رواية كيندرا الفصل الثالث والعشرون 23 - بقلم حليمة عدادي

نزلت دموعه وهو شايفها من ورا الإزاز وهم بيعملولها الصدمات علشان النبض يرجع. ومع كل صدمة كان جسمها بيطلع وينزل. حس جاد إن روحه بتتسحب منه وهو شايف معشوقته بتتألم. نزلت دموعه اللي مانزلتش قبل كده. قعد على الأرض يبكي زي العيل الصغير. "كم هو مؤلم أن ترى من تحب يتألم." يوسف: كفاية يا جاد. كيندرا هتكون بخير، متيأسش. أنا عارف كيندرا كويس أوي، هي قوية. جاد: يارب. ماليش غيرها. يارب احفظها.

خرج الدكتور. جري جاد ويوسف وكل العيلة ناحيته. الدكتور: الحمد لله، النبض رجع. حاولوا تكونوا جنبها علشان نفسيتها تتحسن ونقدر نعملها العملية. جاد: ماتقلقش يادكتور. هتكون بخير إن شاء الله وهتعمل العملية. زينب: دكتور، أرجوك أعمل كل اللي تقدر عليه. أنا عايزة بنتي تعيش. حضنها يوسف بدموع. هو أكثر شخص بيتألم لأن كيندرا مش أخته وبس، دي صاحبته كمان. خالد حاول إنه يتماسك علشان عيلته: بنتي كيندرا قوية وهتعدي الأزمة دي بإذن الله.

جاد: أنا هروح دلوقتي وهرجع بسرعة. مش هتأخر. يوسف: جاد، روح علشان ترتاح شوية. إنت تعبت أوي. جاد: لا، أنا مش هرتاح غير لما أشوف كيندرا بقت بخير. خلي عينك عليها. أنا هرجع بسرعة. *** سناء: هو عارف إنها هي اللي خطفت سارة. ولما سمع إنها في المستشفى جري عليها زي المجنون. ريم: ماما، جاد عنده أربعين سنة ومافيش أي واحدة قدرت تلفت انتباهه لحد ماشاف كيندرا. هي الوحيدة اللي ملكت قلبه. هو بيحبها بجنون.

سناء: حتى لو لسه بيحبها، هو نسي اللي عملته فيه. حسام: ماما، هي انتقمت منه علشان كانت فاكرة إن جاد هو اللي السبب في اللي حصل لأخوها. هي فهمت غلط. سناء: حتى لو فهمت غلط، هو برضو هيتجوز سارة ويطلقها. جه صوت جاد من وراها. جاد: مش هطلقها ومش هتجوز غيرها. سناء: إزاي يعني مش هتتجوز غيرها؟ وسارة هقولها إيه؟ جاد: ماما، أنا جيت بس علشان أغير هدومي وأرجع تاني. أنا مش فاضي للكلام ده دلوقتي. سناء: إزاي يعني مش فاضي؟

إنت وراك إيه وهتروح فين؟ جاد: راجع للمستشفى. لازم أكون جنب كيندرا، هي محتاجاني دلوقتي. سناء بغضب: إنت نسيت كل اللي عملته فيك ورحت تجري عليها. جاد: ماما، أنا هنسى العالم كله بس هي تبقى بخير. وأنا سامحتها خلاص. سناء: إنت خلاص سامحتها بالسهولة دي؟ طب وسارة؟ جاد: ماما، كيندرا بتموت. عندها ورم في الدماغ وإنتي عايزاني أتجوز. سناء: إيه؟ عندها ورم؟ وإنت هتعملها إيه؟ ما عيلتها معاها.

جاد: ماما، نتكلم وقت تاني. حسام، خلي بالك من الشغل في الشركة الفترة دي. دخل لغرفته علشان يغير هدومه وخرج بعد فترة. سناء: إجري روحلها. يلعن أبو الحب اللي خلاك تسامحها بعد كل اللي عملته فيك. ريم: خلاص ياماما. هي صحيح غلطت، لكن مكنش قصدها. كيندرا مرات جاد وحب حياته، لازم يكون معاها دلوقتي.

مر يومين على كيندرا وهي في المستشفى. كانوا أصعب يومين بسبب الدوا اللي بتاخده. شعرها بقى يقع. كان جاد دايما جنبها يحاول يساعدها بكل الطرق. كيندرا: خلاص يا جاد، أنا مش قادرة آكل. جاد: لازم تاكلي ياحبيبتي علشان تبقي كويسة. كيندرا: ما افتكرش إني هبقى بخير. العملية مش سهلة ونسبة نجاحها 20%. جاد: كيندرا، متقوليش كده. إنتي هترجعي زي الأول وأحسن كمان وهتحققي كل أحلامك.

