رواية لا ما أرضى بالمذله ولا عاش من قلبي يذله الفصل العشرون 20 - بقلم غير معروف

تركي بعصبيه وهزها بقوه : تكلمي ..
اثار وهيه نازلها بكل وببرود الدنياكله فيها (وتغشت بشيله ): كانت معي وخر ايدك عنها ..
تركي وخر عن رؤى بس عاقد حواجبه باستغراب ومنصور ومحمد وشهاب الكل انصدم من هذي بكوون . اثار ناظرت واحد واحد
رؤى عصبت من نظراتهم لاثار .وقالت بصوت عالي :آآآآآآه انتو شفيكم بعدووو .. تريد نتحرررك من هنا
اثار سكرت الباب .. ونزلو البدقارد وصارو وراها .. ونزل السواق ..
اثار تناظر برماح ومسكت ايد رؤى : مشينا لها ..
رؤى : يالله مشنا
مشن لحد ماوصلت عند رماح اللي واقفه وتناظرهن باسغراب..
اثار تمد ايدها تسلم مع ابتسامه: سلام عليكم
رماح مدت ايدها وسلمت عليها : وعليكم السلام
رؤى بابتسامه : رماح اعرفج باثار صاحبتي
رماح بمجاامله ابتسمت لها : مرحبا
اثار ابتسمت لها : مرحبا فيج زود
رماح ترحب فيها : تفضلي داخلي...بس الاخت رؤى ما ابي اشووووفها اطب هذا المكااان
رؤى نزلت راسها :مثل ما تحبين ..
اثار بسرعه مسكت ايد رؤى لا ترووح عنهم :بس انا ابي اتفاااهم معاج وهيه معانا
رماااح لفت بوووزها ع الجاانب :حياااكم تفضلوو
اثار التفت ع البدقارد : انتو ضلو هنا لحد ما اطلع ما راح اطول
البدقارد :انشاءالله طال عمرج (ووقفو من عند اليمين واحد ومن عند اليسار واحد ) .. ودخلن داخل واثار تناظر البيت البسيط حيل ومستغربه .. ودخلت الصاله.. وجلسن رؤى ورماح .. واثار ظلت واقفه .. وبعدها جلست بصعوبه لانها ما متعوده ع الارض ..
اثار بابتسامه : انا يا رماح رؤى كثير تكلمت عنج .. وانا عاد جاني فضول اعرف من رماح بصراحه ما توقعتج كذا موليه مشاءالله عليج طلعتي مره حلووووه
رماح تناظر رؤى ببرود وبعدها ناظرت باثار بابتسامه : ههههه عيونج الحلو
اثار تناظر برؤى : اناورؤى جاين نتكلم عندج بموضوع
رؤى بسرعه تكلمت وهيه وتبكي :رماح السموحه منج والله ما عاد اعيدها والله توبه .. سامحيني رماح
رماح ما كانه حد يكلمها ........
اثار : يالله عاد سامحيها .. والله انه طول الوقت تبي تعرف كيف تتسامح منج وما عارفه شلون ..
رماح نزلت راسها : والله جيتج عزيزه وغاليه (ورفعت راسها ) بس كل شي وله حدود ..وهيه تمادت وتمادت كثيرر ... وانا بصراحه ما فيني حيل اسامحها اكثر عند كذا ..
اثار بابتسامه حلوووه : علشان خاطري سامحيها .. والله عاد انا من شفتج دخلتي قلبي .. يالله عاد رماحوه ..
رماح استصعب عليها الموقف : وووالله ما اقدر ... بليز لا تضغطين علي
رؤى صااارت تبكي ..
رماح عصب عليها :لاوالله الحين جايتني تبكينن وتعتذرين ..شوووفي انا الحين ما سكه نفسي بلازم .. لا تخلين امسكج من شعرج وارميج بررع ..انتي اصلا ما تدخلين بيت ..بس ما منج مني انا اللي امنت فيج حسبالي بكووونين لي اخت عووون . ما تتبلين علي وطلعين علي كلام وقيل وقااال
رؤى وقفت وهيه تبكي: انا ما تبليت عليج انا اللي شفته تكلمت فيه ...ومــ( ما كملت كلامها وسكتها غير كف جاها من رمااح)
رماح بعصبيه وتهديد:قســم بالله لو ما لزمتج حدودج معااي لا احفر قبرج هنا ... والحين اشوووووف طلعي برررررررررع من بيتي (اثار صااارت تشووف ولا تكلمت بشي)
رؤى ماسكه خدها وتبكي..ناظرت برماح فترره وطلعت تركض ..
اثار تلوي بوزها بضيق:والله ما كان ودي تكوون هذا اللقاء اللي راح يكووون بينكم ..اجل انا بعد راح اطلع
رماح تناظرها وقالت بهدوء عكس اللي داخلها :آنا اسفه ..بس والله غصباً عني اللي صااار واللي سوووته ما هو بقليل علشان اسمااحها ..
اثار وهيه تقوووم:انا ما راح اجبرج ع شي ما تبينه ولا تحبينه .. (وبابتسامه) ويالله انا الحين لازم اطلع
رماح قامت معاااها :ع وين تووو الناااس ما ضيفنااج شي
اثار :معليش مستعجله..لازم ارووح ..بس راح احااول اني اجي ازززورج
رماح بابتسامه :ع خيرر انشاءالله
طلعت اثااار ..

