رواية لا عائق في طريق الحب الفصل الثاني عشر 12 - بقلم الكاتبة فدوى خالد

نورين بخضة: سامح! إيه اللي حصل؟ علياء: اهدي، هيبقى كويس. نورين: أهدي إيه! أنتِ مش شايفة إيه اللي حصل؟ لو سمحت حد يجيب برفان. علياء: برفان إيه يا قطة، مش هيفوق كده. نورين باستغراب: أومال هيفوق إزاي؟ علياء: مهند، فارس، يوسف. الثلاثة في نفس واحد: نعم يا معلمي. نورين: معلمي! علياء: بصلة وهنفوقه. نورين: نجيب برفان أحسن. علياء: يا بنتي مش هيفوق، بصلة هي اللي هتمشي. صحيح يا سمر، مين القطة الكيوت دي؟ سمر: دي نورين.

علياء: قلبها خفيف أوي صراحة، لما نشقلبها. نورين: تشقلبيني ليه؟ علياء: أنتِ دماغك دي فيها إيه؟ نورين: عقل. علياء: يا سمر، قولتلك نجوزه لواحدة مفرفشة مش كيوت، دي هتعامل معاه إزاي؟ سمر: تيجي منها، متخافيش. علياء: الكائن ده مش فايق ليه؟ مهند؟ مهند: نعم! علياء: هات شراب من جوه. مهند: حاضر. نورين: هتعملي إيه بالشراب؟ علياء: المعفن شراباته ريحتها بتجيب الشقة، فلازم إننا نصحيه بيها. مهند: يع! إيه القرف ده.

علياء: البسوا كمامات. نورين: أف! الريحة وحشة. علياء: البسي كمامة بقى. قربت منه الشراب وفتح عينه وهو بيكح. علياء: هات مية بقى يا مهند، واتحفظ لي على الشراب ده. مهند: حاضر يا فندم. علياء: إزيك يا سامح، ليك وحشة. سامح: نعم! أنتِ حقيقية. علياء: لا خيال، نينينيني. سامح: إيه اللي جابك. علياء: أغير جو. سامح: بتغيري جو على حسابي. علياء: بس ياض سيبني براحتي. سامح: إيه البرفان اللي شميتيهولي؟ ريحته وحشة أوي. علياء: برفان؟

الذكي بيقول برفان. نورين: شراب. سامح: نهارك أسود يا علياء، شممتيني شراب. علياء: أعملك إيه؟ ما غوقتش ببصلة. سامح: يا عم مصطفى لم مراتك. مصطفى: هو كل اللي يقابلني يقولي لم مراتك، لم مراتك، إيه اللي حصل؟ سامح: معلش يا حبيبي، لمها بقى. مصطفى: اتلمي يا علياء. سامح: بس كده. مصطفى: أيوه، ببساطة. سامح: يلا بقى، شرفتونا بزيارتكم الظريفة دي. علياء: زيارة إيه؟ إحنا هنقيم فترة هنا.

سامح: عند بابا، عادي اقعدوا شوية وامشوا، وخدوا سمر معاكم. علياء: تؤ تؤ، عندك أنتَ. سامح: مين؟ علياء: أنتَ، هنقيم هنا. سامح: علياء بطلي. فارس: بتقول لمين بطلي. سامح: لأختي، بتدخل ليه؟ مهند: بص يا قمر، وجهك الكيوت ده هيقلب دلوقتى. سامح: انتو بتهددوني يا ولاد مصطفى. يوسف: آه بنهددك، ملكش دعوة بعلياء. سامح: ونعم التربية يا مصطفى، أحسنت، ملائكة الرحمة ما شاء الله. مصطفى: مش تربية علياء هيطلعوا إيه؟ علياء

وهي حاطة إيدها في وسطها: ومالها علياء يا أستاذ مصطفى. مصطفى: قمر يا حبيبتي، قمر. سامح بسخرية: قمر بالستر، ما شاء الله. مصطفى: اسكت أنتَ ياض، وأنتَ عامل زي صاحبك. سامح: عاصم؟ ماله، وبعدين أنتو اتقابلتوا أصلاً. مصطفى: آه، كنا بنخبطه هو وخطيبته. سامح: إيه ده؟ هو خطب. علياء: يعني مش عارف. سامح: أعرف إيه؟ مين اللي خطب؟ علياء: واحدة اسمها نرمين. سامح: هو لحق. علياء: آه، شوفت. سامح: كح كح كح. نورين: اشرب مية.

سامح: أنتِ بالنسبة ليكِ اللي بيحصل عادي. نورين: أيوه. سامح: ذكية ما شاء الله. نورين: ربنا يهديك. سامح: عجبك الشراب. نورين: معفن. سامح: شكرًا. سمر: جاهزة يا علياء ننفذ اللي اتفقنا عليه. علياء: جهزة. علياء فكرت إيدها بشر.