنه بكسوف:مش عارفه اقول ايه

زين:بتحبينى زى مابحبك ياجنه

جنه بصلته وهزت راسها باه زين قام وقف وشدها لحضنه حضنها بقوة وجنه كانت فرحانه ان زين اعترفلها بحبه

زين بعد عنها وباس راسهااا:بعشقك ياجنتى

جنه بلعت ريقها واتكلمت بكسوف:انا كمان بحبك اوى يازين

زين ابتسم على كسوفها

جنه:صح نسيت اقولك شكرااا على الفون حلو جدااا

زين:مافيش واحده بتقول لجوزها شكراا صح

جنه ضحكت:صح ... انا لازم انزل عشان انام لازم اصحى بدرى تصبح على خير

زين:وانتى من اهلى ياجنتى...واياكى تنزلى تانى كدا من غير اسدال فاهمه

جنه:حاضر

جنه نزلت ووبعد شويا زين نزل هو كمان عشان ينام......

فى المستشفى اسر نايم على السرير فاقد الوعى زينه وجنه بيعقمو كل الجروح اللى فى جسمه وكان فى كسر فى دراعه اليمين وجرح فى راسه زينه خيطته

زين واقف لبعيد وعينه على اسر وهينفخر من الغضب وطبعاا كان كلم فهد وعرفه باللى حصل وبعد شويا العيله كلها وصلت ودخلو الاوضه

مروة لما شافت اسى انهارت:حبيبي ياابنى مين اللى عمل فيك كدا

حسن كان بيحاول يهديها رغم النار اللى هو حاسس بيها

تمارا:طمنونا يابنات حالته ايه

جنه:عنده جروح فى مناطق كتير فى جسمه وكدمات كتيرر ده غير الكسر فى دراعه وجرح فوق حاجبه اخد فيه ٥ غرز

مروة:ياقلب امك ياابنى

حسن:اهدى يامروة لو سمحتى بقي

اسيل بتعيط وادهم واقف وماسك ايدها وبيهديهااا

فهد قرب من زين:ايه اللى حصل

زين:زى ماقولتلك لما كلمتك هو كلمنى وصوته كان تعبان وقالى على مكانه وروحته كان مغمى عليه وحالته كدا

كنان:مين ممكن يعملها

راكان:ادهم المكان ده بيكون فى كاميرات كتير لازم نشوفها

ادهم:اعتبرها حصل

ادهم خرج من الاوضه وكلم زميله عشان يقوم بالمهمه

================

فى شقه فريد كان لما لما راجل من رجالتخ كلمه وقاله ان المهمه نجحت

فريد:والله رجاله بصحيح فلوسكو هتوصلكوو وفوقيها بوسه

فريد قفل وباس راس الست اللى كانت قاعده جمبه:عملت عليه واخدت حقى ياست الكل وقريب اوى هخدلك حقك منهم

ست:تسلم ياحبيبي بس انا خايفه عليك

فريد:متخافيش انا بعيد عن الانظار الفترة دى

===================

فى المستشفى اسر بدأ يفوق فتح عينيه وشاف الكل معاه

مروة:حمدلله على سلامتك ياحبيبي

اسر بتعب:الله يسلمك ياست الكل

حسن:حمدلله على السلامه يابطل

اسر:بطل ايه بقي بعد كل ده

الكل بدأ يطمنو على اسر

فهد:احكيلنا يااسر ايه اللى حصل

اسر قام قعد وزين وريان ساعدوه وبدأ يحكيلهم

كنان:اخدوك على خوانه ولاد 🐶

راكان:يعنى هيروحو فين اكيد هنجيبهم

زين:بس مين ليه مصلحه فى كدا

فهد:اكيد هنعرف وكل اللر غلط معانا هيتعاقب

اسر:انا عايز ارجع البيت

مروة:انت لسه تعبان ياحبيبي

اسر:عشان خاطرى ياست الكل

حسن:حاضر ..سبيه على راحته يامروة

ريان:هروح اجهز اجراءات الخروج

اسر جت على زينه كانت بتبصله وعينيها كلها دموع زينه بعدت نظرها عنه بسرعه واسر اتنهد بحزن ومروة ملاحظه نظراته وطبطبت على كفه ايده وهو هزلها راسه

=================

بعد شويا كان الكل وصلو القصر وزين وريان ساعدو اسر يطلع اوضته عشان يرتاح ونزلو كان الرجاله كلهم فى اوضه المكتب

فهد:عملت ايه ياادهم

ادهم طلع فونه وشغل فيديو من اول مااسر وقف بالعربيه احد مازين وصله

زين:ياولاد🐶 دول نفس اللى كانو بيجرو ورايا انا وجنه

كنان:لازم نوصل للعيال دول ونعرف مين وراهم

ادهم:انا امرت ناس تبعى وهيقلبو الدنيا عليهم لحد مايبقو تحت ايدينا

فهد:تمام بس لحد مايبقو تحت ايدنا الكل ياخد باله على نفسه احنا مش عارفين الخطوة الجايه مين هبكون هدفهم وعشان كدا راكان كلم شركه حراسه يزودو الحراسه على القصر وكمان يبقي فى عربيات حراسه ورا كل واحد فينا

زين:احنا هنخاف منهم يعنى

حسن:مش خوف يازين كدا احسن عشان نطمن على الكل

راكان:الاحسن بلاش البنات يخرجو من القصر

فهد:لا مش لازم نقلقهم الحياه هتمشي عادى

ادهم:طب انا هستاذن بقي عايزين منى حاجه

حسن:خد بالك على نفسك ياادهم

ادهم:كله على الله

الكل:ونعمه بالله

=======================

ـ عدى شهر والحياه ماشيه طبيعيه واسر اتحسن ونزل الشغل وتقريبا بدأ يفقد الامل من ناحيه زينه انها حتى بعد ماسابت فريد حتى مش بتبصله ومتجاهلاه طول الوقت

ـ ادهم اللى قالب الدنيا على الرجاله اللى ضربو اسر بس كانهم فص ملح وداب وطبعااا هما كانو مختفين بامر من فريد

ـ رجاله فهد اللى بيرقبو فيلا فريد وطول الشهر اهله لا طلعو ولا خرجو من الفيلا والموضوع ده هيجننهم

ـ دكتور احمد اللى تهديداته بتزيد لجنه اللى بقت طول الوقت حزينه وبتعيط واخدت اجازة من المستشفى وده طبعاا جنن احمد لانها قفلت فونها ومش عارف يوصلهاا وجنه بتبعد عن زين اللى هيتجنن ومش عارف هى فيها ايه وكل مايسالها عن سبب اجازتها رغم عشقها لشغلها بتقوله ان هى تعبت الفترة الاخيرة وعايزة ترتاح شويااا