«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في المستشفى ..
نور كانت جالسه ع السرير وتلعب بالفون .. شوي وندق الباب ..عدلت شيلتها
نور : تفضل
دخل يزن وشكله معصب وفي ايده ابره كبيررر (كانه حق حماااار ..)
نور ناظرته باستغراب مع خوف : ش شنو بغيت ؟
يزن ما تكلم معاها مسك رجلها وبعدها رفع الابره ع فوق وضربها بضفره ضربتين ..
نور بعدت رجلها بخوف وقام ونزلت من ع السرير : انت شتبي ؟؟
يزن ناظرها بنظرات غريبه وسآآآآآآآآكت
نور زاد اكثر خوفها : قسم بالله لو طلعت الحين راح اناديهم ياخذونك
يزن ببرود وخاطر يريد يضحك :جلسي مكان واحد احسن لج .. ابي اخلص شغلي وروح
نور وتناظر اللبره :وتبي تضربني بهذي ؟؟ (وتاشر ع الابره )
يزن باصرار: آيه ابي اضربج بذي
نور بصراخ : لاوالله .. اطلع برع (وصارت صورخ ويزن يريد يمسكها وهيه تهرب منه )
يزن خلاص ما قدر يستحمل رش الابره في وجها (لانها كانت فيها ماي ما دوا) : ههههههههههه
نور انصدمت ظلت واقفه مكانها ما عارفه شسالفه ...
يزن بابتسامه عريضه :ع خير انشاءالله نلتقي ..... باي
طلع عنها .. وهيه بعدها مكانها ما تحركت .. ومدت ايدها ببطى لوجها والمسته كله ماي .."هذا هذا شنو سوء .. لا بارك الله فيه "
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في قصر عزام ... الساعه 11:10
تووها واصله البيت ..
اثار بصوت عالي : سوااااااااااااااااااااااار
سوار من المطبخ بصوت عالي:نعم ماما
اثار :وين بابا عزام ؟؟
سوار وجات لها تركض: ما اعرف هو جاء في يقول سو عشى كثير حق ربع مال هوه وراح
اثار : اهاااااا .. بس روحي
سوار راحت المطبخ .. اثار ركبت فوق ودخلت جناحا وبعدها دخلت غرفتها .. " هذا الحين شنو يبي فيني ..اوووف والله مالي خلق اروح." ورمت العبايا ع السرير مسكت العصى وطلعت لفوق ودخلت جناح عزام .. وجلست في الصاله
اثار خلت رجل ع رجل والعصى جمبها وتصارخ : عزآآآآآآآآآآآآآآآآم
عزام كان في المسبح يتسبح ..وما يسمع شي ..
اثار : عزآآآآآآآآآآآآآآآآآآآآآآآآموه وينك؟
اثار بملل : عزآآآآآآآآآآآآآآآآآآآآآآآآآآآآآآم وينك
وقفت بملل ومسكت العصى وراحت عند الباب ضربت الباب ضربتين .. ودخلت
اثار تبطل باب الغرفه وعزام يبطل باب الحمام .. ودخلت وطلع
عزام من شافها انصدم "ذي شلي جابها هنا .." كان لاف المنشفه ع خصره وشعره مبلول وكله ماآآي
اثار حست انه حد طلع من الحمام وناظرت بلارض ولا رفعت راسها : عزام انت هنا وانا جالسه برع انتظر وانت حظرتك جالس وتسمع ولا ترد علي ..
عزام يسمع ولا رد عليها مشى لحد ما وصل عندها .. اثار من شافت رجله مبوله ماي ونص المنشوفه تناظرها ماتت من الاحراج " ويه الفشله مالت عليي وع حظري الردي ..بس انا شنو راح اسوي الحين وطلع ولا شنو "
عزام جرب يمها وابتسم وهمس في اذنها : طلعي وانا راح اجيج لاني ابي اتلبس ..ولا اقولج ظلي هنا بتلبس وبسولف وياج من دامنه انتي ما تشوفين عادي .... (وابتسم بخبث ) صح ولا انا غلطان
اثار خلاص دوروها ما تحصلونها من الاحراآآآآآآآآج .. ما قدرت تسوي شي غير انه رفعت العصى وضربته ع رجله بقوووه .. وعطته الظهر وبعدها قالت : استح ع وجهك انا مهما كان انا بنت عمك ولا يحقلك تكلمني بهذي الطريقه او حتى انك تقرب يمي .. فاهم ولا لا (وطلعت عنه)
عزام المته رجله بس ضحك ع كلامها .. وتلبس بسرعه (نشف شعره وبعدها لبس ثوب اسود مفصل ع جسمه وشماغ ابيض فيه نقاط حمر وعقال .. ولبس ساعته الماركه الفخمه وتعطر من افضل العطوره معاه .. وتكشخ وطلع)اول ما طلع وشاف اثار جالسه
عزام بحزم شوي : اثار ما ابيك تطلعين ابدا ولا حتى ابي اشوف ظلتج موجوده في البيت .. لانه ربعي الحين راح يجون وما ابيهم بشوفونج فاهمه ولا لا
اثار وهيه توقف : انشاءالله اوامر ثانيه استاذ عزام
عزام وهو يمشي عنها : لا بس روحي غرفتج
ركب المصعد وعيونه عليها ولحد ما نزل ......... واثار لو الود ودها كان ركضت وراه وضربته بالعصى اللي بايدها "يامر وينهي ع كيف كيفه .. حقير والله حقير اووووف شنو هذي الحياه اللي عايشتنها انا " وراحت بسرعه ركبت المصعد ونزلت وبسرعه راحت غرفتها بدلت ولبست ملابس نوم وصلت لانها كانت متااخر عليها ..ومن خلصت قرات اذكار وناامت
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في بيت رؤى ...

