رواية كيف احببتك الفصل السادس 6 - بقلم اميمة تيتو

وصلت الكافيه. نور: تعالي يا تولين. تولين بعياط حضنت نور. فادي في الوقت دا كان في الكافيه وطالع عشان يمشي، شاف تولين بتعيط رجع تاني مكانه. "ايه دا تولين، البنت القوية المغرورة بتعيط قدام الناس." تولين قاعدة مع نور على ترابيزة. نور: بطلي عياط، انت لسه بتحبيه؟ تولين: لا، أنا بقرف منهم الاتنين بس صعبان عليا نفسي أوي، إزاي يعملو فيا كدا؟

هو ينسى أنا عملت عشانو إيه وكنت جنبه ومعاه لما الكل اتخلى عنه، كنت بقوله انت حبيبي وصحبي وأخويا، كنت لازم أسمع صوته قبل ما أنام، اخترته وفضلته عن ناس كتير وفارقت ناس كتير عشانه عشان أراضيه، وهيا أنا كنت بقولها انتي مش صحبتي انتي اختي وكنت جدعة معاها، ده إن سبب إنهم يعرفوا بعض.

كانت بتوقع في كل ورطة والتانية وأنا أخرجها منها، في الآخر تخدو مني، وهو يعرف إني تعبانة وبموت وميفكرش يكلمني ويقولها دي كدابة ابعدي عنها، وهيا تعمل بكلامه. أنا أستاهل كل دا منهم، أنا حرام أوي. وفضلت تعيط بحرقة. أنا خسرت كل حاجة وخسرت نفسي، ودلوقتي الكل بيقول عني مغرورة عشان مش بكلم حد، عشان مش مصدقة حد، مش مأمنة حد بسببهم. هما أقرب اتنين ليا وغدروا بيا واتفقوا عليا. وبانهيار: أنا قلبي وجعني أوي يانور.

نور: بدموع، خلاص كفايا هتتعبي، انت ربنا هيعوضك، هما فعلا زبالة وزي بعض. تولين: أنا هقوم أغسل وشي. وقامت دخلت الحمام. فادي قام وراها. فادي: انت كويسة؟ تولين: انت بتعمل هنا إيه؟ فادي: انت بتعيطي ليه؟ حد ضايقك؟ تولين: وانت مالك؟ فادي: أنا كنت ماشي وشوفتك بتعيطي بس مسمعتش كلامك مع صحبتك. تولين: عشان خاطري سيبني في حالي، أنا مش ناقصة. فادي: خلاص براحتك. تولين سابته ومشت. فادي: لا بس وراها حكاية البنت دي.

تولين رجعت قعدت مكانها وفادي خرج من الكافيه. وبعد ساعة، تولين رجعت بيتها. مروة: في حد مزعلك أو حاجة مضايقاكي؟ تولين حضنتها. تولين: لا، أنا بس مخنوقة شوية. ودخلت الأوضة ونامت. تاني يوم في المدرسة. تولين شافت مجموعة بنات متجمعين مع بعض وبيتكلموا عن دم ونزيف، قربت منهم ودخلت بينهم، شافت فادي وإيده مجروحة وبتنزف. تولين: بصوت عالي، انتو واقفين كدا وشايفينه بينزف؟

نور: أصل في بنات بتقول إنها بتخاف من الدم، واللي تقول بتدوخ، وأنا مش بطيق الولد ده. تولين جريت عليه.