رواية قيد حب الفصل الخامس عشر 15 - بقلم شيما سعيد

_هعمل حفلة خطوبتي على سما الأسبوع اللي جاي.. قالها ويده تضم يدها أمام جميع أفراد العائلة بغرفة الطعام، قام السيد حسام من مكانه مردفاً بغضب: _ده اللي هو إزاي من أمتى في حد بيأخد قرار في البيت ده من غير ما أكون أنا صاحب القرار؟! أخذ مصطفي نفسه بهدوء ثم قال: _أكيد مفيش حد يقدر يأخد قرار من غير موافقتك يا سيادة اللوا بس حضرتك عارف ان أنا وسما كده كده هنتجوز يبقى خير البر عاجله.. ظل صامت لعدة ثواني يفكر كيف يمكنه قيادة

الأمر بعدها أومأ بهدوء: _ماشي يا مصطفى خير البر عاجله بس يا ريت الأول تأخد موافقة علياء وتتاكد إنها مبسوطة من قرار زي ده، دي بنت أخويا لما هقابله هيسالني عليها يعني لو هي مش موافقة الجوازة دي مش هتتم.. بإبتسامة هادئة قال مصطفي: _من غير ما تكون وصية عمي علياء غالية علينا كلنا هطلع اقولها وأنا عارف إنها موافقة.. حدق بوالدته مردفاً: _مش هتقوليلي مبروك يا ست الكل؟! تغلبت السيدة سميرة عن شعورها بالحيرة وقالت:

_ألف مبروك يا حبيبي ربنا يسعدك. _شيماء سعيد عبده _على باب غرفة علياء وقفت أمامه فابتسم إليها مردفاً: _أم مراد تسمحلي ادخل.. ضغطت على شفتيها لعدة ثواني ثم قالت: _لو قولتلك عايزة أدخل معاك هتوافق؟! رفع كفه ليقرص أنفها ثم نفي بحركة من رأسه مردفاً: _لأ مش هوافق وأنتِ عارفة كده.. عقدت حاجبها بغيظ مردفة: _لأ ليه أنا عايزة أدخل مليش فيه.. طفلة صغيرة هو يتعامل مع طفلة صغيرة، بكل صبر قال:

_عشان الموضوع حساس وهي أكيد هتتكسف وأنتِ واقفة، معلش خمس دقايق وهاجيلك استنيني في الجنينه اتفقنا.. أبعدت وجهها عنه بحزن ليضم وجهها بين يديه مردفاً: _أم مراد زعلها غالي وأنا مقدرش عليه قولي اتفقنا وخليكي شطورة.. رغم ثقل قلبها من وجوده من امرأة تحمل إسمه بغرفة واحدة بمفردهما إلا أن معه حق، بقلة حيلة قالت: _اتفقنا.. _يسلملي الشاطر اللي بيسمع الكلام اضحكي بقى كده.. ضحكت بمرح مردفة:

_في إيه يا مصطفى هو أنت بتعامل معايا على إني عيلة في حضانة ؟! أومأ إليها قائلا: _ومهما كبرتي هفضل اتعامل معاكي على إنك عيله في حضانة.. نعيم هذا الرجل عبارة عن نعيم، بلحظة شعرت أن قلبها ربما بدأ يفتح بابه إليه فقالت: _خد بالك قلبي شكله هيرجع يحبك تاني ...

يا الله هذا ما كان ينتظره، لم تعترف بالحب ولا حتي بالسماح لكن ما قالته بشري خير رائعة، سيكمل تلك اللحظة الممتعة بقبلة وقبل أن يأخذها رفرت من أمامه ليضرب الباب بغضب مردفاً: _أحقر حاجة بقى الفصلان ده.. حمحم ليستعيد وقاره ثم دق على باب غرفة علياء أذنت إليه بالدخول فأغلق الباب خلفه مردفا: _عاملة إيه دلوقتي حاسة انك احسن؟! _أيوة الحمد لله بقيت كويسة.. جلس أمامها على الفراش وقال بهدوء:

_علياء أنتِ عارفة ان جوازنا جواز على ورق واني بعتبرك مش بنت عمي بنتي، أنتِ شايفة ان علاقتنا ممكن تنجح؟! بصدق قالت: _أكيد لو مكنتش أتجوزت سما كانت هتنجح... آمال إحنا اتخطبنا من الاول ليه؟! أومأ إليها مردفاً: _عندك حق... طيب وبعد ما بقيت سما موجودة شايفه اننا ممكن نكمل مع بعض؟!