كانت منسدحه ع فراشه ع الجنب اليمين وتفكر بكلام اثااار ..
...........
أثار بتركيز معاها :سمعيني ابيك توضحيله يعني تضحكين معاااه او ع الاقل تسولفين معااه تعدلين علاقتج مع رمااح اخته .. وبعد ساعديهم في كل شي يحتااجوووله ..يعني اخذي واعطي معاااه في السوالف لا تخلين بينكم حواجز .. وبكذا راح يحس فيج يا الغبيه .. واذا قدرتي بعد اخذي رقمه بالمره ..صدقيني راح يبااادلج الشعوور نفسه بس انتي سوي اللي قلتلج عنه ....
........
رجعت من سرحانها وهيه تنقلب ع السقف .. " مستحيل اوضح له اي شي .. اصلا انا اعرفه اكثر منها انه ما يحبني كيف عاد تباااني اخذ رقمه .. وبعدين هذي الغبيه ما تعرف اني ما عندي تالفون .. هه لااااه وبعد تباااني اضحك وسوالف معاااه .. اصلا راح يعرفني اني راميه نفسي عليه .. خله يووولي اذا اهو يباااني ما عور ولا انه ما يشوووف جدامه .. وبعدين كيف بيباااني من بعد سواد الويه اللي سووويته .. لاحوووووول انا ما ابي افكر في هذا الموووضوع ابداً .." انقلبت ع اليساااار وغمضت ومن بعد محاااولات منها نااااااامت ...وهيه مقرره انها ولا تسوووي من اللي قالتلها اثااار عليه
°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في بيت يزن .. الساعه 12:05
حلا لبست العبايا بسرعه ولابس تحت العبايا ثوووب و..والجزمه (اكرمكم الله في الشنطه اليد مااالها )
وطلعت جري ع الدرج حصلت هناك امها
حلا بصوت رجولي وتتكلم بسرعه : يمه انا رايحه
الام باستغراب : وين رايحه في هذا الوقت ؟

