رواية كيف احببتك الفصل الثالث 3 - بقلم اميمة تيتو

اليوم الدراسي خلص. تولين واقفه على الرصيف جنب المدرسة. فادي راكب الموتوسيكل بتاعه وواقف قدامها. "تعالي أوصلك." تولين مشت وسابته. فادي: "يخربيتك إيه ام التناكة دي." تولين فضلت ماشية ووصلت عند مكان قريب من البحر، في كراسي راحت قعدت على الكرسي وفضلت تبص للبحر وسرحت. فلاش. مصطفى: "أنا بحبك قد كل نقطة مياه في البحر ده." تولين: "بجد؟ مصطفى: "أنا بعشقك، هو إيه اللي بجد؟ عندك شك؟ تولين: "وأنا بحبك." وحضنته.

تولين: "ممكن تفضل معايا على طول؟ مصطفى: "أنا مقدرش أعيش من غيرك أصلاً." تولين: "بحبك." وفجأة الموبايل بتاعها رن. مصطفى: "مين؟ تولين: "هاجر صحبتي، ثواني أرد عليها." "آلو." هاجر: "أيوا، انتي فين؟ هتروحي الدرس؟ تولين: "أيوا، أنا على البحر، عدي عليا." هاجر: "حاضر." مصطفى: "مين هاجر دي؟ متكلمتيش عنها قبل كده؟ تولين: "دي بقي أقرب صاحبة ليا، دي أختي." مصطفى: "بتحبيها للدرجة دي؟ تولين: "أيوا، زمنها جاية هعرفك عليها."

مصطفى: "طيب." تولين: "أهي جت." هاجر: "مين ده؟ تولين: "ده مصطفى حبيبي، ومتفقين نتخطب وأنا في تالتة ثانوي." هاجر: "اممم، طيب يلا نروح الدرس." تولين: "يلا." تولين: "أنا همشي يا مصطفى، باي." مصطفى: "باي." هاجر: "انتي بتقابليه وتكلميه كده عادي؟ تولين: "إحنا هنتخطب بعد سنتين." هاجر: "اممم، انتي حرة." تولين: "تعالي تعالي نجيب غزل بنات." هاجر: "يلا." وفضلوا يتكلموا ويضحكوا لحد ما وصلوا للدرس. بااااك.

تولين فاقت وفي دموع في عينيها. "ياريت ما عرفتكم على بعض، ياريتني ما عرفتكم أصلاً. كنت عايشة مبسوطة وبضحك على طول، انتوا مش هسامحكم. بقيت أخاف من كل الناس، بقيت أخاف أقرب منهم." ومسحت دموعها وقامت مشت. في بيت تولين. وصلت البيت ودخلت أوضتها. مروة: "انتي هتفضلي كده لحد إمتى؟ إيه اللي حصلك؟ مش بتاكلي معانا ولا تقعدي معانا، في إيه؟ تولين: "مفيش، بكون مبسوطة لوحدي." مروة: "طيب احكيلي يا حبيبتي، في حد زعلك؟

أنا عملت حاجة ومش واخده بالي؟ عمرو أخوكي زعلك؟ تولين: "لا، أنا عايزة أنام شوية وأقوم آكل." مروة: "طيب، أنا هاكل أحمد وهستناكي عشان نأكل سوا." تولين هزت رأسها بمعني ماشي، وقامت قفلت باب الأوضة. "آه يا ماما لو تعرفي إيه اللي حاسة بيه، أو تفهمي وجع قلبي. بس فعلاً معاكي حق إني اتغيرت، دي مش أنا. فين البنت اللي بتخرج على طول وبتدلع على مامتها وبتلعب مع أخوها الصغير وطول الوقت بتضحك؟ بعد شوية قامت غيرت هدومها وطلعت.

تولين: "ماما يلا نأكل." مروة: "بجد؟ حاضر يا روحي، هقوم أحضر الأكل." ومامتها جابت الأكل وبدأوا ياكلوا. وبعد شويا. تولين: "أنا شبعت يا ماما." مروة لمّت الأطباق ودخلت المطبخ. تولين قامت ودخلت وراها المطبخ. تولين: "أنا هغسلهم." مروة: "بجد؟ تولين: "أيوا." وجابت الموبايل بتاعها وشغلت أغاني وبدأت تغسل في المواعين. بعد ربع ساعة. طلعت وقعدت على الكنبة مع أحمد. تولين: "إيه رأيك نسمع فيلم كرتون؟ أحمد: "ماشي، يلا نسمع إيه؟