_أكيد لأ يا مصطفى أنا مقبلش بضره ولا أقبل إني أبقى ست جوزها بيحب غيرها، أنت بتحب سما وأنا معنديش أي مشكلة مع الحب ده بس أنت جاي تقولي الكلام دلوقتي ليه؟! أخلاقها عالية وجدا تجعله دائماً يشعر بالذنب الكبير اتجاهها، قال بجدية:

_الجديد إني حابب أرجع سما لعصمتي تاني وحابب أقول للناس كلها انها مراتي بس أكيد مش عايز أعمل كده وأنتِ على ذمتي ولا عايز أحسسك بأي إحساس وحش، فأنتِ لو مش موافقة ان ده يحصل وأنتِ مراتي ممكن استنى لحد ما نتطلق.. تشعر وكأن القدر يسخر منها، ما تعيشه الآن لم تتخيل بحياتها أن يحدث، طريقها أمامها مسدود بحائط أسود ولا تستطيع الفرار أو حتى الوصول إلي النهاية، تنهدت قالت:

_أكيد مش هتوقف حياتك على ما نتطلق احنا جوازنا كده كده كأنه مش موجود ألف مبروك ربنا يفرحك يا مصطفى.. ثقل كبير سقط من فوق صدره، أبتسم إليها بحنان وقال: _الله يبارك فيكي وعايزك تعرفي إني هفضل في ضهرك لحد ما اسلمك بأيدي للراجل اللي يستحق إنه يبقى جوزك.. _شيماء سعيد عبده _بالحديقة أخذ عز فنجان القهوة الخاص به وجلس على أحد المقاعد أمام حمام السباحة وتركيزه على بعض الأوراق أمامه، شعر بها تجلس بجواره ولم يفعل أي ردت فعل..

أكثر من دقيقة صامتة لا تعلم ماذا تقول، شعرت كم كانت حمقاء بحديثها أمس والآن تود إصلاح الأمر فقالت أخيراً بالكثير من التوتر: _لو فاضي ممكن اتكلم معاك شوية ؟! أجابها وهو مازال على حاله: _مش فاضي يا ليلى لو محتاجة حاجة أبقى قوليلي عليها في وقت تاني.. يا الله لما أصبح جاف معها فجأة أين عز الحنون ؟! .. بللت شفتيها بطرف لسانها لتعطي لنفسها بعض الهدوء وقالت:

_أنا مش محتاجة حاجة أنا محتاجة أعتذر عن كلامي السخيف إمبارح متزعلش مني يا عز... بس صدقني بالاحسن لنا احنا الاتنين نبقى ولاد خاله وبس.. ترك ما بيده ثم قال بجدية: _ماشي يا ليلى في حاجة تانية ؟! أسلوبه الجديدة معها أوجع قلبها فقالت: _بلاش تتعامل معايا بطريقة وحشة أنا بحس ان أنت الوحيد اللي كويس معايا في البيت ده... ماذا تريده منه تلك الفتاة حقا لا يعلم، زفر بضيق مردفاً: _تمام.. حدقت به بعتاب وقامت من مكانها مردفة:

_عن أذنك شكلك عندك شغل كتير وأنا عطلتك بما فيه الكفاية.. . ذهبت عينيه تتابعها حتي سند ظهره على المقعد مردفاً بتعب: _كدة أحسن يا عز بلاش قلة قيمة.. _شيماء سعيد عبده _بمعرض أكبر مصممي الأزياء.. أخذت تتنقل معه بين الفساتين، وكلما اختارت واحد كان رفضه أجابه حاسمة فزفرت بضيق مردفة: _وبعدين بقى أنا زهقت منك كله لأ لأ لأ ما نروح أحسن.. بنظرة عين محذرة قال:

_اتلمي يا سما واختاري حاجة مستورة عشان أنا لحد دلوقتي بتعامل معاكي بقي متخلينيش اتعامل بقلة أدب.. أسلوبه بمفرده يخرجها عن سيطرتها فقالت بحنق: _هو أنت كده بتتعامل بأدب وبعدين مالهم الفساتين ما كلهم حلوين.. بسخرية قال: _كلهم قالعين... أنا عايز فستان طويل ومقفول شوفيلك حاجة بالمواصفات دي.. مستفز إلي أبعد درجة لكنها أصبحت مفتاحه وهذا جيد جداً، بإبتسامة ناعمة بها الكثير والكثير من الدلال قالت:

_يرضيك تزعل أم مراد في يوم زي ده.. إذا جاءت للحقيقة لو بموقف غير ذلك كانت نجحت خطتها ونفذ أوامرها إلا هنا، بكل وقاحة جذبها ليلصق جسدها بالحائط ثم رفع أحد أصابعه ليمر به على كم فستانها مردفاً: _اللحم الأبيض ده بتاعي يخصني انا بس اللي أشوف وووو.... وضعت كفها فوق شفتيه تمنعه من إضافة أي كلمة مردفة: _بس بس متكملش الله يسترك... ببساطة شديدة قال:

_أنا الحمد لله ربنا سترني أنتِ ناوية تستري نفسك ولا نلغي أم الشبكة دي ونقلبها دخلة ونخلص؟! عينيه الوقحة أكدت على رغبته بتنفيذ تهديده فقالت برعب: _ودي محتاجة كلام هستر نفسي طبعاً.. أبتعد عنها وقال بهدوء: _سمعيني كده هتجيبي إيه ؟! ببراءة شديدة قالت: _فستان طويل ومقفول.. أشار إليها لتبدأ بعملية البحث قائلا: _شاطرة يلا شوفي شغلك.. ما هذا ؟!

.. فهو قادر على رعبها من نظرة عين، بنفس غير راضية بدأت بالبحث عن فستان بنفس المواصفات التي أمر بها، أبتسم عليها ثم جذب فستان رائع لفت انتباه وقال: _أدخل قيس يا وحش عايز أشوفه عليك.. إن جاءت للحق فستان رائع، جذبته من يده ودلفت إلي غرفة القياس دقائق وكانت تقف أمامه بتوتر قائلة: _رأيك إيه حلو ؟! وكيف لا يكون رائع وهو على جسدك يا أم مراد ؟! .. بنظرة وقحة من الدرجة الأولى قال: _مكنة عليا الطلاق أنتِ مكنة....

_شيماء سعيد عبده _بعد مرور أسبوع.. بأحد أكبر الفنادق بالقاهرة. بسعادة لا توصف وقف بجوار والده وشقيقه لاستقبال المعازيم، ها هو يخطو أول خطوة حتي تعود بين أحضانه من جديد، مال عليه عز مردفاً بمرح: _الف مبروك يا كبير بس طلعت جاحد.. ضحك بخفة مردفاً: _ليه عملت إيه ؟! أشار عز بعينيه على سيادة اللواء هامسا: _مش عارف عملت إيه يا مفتري، خليت سياده اللوا حسام مهران يقف غصب عنه في خطوبتك على سما ويستقبل المعازيم بنفسه.. .

بغرور قال: _هو أنا أي حد ولا إيه يا إبني طول عمري مسيطر.. قهقه عز بمرح ثم قال وهو يري ياسر يخرج من سيارته: _هو أنت عزمت ياسر الدسوقي ولا إيه ؟! أومأ إليه مردفاً: _هو اللي بينا عشرة يوم ولا إتنين ده صاحب عمر ولأزم يحضر.. قال السيد حسام بنبرة حادة: _هنخلص من المهزلة اللي بتحصل دي أمتى يا سيادة النائب؟! أخذ مصطفي نفسه بهدوء ثم قال:

_سيادة اللوا لو سمحت النهاردة يوم حلو جدا بالنسبه لي بلاش نعمل فيه مشاكل الصبح نبقى نتكلم براحتنا.. ألقي عليه حسام نظرة ساخرة وأكمل استقبال المعازيم، أقترب منهما ياسر مردفاً: _ألف مبروك يا صاحبي عقبال التالتة.. بإبتسامة ساخرة قال مصطفي: _عقبالك عايزين نفرح بيك قريب.. بضحكة مستفزة قال ياسر: _لما تطلقها هتفرح بيا.. تغيرت معالم وجهه وقبل أن يقترب منه قال السيد حسام: _مكانك أنت وهو لا عايزين فضايح ولا قلة أدب ..

تدخل عز بالأمر وجذب ياسر بعيداً عن مصطفي مردفاً: _تعالى أوصلك الترابيزة بتاعتك.. ذهب مع عز ليجلس على طاولة بمقابل طاولة العائلة، رآها بجوار زوجة عمها تجلس حزينة تائهة، آه منكِ وألف آه يا علياء، ظل يتابعها حتي قامت السيدة سميرة فذهب إليها مردفاً بسخرية: _الحفلة دي هيقول فيها إنك مراته ولا هيعلن عن ضرتك الأول.. يا الله سنوات مضت دون أن تراه، مثلما هو وسيم، ابتسمت إليه مردفة:

_حمد لله على سلامتك يا ياسر رجعت من السفر أمتي ؟! جلس أمامها مردفاً بعتاب: _رجعت لما عرفت إنك محتاجاني جانبك.. صديقة طفولتها ياسر، كانت تتدلل عليه عندما يأتي إلي مصطفي، تنهدت بحنين لتلك الأيام مردفة: _مشيت من غير ما تسلم عليا... هل من حقها العتاب ؟! .. لا والله هذا حقه هو بعد ما فعلته به، بغضب قال: _كنت عايزاني أجي أسلم عليكي بعد ما طلبت أيدك ورفضتني وقبلتي مصطفى طيب إزاي ؟! بهدوء قالت:

_من يوم ما اتولدت وأنا مكتوب عليا أبقى بتاعت مصطفى يا ياسر وأنت كنت عارف كده من الأول، مكانش المفروض تتقدملي عموماً اللي فات مات حاول ترجع اللي بينك وبين صاحبك وووو.. أشار إليها بغضب يمنعها من الحديث مردفاً: _اللي فات ما ماتش لو في حاجه ماتت هتبقى قلبي... صمتت بتعب فقام من أمامها مردفاً قبل أن يذهب: _أنتِ بغبائك ضيعتي من أيدك واحد بيحبك عشان واحد اتفرضتي عليه.. أصبحت بمفردها فأغلقت عينيها بضياع مردفة:

_الله يرحمك يا بابا أنت اللي اخترتلي طريقي وأنا متأكدة إنك مستحيل تختار لي حاجة غلط.. _شيماء سعيد عبده _بغرفة سما كانت سعيدة سعادة لا توصف وبجوارها والدتها وليلي فقالت بتوتر: _ها إيه رأيكم شكلي حلو؟! إجابتها نوال بغيظ: _زي القمر وخسارة في الواد ده هو وعيلته.. ضحكت ليلي بخفة قائلة: _ليه بس كده يا طنط نوال ده حتى مصطفى أطيب واحد في البيت ده.. شهقت نوال بذهول وقالت:

_هو مين ده اللي أطيب واحد يا موكوسة ده هو وأبوه وأخوه تلات عقارب وأمهم دي وليه مش مفهومة.. حدقت سما لوالدتها بتحذير لعلها تعلم أن ليلي إبنة خالتهم فقالت ليلي: _متبصلهاش يا سما هي عندها حق أنا نفسي مش فاهمة أي حاجة.. دق هاتف سما باسم مصطفي فابتسمت وفتحت الخط قائلة: _بترن دلوقتي ليه مش المفروض تكون بتستقبل الضيوف.. بقلة حيلة قال: _أعمل فيكي إيه دلوقتي قوليلي؟! بخوف سألته: _وأنا عملت إيه طيب؟! بكل صراحة أجابها:

_طلعتي مجرمة لدرجه إني مش عارف أقعد في مكان أنتِ مش فيه.. ضحكت بخجل ثم بنعومة شديدة قالت: _يا سلام ؟! . ده أنت واقع بقى.. برومانسية لو وصلت الى مسامع أحد سيسقط وقار مصطفى مهران: _قسماً برب الخلق إني عاشقا وجميع همسات الليالى شهود... بسعادة قالت: _عرفت منين إني بحب الاغنية دي؟! _أي حاجة تفرحك لأزم أكون عارفها..