حلا "لو طولت في الكلام اكيد الحين راح يجي يزن وما راح اطلع " تتكلم وهيه تمشي للباب : يمه صاحبتي مريضه جالسه في البيت وامها منومه في المستشفى لازم اروح لها ومحد معاها في البيت وانا بروح لها .. باي باي يمه لا تحاتين يمكن انام معها .. (وهيه تطلع ) باي
الام باستغراب " حلا ولا مره تكلمت عن صحباتها ..الله يستر من ذي البنت " :الله يكون بعون صاحبتج ذي المجهوله
....وطلعت ...
حلا ببرود : روح شارع...... عنوان ....... بسرعه لا تتاخر
وبعدها فصخت العبايا والشيله ولبست اللشماغ والعقال .. وطلعت كنها واحد من الشباب .. .."يالله بنشوف نهاية ايش هذي الحركات اووووووووف " وشوي ورن تالفونها
حلا بصوت فخم : الووو
خالد بعصبيه : انت وين لي ساعه انتظر ولحد الحين ما جيت
حلابضيق : اوووووووووووووف لا تجلس تزن تحت راسي .. كاني جاي في الطريق
خالد بضيق : انتظرك باي (وسك الخط بوجها )
حلا بعدت التالفون وشوي وبتكسره بايده : قسم بالله نذل .. لكن انا راح اعلمك السنع
............
في بيت عزام ....
الكل كان متجمع في المجلس ... تقريبا اكثر عن 17 شخص جالس وكل واحد يقول الكشخه لي انا .. وفي الوسط كان عزام جالس ويسولف ويضحك ...وشوي ورن الجلس حق البيت
خالد وهو يوقف " هذا اكيد مازن .." : عن اذنكم يا جماعت الخير هذا اكيد خويي
الكل : اذنك معاك
وطلع بسرعه
..........
حلا لسواق : بعد ساعه بلكثير تعال فآآآآآآآهم
السواق : فاهم بعد ساعه راح اجي
حلا بتهديد : يالله روح وما اوصيك ان بطلت فمك بكلمه راح (وهيه تسوي حركات ) اشقه لك فاهم
السواق :فاهم ماما
حلا بطلت عيونه ع كبرها وصرخت في وجهه : ماما في عينك يمال عيونك الطس طسهن انشاءالله ( الطس :يعني العمى )
السواق ارتجف بكبره وهز راسه ..
حلا وناظرت القصر وتضرب الجلس مره ثانيه " بل بل ما قصر .. هههه ما بيتنامالت علينا هذلا اللبيوت ولا بلاش " وشوي وتبطل الباب .. لحظات مرت
خالد طار وحظن حلا اللي ع باله مازن وضحك :اهلين وسهلين ومرحبتين وبوستين ع الخدين(وهو يبووووسه ع خده مرتين.. وبعد عنها)
حلا تناظره بنظرات قرف وهيه تمسح خدها بقوووه " وشنو ذا السلام التافه مالت عليك .. هذا من اولها ينعاف تاليها ..وع كرهتك " وقالت بغرور : هلا هلا فيك
خالد يناظره بتفحص وما عجبته نظراته ورفع حاجبه وقالت بصوت رجولي : اهلين فيك تفضل
حلا استغربت من انقلاب حاله.. بس ما اهتمت ودخلت ..
خالد مشى وراها ويناظرها بتفحص من فووووووووووق لتحتــ "هذا شفيه ههههه قصير شوي وجسمه غريب هههههه لالا يمكن هذا طبيعته كذا "