كيندرا: أنا بخير يا جاد. إنت لازم تروح علشان تتجوز إنت وسارة. أنا آسفة لأني كنت السبب في إن فرحكم ميكملش. جاد: جواز إيه وفرح مين يا كيندرا؟ أنا مش هتجوزها وأظلمها معايا. كيندرا: إزاي مش عايز تتجوزها وإنت كان فرحك في اليوم ده. جاد: دي كانت غلطة في ساعة غضب. قلبي مافيهوش غير صغيرتي. حاولت ماتبينش فرحتها. كيندرا: مين هي صغيرتك؟ ممكن أعرفها. مسك إيدها وباسها بحب وبص لعينيها.

جاد: مافيش في قلبي غير بنت واحدة وهي إنتي يا كيندرا. إنتي اللي سرقتي قلبي وعقلي وبقيتي النفس اللي بتنفسه. كيندرا بدموع: جاد، إنت تستاهل اللي أحسن مني. أنا مابقتش أنفع لحاجة. الموت بقى قريب مني. جاد حط إيده على بقها: اششش! قلتلك هتبقي كويسة وهتنوري حياتي. كيندرا: جاد، بصلي. شعري بقى بيقع وجسمي خس. إزاي والهالات السوداء تحت عيني. جاد: أنا حبيتك إنتي، محبتش جمالك. حبيت روحك الجميلة وقلبك الطيب.

وكمل بهزار: ونظرتك الجميلة دي. كيندرا بخجل: وأنا كمان بحبك. جاد: إيه؟ أنا ماسمعتش. إنتي قولتي إيه؟ قوليها تاني كده. كيندرا: جاد، أنا قلت... سكتت بخجل. قلت إني أنا كمان بحبك. جاد بفرحة: ده أجمل يوم في حياتي وأنا بسمع إن حبيبتي بتحبني زي ما أنا بحبها. ضمها لحضنه. كيندرا: جاد، أنا حاسة بألم في راسي. مسكت رأسها وعيطت من شدة الألم. حضنها جاد وهي تبكي وهو بيبكي معاها. جاد: اهدى ياحبيبتي. أنا حاسس بألمك.

في الوقت ده دخل الدكتور. جاد مسح دموعها وباس عينيها. الدكتور: دلوقتي وقت علاجها. كيندرا مسكت جاد بقوة. كيندرا: جاد، أنا مش عايزة. أنا بتألم كتير. جاد: علشان خاطري استحملي علشان تبقي أحسن. كيندرا: جاد، أنا تعبت. تعبت. وكملت بدموع: إمتى الألم ده هيخلص. جاد: قريب إن شاء الله. كل حاجة هتخلص. خرج جاد وساب قلبه وراه بينزف من الألم. بعد مدة دخل جاد لغرفتها لقاها نايمة بهدوء وعيلتها قاعدين حواليها.

يوسف: تعبت بعد ما أخذت العلاج ونامت من كثر التعب. هي كانت مستنياك. جاد: أنا روحت الجامع. مقدرتش أشوفها بتتألم. يوسف: أنا هروح دلوقتي. خليك جنبها. وبكرة هنعرف نتيجة التحاليل ولو الورم حميد أو خبيث. جاد: إن شاء الله خير. يوسف: يلا نروح ياماما علشان ترتاحي شوية. بعد ما خرجوا، بص لها بحزن وهو شايف شعرها اللي وقع. هو عارف إنها هتزعل أوي. نام جنبها وضمها لحضنه وهو خايف إن الموت ياخدها منه.

سناء: حسام، فات يومين أهو وجاد مجاش البيت. هقول إيه لسارة. حسام: انسي موضوع سارة. جاد خلاص سامح كيندرا وإن شاء الله أول ما تشفى هيتجوزها. سناء: إيه؟ إنت بتقول إيه؟ وهقول إيه لخالته. ريم: اتكلمي معاها ياماما وهي هتفهمك أكيد. سناء: يارب تفهم. ولا أنا هخسر أختي بسببكم. انتفض من مكانه للدرجة إنه كان هيقع على الأرض. يوسف: جاد، اهدى يابني. ده أنا يوسف. جاد: كيندرا بخير. بصلها لقاها لسه نايمة.

جاد: حرام عليك. رعبتني. افتكرت حصلها حاجة. يوسف: الدكتور طلب إنه يشوفنا علشان يعرفنا نتيجة التحاليل وإيه هو نوع الورم. جاد بخوف ورجاء: يارب لا تحملنا ما لا طاقة لنا به. خرجوا من عندها. راحوا عند الدكتور بقلب يرتجف ودقاته مسموعة. الدكتور: بعد الفحوصات والتحاليل اللي عملناها. جاد: اتكلم يادكتور. أعصابي ماعدتش مستحملة. الدكتور: طلع الورم.