رواية كيان الفهد الفصل الأول 1 - بقلم بسملة مصطفى

في مدينة القاهرة وتحديدًا في وسط البلد، فتاة في عمر الـ 24 تدعى كيان. كيان استيقظت بدري الصبح، صلت فرضها ولبست هدوم الشغل. نزلت وسلمت على مامتها وفطرت معاها، وودعتها. كيان وقفت على الطريق وطلبت أوبر، وقالت له على المكان اللي عايزة تروحه. في الوقت اللي كانت فيه في العربية، كانت بتكلم صاحبتها سارة. سارة: طب انتي هتيجي معايا المشوار ولا لأ؟ كيان: لا والله مش هعرف يا سوسو، ورايا شغل كتير في المستشفى.

سارة: طب تمام يا حبيبتي، عيشي. سائق الأوبر: وصلنا يا آنسة. كيان حاسبته ونزلت ودخلت المستشفى. أول حاجة، دخلت على الأوضة بتاعت تغيير الملابس. كيان غيرت هدومها ولبست البالطو واتجهت إلى قسم المرضى المشرفة على حالتهم. كيان راحت على أوضة ست كبيرة. كيان خبطت ودخلت. كيان بطيبة: عاملة إيه يا أمي؟ حاسة بتحسن؟ الست: أيوا يا بنتي، الحمد لله. ربنا يحفظك يا بنتي ويحميكي. كيان: محتاجة دعواتك يا أمي.

الست: بدعي لك على طول والله يا بنتي. كيان بصت لها بابتسامة وخرجت. كيان لفت على باقي المرضى وخلصت. حل المساء عليها وهي لسه في شغلها. كيان خلصت وجات تمشي. جت الدكتورة نور. الدكتورة نور: دكتورة كيان، دكتور تميم طالبك في مكتبه. كيان: ماشي يا نور، شكرًا. اتجهت كيان إلى أوضة الدكتور تميم. كيان خبطت وتميم سمح لها بالدخول. تميم: اتفضلي يا دكتورة. كيان: دكتورة نور قالت لي إنك عايزني في حاجة حضرتك.

تميم: أيوا. في بعثة لأمهر طبيبة عندنا والمستشفى اختارتك. البعثة لألمانيا وهتكتسبي خبرة كبيرة من خلال المستشفيات اللي هناك. كيان: بس انت عارف ظروفي يا دكتور، أنا ومامتي قاعدين لوحدنا ومفيش حد هياخد باله من مامتي. تميم: طب في حد من أهلك قريب منكم تقعد معاه؟ كيان: أيوا، أخويا نازل من السفر كمان أربع أيام. تميم: كويس جدًا. الطيارة بتاعتك لسه بعد أسبوع، هيكون أخوك وصل البلد بإذن الله. كيان: تمام يا دكتور.

تميم: الورقة هنحتاج إمضة مامتك طالما باباك مش موجود، وإمضة أي حد من أهلك. كيان: تمام يا دكتور. ثواني بس هاروح المكتب وراجعة، نسيت حاجة هناك. كيان راحت. وقبل أن ترجع إلى بيتها، اتجهت إلى مكتب دكتور تميم وأخذت الورقة ومشيت.