ـ اما بقي ادهم واسيل وريان وجميله دول عايشين فى قصه حبهم اللى بيزيد كل يوم

ـ وفريد اللى هدى اللعب شويااا بس بيخطط لحاجه كبيرة وقريب جدا هينفذهاا وطبعااا بتشجيع من الست اللى عايش معاها

ـ فهد والكبار اللى كل هدفهم يحمو ولادهم من اى خطر والكل بيتحركو بحراسه بس طبعا بدون علمهم ماعدا الشباب اللى عارفين

=======================

فى يوم جديد فى القصر الفهد اللى قاعد فى مكتبه دخل عليه كنان وقعد قدامه وسكت شويا

فهد:مالك ياكنان

كنان:فهد هما ممكن اللى بيعملو كدا ليهم علاقه بالماضي

فهد:ماضي ايه

كنان:شغلنا القديم فى ايطاليا

فهد سكت شويا:معتقدش

كنان:ليه بقي احنا ملناش اعداء غيرهم

فهد:الملك مات من اكتر من ٥ سنين

كنان:دانيال وصوفيا

فهد:دانيال مافيش امل منه لان المرض اتمكن منه وفى مستشفى السجن بقاله سنتين

كنان:صوفيا دى عقربه يافهد

فهد:انا على تواصل بواحد فى السجن وهى لسه موجوده هناك

كنان:يمكن بتحرك حد تابعها وهى جواا

فهد:ممكن بردوو

كنان:خلاص حط عليها رقابه جامده جوا السجن يعنى مين بيروحلها زياره

فهد:انت مفكر انى مش مراقبهم وعارف كل حاجه عنهم محدش بيروحلها زياره غير شاب وواحده وكل فترة كبيرة مش على طول و

كنان:انا هتجنن يافهد اومال مين عدونا

فهد:هنعرفه وهيتعاقب على اللى عمله متقلقش

كنان:ماشي ياصاحبي

=================

زينه وجنه قاعدين على السطح

زينه:هتفضلى كدا كتير ياجنه

جنه:كدا اللى هو ازاى يعنى

زينه:ضعيفه ياجنه

جنه بصتلها:المفروض اعمل ايه

زينه:تعرفى بابا او عمو كنان او زين وهما اللى هيحلو المشكله

جنه:الحقير مظبط كل حاجه يعنى الكل هيصدق

زينه:انتى عبيطه ياجنه الكل عندهم ثقه كبيرة فينا ومستحيل يصدقو حاجه زى دى

جنه:انتى مش فاكرة بابا قالى ايه لما اتاخرت فى اليوم ده

زينه:بس هو كان متعصب ياحبيبتى مش اكتر

جنه بتعب:زينه انا تعبانه ونبي مش عايزة اتكلم عشان خاطرى

زينه:ماشي ياجنه انا نازله

زينه نازله وقابلت زين واسر على السلم

زين:زينو كنتى فين كدا

زينه بتحاول تتجاهل اسر:كنت على السطح مع جنه

زين:هى فين

زينه:قاعده فوق لسه

زين:تمام

زينه نزلت واسر عينه عليها

زين:مالك ياصاحبي

اسر:الظاهر كدا مافيش اى امل اننا نكون لبعض

زين:سيبها على الله

اسر:ونعمه بالله انا هروح اوضتى روح لمزتك

زين ابتسم:سلام

زين طلع كانت جنه قاعده على المرجيحه وسرحانه وزين قعد جمبها زهى مش حاسه بيه وهو مستغرب حالتها دى

زين:جنه

جنه اتخضت:زين

زين:انتى مش هنا خالص انا دخلت وقعدت جمبك وانتى مش حاسه بيا فى ايه مالك

جنه:مافيش انا كويسه

زين:هتنزلى شغلك امته

جنه:لسه مش الوقت عشان ارتاح فترة عشان لما انزل اكون جاهزة لكل حاجه

زين:كل حاجه ازاى يعنى

جنه:قصدى العمليات يازين

زين:امممم ... انا هنزل ومش هتنزل

جنه:لا هقعد شويا وبعد كدا هنزل

زين مشي وقف لما جنه نادت عليه ولف بصلها اوى هو شايف انها متغيره معاه جداا وبتبعد عنه بس مش عارف السبب

جنه قربت منه:هو انا ممكن اعمل حاجه

زين:حاجه ايه ياجنه

جنه قربت ودخلت جوا حضنه اوى وزين استغرب لانها اول مرة تعملها وحس ان فى حاجه كبيرة هى مخبياها عنه ولازم هيعرفها

جنه وهى جوا حضنه:اوعى تسيبنى فى يوم من الايام يازين انا مقدرش اعيش من غيرك انا بحبك اوى والله العظيم

زين حضنها بقوة:انتى حياتى وروحى انا اللى مقدرش اعيش من غيرك ياجنتى

جنه عيطت جوا حضنه وزين بعدها عنه:مالك ياجنه انتى بقالك فترة متغيرة انتى مخبيه حاجه عنى

جنه مسحت دموعها بتوتر:لا ابداا ...انا هنزل اوضتى

جنه نزلت وزين كان هيتجنن مش عارف مالها بس اكيد تعرف كل حاجه عنها هى زينه نزل وخبط على اوضه زينه اللى فتحتله:زين فى ايه مالك

زين دخل وقعد على السرير وبص لزينه اوى وزينه استغربت:فى ايه يازين

زين:انا عرفت كل حاجه

زينه:كل حاجه ايه مش فاهمه

زين:اللى جنه مخبياها عنى

زينه بصدمه:انت عرفت منين

زين:جنه اللل قالتلى من شويا

زينه:اخيراا واقفت تعرفك انا قولتلها محدش هيحل المشكله دى غير بابا او زين

زين:اللى هيجننى بقي انهغ رافضه ادخل فى الموضوع

زينه:اومال هتحلها ازاى يعنى والحقير ده مس هيسبها فى حالها

زين اتعصب بزياده وحاول يبان عادى:وانا مش هسكت ابدااا على اللى بيحصل ومش فاهم ازاى هى معندهاش ثقه فيا

زينه:لا يازين مش كدا الحيوان ده مظبط كل حاجه يعنى الصور اللى معاه بنفس الهدوم اللى جنه كانت لابساها فى اليوم اللى اتاخرت فيه وهى خايفه انكو تصدقو لما تشوفو الصور وانت عارف ان عمو كنان وقتها قالها فى واحده محترمه ترجع فى الوقت ده فعشان كدا هى خايفه وكمان هو كان بيهددها دايما عشان كدا قعدت من الشغل

زين عروقه ظهرت من كتر العصبيه وبيفكر ازاى كانت جنته بتتعامل مع كل ده لوحدها

زين بعصبيه:وهو لازم يتعاقب على عملته وانه يغلط مع مرات زين الفهد

زينه:اهى كانت رافضه تقولك عشان كدا لانها عارفه انك عصبي جداا وممكن تقتله وهى كانت خايفه عليك

زين:الزفت ده اسمه ايه بكامل

زينه:دكتور احمد عبد المجيد

زين:تمام تصبحى على خير

زينه:وانت من اهله

زين خرج وكان على اخره وكلم ادهم وقاله يجيبله احمد فى اقرب وقت بس فى مكان بعيد عن القصر ومحدش يعرف باى حاجه

زين:انت اللى لعبت فى عداد عمرك لما فكرت تلعب مع جنه زين الفهد ياحقير.......

