رواية كيندرا الفصل الحادي والثلاثون 31 - بقلم حليمة عدادي

في الصباح، استيقظ جاد من النوم مفزوعًا على صراخ أمه. نزل جري للمطبخ، وشاهد أمه واقفة مصدومة وكيندرا واقعة على الأرض مغميًا عليها. جري ناحيتها، حملها بين يديه وصعد بها إلى غرفتهما. جاد: ماما، اتصلي بالدكتورة بسرعة. جلس بجانبها وحاول إفاقتها، وقلبه يعتصره من الخوف عليها، لأنها لم تعد زوجته فقط، بل أصبحت زوجته وابنته وجوهرته التي يخاف أن تمسها أي شيء. جاءت الدكتورة ودخلت مع سناء. جاد بخوف: أرجوكِ، اعملي شيئًا.

الدكتورة: ما تقلقش، ممكن تطلع برا عشان أكشف عليها. جاد: لا، أنا مش هسيبها يا دكتورة. سناء: تعالى يابني، سيب الدكتورة تكشف عليها. خرج جاد وهو يشعر بأنه ترك قلبه معها. كان خائفًا ومتوترًا، وظل رايحًا جاي حتى خرجت الدكتورة. جاد بلهفة: خير يا دكتورة، هي فيها إيه؟ الدكتورة بابتسامة: ما تقلقش، ده شيء طبيعي في حالتها دي. جاد: طبيعي إزاي؟ دي أغمي عليها. الدكتورة بنفس الابتسامة: في حد جاي في السكة، وكان عايزكم تعرفوا بيه.

سناء بفرحة: إنتي بتتكلمي جد يا دكتورة؟ الدكتورة: أيوه، ألف مبروك. أنا هستأذن. جاد: إيه ده مبروك؟ ماما، أنا مش فاهم حاجة. سناء بفرحة: مبروك يابني، إنت هتبقى أب أخيرًا. بعد السنين دي كلها، هشوف ولادك يا جاد. جاد كان لا يزال غير مستوعب عما تتحدث. الدكتورة بعملية: هي هتفوق بعد شوية. الدكتورة مشت، ودخل جاد غرفته بسرعة. شاهدها وهي تفتح عينيها، فجري عليها وقبّل يدها والدموع في عينيه. كيندرا: فيك إيه يا حبيبي، إنت بتعيط ليه؟

ضمها جاد لحضنه. كيندرا شعرت بالخوف عليه. كيندرا بدموع: جاد، إنت كويس؟ جاد مسح دموعها: دي دموع الفرح يا حبيبتي. أنا هبقى أب ياااااااا كيندرا. قالها بصوت عالٍ والفرحة بادية على وجهه. كيندرا: إنت بتقول إيه؟ أنا حامل، وجوا بطني ثمرة حبنا. جاد: من النهاردة الحركة ممنوعة، وأي حاجة تعوزيها تيجي لحد عندك. كيندرا: جاد حبيبي، أنا لسه في الأول، بلاش قلق. سناء بابتسامة: ألف مبروك يا بنتي. كيندرا: ربنا يبارك فيكِ يا ماما.

سناء: أنا هنزل أكمل الفطار، وهطلعهولكم لحد هنا. خرجت سناء. جاد نظر إليها: إنتي قمتي قبلي ليه؟ كيندرا: قمت عشان أحضرلك الفطار، لكن فجأة حسيت بدوخة، والدنيا لفت بيا، وبعدها ما حسيتش بأي حاجة. جاد بسعادة: النهاردة هصرف مكافأة لكل العمال، وهطلع صدقة للفقراء. كيندرا: جاد، إنت فرحان للدرجة دي؟

جاد بسعادة: النهاردة أنا أسعد واحد في الدنيا كلها. كنت خايف إن يكون عندي مشاكل ومقدرش أخلف وأنا بالسن ده، وأكون السبب في إنك تتحرمي من إنك تكوني أم. نظرت إليه كيندرا بحب: أنا أسعد واحدة في الدنيا دي كلها إني متجوزة راجل زيك يا حبيبي. بعد مرور ستة أشهر، رزق يوسف ورنا بطفل سموه سليم. أما جاد، فكان نعم الزوج والسند لكيندرا في وقت تعبها، لم يكن يدعها تفعل شيئًا.

في المساء، عاد جاد من الشركة. دخل البيت، وشاهد كيندرا واضعة يدها على بطنها والألم ظاهر على وجهها. جري ناحيتها وجلس بجانبها. جاد بخوف: حبيبتي، مالك؟ إنتي كويسة؟ كيندرا: أنا كويسة يا حبيبي، مجرد ألم عادي. ابنك قاعد بيرفس برجله. جاد بابتسامة: هو طالع شقي لمين؟ ضحكت كيندرا: ههههه، لأبوه طبعًا. جاد: لا بقى، أبوه هادي جدًا. كيندرا: جاد، إنت عايز ولد ولا بنت؟

جاد: أنا بحب الاثنين، بنت ولد مش فارقة، المهم يجي ويملى علينا البيت. أنا بحب الأطفال أوي. كيندرا: كل اللي يجي من ربنا كويس، المهم الخلقة التامة. ضمها جاد لحضنه بحب. جاد: كيندرا، إنتي أغلى جوهرة عندي. إنتي سبب سعادتي. إنتي بنتي وحبيبتي. أنا بحبك أوي. دخل سام ووسيم، جريا ناحية كيندرا وحضناها. سام: إحنا اشتقنالك أوي. كيندرا: وأنا كمان اشتقتلكم أوي. جاد بغيظ: يا حسام، ابعد ولادك عن مراتي قبل ما أكسر دماغهم.