يا الله على حلاوة هذا الرجل تعالت دقات قلبها بسعادة، شعورها بحبه الشديد إليها يعطي لها الكثير والكثير من ثقتها بنفسها، قالت بدلال: _هقفل ولو وحشتك أوي أطلع خدني.. أغلق الهاتف ليقول بتفكير خبيث: _أطلب المأذون ونقلبها كتب كتاب ودخلة ولا حد يقدر يقولي لأ.... آت إليه عز ليقول بقوة: _اتصل بالماذون يا عز أنا هكتب على سما الليلة.. ملامح وجه عز كانت غاضبة جذب مصطفي مردفاً:

_لا هينفع تكتب كتابك عليها ولا حتى هينفع تقول للناس إنك خطيبها النهاردة... حدق به مصطفي بغضب: _هي هبت منك ولا إيه ؟! _أنا بقولك اللي هيحصل إحنا في مصيبة يا مصطفى.. بدأ الآخر يفقد أعصابه فقال بجنون: _ما تنطق في إيه..

أخرج عز هاتفه ثم قدمه إليه، أخذه منه مصطفي بقلق وهنا كانت الكارثة، جميع شبكات التواصل الاجتماعي تتحدث عن عنوان واحد " أعلن رجل الأعمال وعضو مجلس الشعب مصطفي مهران زواجه من الانسة علياء مهران إبنة عمه قبل وفاة عمه بساعات قليلة " صور لعدة القرآن هنا وهناك وصور قديمة من حفل خطوبتهما، منشور آخر من جريدة كبيرة بعنوان" حفل زفاف راجل الأعمال مصطفي مهران على السيدة علياء مهران اليوم بأحد الفنادق الكبري"

اهتزاز عنيف أصاب جسده، مع كل كلمة تقع عينيه عليها يشعر بالكارثة، كيف سيحل هذا وكيف سيقف أمام سما ؟! .. ما هذه اللعنة التي سقطت فوق رأسه.. لم يشعر بنفسه إلا عندما ذهب إلي ياسر يجذبه من مقدمة ملابسه مردفا بغضب: _مكنتش أعرف أنك واطي لدرجة أنك تعمل كده.. تعجب ياسر من حديثه وحاول أبعاد مصطفي عنده مردفاً: _أبعد عشان إحنا قدام الناس ومش عايز أقل منك ولا أقل من نفسي وبعدين هو أنا عملت لك إيه.. بسخرية قال:

_هتعمل نفسك عبيط يعني مش أنت اللي نشرت الاخبار دي.. ألقي الهاتف بوجهه ليسود وجه ياسر مردفاً: _وأنت عقلك قالك إني ممكن أعلن جوازك من الست اللي أنا بحبها تحت أي ظرف؟! تدخل عز بالمنتصف مردفاً: _إيه اللي أنت بتعمله ده يا مصطفى بلاش فضايح نخلص الحفلة دي وبعدين كلنا نتكلم ونتحاسب.. جذب مصطفي خصلاته بضياع مردفاً: _واخلص الحفلة دي إزاي؟! .. أطلع أقولها أنا قولت للناس ان علياء مراتي وأنتِ مش هتنزلي معايا إزاي؟!

يستحيل أن يفعل بها هذا، قال بقوة: _أنا هاجيبها وهعلن خطوبتي منها وفي داهية كل حاجة.. هنا آت السيد حسام وقال بهدوء: _المرة دي مش هقف قدامك ولا هقولك تعمل إيه، اللي يريحك أعمله.. بتوهان نظر إليه مصطفي ليكمل الآخر: _بس عايزك قبل ما تعمل أي حاجة تحط في دماغك اسمنا وسمعتنا وكرسي مجلس الشعب وفوق كل دول بنت عمك...

