رواية كيان الفهد الفصل الثاني 2 - بقلم بسملة مصطفى

وقبل أن ترحل إلى بيتها اتجهت إلى مكتب دكتور تميم وأخذت الورقة ومشيت. في الخارج، أوقفت كيان التاكسي لكي توصلها إلى بيتها. ركبت التاكسي وبعد فترة وصلت إلى بيتها واتجهت إلى الباب. فتحت لها أمها ليلى ودخلت كيان وسلمت على مامتها. كيان: عاملة إيه يا ست الكل؟ ليلى الأم: كويسة يا بنتي الحمد لله. إيه أخبار البعثة والورق اللي كان مطلوب الإمضاء فيه؟

كيان: الورق أهو يا ماما. أمضي عليه عشان بكرة وأنا راحة المستشفى هادية لدكتور تميم عشان طالعة البعثة كمان أسبوع كده أو كمان كام يوم. الأم: أخذت الورق ووقعت وأدتها الورق. كيان ذهبت إلى غرفتها بتعب وغيرت ملابسها واتجهت إلى السرير وارتمت عليه من التعب واستسلمت للنوم.

تاني يوم، كيان صحت بدري وادت فرضها وبعد كده لبست بلوزة سودة وبنطلون أسمر وجاكت جينز ودخلت الشيميز في البنطلون ولبست كوتش أبيض وأطلقت لشعرها الانسدال على ظهرها. نزلت لقيت مامتها مجهزة الفطار وصبحت على مامتها. كيان: صباح الخير. ليلى: صباح النور يا عيون ماما. اقعدي افطري بقى قبل ما تروحي شغلك. كيان قعدت فطرت وخلصت ومشيت متوجهة إلى عملها بالمستشفى.

بعد فترة، وصلت كيان إلى المستشفى وأدت عملها وبعد ذلك اتجهت إلى مكتب الدكتور تميم وأعطته الورق. في مكتب الدكتور تميم. تميم: ادخل. كيان دخلت بعد السماح لها بالدخول. كيان: اتفضل حضرتك الورق أهو. تميم: يعني خلاص متأكدة من قرارك؟ لأن الإمضاء تبع المستشفى لو اتمضت مش هينفع نلغي البعثة. كيان: لا حضرتك أنا متأكدة من قراري. أنا طالعة البعثة بإذن الله. تميم: خلاص ماشي جهزي نفسك كمان خمسة أيام. كيان: ماشي يا دكتور.

كيان خرجت من مكتب الدكتور واتجهت إلى مكتبها. وبعد فترة وهي قاعدة، جات لها ممرضة. الممرضة: دكتورة كيان فيه مريضة مش راضية تاخد الأدوية ودي من المرضى بتوعك وعمالة تكسر في كل حاجة في الأوضة. كيان جريت على الأوضة ورأت ما يحدث بيها ولكن قامت بتهدئة تلك البنت وأعطت لها حقنة مهدئة والعلاج بتاعها والبنت نامت. مامت البنت بخوف: إيه اللي حصل يا دكتورة؟ هي ليه عملت كده؟ إيه اللي حصل لبنتي؟

كيان: متقلقيش، هي بس أعصابها سابت وهي مش مدركة ومش مستوعبة الحالة اللي هي فيها. وربنا يشفيها. مامت البنت: شكراً يا دكتورة. كيان: الشكر لله. وعلى العموم أنا وديتها حقنة مهدئ وهي نامت دلوقتي وإن شاء الله تصحى كويسة ياذن الله. مامت البنت: إن شاء الله. وبعد أن انتهت كيان من عملها قررت العودة إلى المنزل ولكن افتكرت كيان حاجة ورجعت علشان تاخدها من الأوضة ولكن انصدمت.