جنه كانت قاعد فى اوضتها فكرت تفتح فونها وفتحته لاقت مسدجات كتير من الممرضات ومن اصحابه وكان فى مسدجات من احمد فتحتها وكان بعتلها صور من اللى هو عملها وبيهددها لو مكلمتوش هيبعت الصور دى على القصر

جنه خافت واقعدت تعيط جامد اوى ومش عارفه تعمل ايه والحاله اللى بيجيلها لما بتخاف او تزعل جتلها وجسمها بدأ يترعش جامد ونفسها بيقل جابت البخاخه واخدتهااا بس جسمها بردو بيترعش جامد ومش قادرة خرجت من اوضتها وطلعت الدور التالت وخبطت على اوضه زين اللى كان لسه صاحى ومش عارف ينام من التفكير فتح الباب واتفاجأ بجنه قدامه وحالتها صعبه جنه وقعت فى حضن زين اللى خاف عليها وشالهل وحطها على السرير وجبلها ميا:جنه اشربي شويا ميا

جنه شربت شويا:ز...زين

زين:انا معاكى ياجنه اهدى ياحبيبتى اهدى

زين اخدها فى حضنه وبقي يهديها ويهمسها بكلام عشان تحس انها معاه بعد فترة من الوقت جنه هدت نوعاا مااا وزين بعدها عن حضنه:مالك ياجنه الحاله جتلك ليه تانى

جنه فتحت فونها اللى كان فى ايدهاا وجابت الصور اللى احمد بعتلها واديته لزين اللى اتعصب

جنه بخوف وانهيار:والله مش حقيقه يازين انا عمرى مااعمل كدا انت عارف انى بحبك والله العظيم مش هنا

زين اخدها فى حضنه وهى عيطت اكتر:اهدى ياحبيبتى انا عارف ومتاكد انها مش حقيقه انا مش غبي ولا عبيط عشان اصدق حاجه زى دى عنك ياجنتى

جنه بعدت عن حضنه وبصتله:بجد يازين بجد

زين مسك وشها بين ايديه:بجد ياجنه الزين ومتخافيش انا امرت ان الواد ده بكرة يكون عندى وهيتعاقب على اللى عمله معاكى

جنه باستغراب:انت كنت عارف

زين:اممم

جنه:منين

زين:من زينه

جنه:بس هى وعدتنى مش هتقولك ومستحيل تعملها

زين ضحك:لا مانا ضحكت عليها

جنه:ازاى

زين حكلها اللى حصل وجنه ابتسمت:زينه طيبه جداا وعفويه

زين:عارف

جنه:بدام انت عارف ليه مش قولتيلى

زين:كنت مستنى اشوف جنتى عندها ثقه فيا وهتيجى تعرفى ولا لأ

جنه:انا كنت خايفه اوى يا زين انك تصدق وخصوصا انه قالى انه عمل الصور بنفس الهدوم اللى كنت لبساها اليوم اللى اتاخرت فيه

زين:حتى لو العيله كلها شافت الصور محدش هيصدق ياجنه لازم يكون عندك ثقه فى نفسك وفى عيلتك وفيا انى عمرى ماخلى حد يقرب منك ولا يمس شعره منك

جنه ابتسمت وحضنت زين:انا بحبك اوى يازين

زين ضحك:انا المفروض اشكره مش اعاقبه لان خلاكى تقربي منى لوحدك

جنه اتكسفت وبعدت عن حضنه

جنه بصتله:زين انا خايفه ينشر الصور زى ماقالى

زين:متخافيش ياجنه انا معاكى ياحبيبتى ومحدش فى البيت هيعرف باللى حصل متقلقيش

جنه:طب انا هنزل اوضتى بقي

زين مسك ايدها:امتى بقي نتجوز وتفضلى معايا فى اوضتى وفى حضنى

جنه ابتسمت:قريب ان شاء الله

زين:مش انتى مراتى ماتيجى تنامى فى حضنى ومحدش يقدر يتكلم

جنه ضربته فى كتفه:عيب يازين الله..تصبح على خير

زين ضحك وباس راسها:وانتى من اهلى ياجنتى

جنه نزلت وراحت اوضتها ونامت وهى مرتاحه لانها تقريباا من وقت اللى حصل وهى قلقانه ومش بتنام

================

صباح يوم جديد

زينه خارجه من اوضتها وماشيه خبطت فى اسر

زينه:صباح الخير

زينه لسه هتنزل اسر شدها من ايدها ودخلو اوضه الروايات

زينه:انت بتعمل ايه يااسر

اسر:انتى بتتجاهلينى ليه يازينه انا زعلتك فى حاجه

زينه:لا طبعا وبعدين انا هتجاهلك ليه عادى يعنى

اسر:انتى شايفه انه عادى

زينه:اه عادى يااسر انت اللى مكبر الموضوع ممكن تبعد بقي عشان اخرج لازم اروح المستشفى متاخرة

اسر بعد وزينه فتحت الباب وخرجت واسر كان على اخر وخرج من الاوضه وقابل مروة

مروة:اسر انت بتعمل ايه هنا

اسر:مافيش

مروة:مالك ياحبيبى

اسر اتنهد:الظاهر كدا طريقى معاها مسدود انا بجد تعبت يعنى اشمعنا انا مش قادر ابقي مع اللى بعشقهاا

مروة:ياحبيبي سيب كل حاجه لوقتها واللى ربنا عايزه هيكون

اسر:ونعمه بالله

مروة:يلا تعالى ننزل نفطر

=====================

زين صحى ونزل

تمارا:يلا ياحبيبي عشان تفطر

زين:انا مستعجل لازم اخرج ياتوتا

جنه عينها على زين وهو بصلها وهز راسه بمعنى متقلقيش

زين خرج وركب عربيته وكلم ادهم:هااا الواد فين....تمام مسافه الطريق وجيلك

زين قفل واتحرك بالعربيه وطبعاا فى حراسه بتمشي وراهم بامر من الفهد لكن بدون علم الشباب

بعد شويا زين وصل عند مصنع قديم فى منطقه مهجورة ونزل والحراسه كلمو فهد وعرفوه ان زين وادهم موجودين فى نفس المكان

