رواية كيف احببتك الفصل الرابع عشر 14 - بقلم اميمة تيتو

بعد يوم من المدرسة، ذهب فادي ونور عند تولين ليذاكروا لها. تولين: أنا مش فاهمة حاجة. فادي: اقترب منها وبدأ يشرح. في الوقت ده، اقتربت نور وجلست بجانب فادي. تولين: ضافت وقالت: نور تعالي اقعدي جنبي أنا. نور قامت وجلست بجانبها. أصبحت تولين جالسة بينهم. بعد ساعة: تولين: أيوه خلاص فهمت. فادي: كويس أوي كده. نور: طيب أنا همشي دلوقتي. ومشت. فادي: طيب وأنا همشي. تولين: أنت لسه بتكلم بنات. فادي: لا والله. تولين: أنا مصدقاك.

فادي: كويس، أنا همشي بقى، خلي بالك من نفسك. تولين: حاضر. بس فين المنديل بتاعي؟ فادي: معايا، ليه؟ تولين: أنا عايزاه. فادي: خلاص، أنا كمان عايز المنديل بتاعي. تولين: لا، خلاص أنا هاخده معايا. فادي: ابتسم، طيب اللي يريحك، بس مش عايزة تقولي حاجة؟ تولين: لا. فادي: أنت باردة. تولين: ربنا يسمحك. فادي: يارب. ومشى. تعدي الأيام، وكل يوم فادي ونور يذهبون عند تولين ليذاكروا لها الدروس. بعد فترة.

تولين: يلا يا ماما هتأخر على المدرسة. مروة: طيب يا حبيبتي، خلي بالك من نفسك. تولين: حاضر. ومشت. في المدرسة. تولين دخلت المدرسة وهي سعيدة بعودتها. نور: أهلاً يا روحي، المدرسة نورت. تولين: قلبي، شكراً. تولين فضلت تدور على فادي. وبعد خمس دقائق. فادي وصل المدرسة ورآها، فذهب إليها. فادي: إزيك يا تولين؟ تولين: الحمد لله. ساندي: حمدلله على سلامتك. تولين: تسلمي يارب. ساندي: طيب يا فادي، عايزة أكلمك في حاجة مهمة.

تولين نظرت لفادي. فادي: لا، أنا عندي حصة مهمة. ساندي: خلاص بعد المدرسة. فادي: عندي مشوار مهم، وبعدين هرجع البيت عشان أذاكر، الامتحانات قربت. تولين دخلت الفصل. فادي دخل وراها. المستر: إزيك يا تولين، بقيتي أحسن؟ تولين: أيوه الحمد لله. المستر: أنا عايزة أكمل المشروع. المستر: تمام، النهاردة اطلعي، بس خدي بالك. تولين: حاضر. المستر: وفادي هيكون معاكي، هو وافق يعمل المشروع من غيرك، وقال إنكم في نفس الفريق. تولين نظرت لفادي.

بعد ساعة. تولين طلعت المعمل مع فادي وعملت المشروع معه، وقدمته للمستر. بعد انتهاء اليوم الدراسي. فادي: تيجي نروح كافيه؟ تولين: أنت مش قلت لساندي إنك عندك مشوار؟ فادي: لا، كنت بهرب منها. تولين: لا، أنا لسه عليا دروس كتير ولازم أذاكر عشان الامتحانات. فادي: خلاص ماشي، أوصلك البيت. تولين: لا، أنا همشي. ومشت. في بيت فادي. مني: تعالي كلي. فادي: لا، أنا هذاكر. مني: تلفونك بيرن. فادي: شوفي مين. مني: ساندي. فادي: سيبيه يرن.

مني: إيه اللي حصل لك؟ مش ساندي دي اللي كنت طول الوقت بتخرج وتتكلم معاها؟ فادي: تولين مش عايزاني أكلم بنات وعايزاني أذاكر وأنجح. مني: يعني هي بتحبك؟ فادي: مش عارف بقى، أنا سألتها بس مجاوبتش عليا. مني: طيب، أنا هنزل. فادي: تمام. في بيت تولين. تولين: أنا هكلم فادي، يمكن زعل إني ما رحتش معاه الكافيه. ورنت عليه. تولين: إيه ده، بيرن بس مش بيرد عليا. هحاول تاني. لا بقى، ده كده بيتجاهلني. قفلت الموبايل ونامت. تاني يوم.

في بيت فادي. قام من النوم وأخذ دوش وغير هدومه وأخذ الموبايل بتاعه. وكان يتصفحه. فادي: إيه ده، دي تولين رنت عليا تلات مرات. أنا كنت فاكر إن ساندي هي اللي بترن. ونزل، ركب الموتوسيكل ومشى. في المدرسة. فادي وصل وكان يدور على تولين. وبعدين شافها وذهب ليكلمها. فادي: تولين، أنا عايز أكلمك في حاجة مهمة. تولين: مش هينفع، أنا واقفة مع نور. فادي: ثواني وارجعي. تولين: بصوت عالي، قلت مش هينفع. فادي بغيظ، تركها ومشى.

