رواية كيف احببتك الفصل الخامس 5 - بقلم اميمة تيتو

تولين مشت وسابته. مروان: مشا وراها ومسك إيديها. تولين: وقفت، أنت إيه اللي بتعمله ده؟ مروان: أنا باحبك ومش هاسيبك. تولين: سيب إيدي أحسن لك. مروان: لو ما سيبتش هتعملي إيه؟ تولين: ضربته كف. مروان رفع إيديه وكان هيضربها. فادي: مسك إيد مروان، أنت مجنون؟ مروان: وأنت مالك، ملكش دعوة. فادي: ابعد عنها يكون أحسن ليك. مروان: لا مش هأبعد. فادي: افتكر إني حذرتك. ومسك كرسي وضرب مروان على دماغه. مروان: أنت قد اللي عملته ده؟

فادي: دي عشان الضربة اللي في المعمل، ومسكه وفضل يضرب فيه وقال: ودا بقى عشان اللي عملته دلوقتي. مروان كان هيضرب فادي. تولين مسكت إيده: أنت مش هتبطل هبل، إيه اللي بتعمله ده؟ مروان: أنت اتجننتي ولا إيه، وكان هيضربها. فادي: والله ما حد مجنون غيرك، أنت عايز تضربها، وأخذه وطلعه برا البيت. تولين: نور أنا كمان همشي. فادي: لا مش هينفع دلوقتي، استني يكون مستنيكي برا.

تولين لأول مرة تسمع كلام فادي وراحت معاه، وأخدها البيت وجابلها عصير. تولين أخذته منه. فادي: أنت كويسة؟ تولين: أيوه، شكرًا على اللي عملته عشاني. فادي قرب منها وكان عايز يبوسها. تولين: ضربته بالقلم ووقفت: أنت مجنون، إياك تعمل كده ثاني. ومشت. فادي: برفع حاجب، دي ضربتني، وبعدين ابتسم: بس عجباني. تولين: يلا يا نور. نور: يلا. ومشوا. في بيت تولين. مروة: جيتي دلوقتي ليه، مش كنتي هتيجي الساعة عشرة؟

تولين: أيوه بس زهقت، أنا هدخل أنام عشان أصحى بدري أروح المدرسة. ودخلت أخذت دوش ولبست بيجامة ونامت. ثاني يوم صحت وقامت غيرت هدومها وطلعت وفطرت مع أخوها أحمد، وبعدين مشت على الطريق، فضلت واقفة ومستنية تاكسي بس ما فيش تاكسي بيوقف، فقررت تمشي ووصلت المدرسة متأخرة نص ساعة. تولين دخلت الفصل، المستر اتعصب عليها وراحت قعدت مكانها. المستر شرح الدرس وخرج. ودخل مستر ثاني وبدأ يشرح وخرج. وجاء وقت البريك. تولين طلعت.

شافت فادي وكان بيضحك مع شلة بنات. تولين: مقرف بشكل، دي مين تفكر ترتبط بيه دي؟ نور: مين؟ إيه ده، كل بنات المدرسة بتحبه. تولين: طيب يلا الحصة هتبدأ. ودخلوا الفصل. وبعد اليوم الدراسي ما خلص. تولين طلعت وقالت: أنا همشي مش عايزة أركب مواصلات. بعد شوية وهي ماشية شافت هاجر ومصطفى واقفين مع بعض. تولين عملت نفسها مش واخدة بالها وكملت عادي وعدت من قدامهم. هاجر: استني يا تولين. تولين: مين أنتِ، تعرفيني؟

هاجر: يعني أنتِ مش عارفاني؟ تولين: لا مين حضرتك؟ هاجر: لا بجد تنسي صاحبتك؟ تولين: بصتلها بحدة: آه آه افتكرتك، أنتِ البنت اللي سرقت الولد اللي كنت مرتبطة بيه ده. مصطفى: يعني الولد ده ما لوش اسم؟ تولين: مش فاكرة اسمه أصله مقرف، بس أنت مين؟ مصطفى: لا بتهزري. تولين: أنا أعرفك عشان أهزر معاك؟ مصطفى: يعني كدا طيب. تولين مشت وسابتهم. مصطفى مسك إيديها: استني أنا خطبت هاجر.

تولين: أنت مجنون، أعمل إيه دلوقتي، أجيب مياه منين عشان أغسل إيدي أصلها اتوسخت؟ مصطفى: لا والله، أنتِ قد الكلام ده، يعني مش فارق معاكي؟ تولين: لا فارق، أنا ضيعت وقت كتير معاكم، وبصراحة بقى أنتُما لايقين على بعض أوي، وسخ ووسخة كدا، صندوق الزبالة اتملى. وسابتهم ومشت. والكل اللي في بالها كلمة مصطفى: إحنا اتخطبنا. وعينيها دمعت ووصلت البيت ودخلت على أوضتها على طول وكلمت نور بعياط: ألو أنا شوفتهم انهارده يا نور وخطبها.

نور: اهدي طيب، شوفتي مين؟ تولين: بانهيار: كان قريب منها أوي، كان بيعاند فيا. نور: قومي غيري وتعالي عند الكافيه القريب من بيتكم هستناكي هناك. تولين حاولت تهدي وقامت وغيرت وطلعت: ماما أنا هأروح الكافيه مع صاحبتي نور. مروة من المطبخ: طيب خلي بالك من نفسك وما تتأخريش.