زين دخل كان احمد مربوط على الكرسي ووشه كله كدمات وجروح من الضرب

زين قعد قدامه وبصله اوى:كدا ياادهم احنا بردو بنتعامل مع ضيوفنا كدا

ادهم:ده استقبال بسيط بس ياصاحبي

زين:فين الصور

احمد:صور ايه

زين قام وقف وضربه بوكس بكل قوته:انت هتستعبط ياروح امك فين الصور بتاعه الدكتورة جنه

احمد:اللى انتو بتعملوه ده مش صح

زين:لا والله هتنطق ولا اخليك تتكلم بطريقتى

احمد:مش هتكلم والصور معايا وهفضحها عشان تبقي تسبنى وتختارك انت

زين اتعصب جدا وفضل يضرب فى احمد جامد وادهم بعده عنه:هيموت فى ايدك يا زين اهدى..ماتنطق ياض احسن ماتموت

احمد بتعب:خلاص خلاص هتكلم الفلاشه اللى عليها الصور كلها فى بيتى

ادهم:حاططهم فين ياروح امك

احمد قالهم على المكان وادهم امر واحد من رجالته يروح يجيبهم

===================

فى الشركه اسر قاعد فى مكتبه فونه رن برقم غريب رد عليه:الو

فريد:حمدلله على السلامه يااسر باشا

اسر:انت عايز ايه

فريد:بطمن عليك ياباشا العلقه كانت محترمه مش كدا

اسر:يعنى انت اللى عملتها

فريد:بردلك اللى عملته معايا ياباشا

اسر:وانت كدا راجل مثلاا بتضرب من الضهر ومستخبي زى النسوان

فريد اضايق من طريقته:هو انت مفكرنى غبي ومش عارف ان عينك من زينه دانت مش بتحبها دانت بعشقها بس ورحمه امى وابويا ماهخليك تتهنى بيها اصلاا

اسر:ليه هو الحاج والحاجه ماتو واحنا منعرفش مش تقولنا عشان نقوم بالواجب

فريد اتوتر:ربنا يديهم طوله العمر انا من عصبيتى مش عارف بقول ايه

اسر:لا كدا يزعلو بتحلف برحمتهم وهما عايشين

فريد قفل فى وشه واسر ضحك:وقعت بلسانك ياروح امك

اسر خرج من مكتبه وراح على مكتب الفهد خبط ودخل

فهد:تعالى يااسر

اسر:اللى باعت الرجاله عشان تضربنى وتضرب زين فريد

فهد:انت عرفت ازاى

اسر كان مسجل المكالمه اول ماعرف انه فريد وفتح التسجيل

فهد:حلو اوى كدا بنلعب على المكشوف

اسر:ايه الخطوة الجايه انا خايف على زينه

فهد:الحراسه معاها متقلقش عليها....اومال فين زين وادهم

اسر:معرفش مشوفتش حد فيهم ومجوش الشركه تقريبااا

فهد:تمام روح على مكتبك

====================

عند زين وادهم الراجل وصل وجاب الفلاشه واللاب اللى عليهم الصور وفتحتهم وزين اتعصب اكتر وضرب احمد

ادهم:ياعم خلاص بقي الصور فى ايدك اهو

زين:الواد مش عايز اشوف وشه ولا اسمع انه فى اسكندريه كلها اصلاا

ادهم:انت تؤمر ياباشا

زين اخد الصور وخرج وركب عربيته ورجع على القصر وادهم هدد احمد انه يسيب اسكندريه كلهاا وهو واقف لانه خاف على حياته

ادهم خرج وراح على الشركه

===================

زين دخل القصر وقابل مريم وتماارا:فين جنه

تمارا:مالك يازين

زين:فين جنه

مريم:فوق فى اوضتها فى ايه يازين

زين وهوطالع:مافيش

مريم:ابنك ماله

تمارا:مش عارفه

مريم:يكون فى مشكله بينه وبين جنه

تماارا:مش عارفه حتى لو فى خليهم يحلو مشاكلهم بنفسهم يامريم

مريم:على رايك

====================

زين طلع وفتح باب اوضه جنه اللى اتخضت:فى ايه يازين

زين دخل وجاب اسدال واداه لجنه: البسي ده بسرعه

جنه بخوف:فى ايه يازين

زين:قولت البسي ده

جنه لبسته بسرعه وزين مسك ايدها وخرج من الاوضه وطلع على اوضه الجيم لانها بعيده عشان محدش فى القصر يسمع صوتهم زين كان متعصب جداا

جنه بخوف:فى ايه يازين

زين جاب فون بتاع احمد وفتحه وحط الصور قدام جنه وهى اتصدمت وعيطت جامد

زين قلبه وجعه عليها لما شاف دموعه وشدها لحضنه:اهدى ياجنه انا اخدتله حقك من الحقير وهيسيب اسكندريه كلها كمان

جنه بعياط:اومال انت متعصب ليه

زين:لا الحقير فونه ولاب بتاعه كله صور ليكى ولا بيقولى هفضحها عشان سابتنى واختارتلك

زين بعدها عن حضنه:دانا سويتلك وشه بالاسفلت

جنه ضحكت:ربنا يخليك ليا يازين

زين:ويخليكى ليا ياروح زين

جنه:اومال انت جيبنى هنا ليه

زين:عشان محدش يسمع كلامنا مش انا وعدتك محدش هيعرف فى البيت بالموضوع ده

جنه هزت راسها باه وبصت لاوضه:بس تصدق حلو اوى الجيم بتاعتكوو

زين:عجبك يعنى

جنه:جداا

زين:تحبي تجربي الالات

جنه:ينفع

زين:طبعااا

جنه:تعرف انا والبنات بنتمنى نيجى نلعب رياضه هنا وبنخاف منكووو

زين:لا ياستى متخافيش انا اديتك الاذن وتيجو فى اى وقت بس يكون الشباب مش هنا

جنه بفرحه:حاضرر

زين:عايزك تبقي قويه ياجنه ومتخليش واحد زى الحقير ده يستغلك ومن بكرة تنزلى شغلك

جنه:اكيد انا كنت زعلانه جداا انى مش بنزل...بس انت هتعمل ايه فى الحاجه دى

زين حط فون احمد واللاب على الارض وجاب واحده من الاوزان التقيله اللى فى الجيم ورماها بقوة عليهم بقو ١٠٠ حته

زين:يلا انزلى عشان الشباب شويا وهيرجعو من الشركه

جنه:حاضر......

