رواية قيود العشق الفصل الخامس 5 - بقلم عائشة الكيلاني

ـ بتكذب صح؟ التحاليل مزورة، هي متفقة معاك عشان تسمحها؟ تعرف غلاوتها عندي صح. عماد بحزن على حال صديقه: ـ أحم، تميم فوق واهدى. مريض الكانسر بيبقى في وضع لا يُحسد عليه. سارة محتاجة لك دلوقتي أكتر من أي وقت. كل ده يتوقف على نفسيتها واستجابتها للعلاج. أنا عارف إنه صعب عليك، بس والله هي دي الحقيقة. التحاليل حقيقة، وتقدر تتأكد من دكتور تاني. تميم بشرود: ـ شكراً يا عماد، عن إذنك.

تميم مشي من العيادة وهو حاسس بسرة ووجع. حاسس إنه وقع، حاسس إن الدنيا اسودت في عيونه. مش عارف يعمل إيه، يسكت ويتعمل عادي ولا يجري عليها ويطمنها؟ بعد وقت وصل البيت ودخل غرفته. كانت نايمة. اتجه ليها وفضل يلعب في شعرها. سارة صحيت أول ما شافته. قامت بفزع: ـ في إيه؟ أنت كويس؟ تميم بهدوء عكس اللي جواه: ـ أهدي، مفيش حاجة. تميم فتح إيديه الاتنين بهدوء: ـ تعالي يا سارة. سارة: ـ أجي فين؟ تميم: ـ تعالي يا حبيبتي.

سارة بصت له بتردد ووجع. سارة دخلت في حضنه بهدوء. كان نفسها تعاتبه وتصرخ، بس مفيش وقت ولا فرصة لكل ده. ولا حتى حد هيحس بيها. غمضت عيونها وحطت إيديها على ضهره. تميم بشرود: ـ هيعدي، هيعدي كل اللي إحنا فيه هيعدي. مش انتي لوحدك اللي في النار، حاسس بيك. سارة بعدت عنه: ـ قصدك إيه؟ تميم مسك إيديها: ـ أنا كل اللي أعرفه إنك قوية وتقدر على أي حاجة. ولا نسيتي زمان لما سافرتي لوحدك أسبوع كنتي بتعاقبي بابا عشان رفض يجوزنا لبعض؟

اتغيرتي أوي يا سارة. إيه اللي حصل لك؟ ليه مستسلمة كده؟ هان عليكِ أنا وزين؟ زين مفكرتيش فيه أبداً؟ سارة بحزن ووجع: ـ مفيش حاجة بتوجعني قد إني هموت وانت مصدق إني خونتك. كل لما تعدي عليا مشكلة ببقى نفسي أجري عليك وأقولك، بس انت مصدر خوفي. بقيت بخاف منك يا تميم. تميم بص ليها بوجع. حط كف إيديه على خدها: ـ حقك عليا يا قلب تميم. سارة والدموع في عيونها: ـ أنت كسرتني يا تميم، كسرتني. تميم حضنها تاني. غمض عيونه وقال بتنهيدة:

ـ سارة، انتي لازم تبدأي العلاج. أنا مقدرش من غيرك. متسبنيش. الكانسر مش معناه إنك تستسلمي. أنا عرفت. بلاش تمثيل، لأن لازم تتعالجي. سارة قسيت وأهملت. تذكرت أن كل شيء كما كان. أيقظني خوف فراقك. بارت صغير أهو. بصوا بقى أنا من رغم إني تعبانة شوية ومكنتش هكتب، بس كتبت عشان خاطركم. تفاعل قمر زيكم عشان أكمل. رأيكم في تميم؟