بنت عمك اللي أنت مربيها على أيدك سمعتها هيحصل فيها إيه لما ينزل صور كتب كتابك عليها وفي الآخر تعلن خطوبتك من واحدة تانية، بطل أنانية أنت مش عايش في الدنيا لوحدك في ناس المفروض تفكر فيها غير نفسك.. ما هذا وكيف وصل إليه ؟! سأل بتعب: _يعني إيه.. وضع عز يده على كتفه مردفاً بدعم: _سما بتحبك وهتفهم موقفك أطلع فهمها كل حاجه بالراحة وخلينا نعدي اليوم ده.. _شيماء سعيد عبده _وصل أمام غرفتها وهو حقا لا يعلم ما عليه فعله، دق

الباب ودلف ثم قال بجدية: _معلش يا جماعة مش عايز حد في الاوضة غيرنا.. أصبحت بمفردها معه، كم هي جميلة بهذا الفستان، كم تليق عليها السعادة وكم تستحقها، دارت حول نفسها مردفة بإبتسامة واسعة: _إيه رأيك حلو عليا الفستان ؟! رأيه ؟! .. رائع عليها، بجمالها أعطت إليه قيمة كبيرة فوق قيمته الحقيقية، ابتسامتها السعيدة، حبها الواضح بعينيها إليه زاد من همه، أقترب منها ثم وضع قبلة حنونة فوق رأسها مردفاً:

_تحفة عليكي الفستان بس مش هينفع تنزلي بيه الحفلة ولا هينفع تنزلي الحفلة.. كيف يمنعها من نزول حفل خطبتهم؟! . عقدت حاجبها بتعجب مردفة ببعض المرح لعله إصابته الغيرة عليها: _ولما العروسة مش هتنزل الحفلة مين اللي هينزل؟! ماذا يقول ؟! .. حقا ما عليه قوله الآن ؟! .. لو علمت الحقيقة ستكون النهاية لا محالة، سيكذب دقائق وبعدها سيأخذها بأحضانه ويقص عليها كل شيء بهدوء، فقال:

_حصلت مشكلة مع الصحافة تحت والحفلة أتلغت هعوضك بواحدة أحسن منها بس متزعليش.. لا تحزن ؟! .. كيف ؟! .. اليوم حلمت به منذ الأسبوع الماضي، لما كلما أرادت السعادة يحدث معها كارثة، سقطت من عينيها دمعة حزينة ليمسحها بلهفة مردفاً: _لأ لأ لأ دموعك غالية أوثقي فيا وأنا والله العظيم هعوضك عن كل ده.. أومأت إليه بقلة حيلة، بريئة براءة طفلة صغيرة وهو عالمه عالم أسود، بللت شفتيها بطرف لسانها مردفة:

_مش مشكلة أنا واثقه فيك هتعملي الأحسن منها بعد كده مش كده؟! سألته برجاء شديد ليقول: _طبعاً يا حبيبتي بس أنتِ متزعليش.. بكت بقهر وبدأت تشكو إليه: _لأ أنا زعلانة اشمعنى أنا اللي حفلة خطوبتي تبوظ كده؟! .. كان نفسي أفرح أوي النهاردة يا مصطفى... يا الله ينتهي هذا الحفل اللعين وسيحرق الأخضر واليابس من أجلها، جذبها ليضمها إليه بحنان ثم أغلق عينيه مردفاً: _حقك عليا أنا آسف.. فتحت السيدة نوال الباب بقوة ثم قالت بغضب:

_أنت واخد البنت في حضنك تعمل بيها إيه؟! .. مش خلاص قولت للناس كلها إن بنت عمك مراتك، عايز تفعص في الغلبانة دي في الضلمة والهانم التانية تبقى قصاد كل الناس.. اللعنة... هل هذا وقت مناسب ؟! .. أبتعدت عنه سما بجسد مرتجف مردفة: _إيه اللي أنتِ بتقوليه ده يا ماما؟! حدقت به السيدة نوال بحقد وقالت: _بقولك الحقيقة الحفلة اللي كان بيقولك إن هي خطوبتك طلعت بيعرف الناس بجوازه من بنت عمه والكل بيبارك تحت..