عدى اسبوع والكل عايشين حياه طبيعيه جداا وفريد اللى مختفى عن الانظار ومش بيخرج ابدااا لا هو ولا اهله ولا حتى الست اللى عايش معاها

البنات والشباب اللى مشغولين فى شغلهم

جنه وزين اللى عايشين احلى ايام سواا وحبهم بيكبر مع الايام

ريان وجميله اللى جنانهم محلى حياتهم

وادهم اللى كلم حسن عشان عايز يعمل فرح بقي وفهد قرر انه يعمل فرح الشباب والبنات كمان شهر والكل كانو فرحانين جدااا

حسن وكنان وراكان اللى كانو معترضين على موضوع الفرح وخايفين حد يفكر ياذى البنات او الشباب بس هو كان بيطمنهم

الماميز اللى كانو فرحانين جداا وبداو يجهزو كل حاجه عشان الفرح

اسر اللى كان طول الوقت حزين لانه تقريبا خلاص خسر حب عمره وقرر يعمل زيها ويتجاهلها تماما وشايف ان كفايه يتعب قلبه اكتر من كدا معاها هو مفكر انها لسه بتحب فريد بس ميعرفش انها اكتر حد بتكرهه فى حياتها هو فريد

وفريد طبعاا اللى هدى اللعب شويا وخصوصا بعد ما كشف نفسه لاسر واتعرف انه هو السبب فى كل اللى حصلهم

دكتور احمد طبعاا بعد تهديد ادهم وزين ساب مصر كلها مش اسكندريه بس وسافر

زين عمل زى ماوعد جنه محدش عرف باللى حصل غير فهد لانه طبعا كان مراقب الشباب وجمع ادهم وزين عشان يعرف هما كانو فى المصنع القديم ده ليه وزين عارف ان فهد مينفعش يخبي عنه حاجه وقاله على الحكايه كلها وطلب منه محدش يعرف فى القصر وفهد طبعاا وافق على طلب ابنه

=====================

فى يوم الكل متجمعين على السطح سهرانين سواا ماعدا فهد

زينه قاعده فى حضن تمارا وزين قاعد جمبهم

وجنه فى حضن كنان وجمبهم مريم وفى حضنها جميله

حسن فى حضنه اسيل وجمبه مروة واسر

وريان اللى نايم على الكنبه وراسه على رجل شروق اللى قاعده جمب راكان

مريم:مش مصدقه ان بناتى كبرو وهيتجوزو الاتنين سوااا

كنان:انا بحمد ربنا انهم مش هيبعدو عن عينى

اسيل:ابو على

حسن:نعم ياحبيبتى

اسيل:انا مش عايزة اتجوز وابعد عنكوو

حسن:دى سنه الحياه ياحبيبتى

اسيل بعدت عنه وبصتله:بقولك ايه ماتقول لادهم ويجى يعيش معانا هنا ونجيب سوسو كمان

اسر:ماتجيبى عيله جوزك كلها بقي

اسيل:ما القصر شرح وبرح يسيع من الحبايب ميا

مروة:صبرنى ياربنى بقي دى منظر واحده هتتجوز وتفتح بيت يارب ونبي هتفتحه ازاى بهبلها ده

اسيل:بالمفتاح يامرمر

كلهم ضحك عليها

تمارا:اسيل دى حته سكر واكيد هتكون اد المسؤليه

اسيل قامت حضنت تمارا:حبيبتى ياعمتو

تمارا:روح قلب عمتو

زينه زقت اسيل:ابعدى كدا حضن توتا ليا لوحدى

تمارا:دانتى قلبي يازينوو

حسن:مسمعكيش فهد وانتى بتقولى حضن توتا ليا

زينه:لا بابا حبيبي عمره مايزعلنى ابدااا

ريان:نفس كلامك يامرمر ينطبق على الهبله اللى انا متجوزها

جميله:يابوب

كنان:روح البوب

جميله:الواد اللى هناك ده بيغلط فيا يرضيك يعنى

كنان:بصراحه عنده حق

ريان:ظهر الحق ياناس

مريم:هى هبله ومجنونه اه بس بنتى حبيبتى

جميله حضنتها وباستها من خدها:قلبي يامريومه

مريم:قلب مريومه من جواا

جنه قامت من حضن كنان:يعنى جميله قلبك وانا ايه ياست ماما

مريم:انتى حبيبه قلبي ياجوجو

كنان شدها لحضنه تانى وباس حدها:جنه دى احلى نعمه من ربنا

جنه:حبيبي يااحن بابا

زين:ايه ياكنان باشا عمال تحضن وتبوس ولا كانى موجود

كنان باس جنه تانى من راسها اللى اتكسفت:بنتى ياابن فهد عندك اعتراض

زين:ودى جنه زين الفهد ياكنان باشا

راكان:رد بقي لو جدع

كنان:انت وابوك شبه بعض ياخى سبحان الله

فهد دخل:وماله ابوه ياكنان باشا

اسر:جالك الموت ياتارك الصلاه

كنان:ابوه ده صاحب عمرى وحبيبي

قهد قعد بعيد عنهم شويا:بحسب....جنه جميله اسيل زينه تعالو جمبى هنا

البنات قامو وقعدو جمبووو

فهد كان فى ايده ظرف فتحه وطلع دعوات

جميله:دى دعوات الفرح ياعمو

فهد:ايوا

فهد ادا لكل بنت فيهم دعوة فرحها

البنات فرحو وحضنو فهد معادا زينه

فهد مد ايده لزينه بدعوة فرح

زينه:ايه ده يابابا

فهد:دعوة فرحك

الكل اتصدمو وقامو وقفو

زينه بصتله:فرح مين يابابا

فهد:اظن سمعتينى كويس امسكى دعوة فرحك

تمارا قربت من فهد:دعوة فرحها ازاى يافهد

فهد باصص لزينه زى ماهى:امسكى يازينه

زينه:بابا انا مش فاهمه حاجه فرحى ازاى

فهد:امسكى يازينه

زينه اخدت منه الدعوة وفتحتها واتصدمت اكتر ورفعت عينها جت على اسر اللى مصدوم من كلام فهد

تمارا شدت الدعوة منها:زينه واسر

الكل:ايييييه

فهد:اسر وزينه هيتجوزو معاكوو وبكرة كتب كتابهم

زينه عيطت:بس يابابا

فهد بحده:مافيش بس كلمتى هتتنفذ يازينه

حسن:اهدى يافهد وفهمنا ليه كدا

فهد:ده الصح زينه لازم تتجوز عشان جوزها يحميها من خطر فريد ومافيش غير اسر

اسر:ياعمى انا احمى زينه وافديها بروحى مش لازم جواز يعنى

فهد:انا قولت اللى عندى والدعوات اتوزعت خلاص وبكرة كتب كتابكو

تمارا:ليه بتعمل كدا يافهد

فهد:ده كان لازم يحصل من زمان

اسر:بس الطريقه غلط ياعمى

حسن:اسر معاه حق يافهد

فهد:انا قولت كلمتى زينه لازم تتجوز عشان فريد مايفكرش ياذيهاا ولو انت مش موافق يااسر اشوفلها عريس تانى