حلا وقفت شوي وقال بارتباك وصوت رجولي : اقول من داخل ؟؟
خالد بابتسامه : كل الشباب مجتمعين
حلا "يالله احس بطني يعورني اوووف ":كيف يعني كل الشباب ما فهمت ؟؟
خالد :لاوالله كيف ما فهمت كل الشباب يعني كل الشباب
حلا بضيق : كم واحد؟؟
خالد بشك :هوه تحقيق ؟؟
حلا بضيق منه :بتقول ولا برجع
خالد " لالا الولد فيه انَ ما خالي ": يمكن اكثر من 17 واحد
حلا "يا ويلي .." : انزين بقولك شي بس لا تقول حق حد
خالد قرب منها : قول ما راح اقول لحد
حلا تبلع ريقها :كيف اسلم عليهم ؟؟
خالد بلم بطل فمه وبعدها قال: هههههههههههههههههههه قسم بالله اني اشك فيك انك ريال
حلا عصبت منه : تستهبل انت .. مالت عليك .. اشوف بسرعه دخلني معهم
خالد قرب منها ومسك ايدها وسحبهامعاه المجلس .. اول ما دخل الكل التفت عليه وع اللي جمبه .. حلا اول ما ناظرت اشكالهم ونظراتهم لها " يمــه شنو هذا كله شبااااب ..أحم بسم الله شوووفو كيف ينااظرووون ...اجل كيف تبينهم يناظرووون ؟؟ استغفر الله " .
خالد بهمس : روح سلم لا تفضحنا
حلا مشت مشيه رجاليه وسلمت عليهم ع الخشم ..وخلصت وخلست اخر المكان جاء خالد وجلس جمبها ..
خالد بهس لها : شفيك كانك خايف ؟
حلا بضيق :ما فيني شي (وهيه ميته من الخوف )
خالد يناظره بنظرات غريبه : اهاا ..
وصارو يسولفون ويضحكون .. وهيه ساااااااااااكته .. وبعدها تعشو وخلصو ..وجلسو شوي وبعدها كل واحد راح بيته ..
خالد وحلا واقفين برع ...
حلا تتكلم مع السواق ومعصبه حدها : انت وين من متى متصل عليك وبعدك ما وصلت ... انزين بسرعه تعال ..(وسكت التالفون في وجهه )
خالد بابتسامه عريضه : شفيك تعالي معاااي راح اوصلك .. بصراحه اول مره واحد ما عنده سياره
حلا بضيق منه : انا انا ما عندي عندك مااانع .. لا تغثني بكلامك .
خالد ركب سيارته :اوكيه بآآآآآآآآي يا قمر
(خالد ...واحد وسيم .. ابيض له عرض وطووول رهيب ..شعره ناعم حيلات .. ..عيونه ناعسه شوي رموشه كثيفه وحلوووه مره خشمه طويل وضعيف .. وشفايفه مليانات شوي وورديات .. يسكن بروحه في شقه لانه اهله طاردينه ..عمره 25 سنه يشتغل مع عزام )
............
وصل السواق وحلا طاحت فيه لعن وسب مالهن اخر .. ووصلت البيت الساعه 1:34 .. والحمد لله محد لاحظها .. وراحت غرفتها وبدلت بسرعه ونآآآآآآآآآآآآآآآآآآمت ,,
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
يــــــــــارفيـــــــــــق العمــــــــــــر يـــــــــــوم انــــــــــك نويــــــــــــــت

