رواية كيندرا الفصل الثلاثون 30 - بقلم حليمة عدادي

فتحت عينيها لقت نفسها نايمه في حضنه. رفعت وشها شافته مبتسم وبيبصلها. "صباح الخير يا قلبي." "صباح الورد والفل والياسمين ياحبيبتي." "إنت صاحي من إمتى." "صاحي من بدري وكمان طلبت أحلى فطار لأجمل كيندرا." "ماصحتنيش ليه." "لما صحيت كنت فاكر إني بحلم زي زمان، كنت ببصلك وإنتي نايمه زي الملاك. أول ماحسيت بيكي جوا حضني عرفت إنه مش حلم." "لازم تصدق إني بقيت معاك لأخر العمر، بحبك ياأجمل حاجه في حياتي."

"يلا ياقلبي الفطار جاهز، قومي خذي دش و تعالي." جت علشان تقوم لكن جاد شالها بين يديه. "جاد إنت بتعمل إيه، نزلني على فكرة أنا عندي رجلين وأقدر أمشي بيهم." "لما أكون موجود أميرتي ماتمشيش على رجليها، إتفقنا." جاد دخلها الحمام وكان مجهزوا قبلها. "امم إنت جهزت الحمام كمان، لاااا أنا كدا هتعود على الدلع." "اتعودي على راحتك، إنتي لسه ماشوفتيش حاجة، دي مجرد بداية." "بحبك أوي ياجاد قلبي." "وأنا بموت فيكي يا قلب جاد." غمزلها.

"عايزه مساعده." "جاد ياقلبي يلا على بره، متشكرين مش عايزين مساعده." بعد مدة قصيرة خلصوا فطار. "الفطار حلو أوي." "دا بس فطار بسيط ياقلبي." "لكن أحلى فطار أكلته في حياتي لأنه معاك." "الحمد لله بعد كل التعب اللي عشناه اتحقق كل اللي كنت بتمناه، دا أحلى صباح." "دائما بعد التعب بيجي الفرج، بس الصبر. لما نرجع بيتنا هأكلك من إيديا وبس، الأكل من برا ممنوع." "حاضر من عينيا، هو أنا أقدر أرفضلك طلب. يلا قومي جهزي نفسك."

"ليه هنروح فين، هنرجع البيت." "لا بيت إيه، إحنا هنسافر لمكان من زمان نفسي أروحوا ومستني اليوم دا علشان نروحوا سوا." "هنسافر فين." "لا دي مفاجأة، يلا قومي جهزي نفسك." بعد شوية وقت كيندرا و جاد كانوا قدام البحر. "كيندرا عايزك تغمضي عينيك." "إيه عايز تخطفني." ضحك جاد. "اه عندك مانع، عايز اخطف مراتي." "إنت تؤمر يا باشا." جاد ربطلها عينيها. "أوعي تغشي لو غشيتي هرميكي في الميه."

"ترميني في الميه، لا لا أنا بخاف من الميه، جاد أنا خايفة أقع." "حبيبتي ماتخافيش وإنتي معايا، أنا معاك ياقلبي. ها مستعده، هفتح الرباط من على عينيكي." "اه مستعده." أول ماجاد شال الرباط من على عينيها قفزت كيندرا وحضنته بفرحة وهي بتبكي. "يخت ياجاد، أنا من زمان بحلم إني أركب يخت ويمشي بينا وسط البحر." "دي لسه أول مفاجأة." "حبيبتي اليوم كله مفاجآت، تعالي معايا." كيندرا اتعلقت برقبته وحضنته.

"بحبك ياجاد قلبي، ربنا يخليك ليا. إنت عامل كل دا علشان تسعدني، يارب أقدر أسعدك أنا كمان." "إنتي مصدر سعادتي وأكبر فرحه في حياتي." جاد مسك إيدها وساعدها علشان تطلع اليخت. قعدوا وحطت راسها على كتفه. "جاد إنت فاكر أول يوم شوفنا بعض فيه." "كان أجمل يوم في حياتي، كنتي زي حرية وسط الحقول، أول مرة أصدق الحب من أول نظره." "مع إني وقتها جيت علشان أنتقم منك، لكن حنيتك خطفت قلبي وحبيتك من غير ماحس."

"حبيبتي انسي الماضي، كل اللي حصل وقتها كان وراه حكمة." بعد فترة من الوقت وقف اليخت. جاد مسك إيدها علشان تنزل. كيندرا بصت للمكان بإنبهار، كان عبارة عن جبال والبحر مابينهم، والاشجار الخضرا والزهور ماليه المكان وصوت العصافير. المكان كان هادي وجميل أوي. "إيه دا ياجاد، المكان جميل أوي أوي." "أنا اخترت المكان دا علشان نبقى فيه لوحدنا، أنا وإنتي وبس." "يلا بينا ياجاد نجري وسط الشجر الورد وماتقولش لا." جاد بضحك.

