رواية كيف احببتك الفصل الخامس عشر 15 - بقلم اميمة تيتو

بعد ساعة، فادي فاق وقام شاف ساندي نايمة في حضنه وهو من غير قميص. فادي: ساندي قومي قومي، إحنا بنعمل إيه هنا؟ ساندي: قامت بإبتسامة. انت مش فاكر ولا إيه؟ فادي: فاكر إيه؟ فين تولين ومصطفى؟ ساندي: لا، أنا كنت فاهمة غلط. مكنتش جاية أشوف مصطفى، بس فعلاً هي جات وشفتنا سوا. فادي: إزاي؟ انت مش قلت إنها مع مصطفى؟ ساندي: أيوه، هدى صحبتها قالتلي كده. فادي: طيب أنا لازم أروح أفهمها اللي حصل وإن مفيش حاجة حصلت بينا.

ساندي قربت منه. ازاي بس؟ إحنا كنا سوا. فادي بعدها عنه. انت كدابة! أنا مستحيل أعمل كده. ساندي: لا، مش بكدب. فادي قام لبس القميص ونزل، ركب الموتوسيكل بتاعه ومشي. كان بيرن على تولين. فادي: ردي بقي، ردي. لا، أنا معملتش كده، أنا دخت بعد ما شربت العصير، أكيد كان في حاجة. عند تولين، كانت بتعيط. تولين: انت لسه مصمم تكدب عليا؟ بترن ليه؟ أنا المفروض مكنتش أرفع. اثق في حد تاني. تاني يوم في المدرسة.

فادي: أنا رنيت عليكي كتير أوي، مش بتردي ليه؟ تولين مشت وسابته. فادي مسك إيديها. تولين لفت وشها وضربته كف قدام كل الموجودين. فادي: والله انتي فاهمة غلط. تولين: بدموع. انت كداب. ودخلت الفصل وقعدت تعيط. فادي دخل وراها. فادي: تولين عشان خاطري صدقيني. تولين: أنا شوفتكم سوا. وقولتلها أنا بحبك. فادي: والله مش فاكر إيه اللي حصل، بس أنا مكنتش في وعيي. تولين: اخرج.

فادي: والله بتكلم بجد، أنا كنت رايح أشوفك. انتي قلتيلي إنك مع مصطفى. تولين: بصوت عالي. قولت اخرج. وقامت مسكت إيديه وحطتها على قلبها وقالت. دا بيوجعني، ها؟ بيوجعني. حرام عليك. إن قولت إنك غير مصطفى، طلعت أو*سخ منه. طيب، هو قالي إنه بيحب غيري. انت خبيت عليا وطول الوقت كنت بتكدب. أنا صدقتك، ويا ريت ما صدقتك. أنا تعبت والله تعبت. مش هسامحك يا فادي، مش هسامحك. فادي بدموع أخدها في حضنه. فادي: والله انتي فاهمة غلط.

تولين بعدتو عنها. تولين: اطلع برا. وبعياط وصوت عالي. اطلع برا. ومسكت إيديه وشدته وخرجته برا الفصل وقفلت الباب. وفضلت تعيط. فادي واقف على الباب من برا. فادي: تولين عشان خاطري اسمعيني. وضرب إيديه في الباب بالجامد وقال. أنا حيوان، مش بفهم. أنا حيوان. تولين جوه بتعيط وحطت إيديها على ودنها عشان متسمعش كلام فادي. وكانت عايزة تخرج تحضن فادي، بس كرامتها ووجع قلبها مانعوها إنها تعمل كده. بعد عشر دقايق، المستر دخل الفصل.

فادي دخل قعد جنبها. تولين: مستر، ممكن أروح الحمام؟ المستر: انتي كويسة؟ شكلك تعبانة. تروحي. تولين: لا، عايزة أدخل الحمام. المستر: روحي. تولين قامت وراحت الحمام وغسلت وشها وطلعت رجعت الفصل. فادي حاول يكلمها. تولين مردتش عليه. وبعد الحصة ما خلصت، المستر طلع. فادي: اسمعيني. تولين: ياتسكت، يا تقوم تقعد في مكان تاني. اليوم عدى وتولين رجعت البيت. وفضلت تتجاهل فادي ومتردتش على مكالماته. بعد أسبوعين في المدرسة.