تعـــــــــرف المكنــــــــــون فــــــــــي قلــــــــــــــب حنـــــــون

بأعتــــــــــــــرف بالصـــــــــدق لــــــــــــامنــــــــــي حكيـــــــــــت

بعتـــــــــــــرف بالحـــــــــق لـــــــــــو عنــــــــدي جنــــــــــــــون

فــــــــــي حيـــــــــاتـــي كــــــــــــل غالــــــــــــي مــــــا نسيــــــــــت

مثــــــــــــلكم يعــــــــــــز الراس مــــــــــا يهــــــــــــــون

المحبــــــــــــــه حـــــــــــــق كنــــــــــــك مـــــــــــــا دريــــــــــت

فـــــــــــــي صميـــــــــــم القـــــــــــــــلب دايـــــــــــــــمـ تســـــــــــــــــــــكنون

«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
وبعـــــــد مرررور سنتينــ ...(2)

مررررت الايام بسرعه .. ومرت سنتين ع ابطالنا بلمح البصر ..والان يمرون في اجاازه اخر السنه ..
.. :> منصور تعدلت حياته بس المصيبه اللي طاحت ع راسه انه فنشوه من الشغل بسبب اهماله .وعدم التزامه في العمل .. ( صار عمره 22سنه )
..."::\\لا جديد في حياااتها ...(ورؤى 20سنه) :> ..
:/ مع رماح ع حالها .. بس كل ما تذكر شامخ تبكي .. وقررت انها تنساه لانه ما سال عنها موليه .. :/ (وعمرها صار 24سنه )
:؛ صقر تتطورت حياته كثيررررررر وحصل ع شغل والحين هوه خآطب رونق ..:؛ ويحبها كثير وجريئا معاها ومسكينه هيه تستحي .. وهو يموت فيها .. :؛ (صقر عمره 22سنه.. ورونق 20سنه )
:× تركي لا جديد ع حياته بس كم مره يتذكر البنت اللي عند الشاليه .. ويبتسم بدون سبب وخاطر يروح يدورها .. وبالفعل راح الشاليه اللي حصلها فيه اول مره .. بس ما حصلها .. :× (عمره صار 24سنه )
:ـ محمد حياته لا جديد فيها ... :ـ (23سنه )
:! شهاااب توهق مع خاله .. وخاله اجبره انه يسافر معااه لباريس .. وسافرمعاه .. وراح يظل هناك لمدة تقريبا 8 اشهر .. لحد ما يخلص خاله شغله .. وراح يرجع معاه .. والحين هوه يشتغل مع خاله .. بس ما يداوم الا قليل ومعاشه يوصل له كل شهر ..ودخل معاهد كثيره علشان بس يتعلم اللغه الانجليزيه.. والحمدلله صار يتقنها بمهاره عاليه .. :!(20سنه)
:., عزام تحسنت كثير معاملته لاثار .. والضحك والسوالف والسهر وغيره .. وهو شاااك فيها انها تشوف بس ما متاكد .. ويريد يتاكد بس ما عارف كيف :.,(27سنه .. )
:./ اثار . وتريد تعترف لعزام انها تشوف بس خايفه :./( واثار 23 سنه وجريب راح تدخل 24 سنه )
:~ شامخ ..حالته تغيرت كثير بس الى الاسوء صار دايم الا سرحان وقليل الكلااام .. ودايم ضايق وما عارف شنو يسوي :~(27سنه ..)
:ـ× يزن كل يوم والثاني طاب ع بيت مصعب ..لانه عرف انه نور تصير من اهل مصعب وشامخ ..:ـ×(27سنه )
::> حلا تطورت حالتها مع خالد بس لحد الحين ما يعرفها انها بنت .. وهيه ما اعترفت انها بنت .. (22سنه ) والطعات والمطاعم والمشاوير وغيرررره .. دوم مع خالد ...بس خالد شاك فيه ومن تصرفاته ومن كلامه ..لكن يمشيها ع مزاجه .. :آ
:/، مصعب كل يوم راز وجه في بيت عمه حسين .. علشان بس يشوف ميثاق مره تخيب جياته ومره تصيب ..:/(27سنه )
ُ:] ميثاق كل مالها وتحب مصعب .. لكن من ترد لها حالتها .. تحسن نفسها شوي وبترجع من تذكر مصعب وتكرهه :] (23سنه )
:ـ؛ لمى وليالي .. كل يوم مقالب في الكل .. والضحك والمصخره ..:/،؛(20سنه )
..........................
اما الباقي حياتهم عاااااااديه .. لا جديد فيها .. ?
عبدالعزيز وعبد الرحمن ..(عمرهم صار 24سنه )
خزامي وقمر ونور العيون .. (صار عمرهم 23 سنه )
نصر وناصر ..(23 سنه )
حور (21 سنه .. )
عمر .. اخو نور العيون (15سنــه )
ونرجس وريا .. (عمرهم .. 10 سنوات )
.................
°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»

ضاع الهوى بسكات
غبتي سنتين
ما جاني منك وصات
حتى الخبر
غبتي عمر
وتوي أنا
أدري هوانا مات
بسكات

لا تنتظر
ما قلت يوم ليا غريب
لا تنتظر
كلمة وداع ما في عذر
ماهي ملام
صرخة حروفي
إنتهى عتب الغرام
بس الكلام
تمضي سنه
و توي أنا أدري هوانا مات
بسكات
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»

