رواية كيف احببتك الفصل الثاني 2 - بقلم اميمة تيتو

تولين دخلت المدرسة وراحت تقعد تحت الشجرة اللي اتعودت تقعد تحتها. لاقت فادي هناك. فادي: صباح الخير. تولين قعدت ومردتش عليه. فادي: يا أستاذة مغرورة. تولين بصت له بقرف وقالت له: تتكلم معايا بأدب وإلا ردي مش هيعجبك. فادي: هتعملي إيه يعني؟ ضحكت. تولين قدام الكل ضربته بالقلم ومشيت. فادي مسك إيديها: انتي قد الكف ده. تولين بضحك: ولو ضايقتني تاني هضربك تاني. فادي: طيب هنشوف مين هيضحك في الآخر. تولين لبست النضارة ومشت.

ساندي: انت هتسكت ولا إيه؟ فادي: لا طبعاً، بس ردي هيوجع. ساندي: البنات كلها شافتها بتضربك. فادي سابها ومشي. نور: ازيك يا تولين؟ تولين: الحمد لله، اقعدي. نور: إيه اللي عملتيه بره ده؟ تولين: هو استفزني. نور: بس ده مش هيسكت لك. تولين: يعمل اللي يعمله بقى، مش هتفرق، أهو كلهم زبالة. نور: لا، انتي كدة هتتعبي، انتي لسه بتفكري في مصطفى صح؟ تولين: لأ. نور: هتخبي عليا؟

تولين: انتي عارفة إني بثق فيكي، انتي الوحيدة اللي بثق فيها، وقطعت علاقتي مع كل صحابي بعد اللي عملوه فيا هاجر. نور: احكي، إيه اللي مدايقك؟ تولين رفعت وشها: أنا مش قادرة أنسى، مش عارفة أعيش. نور: مش كل البنات زي هاجر، ولا كل الولاد زي مصطفى. تولين: يمكن، بس أنا مش عايزة أتوجع تاني، أو مش هقدر. نور: طيب، حاولي تنسي. تولين: طيب، أكيد هنسى. بعد نص ساعة. مروان: تولين، ممكن قلم من معاكي؟

تولين: اتفضل، ومترجعوش تاني، مش عايزهم. مروان: انتي مش عايزاني أكلمك و بتهربي بأي طريقة؟ تولين: اممم، آه، ممكن، يلا روح مكانك، المستر هيدخل. المستر دخل وبدأ يشرح. تولين مركزة معاه. مروان في نفسه وهو باصص لتولين: اتقلي براحتك، بس هتكوني ليا في الآخر. في البريك. نور: شوفتي تولين؟ هدي: لا. نور: وانت يا سماء؟ أسماء: لا برضو. نور: أمال هيا فين؟ وفضلت تدور عليها. عند تولين. تولين: ابعد عني يا مروان.

مروان: أنا بحبك يا تولين. تولين: انت مجنون. مروان: ما انتي مش عايزة تيجي بالكلام والمعاملة الحلوة. تولين بعياط: عشان خاطري، متعملش كدا. مروان: أنا عايزك وبحبك، وانت مش موافقة، كدا غصب عنك هتكوني ليا. تولين بصوت عالي: ابعد يا حيوان. فادي سمع صوت دخل وشاف مروان بيحاول يعتدي على تولين، فضربه. تولين بعياط قامت وبعدت. فادي: انت بتعمل إيه يا زبالة؟ مروان: ملكش دعوة، تولين ليا أنا. وضرب فادي على رأسه بعصاية حديد.

فادي اغمى عليه، الضربة كانت جامدة. مروان جري على بره لما شاف دم فادي. تولين: قوم، قوم، مالك، عشان خاطري قوم. عند نور. شافت مروان. نور: مروان، شوفت تولين؟ مروان: أيوا، كانت مع فادي في المعمل، وفادي بيحاول يعتدي عليها، وأنا جيت أنادي حد يساعدها. نور جريت هي وهدي وأسماء على المعمل. في المعمل. فادي فاق. تولين: انت كويس؟ فادي: أيوا، هو فين؟ تولين: خرج. فادي: عملك حاجة؟ تولين: لا. دخلت نور وجريت على تولين: انتي كويسة؟

تولين: أيوا. نور: انت يا حيوان، انت كنت عايز تعمل إيه؟ فادي: أنا، الكلام ده ليا أنا. ساندي: انت بتكذب يا فادي. هدي: هو حاول يعتدي عليكي فعلاً؟ تولين: لأ. فادي كان عايز يقول إن مروان هو اللي حاول يعتدي عليها. تولين وقفته وقالت: لا، هو اتخبط في الرخامة. يلا تعالي نمشي. وخرجت من المعمل. ساندي: تعالي، انت بتكذب. وأخدت فادي وطلعت. نور: هو إيه اللي حصل؟ تولين: مروان حاول يعتدي عليا. نور باستغراب: مروان؟

تولين: حكت اللي حصل. نور: طيب ليه مقولتيش جوه إنه حاول يعتدي عليكي؟ تولين: عشان هيبقى موضوع المدرسة وأنا مش ناقصة. نور: طيب كدا ممكن يحاول يأذيكي تاني. تولين: لا، معتقدش هيخاف. نور: بس غريبة، فادي هو اللي ساعدك، ده أنا صدقت لما مروان قال كده، قولت إنه فعلاً هددك قدام المدرسة كلها. تولين: لا، فادي هو اللي ساعدني، وأنا عايزة أروح أشكره وأقول له ميقولش لحد حاجة. هرجع لك تاني. في الجنينة. تولين: فادي، ممكن ثواني؟

فادي: متأكدة إنك عايزاني؟ تولين: هتيجي ولا لأ؟ فادي قام وساب البنات اللي قاعدين معاه. فادي: نعم. تولين: شكراً عشان اللي عملته معايا. وممكن متقولش لحد حاجة عن اللي حصل. فادي: طيب، بس ليه؟ تولين: كدا. فادي: مش ممكن، أكيد مش هقول حاجة. تولين: شكراً، عن إذنك. فادي: طيب، خليكي معايا شوية. تولين بحدة: نعم. ومشت. فادي: طيب، هتيجي، هتيجي، ده أنا فادي. ساندي جات: هيا قالت لك إيه؟

فادي: لا، مقالتش، بس هتقول قريب، كل حاجة عايز أسمعها. ساندي: وانت عايز تسمع إيه؟ فادي: الكلام اللي بسمعه من باقي البنات. وفنفسه: بس حقك تتقل على حلاوتك دي. ساندي: بتفكر في إيه؟ فادي: ولا حاجة. ومشى.