رواية قيود العشق الفصل السادس 6 - بقلم عائشة الكيلاني

بعدت عنه بصدمة: ـ عرفت. أنت بتفتش ورايا يا تميم؟ إزاي؟ إزاي تدخل في حياة غيرك؟ أنت مالك أصلاً؟ ها؟ مالك بيا؟ أموت ولا أغور في ستين داهية، حتى لو موت فـ دا راحة ليك. المفروض تفرح إنك هتخلص مني. (تكمل بوجع ودموع) ـ أنا تعبت يا تميم. أنا تعبانة أوي. كل حاجة راحت. أنا خسرت كتير أوي. أنا مش خايفة ولا معترضة على قضاء الله. أنا خايفة على ابني اللي معرفش مين هيحبه ويخاف عليه من بعدي. مين هيهتم بيه ويقف معاه؟

تميم حضنها ودموعه نزلت. رتب على ضهرها بحنان. من رغم الخوف اللي جواه بيحاول يطمنها. مسح دموعه بعدها عنه، مسك وشها بين إيديه: ـ محدش هيربي زين غيرك. مفيش حاجة هتحصل. أنتِ هتخفي وهترجعي أحسن من الأول. مينفعش تسبيني يا سارة. ولا ينفع تسيبي مرام. هنحارب الدنيا كلها مع بعض. أنا مستعد أحط نفسي في النار عشانك. بس خليكي معايا. أرجوكي. مسح دموعها بحنان: ـ الدموع دي مش عايز أشوفها. سارة بوجع: ـ ههه. هتعيش معايا شفقة؟

هتعيش معايا وأنت مصدق عليا؟ لا يا تميم. أنت ملكش ذنب إنك تستحمل تعيش مع واحدة كام شهر أو يوم وتموت. ولا حتى ليك ذنب إنك تعاني بسببي. زين عندك. ربيه أنت. وأنا هرجع مكان ما كنت. قبل ما تكمل كلامها تميم قبلها على شفايفها. مسك إيديها وقبلها بحب: ـ وأنا مستحيل أسيبك تضيعي من إيدي تاني. لما صدقت إنك رجعتي حياتي من تاني. حياتي اللي انتهت بعد ما مشيتي. سارة بصت له:

ـ هه. بالدليل إنك متجوز نيفين دلوقتي. صحيح. ألف مبروك. عرفت إنها حامل. مبروك يا حبيبي. سارة قامت راحت للتواليت. خرجت من التواليت راحت لغرفة الملابس. غيرت هدومها ونزلت. سارة: ـ مراتي عمي. أم تميم بعتاب: ـ أفندم يا مرات ابني؟ أنتِ؟ أنتِ تعملي كدا؟ طب ليه يا بنتي؟ سارة بصت له بعتاب: ـ أمي نفسها لو كانت صدقت عليا زي مانتي عملتي، مكنتش هزعل ولا أتوجع كدا. بتقوليني يا بنتي؟

بس الحقيقة أنا معنديش أم تحس بيا ولا تفهمني. ودائماً من زمان. أنا عمري ما كنت بنتك. لا أنا ولا مرام. بالدليل إنك جوزتي بنت اختك لابنك بعد ما عرفتو إني ميتة، صح؟ عموماً كتر خيرك في كل حاجة عملتيها معايا. عن إذنك. سارة خرجت من القصر. ركبت تاكسي راحت لشغلها. ورجعت بعد وقت مش طويل. دخلت القصر. نيفين: ـ إزيك يا ضرتي الغالية؟ أهلاً وسهلاً بيكي. كنتي فين بقا؟ لحظة. هقول أنا. كنتي عند حبيبك مش كدا؟

سارة حسّت بغصة في قلبها بس رسمت على وشها الجمود والقوة: ـ ممممم. جايز برضوا يا نيفين. عرفت إنك حامل. ألف مبروك يا روحي. يتربى في عزكم. بس عندي سؤال صغنن أوي. يا ترى دا ابن تميم فعلاً؟ ولا أوبسسس؟ سوري يا روحي. دَلت لسان ابني بينادي عليا. هشوفه وارجعلك. سلام يا نيفو. سارة طالعة على أوضة زين. ومخدتش بالها من نظرات نيفين. نيفين: ـ آه يا بنت***. ومالوا يا حبيبتي؟

نلعب. بس متزعليش لو قلبك اتحرق على ابنك. ههه. الأمل في تصليح علاقتك بالعائلة تمام أوي يا سارة.