تولين: "أي حاجة." أحمد: "نسمع فيلم هرقل؟ تولين: "موافقة." مروة طلعت شافتها قاعدة مع أحمد، كانت مبسوطة أوي إنها مدخلتش الأوضة دي بقالها 3 شهور مش بتخرج من أوضتها. ودخلت جابت عصير وطلعت. مروة: "خدي يا تولي اشربي العصير ده." مروة: "خد يا ميدو." تولين: "ماما، من زمان مقولتيش تولي دي." مروة حضنتها. مروة: "أنا مبسوطة أوي إنك بدأتي ترجعي زي الأول."

تولين في نفسها: "أنا بحاول عشان متزعلوش، بس من جوايا مش عارفة أرجع زي ما كنت." بعد ساعة عمرو رجع البيت. عمرو: "إيه ده؟ تولين هانم، تكرمت وقعدت معانا." تولين بصتله وابتسمت. عمرو: "كلتي؟ تولين: "أيوا." عمرو: "طيب أنا جبتلك معايا إيه بقى؟ تولين بصتله. عمرو: "شوكولاتة وشيبسي وإندومي ومولتو وشوية حاجات كده كنت جايبهم عشان كنت فاكرك لسه في الأوضة، بس بما إنك طلعتي أنا هرجعهم تاني." أحمد: "لا، أنا عايز شيبسي." عمرو: (بضحك)

"لا، دول لتولين بس." تولين أخدت الكيس وطلعت شيبسي وإدته لأحمد. أحمد حضنها. أحمد: "أنا بحبك أوي." تولين: "وأنا بحبك." عمرو: "وأنا بحبكم انتوا الاتنين، انتوا إخواتي الصغيرين." وحضنهم. مروة: "كنت خايفة مرجعش أشوفكم كده تاني." عمرو: "أنا جعان يا ماما." تولين: "أنا هحضرلك الأكل." مروة عينيها دمعت. وتولين جابت الأكل وجت. عمرو بدأ ياكل، وبعدين قام أخد دش وطلع قعد جنبهم على الكنبة. بعد ساعتين.

تولين: "أنا هقوم أنام عشان المدرسة." ودخلت أوضتها وقعدت على طرف السرير. تولين في نفسها: "أنا أول مرة أكون فرحانة بعد 3 شهور، أصلاً المفروض مكنتش أعيش السنتين دول بالشكل ده." ونامت. تاني يوم كالعادة قامت واخدت دش ولبست هدوم المدرسة ومشت. في المدرسة. فادي على باب المدرسة وقاعد على الموتوسيكل بتاعه وفضل باصص لتولين. فادي في نفسه: "البنت دي حلوة أوي كده إزاي." تولين عدت من قدامه وتجاهلته تماماً ودخلت المدرسة.

فادي دخل وراها. نور: "عاملة إيه النهاردة يا تولين؟ تولين: "الحمد لله بخير." هدي: "إزيك يا لولين." تولين: "بخير، عن إذنك." فادي باصص لتولين. فادي: "إيه ده؟ اشمعنى يعني سلمت على البنت دي ودي؟ ومشت وسابتها. تولين: "امبارح لأول مرة أنام كويس." نور: "طيب الحمد لله، أنا عارفة إنك قوية وهتعدي." تولين حضنتها. تولين: "يارب يا نور." فادي قرب من تولين. فادي: "ممكن نتكلم؟ تولين: "شالت النضارة وبحدة: في إيه؟

فادي: "مش هينفع هنا، تعالي معايا." وقرب منها ومسك إيديها. تولين: "انت مجنون ولا إيه؟ فادي: "ليه كده طيب؟ تولين: "أنا مش بكلم ولاد، ومتحاولش تعمل كده تاني." ورفعت صباعها. تولين: "اديك تعدي حدود." وسابته ومشت. فادي ابتسم. فادي: "لأ، انتي كده هتخليني أبقى عايز أقرب أكتر، إيه البنت دي؟ فعلاً دي غير كل البنات." ساندي: "انت واقف بتكلم نفسك؟ فادي: "عايزة إيه؟ هايدي: "تعالي، إزيك." فادي: "عايزني؟ وغمزلها.

ساندي مسكت إيديه وشدته معاها. ميرنا: "إحنا عايزين نعمل حفلة وهنعزم كل بنات وبعض أولاد المدرسة."