نظر إليه سام وطلع له لسانه. سام: كيندرا حبيبتي، أنا وأنا جيت عشان أشوفها هي، مش إنت. وسيم: وأنا جيت عشان أشوف البيبي جه ولا لسه، عشان آخده. جاد بغيظ: تاخد مين؟ يلا، أنا مش هسمحلكم تاخدوا ابني أو حتى تقربوا منه. وبص لريم بغيظ: ريم، ابعدي ولادك عن مراتي.

بعد مرور ثلاثة أشهر، اجتمعت العائلة على الغداء وسط جو عائلي مليء بالسعادة والبهجة. وبينما هم جالسون، شعرت كيندرا بألم فظيع. حاولت ألا تبين شيئًا، لكن عندما زاد الألم، لم تستطع التحمل وصرخت. جري عليها جاد. كيندرا بألم: جاد، جاد، أنا بولد يا جاد، اعمل حاجة. جاد بخوف: اتصلوا بالإسعاف بسرعة. استحملي يا حبيبتي، هتكوني بخير. وصلت الإسعاف للمستشفى. شالوها ودخلوها المستشفى. كيندرا بألم: جاد، الألم فظيع، اعمل حاجة.

أخذوها ودخلوها غرفة العمليات. سناء: اهدى يابني، هتبقى كويسة. جاد بخوف: يارب احميها، وخرجها بالسلامة. يوسف: ما تقلقش، هتبقى بخير. بعد مدة قصيرة، سمعوا صوت بكاء طفل صغير يأتي من الغرفة. نزلت دموع جاد بفرحة، لكن قلبه كان يتألم على صغيرته. خرجت الدكتورة تحمل في كل يد طفلًا. الدكتورة: مبروك يا جاد بيه، بنت وولد زي القمر، ماشاء الله.

أول ما وضعت البنت بين يديه، شعر جاد بإحساس لا يوصف وهو يرى كم هي صغيرة. ارتجفت يداه وهو يكبر في أذنها. نزلت دموعه بفرحة، وبعدها أخذ الولد باليد الأخرى. جاد بلهفة: دكتورة، كيندرا عاملة إيه؟ الدكتورة: ما تقلقش، هي بخير. شوية وهننقلها لأوضة عادية. تم نقل كيندرا لأوضتها بعد مدة قصيرة. فتحت عينيها، ورأت الجميع جالسًا حولها. كيندرا بتعب: جاد، ابني فين؟ جاد: حبيبتي، ارتاحي. أنا هجيبهم لك. خرج جاد وعاد وهو يحمل ولديه.

كيندرا بفرحة لا توصف وهي ترى ولديها: بص يا جاد، دول شبهك. يوسف: هههه، لا، هما شبهي أنا. كيندرا: لا، هما شبه جاد وبس. خالد: ألف مبروك يا بنتي، وحمد الله على سلامتك. زينب: ما شاء الله، ربنا يحفظهم. حسام: إنتوا هتسموهم إيه؟ جاد: أنا قلت لو بنت، هسميها جوهرة، لأنها من جوهرتي. كيندرا: وأنا قلت لو ولد، هسميه أمان، لأنه من أماني. سناء: جوهرة جاد المالكي، وأمان جاد المالكي.

ريم: كلنا كنا بنتمنى إننا نشوف ولادك يا جاد، وأهو اتحقق الحمد لله. بعد خمس سنوات، في قصر جاد، كانت العائلة كلها مجتمعة. جوهرة: بابا، شوف سليم بيضربني. جاد بغيظ: يا يوسف، ابعد ابنك عن بنتي، وإلا مش هرحمه. أمان: لو قرب من أختي مرة تانية، أنا اللي هحاسبه. حسام بضحكة: ههههه، جاد، ما تخافش، بنتك عندها اللي يحميها. جاد بحب: ربنا يحفظكم يا أولادي، وتكونوا دائمًا سندًا لبعض. حسام: عايزين ناخد صورة عائلية.

جاد: استنى، هجيب كيندرا. جاد ذهب إليها ليأخذها، كانت حاملًا ولا تستطيع التحرك كثيرًا. جاد: أنا شايف إنك تعبانة. كيندرا: لا حبيبي، ده مجرد تعب عادي. أنا كفاية عليا إني شايفاك مبسوط. أنا بحبك يا أجمل زوج وأغلى سند. جاد بحب: إنتي سر سعادتي الحقيقية. إنتي وأمان وجوهرة. بحبك يا أجمل زوجة وأجمل صدفة في حياتي. الجميع: جااااااااااد، تعالى بسرعة. ضحك جاد: هههه، طيب، طيب، أنا جاي.

حملها بين يديه وجرى عليهم وسط خجل كيندرا وضحك الجميع. نزلها على الأرض وضمها لحضنه، وأولاده جلسوا أمامه. كانت أجمل صورة لأجمل عائلة. كيندرا: مهما مر علينا من صعاب وأحزان وألم، لو كان الحب حقيقي وقوي، هينتصر.