نور: مالك يا تولين؟ تولين: مفيش. نور: شكلك تعبانة أوي. تولين: يلا ندخل الفصل. في الفصل، تولين قعدت مكانها. والمستر دخل وشرح كالعادة وخرج. تولين: في نفسها. فادي مجاش النهارده ليه؟ في بيت فادي. مني: تعالي نروح لدكتور. فادي: لا، شوية وهبقى كويس. مني: يا فادي حرام عليك، هتموت نفسك. انساها. فادي: لا، أنا بحبها. ودخل جري على الحمام وفضل يرجع. مني: بدموع. هات رقمها. أنا هكلمها وأخليها تيجي. فادي: بدموع. لا. مني: أنا غلطان.

فادي: بدموع. لا والله، أنا بحب تولين. مني: طيب، غلطان إزاي؟ فادي: بدموع. أنا حيوان عشان صدقت ساندي ورحت هناك. المفروض كنت أثق في تولين أكتر من كده. مني: طيب خلاص، هتموت نفسك؟ انت سخنت أوي. فادي: مش مهم. لو هعيش من غير تولين، أموت أحسن. مني: بدموع. بعد الشر عليك. بعد شهر في المدرسة. المستر: طيب يا ولاد، انتوا الأفضل ليكم تقعدوا في البيت وتذاكروا عشان فاضل على الامتحان شهر. الطلاب خرجوا من الفصل.

فادي: تولين عشان خاطري، طيب اسمعيني. والله أنا بحبك. وبعياط جامد. والله هموت لو بعدتي عني. انتي فاهمة غلط، أنا معملتش كده. ارجوكي حاولي تصدقيني. تولين بصتله وصعب عليها وعينيها دمعت. وكانت عايزة تاخده في حضنها، بس وجع قلبها كان أقوى من رغبتها إنها تفضل معاه. سابته ومشيت. فادي ركز برجليفه على الأرض وفضل يعيط، فعلاً عياط جامد.

في بيت تولين. قاعدة في أوضتها وبتفكر في فادي. وافتكرت كلامه وعياطه قدامها وهو بيترجها. وعيطت وفضلت تقول. أنا آسفة يا فادي، آسفة. بس مش هرجعلك تاني. تاني يوم موبايل تولين رن. تولين: الو. أسماء: أنا أسماء صحبت هدى. تولين: اممم، نعم. أسماء: انتي ظالمة فادي. تولين: نعم؟ مش فاهمة. أسماء: أنا سمعت هدى وساندي بيتكلموا واتفقوا إنهم يفرقوا بينكم. تولين: إزاي؟

أسماء: هدى قالت لساندي إنك كنت مرتبطة بواحد اسمه مصطفى. وساندي قالتلها تكلمك وتقولها إن فادي معاها في الفندق و... تولين: بدموع. إيه ده؟ بجد؟ أسماء: أيوه بجد. وفادي كان تعبان أوي الفترة اللي فاتت وهو مخلص ليكي. ومعرفش إن ساندي هتعمل كده. تولين: بدموع. طيب، أسماء شكراً أوي ليكي. أسماء: تمام، عادي. بس متقوليش حاجة لهدى عشان متزعلش مني. تولين: حاضر. وقفلت المكالمة وقامت غيرت هدومها وخرجت من البيت. مروة: رايحة فين؟

تولين: مش هغيب. ومشت. في بيت فادي. مني: انت هتفضل كده لحد امتى؟ فادي: مش عارف أنساها يا ماما. مني: امتحاناتك الشهر الجاي. المفروض تذاكر. فادي: حاضر. أنا هطلع أوضتي أنام شوية وبعدين هذاكر. عند تولين. تولين: خلاص يا عمو، على جنب. ونزلت من التاكسي وراحت رنت الجرس في بيت فادي. مني فتحت الباب. مني: تولين؟ انتي هنا؟ تولين: أيوه يا طنط، عاملة إيه؟ ممكن أشوف فادي؟ مني: أيوه، اطلعي فوق. هو قاعد في أوضته. هينبسط أوي.

تولين: بفرح. طيب، عن إذنك. وطلعت.