في بيت منصور الساعه 2 بليل الكل نااايم ..
ريا صحت من النوم وراسها مصدع وشوي وتبكي قامت وجلست جمب رماح وهزتها
ريا بالم : رماااح قومي ..
رماح في سابع نومه :..............
ريا تبكي لانه زاد عليها راسها : رماااااااااااااااااح قومي رااااسي يالمني قوووووومي
رماح لفت راسها الجانب الثاني وتضايقت منها ومن زنها تحت راسها: همممممممممممممم
ريا خلاص تحس راسها بينفخر : رمااااااااااااااااااااح حرام قووومــ (وطاحت فوق اختها مغمى عليها )
رماح من حست اختها سكتت فجاه قامت ومسكتها من ايدها .. بس انصدمت لا حركه منها ..
رماح بخوف : ريا شفيك قووووووومي
ريا :..........
رماح هزت اختها بس ريا ما تتحرك .. قامت رماح من مكانها بسرعه وطلعت برع وضربت باب بقوه ع منصور .. قام منصور بسرعه خايف وطلع لها
منصور متفاجا : خير شنو صاير .. ؟؟
رماح متوتره : ريا طاحت ما ادري شفيها
منصور بسرعه راح داخل وصار يهز اخته بس ما تتحرك ..
منصور بخوف ومرتبك حده: سمعي انا بروح انادي تركي .. وانتي لبسي عباتج بسرعه
رماح هزت راسها بايجابيه .. وراحت تلبس
منصور طلع برع بسرعه .. وراح ع بيت تركي وضرب الباب بقوه
وطلع له تركي مستغرب من اللي يضرب الباب في هذي الحزه .. بس انصدم من شاف منصور حالته حاله
تركي بخوف : شنو شصاير ..؟؟
منصور بسرعه يتكلم : تركي الله يخليك ابيك تاخذني المستشفى ريا مدري شفيها (وراح عنه يركض البيت )
تركي بسرعه دخل ولبس ثوب ع السريع وطلع وركب سيارته .. وشوي وطلع منصور وحامل ريا بين ايده ورماح وراه تمشي بخوف وتبكي.. وركبو السياره رماح وراء وفوقها ريا اللي باين عليها ارتفعت حرارتها .. ومنصور جمب تركي وكل ثواني يلتفت ع خواته .. وتركي يمشي بسرعه بسياره ..
ووصلو المستشفى وبسرعه ع الطورى .. ودخلو ريا غرفه معاها الطبيب ومنصور وتركي ورماح ظلو برع ويدعون ربهم انها تقوم بسلامه ..
بعد تقريبا ربع ساعه طلع الدكتور .. طار له منصور
منصور بتوتر : هااه بشر دكتور ؟؟
الدكتور : احنا اللي علينا خذينا لهاا فحوصات .. ونشاءالله بعد ساعه بلكثير تظهر لنا النتيجه ..(ابتسم لهم وراح )
ودخلو عليها منصور ورماح... وتركي ظل واقف برع .
ر ماح تحظن اختها وشوي وتبكي : ريا حبيبتي لا تخافين انشاءالله راح تقومين بسلامه ..(ريا مركب لها المغذي في ايدها وعاطينها ابره ونااااااايمه )
رماح تلتفت ع اخوها :منصور قلبي ما مطمن ابدا ..
منصور قرب منها وحوطها بايده ع الجانب : لا تحاتين انشاءالله راح تقوم بسلامه
رماح بالم وحزن ع اختها : انشاءالله
منصور طلع مع تركي وظلو جالسين لحد ماجات الساعه 3 .. وطلعت نتيجت الفحوصات .. وجاء الدكتور لهم علشان يباشر بحالت ريا ..ودخل وطلعت رماح .. وبعد 10 دقايق طلع ..
منصور :بشرني دكتور ع اختي .. ؟؟؟
الدكتور بضيق :ادعولها تقوم بسلامه
رماح حست قلبها انقبض وصارت تتنفس بصعوبه :شتعني .؟؟
الدكتور :لازملها عمليه لورم في راسها .. بس لا تخافون هوه حميد له علاج ..
رماح بصدم وطاحت ع الارض حست رجلها ما شالتنها : شنووووووووووووووو ..؟؟ ورم يعني سرطان لاااااااااااااااا .. (وصارت تبكي بحرقه )
الدكتور : هدي يا اختي انشاءالله راح تقوم بسلامه
منصور منصدم يحس انه ما قادر حتى انه يتكلم او انه يتحرك .. وتركي نفس الحاله صدمته ما اقل من صدمت منصور
الدكتور : يا جماعت الخير ادعوها تقوم بسلامه ..لكن ع حسب الفحوصات اللي عندي اذا ما قدرنا نعمل لها عميله لمدت 10اشهر راح يتطور هذا الفيروس وبعدها ما راح نقدر انه نعمل اي شي الا بس علاج بلكيمااوي
تركي يسمع كلام الدكتور وكانه فولاذ يطيح ع راسه من الصدمه
الدكتور :.. اتمنى انكم تستعجلون فيها العمليه لانه من مصلحت صحت اختكم ..عن اذنكم (وراح عنهم )