زينه بدموع:انا طلعت عبئ تقيل عليك اوى كدا يابابا عايز تجوزنى لاى حد وخلاص

تمارا:فهد انت تقدر تحمى بنتك كويس جداا ليه بتعمل كدا

فهد بعصبيه وصوت عالى:الكلام خلص وجهزى نفسك بكره كتب الكتاب زى ماقولت

زينه نزلت بسرعه والبنات راحو وراها

كنان:ليه كدا يافهد

راكان:اكيد فى حاجه فى دماغك يافهد قولنا بتفكر فى ايه

فهد:اللى بفكر فيه قولته وياريت كل حاجه تجهز عشان بكرة

فهد سابهم ونزل

اسر بعصبيه:كل اللى بيعمله غلط

مروة:انت زعلان يااسر ده المفروض تكون اكتر واحد فرحان

اسر:مش عايزها كدا انتو ليه مش عايزين تفهمونى

زين:اهدى يااسر اكيد الفهد فى حاجه فى دماغه عشان يعمل كدا هو عمره مااجبرنا على حاجه

حسن:زين معاه حق

راكان:خلينا نمشي ورا دماغه ونشوف اخره ايه

مريم:انزلى لفهد ياتمارا واعرفى منه فى ايه

تمارا:فهد لو ماعايز يقول مش هيقول يامريم

شروق:طب هنعمل ايه

كنان:ولا اى حاجه هنفذ اللى هو قاله عشان مايهدش القصر على دماغنا كلنا

حسن:طب يلا كل واحد على اوضته وبكرة يحلها الف حلال

الكل نزلو وكان لسه اسر وزين وريا

زين:مبروك ياصاحبي

اسر:ماكنتش عايزها بالغصب يازين عايزها تحبنى زى مابحبها

ريان:بكرة لما تتجوزو وتعيشو سواا اكيد هتحبك وتعيشو احلى حياه يا صاحبي

زين:الواد ده اهبل بس اول مرة يقول كلام صح

ريان:حبيبي يازيزوو

اسر ضحك

ريان:يلا ننزل ننام احسن الفهد يشلوحنا بكرة

زين:يشلوحنا

اسر:يلا ننزل

كل واحد نزل وراح على اوضته

===============

فى اوضه فهد وتمارا

تمارا دخلت كان فهد واقف فى البلكونه حضنته من ضهره وهو لف ليها وشدها لحضنه:عايزة ايه ياتمارا

تمارا:عايزة اعرف بتفكر فى ايه عشان تعمل كدا

فهد:ولا اى حاجه زينه محدش هيحبها زى اسر

تمارا:بس انت عارف زينه كانت بتحب فريد وصعب تنساه بسهوله كدا

فهد:اكبر غلط عملته فى حياتى ان واقفت ادخل فريد ده حياه بنتى وحياتنا

تمارا:انت دورت وراه كويس وعملت اللى عليك يافهد

فهد:وانا بصحح غلطى ياتمارا زينه لازم تتجوز اسر

تمارا:فهد انا عندى ثقه كامله فيك ومتاكده ان فى هدف فى دماغك عشان تعمل كدا

فهد:صدقينى ياتمارا مافيش اى اهداف انا بجد نفسي زينه تبقي من نصيب اسر ومن زمان وانا بعمل دعوات الفرح فكرت اجوزهم مع البنات والشباب مش دى امنيتك بردو

تمارا:حبيبي يافهد بس انا صعبان عليا زينه

فهد:بكرة لما تقرب من اسر وتحبه هتدعيلى انى عملت كدا

تمارا ضحكت ودخلت جوا حضنه:ربنا يخليك لينا يافهد

فهد:ويخليك ليا يانبض الفهد

===================

تانى يوم الكل صحو وبدا التجهيز لكتب الكتاب زى ماامر الفهد

زينه اللى كانت قاعده فى اوضتهاا ومش عارفه ليه باباها عمل كدا الباب خبط ودخلت جنه:عروستنا القمرايه

زينه:بذمتك دى منظر عروسه

جنه:احلى عروسه فى الدنيا

زينه:مش عارفه ليه بابا عمل كدا باللى بيعمله ده حسسنى انى رخيصه اوى

جنه:ليه بتقولى كدا يازينو انتى عارفه عمو فهد بيحبك اد ايه هو بس خايف عليكى من فريد من بعد ماهدد اسر انه هياذيكى

زينه:بابا وزين والكل يقدرو يحمونى من غير جواز ياجنه

جنه:بصي انا معرفش هو عمل كدا ليه بس مش يمكن يبقي خير ليكى

زينه:لما يجبرنا على الجواز يبقي خير ازاى

جنه:انا بصراحه مش عارفه انتى ليه زعلانه اسر ماشاء الله عليه حلو وكويس ومحترم جداا واى بنت تتمناه والبنات اصلا هتموت عليها وهو مافيش فى قلبه غير واحده غبيه

زينه بصدمه:انتى بتتكلمى جد هو كمان بيحب

جنه بهمس:اقسم بالله غبيه

جنه:بقولك ايه سيبك من كل ده اسر جبلك حته فستان قمر البت اسيل بتفرجو للكل ده وهتجيبو

زينه:هو اللى جابه

جنه:بامر من الفهد يلا قومى خدى شاور على مااسيل تطلع عشان تجهزى لان عمو فهد على اخره ومش عايز ولا غلطه

زينه:حاضر

زينه اخدت شاور ولبست الفستان اللى كان غايه فى الرقه والجمال كان بلون الازف وايت ضيق مع بعض الكسرات من فوق وحذام بسيط على الخصر ونازل واسع واكمام واسعه وطرحه وشوز بنفس اللون مع ميكب بسيط كانت زينه قمرايه من الاخر

جنه قربت من زينه وهمست:شايفه الناس اللى بتفهم وذوقها راقى فى اختيار الفساتين بس الغبي التانى

زينه ابتسمت

اسيل:بتقولو ايه

جنه:وانتى مالك

جميله:الله مش مرات اخوهاا افرضى بتقويها على اخوها مثلا

اسيل:تصدقى صح بت يازينه البت دى كانت بتقولك ايه هااا

جنه:اسكتى يابت انتى وهياا

الباب خبط ودخل فهد وقرب من زينه:بسم الله ماشاء الله زى القمر يازينه ... انتى عارفه انى بحبك جداا وعمرى مااختارلك حاجه وحشه صح

زينه:صح يابابا

فهد باس راسها:يلا عشان ننزل الماذون وصل

فهد مسك ايد زينه ونزلو والبنات كانو نازلين وراه وكانو لابسين دريسات بسيطه جداا لا ماكنش فى حد غير العيله وادهم ومامته واسر اللى انبهر بجمال زينه

فهد قعد جمب الماذون وجمبه زينه وعلى الجنب التانى اسر وزين وادهم الشهود

وبدا الماذون بكتب الكتاب وزينه سرحت بكل حاجه مرت فيها مع فريد من اول مااتعرفت عليه لحد اخر موقف بينهم يوم خطوبه الشباب وعينيها دمعت غصبن عنها واسر عينه عليها وشاف دموعها

زينه فاقت من افكارها على جمله الماذون الشهيرة﴿ بارك الله لكما وبارك عليكم وجمع بينكم فى خير ﴾ زينه مسحت دموعها بسرعه وعينها جت على اسر اللى بيبصلهاا والكل بدا يبارك ليهم .......