لأ هذا مستحيل، مصطفى يعشقها ويستحيل أن يفعل بها هذا، نظرت بداخل عينيه تبحث عن الحقيقة لتجده يهرب من نظراتها فقالت برجاء: _مصطفى قول الكلام اللي ماما بتقوله ده مش صح.. صمت لعله يجد كلمة واحدة مناسبة لهذا الموقف فصرخت بجنون: _بقولك رد قول إنه كذب، قول أي حاجة وأنا والله العظيم هصدقك.. جذب جسدها المرتجف إليه بخوف ثم مسح على وجهها وهو لا يعلم ماذا يقول ولا كيف يقول ولكنه قال:

_سما أنا هعلن جوازي من علياء تحت قدام الناس مش هينفع تنزلي ولا هينفع تظهري ولا هينفع أقول للناس أنتِ مين.. لحظة شعرت بها بتوقف العالم من حولها، رفعت عينيها إليه منتظرة منه أي كلمة تنفي ما قاله، ظل صامت عاجز يهرب من النظر إليها ، بنبرة صوت تائهة قالت: _يعني إيه؟! حاول السيطرة عليها مردفاً: _سما.. دفعته بعيداً عنها برفض ثم قالت بقهر: _أنت طول الفترة اللي فاتت دي كنت بتضحك عليا تاني؟! .. وأنا زي العبيطه كنت مصدقك...

أنت بتعمل معايا كدة ليه اذيتك في إيه عشان كل يوم متعملش حاجة غير إنك تاذيني؟! .. رد قول الكلام ده كذب قول إن النهارده خطوبتنا وانك هتقف قدام الكل وتقول ا بتاعتك وأنت بتاعي.. جذب كفها وقبله عدة مرات مردفاً: _والله هقول والناس كلها هتعرف بس مش دلوقتي أفهميني لو نزلتي معايا هتبقى فضيحة اتحملي شوية.. فضيحة ؟! .. هل أصبحت بالنسبة إليه فضيحة، ذهبت لتلقي بنفسها على صدر والدتها مردفة برجاء:

_مشيني يا ماما أرجوكي مشيني أنا خايفة.. حرك رأسه برفض مردفاً: _حبيبتي خايفة من إيه أنا جنبك وتمشي تروحي فين هنروح سوا بيتنا.. صرخت بجنون: _أسكت بقى أسكت أطلع بره أطلع بره.. دلف عز إلي الغرفة مردفاً: _لأزم تنزل دلوقتي يا مصطفى الناس كلها بتسال عليك.. كيف يذهب وروحه تنهار هنا؟! .. كيف يفعلها ويقف أمام الجميع وجسده يطلب منه الإنهيار؟! ... حدق بها برجاء أخير مردفاً:

_بس كفاية عياط، هنزل أفض الليلة دي وارجعلك نتكلم براحتنا.. خرج ليسقط جسدها أرضاً فقالت السيدة نوال: _والله ما يستحق دمعة واحدة من عينك.. على باب الغرفة أشار للحارس الخاص به مردفاً بقوة: _مش عايز مدام سما تخرج ولا تتحرك من الفندق عينك تفضل عليها لحد ما أرجع.. أومأ إليه الآخر مردفاً: _أمرك يا باشا...

بعد دقائق بمنتصف قاعة الحفل وقف وعلياء معلقة يدها بذراع، رفع عينيه بتلقائية إلي شرفة جناحها ليراها تقف بجوار والدتها تشاهد ما يحدث، أخذ نفسه ثم رفع مكبر الصوت مردفاً بابتسامة: _شرفتونا كنت سايب سبب الحفلة مفاجأة بس الصحافة سبقتني ونزلت الخبر.. أنحني قليلاً مقبلاً رأس علياء مردفاً: _مبروك جوازنا يا حبيبتي...