رواية كيف احببتك الفصل الأول 1 - بقلم اميمة تيتو

استيقظت تولين في الساعة السابعة صباحاً. قامت وضعت الموبايل بتاعها في الشاحن ودخلت الحمام، أخذت دوش ولبست هدوم المدرسة. وقفت قدام المرايا وسرحت شعرها، وأخذت شنطتها وتليفونها وطلعت من الأوضة. مروة: استني هحضرلك الفطار. تولين: لا همشي هفطر في المدرسة. وطلعت ركبت الباص ومشيت. وصلت المدرسة ودخلت قعدت على كرسي تحت شجرة كبيرة. أسماء: عاملة إيه؟ تولين: كويسة. أسماء: ممكن أقعد معاكي؟ تولين: لأ. أسماء: يا سلام مش عايزة.

وبصتلها بقرف ومشيت. تولين فتحت الموبايل وفضلت تقلب فيه. وبعد عشر دقايق قامت ودخلت الفصل. هدي: إزيك يا تولين؟ تولين: بخير. وبصت على الساعة بتاعتها. دخل المستر: كل سنة وانتوا طيبين بمناسبة بداية السنة الدراسية. وبدأ شرح والحصة خلصت. مروان: تولين ممكن نتكلم شوية؟ تولين قامت وقعدت في مكان تاني. مروان راح وقعد جنبها: أنا عايز نكون صحاب. تولين بصوت غاضب: مش بصاحب. بعد ساعة خرجوا بريك. كانت قاعدة تحت نفس الشجرة. استوووب.

تولين: 18 سنة، تالتة ثانوي عام. جميلة، شعرها قصير لحد رقبتها أسود، بشرتها فاتحة وليها خدود. عينيها عسلي، جسمها كيرفي. معقدة من أي علاقة. باباها متوفي. تولين سمعت صوت عالي قامت تشوف أي مصدر الصوت ده. قربت شافت مجموعة بنات ومعاهم ولد وبيضحكوا بصوت عالي. تولين بصت بقرف ورجعت مكانها تاني. فادي: هي مين دي؟ ساندي: دي بنت في تالتة ثانوي بس قول كدا مغرورة حبتين، شايفة نفسها. فادي بإبتسامة ورفع حاجب: لازم أوصلها.

ساندي: غلطان مش هتقدر. فادي: اشمعنى؟ ساندي: مش عاطية وش لحد. فادي بضحك: هجيبها. وقام وراح عندها وقعد جنبها. تولين تجاهلته وفضلت تقلب في الموبايل بتاعها. فادي: اسمك إيه؟ تولين مردتش عليه. فادي قام وقعد جنبها. قرب أكتر يعني: أنا بكلمك. وشال النضارة اللي كانت لابسها. تولين برفع حاجب: إنت مجنون؟ فادي: ليه؟ ممكن نتعرف. تولين: لا. فادي بضحك: لا إنتي أكيد متعرفنيش. تولين: مش حابة أعرفك. وأخذت منه النضارة وقامت.

ساندي: مش قولتلك. فادي: بقي دي تعمل معايا كدا؟ دا أنا فادي اللي كل بنات المدرسة نفسها أكلمهم. بس طيب هنشوف إيه اللي هيحصل في الآخر. وحط إيده على شعره ورجعه لورا. استوووب. فادي: 21 سنة، تالتة ثانوي. جميل الملامح، بشرته قمحاوية، شعره أسود، عينيه سودا، جسمه رياضي. معروف باسم روميو المدرسة، كل البنات بتحبه. أكتر صحابه بنات، بيروح الجيم ومش مهتم بالدراسة. اليوم خلص وتولين خرجت من المدرسة. وطلعت ركبت تاكسي وراحت كافيه.

دخلت وقعدت ولابست هاند فري ورجعت راسها لورا. وافتكرت إنها جات مع مصطفى هنا قبل كدا وكانوا مبسوطين. وفضلت تفتكر كل حاجة حصلت بينهم. ولما سمعت أغنية (قالي الوداع وهقولو إيه هو الوداع يتقال في إيه؟ اخترتو ليه واختارني ليه؟ كان قلبي ليه وقلبه مش ليا. ياريتو قال هيروح يغيب ومكنش قال بقي ليه حبيب) عينيها دمعت وشالت الهاند. وقامت ومشيت. بعد نص ساعة. مروة: جيتي يا تولين تعالي هحضر الغدا وناكل سوا. تولين: مش جعانة.

ودخلت أوضتها وقعدت على طرف السرير وعيطت. وبعدين مسكت الموبايل وفضلت تشوف صور مصطفى وقررت إنها تمسحهم من الموبايل. ودخلت غيرت هدومها ولبست بيجامة وطلعت وقفت قدام المرايا: إنتي قوية واتفقنا إن الماضي مات ومينفعش تعيطي تاني، فاهمة؟ وطلعت من الأوضة. ماما حضري الأكل هاكل معاكي. وراحت حطت الموبايل بتاعها فالشاحن وجابت فيلم وقعدت قدام الشاشة. أحمد: تولين ممكن تيجي تجيبي القلم من فوق التلاجة. تولين قامت وجابت القلم: خد أهو.

أحمد: طيب عايز فيلم كرتون. تولين: لا أنا هسمع الفيلم. أحمد: لا عايز كرتون. تولين: بقولك إيه أنا مخنوقة. أحمد: الفيلم هيشتغل. مروة: معلش أخوكي الصغير. تولين: يواا بقي خلاص خد جيب اللي إنت عايزه ومحدش يدخل عليا الأوضة. مروة: طيب استني كلي الأول. تولين: مش عايزة. ودخلت أوضتها وفضلت تعيط. وفتحت الدولاب وأخدت قميص كان باباها بيلبسه.

بابا تعالي شوف عملوا فيا إيه أنا تعبت، محدش بعدك كان حنين عليا أو حسيت معاه بالأمان. أنا عايشة وخلاص ومفيش حاجة مهمة أو مبهجة بالنسبالي. أنا بقيت أخاف من كل البشر، كلهم مخادعين وخاينين، كلهم. أرجع عايزك تاخدني في حضنك وتطمني. ونامت وهيا بتعيط. وهيا نايمة كانت بتحلم بشخص بيردد: إنها بحبها، أيوا حبتها، هي أنا بحبها وهخطبها. تولين قامت من النوم مفزوعة: إيه بقي مش عارفة أنام كمان؟ منكم لله مش مسامحكم.

وقامت دخلت الحمام غسلت وشها ورجعت قعدت على السرير وفتحت نت. وفضلت تقلب في الموبايل. أحمد: أنا آسف يا تولين. تولين: بتتأسف على إيه؟ أحمد: عشان كنت عايزة تسمعي الفيلم وبسببي زعلتي. تولين: تعالي. واخدته في حضنها وعينيها دمعت. وناموا سوا على نفس السرير. تاني يوم صحت. وقامت لبست هدوم المدرسة وسرحت شعرها وطلعت. عمرو: إنتي مش هتفطري؟ تولين: هفطر في المدرسة. ومشت. عمرو: مالها تولين يا ماما؟ مروة: مش عارفة والله يا ابني.

عمرو: طيب هقوم أروح شغلي ولما أرجع أشوف مالها.