رواية كيان الفهد الفصل الرابع 4 - بقلم بسملة مصطفى

قررت كيان تنزل تتمشى. نزلت كيان واتمشت لحد البحر وقعدت هناك. مع نسمات الهواء الباردة والجو الممطر والسماء المظلمة، كان الجو رائع. كيان قعدت تفكر في حالتها شوية وهتعمل إيه في البلد اللي فيها. إزاي تطور من نفسها في مجال شغلها اللي قعدت سنين تدرس فيه وتعبت فيه. كيان قعدت لفترة وقررت تمشي. وصلت الأوتيل المقيمة فيه. دخلت أوضتها وغيرت هدومها. قعدت على الفون كلمت مامتها تطمن عليها قبل ما تنام. خلصت مكالمة مع مامتها ونامت.

تاني يوم، استيقظت كيان واخدت شاور وادت فرضها ولبست لبس الشغل. كيان لبست بنطلون جينز واسع وعليه هودي واسع وجاكت لأن عندهم الجو ممطر وبرد. كيان كانت بتفطر وفجأة حد رن عليها تبع المستشفى اللي هناك. (الحوار مترجم، هما بيتكلموا ألماني) الشخص: دكتورة كيان تعالي بسرعة، في حالة طارئة. كيان سابت فطارها، أخدت حاجتها ونزلت بسرعة. كيان ركبت تاكسي، وصلت المستشفى. كيان طلعت على الأوضة تغير هدومها.

غيرت كيان واستعدت إنها تدخل غرفة العمليات. كيان دخلت أوضة العمليات وبدأت في العملية وخلصت. كيان خلصت وخرجت. كان في حد تبع المريض واقف. الشاب: طمنيني يا دكتورة. فهد ماله؟ كيان: الحقيقة عنده جروح كتير وكسور في جسمه. الحادثة أثرت عليه. غير كده، العمود الفقري حصل فيه حاجة أدت لشلل نصفي. الشاب: تمام يا دكتورة. هو هيصحى امتى؟ كيان: هيصحى كمان ساعتين كده. الشاب: شكراً يا دكتورة. كيان مشيت لغرفتها.

وشافت الورقة اللي مكتوب فيها الحالات المتخصصة فيها. بدأت كيان تمر على كل حالة تشوف فيها إيه. كيان جات عند حالة ووقفت مصدومة. يا ترى في إيه؟ مين الشخص ده؟ هنعرف كل ده في البارت الجاي.