بعد كتب الكتاب اسر طلب من فهد انه يخرج هو وزينه وفهد طبعاا وافق

زينه قاعده مع البنات فهد دخل عليهم:زينه

زينه قربت منه:نعم يابابا

فهد:انا طلبت من اسر تخرجو تتعشو سوا

زينه:ماحنا نتعشي معاكو هنا احسن

فهد:حبيبتى النهارده كان كتب كتابكوو ولازم تخرجو عشان يكون فى فرصه تتكلمو سوا

زينه:بابا هو حضرتك مصدق اللى حصل ده انا شايفه ان كله غلط فى غلط

فهد:اسر الوقت بقي جوزك يازينه سواء وافقتى او رفضتى ويلا اخرجى هو مستنيكى برا

زينه:حاضر

فهد خرج وجنه قربت من زينه:يلا ياعروسه

زينه:انا خايفه اوى

اسيل:خايفه من ايه ياعبيطه ده الواد اسر بيـــــ

جنه قاطعت كلامها:بيستناكى برا ياحبيبتى يلا مش لازم تتاخرى عليه

زينه:حاضر باى

البنات:باى

جميله:انتى مسبتهاش تقولها ليه

جنه:عشان ياذكيه انتى وهي لازم زينه تعرف بحبها لاسر من نفسها مش لما تعرف انه بيحبها فتفتكر فيه بقي

جميله:تصدقى صح انا فرحانه اوى عشان اسر

اسيل:بس اسر مش فرحان وشكله زعلان جداا

جنه:لانه ماكنش حابب تكون دى الطريقه اللى تجمعه بزينه يابنات

اسيل:ربنا يسعدهم ويبعد عنهم ابن الباردة اللى اسمه فريد

البنات ضحكو:ياااارب

==================

زينه خرجت كان اسر ساند على العربيه ولما سمع صوت خطواتها رفع راسه ليها وهى قربت منه بكسوف

اسر:جاهزة

زينه هزت راسها باه

اسر فتحلها الباب وهى ركبت واسر لف ركب مكانه وساق العربيه وبعد شويا وصلو قدام مطعم راقى اسر نزل من العربيه ولف فتح الباب لزينه ومد ايده ليها وهى بصتله شويت وبعد كدا مدت ايدها ومسكت ايده ونزلت من العربيه ودخلوو سواا واسر كان حاجز ترابيزة فى مكان هادى بعيد عن الناس عشان يكونو براحتهم

اسر شد الكرسي لزينه اللى قعدت وراح قعد مكانه قدامهاا وملاحظ توتر زينه وكسوفهاا

اسر:تحبي تاكلى ايه بقي

زينه:مش عارفه بس اى حاجه

اسر:استنى نشوف المنيو ونطلب

اسر نادى على الجرسون واخد منه المنيوو وبدوا يشرفو هياكلوو ايه بعد شويا زينه قررت هتاكل ايه واسر كمان ونادى على الجرسون وقاله

زينه كانت بتتفرج على المطعم

اسر:عجبك المكان

زينه بصتله:اه حلو جدا وهادى

اسر:زينه انا عارف ان كل حاجه حصلت النهارده كانت بسرعه وانك مش موافقه على جوازك منى

زينه:اسر انت شخص كويس جدااا واى بنت تتمناك طبعاا بس انا التجربه اللى مريت بيها مش هقدر اتخطاها بسرعه كدا

اسر:قصدك فريد

زينه:ايوا ده شخص انا اتعرفت عليه واتخطبنا من ٨ شهور تقريباا فترة مش قليله انى انساه بسرعه انت فاهمنى

اسر:فهمك يازينه .... ممكن اسالك سؤال

زينه:اكيد اتفضل

اسر:لسه بتحبيه

زينه:توتا لما حكتلها كل اللى حصل بينا قالتلى انتى مش بتحبيه اللى كان بينكو كان اعجاب بس والظاهر هى معاها حق انا اللى رميت الخاتم فى وشه وقطعت علاقتى بيه ماكنتش زعلانه عشان سبته بالعكس انا كنت زعلانه لانى كنت غبيه اوى

اسر فرح لما سمع كلامهاا بس فى نفس الوقت شايف الحزن فى عينيها:بصى يازينه انا اول لما نخلص من اللى اسمه فريد ومايكونش فى اى خطر عليكى انا مستعد اطلقك وتعيشي حياتك زى مانتى عايزه وده هيكون قرارك انتى نكمل سوا ولا نطلق

زينه حست من كلامه انه هو كمان مش موافق بعلاقتهم وافتكرت كلام جنه انه بيحب واحده غبيه:اكيييد

طااااال الصمت بينهم وقطعته زينه:شكراا على الفستان بجد حلو جداا

اسر:حلو لانك لبساه يازينو

زينه ابتسمت والاكل وصلو واكلو وبعد شويا قامو وركبو العربيه ورجعو على القصر

====================

على سطح القصر زين قاعد على السور وبعد شويا جت جنه ومعاها صنيه عليها ٢ ايس كوفى:اتفضل دوق وقولى رايك

زين اخد واحد وداقه:اممممم

جنه:ايه مش عجبك

زين نزل وحط المج على السور واخد الصنيه من جنه وحطها على السور كمان

جنه:فى ايه

زين فجاه شالها وقعدها على السور وجنه خافت ومسكت فى رقبه زين وزين محاوطها بايديه

جنه:نزلى ونبي يازين

زين:لا

جنه:مش عارفه يعنى السطح واسع اشمعن يعنى بتحب تقعد هنا

زين:مش عارف بس من وانا صغير ودى قعدتى المفضله

جنه:طب ايه رايك فى الايس كوفى

زين:هو مين اللى عمله

جنه:انا مانت عارف

زين:عشان كدا حلو زى اللى عملته

جنه:طب ممكن تنزلنى عشان نشربهم بقي

زين جاب المج وقربه من جنه:اتفضلى اشربي

جنه:نزلنى تحت يازين لو سمحت

زين طلع قعد جمبهاا واخد المج بتاعه:انسي خوفك وانتى هتحبي القاعده هنا جدااا وبعدين انا معاكى معقول خايفه وانتى جمب زين الفهد

