رواية لا عائق في طريق الحب الفصل الحادي عشر 11 - بقلم الكاتبة فدوى خالد

عاصم: نرمين... حااسبي. نرمين بصت لقيت عربية وقفت فجأة ونزل منها شخص ومراته. الشخص: مش تفتحي حضرتك. نرمين بتوتر: أنا... آسف والله، مكنتش أعرف خالص، آسف جدًا. الشخص: خلاص مش مشكلة، بس ابقى حاسبي. عاصم: مصطفى، أنت رجعت من السفر. مصطفى: إيه ده، عاصم أهلاً. عاصم: أهلاً، بتاعتك جميلة جدًا، كنت هتخبط خطيبتي. نرمين: أنا مش خطيبة حد. عاصم: فكك منها، دي هبلة. نرمين: مين دي اللي هبلة؟ عاصم: أنتِ. علياء: ما بس بقا أنت وهي، إيه؟

كنتوا هتجيبولنا كارثة دلوقتي، مش حاسين. عاصم: وعدت على خير. نرمين: مين دي؟ ومين ده؟ عاصم: دا علياء أخت سامح، وده مصطفى جوزها. نرمين: هي دي اللي كنتوا بتقولوا عليها مصيبة.... آآه. (ضربتها في كتفها) نرمين: إيه يا عم، إيدك تقلت. علياء: مين دي اللي مصيبة؟ نرمين: هما قالوا عليكِ كده. علياء: هما مين بقا إن شاء الله؟ نرمين: عاصم وسامح. علياء: بقا كده يا عاصم، والله لأوريك.

عاصم: استني يا علياء، والله مش أنا، دا سامح. شوف مراتك يا أخي. مصطفى: تستاهل، قلتلك إنك متضايقهاش، بنسمع الكلام قوي ما شاء الله. علياء: عيال، رحبوا على خالو عاصم بطريقة شيك جديد. (نزل الثلاثة وقعدوا يتنططوا عليه) عاصم: مصطفى، شيل الضفادع البشرية دي من عليا. مصطفى بضحك: أحسن، تستاهل. نرمين: كويس عشان تتكلم عن الناس في غيبتهم يا غبي. عاصم: والله يا نرمين لأفوقلك وتشوفي. نرمين: فك نفسك يا بابا الأول. عاصم: اسكتي، أه...

مصطفى خد دول. مصطفى: بس يا عيال بقا، خلاص أنكلكم عاصم تعب. عاصم: آه، قولهم. مهند: خلاص يا بابا عشان خاطرك بس. علياء: شاكرين يا حبايبي. عاصم: عجبك كده. نرمين: تستاهل. عاصم: برضه بحبك وهخطبك. نرمين: وأنا مش هوافق. عاصم: هتوافقي وشوفي. علياء: وأنا أجيب شجرتين ليمون أمسرعم فوق دماغكم وأعملهم عصير. عاصم: الله يا علياء، مش تباركي لأخوكي هيتجوز. علياء: مين تعيسة الحظ. نرمين: شوف المنصفة قالت الحق إزاي.

عاصم: بس يا بت، هتجوزك، يعني هتجوزك. نرمين: لما تشوف حلمة ودنك نبقى نتكلم. عاصم: يرضيكِ كده. علياء: آه. عاصم: يا عم، شوف مراتك. مصطفى: عجبك كده، جايبالي الكلام. علياء: أنا بجيب الكلام؟ مصطفى: لا، أنا. علياء: أومال بتزعق ليه؟ مصطفى: يلا يا علياء نروح لسمر. علياء: مش عارفة عايزاني في إيه؟ مصطفى: لما نوصل هنعرف. علياء: أوكي. صحى سامح، بعد ما نام شوية، لقى نورين بتتفرج على التلفزيون وتأكل فشار. قعد جنبها وقعد يأكل فشار.

سامح: نورين. نورين: نعم! سامح: نورين. نورين: قولنا نعم! سامح: جعان. نورين: ما أنت بتاكل أهو. سامح: هو ده أكل. نورين: عايز إيه يا سامح؟ سامح: تيجي نخرج. نورين بهمس: أومال لو عرف إن فيه دعم هيحصل إيه؟ سامح: بتقولي حاجة؟ نورين: نو. سامح: عايزة شوكولاتة. نورين: آه. سامح: بشرط. نورين: إيه؟ سامح: مشي سمر والنبي. نورين: وأنا مالي يا لمبي، هي اللي قاعدة. سامح: يعني مش بتتفقوا عليا. نورين: تؤ تؤ. سامح: أومال بتتكلموا في إيه؟

سمر من ورا: في روحك اللي هطلعها. سامح: إيه ده، سمر. سمر: أيوة سمر يا حبيب ماما، عايز حاجة. سامح: هعوز إيه، ما أنتِ قايمة بالواجب. سمر قعدت في نصهم. سامح: إيه ده؟ سمر: إيه عايزة، هات الطبق. سامح: على فكرة ده بتاعي. سمر: غلط، بتاع البت نورين الغلبانة. سامح: اسلكِ يا سمر. سمر: ما أنا سلكانة أهو. سامح: بقولك إيه، روحي بيتك، محمد عايزك. سمر: لا، اتصلت عليه الصبح وقال لا. سامح: عايزة كام من الآخر. سمر: من الآخر يعني.

سامح: أيوه، من الآخر دي. سمر: بص بقا... سامح: قولي العروض بتاعتك طول. سمر: بص يا ابني، عشان غلاوة ابني بس هبسطلك الموضوع. سامح بسخرية: غلاوة ابنك، أومال أنا ابن الجيران. سمر: بس يا بابا، بطل تقاطعني. سامح: اخلصي. سمر: العرض الأول غير مكلف. سامح: أشجيني. سمر: هتدفع النت، و 500 جنيه + 100 عليهم هدية، بوكس فيه شوكولاتة كتير، ومعاهم شوكولاتة زيادة عن الكيوت ده. نورين: تسلمي يا خالتو. سمر: حبيبتي.

سامح: دي شوكولاتة واحدة يا مغفلة. نورين: ملكش فيه، أنا وخالتو نتصافى مع بعض. سمر: والعرض التاني بقا، كل اللي قولته في العرض الأول، وإضافة عليهم بوكس لنورين. سامح: هو إنتِ مش ناوية تعملي حاجة في حياتك غير تفلسيني. سمر: متدفع ياض. سامح: هو إنتِ مخليه قرش في جيبي. سمر: اسكت بقا، الباب بيخبط، روح أفتح. سامح: يارب ارحمني من الباب اللي مبيطلش خبط ده. علياء: مفاجأة مش كده. سامح بصدمة: علياء، نهار أسود كملت. (وأغمى عليه)