ساندي كانت واقفة بعيد ترى ما يحدث. ساندي: يعني إيه يتجاهلني أنا ويجري وراها هي؟ لا لازم أتصرف، فادي ليا أنا. في الفصل. فادي: تولين، عايز أفهمك حاجة. تولين: المستر بدأ شرح، عايزة أسمع الحصة. وبعد الحصة ما خلصت، طلعت بريك وتركت فادي. فادي: هي بتعمل كده ليه؟ يعني هي مش عايزاني؟ طيب خلاص، هسيبها براحتها. وخرج. دخلت ساندي الفصل. ساندي: أنا سمعت إنك كنت صاحبة تولين، بس دلوقتي لا. هدي: أيوه، إشمعنى؟

ساندي: سمعت كمان إنك مش طيقاها. هدي: اممم، صح. ساندي: ابتسمت، طيب إيه رأيك لو... هدي: بابتسامة، موافقة. بعد انتهاء اليوم الدراسي، تولين رجعت البيت. وبعد ساعة. الموبايل بتاعها رن. تولين: دي هدي، عايزة إيه دي؟ فتحت المكالمة. تولين: ألو. هدي: أيوه يا تولين، أنا عرفت إنك معجبة بفادي، وكنت حابة أطلع معاكي جدعة المرة دي. تولين: مش فاهمة. هدي: فادي مع ساندي في فندق، روحي شوفييهم بسرعة. تولين: أنت كدابة.

هدي: براحتك، أنا قولت أحذرك قبل ما يحصل حاجة. تولين: قولي العنوان. وأخذت العنوان ودخلت تغير هدومها. عند فادي. الموبايل رن. فادي: إيه ده، أنت مش هتبطلي رن؟ لما أشوف عايزة إيه. وفتح المكالمة. فادي: ألو. ساندي: أيوه يا فادي، عايزة أكلمك في حاجة مهمة أوي بخصوص تولين. فادي: حاجة إيه؟ ساندي: مش هينفع نتكلم كده، تعالي في فندق... فادي: لا، هتقولي ولا لأ. ساندي: تولين مع واحد بتحبه اسمه مصطفى. فادي قفل المكالمة ومشى بسرعة.

في الفندق. فادي وصل. ساندي: تعالي. فادي: هما فين؟ ساندي: تعالي أحكيلك الأول إيه اللي حصل. فادي: غضب، قولي هما فين. ساندي: فوق في الأوضة، وهي بتتجاهلك عشان بتحبه هو. فادي: اسكتي، تولين مستحيل تعمل كده، هي مش زيك. ساندي: براحتك، أنت حر. فادي: هما فين؟ ساندي: زمانهم جايين. فادي: أنت مش بتقولي إنهم فوق؟ ساندي: اشرب العصير ده الأول. فادي: مش عايز. ساندي: وضعت الكوباية في فمه غصب عنه. ساندي: لا، اشربه، وأنا هوديك عندها.

فادي: بغضب، قلت مش عايز. ساندي: خلاص، معرفش هما فين. فادي: شرب العصير، يلا تعالي، عايز أعرف هما فين. ساندي ابتسمت، يلا تعالي. وأخذت فادي ودخلوا أوضة في الفندق. فادي: هما فين؟ ساندي: أنت كويس؟ فادي: أنا دايخ. عند تولين. وصلت الفندق ودخلت شافت هدي. هدي: تعالي بسرعة. وطلعت معها. في الأوضة. فادي: فين تولين؟ ساندي: أنا تولين، أنت مش شايفني؟ فادي فضل يفرك في عينيه. فادي: فين مصطفى؟

ساندي: مفيش غيري أنا وأنت هنا. أنا تولين، بحبك يا فادي. فادي قرب منها وقال: بس أنت شعرك بقى طويل إمتى؟ ساندي: أه، دي باروكة. فادي: شعرك الحقيقي أحسن. ساندي: بدأت تخلع قميص فادي. في الوقت ده، دخلت تولين وشافت فادي صدره مكشوف وقالع القميص. فادي قرب من ساندي وكان فاكرها تولين وقال لها: أنا بحبك. في الوقت دا، تولين جرت على بره ونزلت ركبت تاكسي وروحت على البيت وهي بتعيط. ووصلت البيت، دخلت

أوضتها وفضلت تعيط وتقول: أنت كمان يا فادي، حرام عليك، أنا وثقت فيك.