جنه بصتله بعشق:مستحيل انام وانا جمب زين حبيبي ابداا

زين ابتسم وفضلو يتكلمو كتير اوى وجنه نست خوفهاا وحطت راسها على كتف زين وكانو مستمتعين بالمنظر وبعد شويا زين بص عليها لاقاها نايمه نزل من على السور وشالها ونزل قابل تمارا:ايه ده جنه مالها

زين:كنا قاعدين على السطح ونامت هدخلها اوضتها

تمارا:حاضر ياحبيبي

زين دخل اوضتها اللى اول مرة يشوفهاا ونيمها على السرير وقلعها الاسدال كانت لابسه تحته بجامه كط وزين غطاها كويس وباس راسهاا وقعد يتفرج على اوضتهاا وقرب من المكتب كان فى دفتر مكتوب عليه مذكرات جنه الزين زين مسكه وفضل يقلب فيه وقرر ياخده عشان يقراه كله وكان فى ركن كله صور جنه مع زين فى حفله الخطوبه زين بصلها بحب وخرج من الاوضه وراح على اوضته عشان ينام

===================

فى شقه فريد كان بيتكلم فى الفون

فريد:يعنى كتبو الكتاب وكانت خارجه معاه

الشخص:اه ياباشااا

فريد:تمام اقفل انت وجهز نفسك ورجلتك عشان هنفذ قريب خطتنا

الشخص:جاهزين دايما ياباشا

فريد قفل:يعنى اتجوزتها يااسر باشا .... كدا يعنى بتحميها منى ومش هعرف اوصلهاا .... انسى زينه دى بتاعتى ومحدش هيقدر ياخدها منى

الست جت قعدت جمبه:انت بتكلم نفسك يابنى

فريد:الفهد خلى اسر يكتب على زينه مفكر كدا انه بيحميها منى

الست:احنا هدفنا العيله كلها يا فريد مش زينه بس بلاش تنسي

فريد قام وقف واتكلم بعصبيه:بس زينه دى بتاعتى انا

الست بصتله اوى:مش قولتلك انت حبيتها يافريد

فريد:اه حبيتها وهو مين مجنون ميحبش بنت زى زينه ورحمه ابويا وامى ماهسيبها لابن حسن ابدااا

الست:اهدى ياحبيبي ومتنساش انها خلاص بقت مراته

فريد:حتى لو بقت مراته بردو هاخدها منه وبكرة تشوفى

فريد دخل اوضته

الست:قولتلك بلاش تفكر فيها كتير وتحبها وشكلك هتتعب زيي يابنى وهتبوظ كل اللى بنخطط ليه ربنا يستر

فريد دخل اوضته وكلم واحد من رجالته:بكرة تنفذ الخطه اللى قولتلك عليها ومش عايز ولا غلطه فاهم

الراجل:متقلقش ياباشا

فريد قفل ونام على السرير:بكرة هتبقي معايا وفى حضنى يازينه

===================

صباح يوم جديد فى قصر الفهد الكل متجمعين على السفرة بيفطروو

زينه:الحمدلله يلا ياجوجو عشان منتاخرش

جنه:يلا انا خلصت الحمدلله

زين:استنو انا هوصلكوو

اسر عينه على زينه:نفسه يقولها ان هو اللى هيوصلها بس خايف تضايق

فهد:زين وصل جنه واسر هيوصل زينه

زينه:بس احنا بنروح سوا يابابا

فهد:جنه وجميله كل واحده جوزها بيوصلها واسر جوزك هيوصلك يازينه .... اسر زين زى ماقولت

فهد قام ودخل المكتب وزينه بصت لاسر

زين:يلا ياجنه

زين وجنه خرجوو واسر بص لزينه:يلا عشان متتاخريش

زينه اخدع شنطتها وخرجت واسر وراهاا والكل خلصو فطار وخرجووو

مريم:زينه كانت مضايقه على فكرة

تمارا:مش عارفه فهد بيعمل كدا ليه

شروق:فهد عايز يقربهم من بعض ياتمارا

مروة بحزن:بس كدا غلط هى كدا هتضايق من اسر ومش هتقرب بالاجبار وابنى اللى هيتعب

تمارا:متخافيش يامروة وان شاء الله ربنا يجمع بينهم

الكل:يارب

===================

البنات وصلو المستشفى وكل واحده راحت على مكتبها وبعد يوم طوييييل فى الشغل

جنه خلصت وراحت على مكتب زينه دخلت ماكنتش موجوده خرجت وسالت الممرضه:الدكتورة زينه خلصت ومشت من زمان

جنه لنفسها:مشت لوحدها لا لا اكيد اسر اخدهاا

جنه فونها رن:حاضر انا نازله اهوو

جنه نزلن وركبت عربيه زين

زين:اومال فين زينه

جنه:زينه روحت بقالها شوياا

زين:تمام

زين وجنه وصلو على القصر ودخلوو وكان الكل متجمعين سواا

جنه:مساء الخير

الكل:مساء الخير

تمارا:اومال فين زينه ياجوجو

جنه بصتلها:زينه روحت قبلى من زمان

اسر:روحت مع مين

جنه:معرفش انا بعد ماخلصت روحتلها مكتبها الممرضه قالتلى انها مشت من زمان هى لسه ماجيتش

فهد قام وقف:اسر انت مكلمتهاش طول اليوم

اسر:انا وصلتها الصبح وقولتلها لما تخلص ترن عليا

تمارا بخوف:يعنى بنتى هتكون فين يافهد

حسن:اهدو ياجماعه اسر رن عليها

اسر رن عليها فونها مقفول

اسر:انتى متعرفيش هى خلصت امته ياجنه

جنه:لا انا كان عندى عمليتين وهى قالتلى عندها شغل كتير وكل واحده كانت فى مكتبهاا احنا متعودين اللى بتخلص بتروح لتانيه

تمارا بصت لفهد وعيطت:بنتى فين يافهد

فهد حضنها:اهدى ياتمارا اهدى ... زين اسر كلمو ادهم خلوه يجيلنا على المستشفى يلا بينا

حسن:احنا كمان هنيجى معاكو

فهد:كنان وراكان خليكو هنا لو رجعت تعرفونا ويلا ياحسن

الكل عملو زى مافهد قالهم وتمارا كانت منهارة وجميله وجنه واسيل بيعيطو وخايفين على زينه وبيعيطوو

مروة:اهدو يابنات

مريم حضنتها:ان شاء الله خير ياتمارا اهدى

مروة:ربنا يحميها وترجع بسلامه يارب

شروق:ان شاء الله هتكون بخير اهدى ياتمارا

تمارا بعياط:ياااااارب

&&&&&&&

طبعاا كلنا عارفين زينه فين بس تفتكرو فريد ناوى على ايه؟؟