"مقدرش أقول لا، هنجري لحد مانوصل لبيتنا." "بيت إيه، مافيش بيوت هنا." "بصي للشجر اللي هناك دا بيتنا هناك، عملته علشانك من أول مرة شوفتك فيها." كيندرة بسعادة. "جاد أنا عايزة أصرخ بعلو صوتي وأسمع العالم كله إني بحبك، بحبك." كيندرة مسكت إيده وفضلوا يجروا مع بعض. كم هو جميل أن تجد شخصاً يحبك ويعوضك عن ألم الماضي وتعيش معاه كأنه طفل. وصلوا قدام البيت. جاد فتح الباب. كيندرا انبهرت من منظر البيت وجماله.

"أول حاجة هنعملها إننا ننزل البحر." بعد مدة قصيرة كانت كيندرا بتصرخ. "لا يا جاد لالا، أنا هغرق مش قادره." "هتغرقي إزاي وإنتي معايا، ماتخافيش يا قلبي." "جاد بجد أنا خايفه أوي، المكان هنا صعب." "طيب أمسكي رقبتي." قضوا وقت جميل مع بعض وبعدها رجعوا لبيتهم. بعد مدة كيندرا كانت واقفه في المطبخ وجاد جه وقف جنبها و هي بتعمل الأكل. مع إن جاد جاب الأكل معاه، لكن هي صممت إنها تطبخله بإيديها.

"كيندرا إنتي تعبتي النهاردة، خليني أساعدك شوية." "خلاص خلصت، فاضل شوية بس." جاد ساعدها في رص الأطباق والأكل على السفرة. بعدها كيندرا دخلت تاخذ دش وتغير هدومها. قعدوا ياكلوا مع بعض وجاد كان بيأكلها بكل حب. "تسلم ايديكي ياقلبي، الأكل يجنن." "بألف هنا ياحبيبي، بس إنت قاعد بتأكلني ومأكلتش حاجة." "كل دا وتقولي ماكلتش حاجة." "طيب أنا هقوم أعملك فنجان قهوة، أنا عارفه إنك بتحب القهوة." جاد مسك إيدها وباسها.

"إنتي أجمل أحلامي، استنيت كثير لحد مالقيت جوهرتي." "تعالي هنخرج دلوقت." كانوا ماشيين قدام البحر وماسكين بإيدين بعض. كان وقت الشروق والمكان هادئ. جاد نام فوق الرملة و هي قعدت جنبه وحطت رأسها على صدره. "دا أجمل مكان شوفته في حياتي، مكان هادي مافيش فيه حد غير أنا وحبيبي." "علشان كدا أنا اخترت المكان دا علشان نبعد عن كل حاجة بتزعجنا." "جاد عايزه أطلب منك طلب ومش عايزاك تقول لا." "طلباتك أوامر يا قلبي."

"إيه رأيك نركب عجلة ونتسابق." جاد. "ههههه ماعنديش مانع، الظاهر كدا أني هعمل كل اللي ماعملتهوش وأنا شاب." كيندرة بحب. "إنت لسه شاب، إيه تفكير العواجيز دا." "ههههه لأني عجوز، يلا تعالي ناخذ عجل." ركبوا العجل وبدأوا السباق وكل مرة هو جاد اللي بيكسب. كيندرة بتذمر. "جااااااد إنت كل مرة اللي بتكسب، خليني أكسب مرة واحده بس." "تعالي عندي فكره." كيندرة نزلت من فوق العجلة وراحت لعنده. شالها وقعدها قدامه على العجلة ومشي بيها.

"بكدا هنكسب سوى." قضوا أجمل أسبوع مع بعض. زينب. "كيندرا وحشتني أوي، البيت مظلم من غيرها." رنا. "وأنا يعني مش غالية عندك، كيندرا وبس." زينب. "إنتي نور عيني إنتي كمان بنتي وماقدرش على بعدكم إنتوا الإثنين." يوسف. "ههههه أول مرة أشوف حماة تحب مرات ابنها ومابتحبش ابنها." زينب. "لأن مرات إبني هي كمان بنتي." خالد. "ربنا يديم المحبة بينكم و ما يحرمكوش من بعض." يوسف. "جاد وكيندرا هيرجعوا إمتى." رنا.

"فات اسبوع، ممكن يفضلوا هناك شهر."