رماح خلاص حس نفسها راح تموت من البكي ع اختها الصغيره .. " آآه ياربي شنو بعد باقي امي وابوي راحو .. واختي الحين اشوفها جدام عيوني تروح وما قادره اسوي شي .. شنو الدبره يا ربي .. يآآآآآرب تساعدنا يارب "
... ظلت رماح طول الليل عند اختها في المستشفى ومنصور وتركي راحو اللبيوت .. وظل تركي مع منصور طول الليل لحد الفجر .....
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
يوم ثاني جديد .. في بيت شامخ .. الساعه 11 الضحى
نزل شامخ وشعره منفوش وصوته كله نوم وجلس جمب امه اللي كانت جالسه في الصاله : صباح الخير يمه (وحبها ع راسها)
الام بابتسامه : صباح النور يا ولايدي..
شامخ تم ساكت ويفطر ..ويناظر التالفزيون
الام خلت ايدها ع ايد شامخ : شفيك يا ولايدي حالك ابد ما عجبني .. فيك شي ؟؟ يالمك شي ؟؟
شامخ ناظر امه ببرود: لا يمه ما فيني شي
الام بابتسامه : تخبي عن امك يا شامخ..قولي شفيك ؟؟
شامخ ناظر التالفزيون : ما فيني شي ..(وقام ) عن اذنج يمه بروح اشوف شغلي
وراح عنها .. والام حزنت ع ولدها الوحيد ..ما تعرف شنو فيه .. صايردايم ساكت وقليل يتكلم .. ?
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
بيت العم حسين .....
عبدالعزيز نايم .. وشوي يسمع ذا الصراخ واللهواش .. مسك الوساده وتغطى فيها ع وجهه .. بس الصوت كل ماله ويزيد .. قام معصب (كان لابس بجامت نوم كحليه وشعره منتفش وطايح ع جبينه وعاقد حواجبه بعصبيه ) وطلع بس استغرب كان المكان هدوء .. دخل غرفته بس زاد استغرابه انه الصوت الصراخ في غرفته .. " الصوت هنا بس وين .. يعني شنو غرفتي مسكونه " بس قرب من ع البلكون واكثر زاد الصراخ .. بطل الستاره وبعدها بطل البلاكون .. بطل عيونه ع كبرها وهو يشوف هذي البنت تصارخ ع حرمه كبيره شوي في السن .. " لالا هذا البيت كان من كم شهر محد فيه متى جو هنا يسكنون .. وانا ما ادري " شوي وطلعت الحرمه الكبيره من الغرفه شكلها معصبه وظلت البيت شوي واقفه وجلست ع السرير بضيق .."هههههه لالا لا يكون هذي غرفته مجابله غرفتي .. " كانت بلكونت البنت قريبه كثير من بلكونت عبدالعزيز بس خطوتين وراح يتشابكن الغرف .. " اكلمها ولا اخليها .. خخخخخ لالا خلاها شكلها مصعبه واخاف ترمي حرتها فيني " دخل وسك البلكونه .. ورجع ينام ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في حارة منصور ..
صقر كان طالع وكاشخ يريد يروح الدوام " بروح اشوفها .. لي يومين ما شفتها .." وراح عند بابهم وقبل لا يضرب الباب طلعت هيه ..لما شافته قلبها صار يضرب بقووووه ..
رونق بصدمه : صقر !!
صقر بابتسامه عريضه: اخبارج يا قلبي ؟
رونق ابتسمت بخجل ونزلت راسها وقالت بهمس : بخير
صقر يناظرها باعجاب ومبتسم : اممم انا بخير الحمدلله
رونق استحت لانها ما سالته عن اخباره : شنو تبي ؟
صقر يناظر البيت وبعدها ناظرها : من داخل ؟؟ وانتي وين رايحه ؟؟
رونق ما عارفه شنو تقول : هااه البيت محد فيه .. وانا رايحه مع رؤى
صقر ابتسم ابتسامه عررررريضه : اهاا قلتيلي محد في ..(ودخل وسك الباب مع ابتسامه عريضه .. )وبعدين شنو تبنها رؤى وانا وياج
رونق ماتت من الاحراج نزلت راسهاولما شافته دخل وسك الباب طيرت عيونها فيه منصدمه : صقر لو سمحت اطلع برع البيت ما فيه حد.. اخاف حد يرجع ويشوفك هنا
صقر تكتف وبوز بشفايفه زعلان : انا خلاص زعلان .. زوجتي تطردني
رونق ذابت من سمعته يقول زوجتي قالت بنعومه :صقر والله ما كان قصدي بس انت تعرف كلام الناس
صقر مسك ايدها وسحبها داخل : تعالي وانتي ساكته
رونق تمشي وراه وتناظر ايده ماسكه ايدها .وابتسمت بينها وبين نفسها ... صقر دخل داخل وجلس في الصاله وسحبها بقوه وطاحت جمبه كانت قريبه منه كثيرر
رونق عصبت عليه ودفته بقوه :صقر شفيك بتكسرني
صقر مات ضحك عليها وع وجها المعصب : هههههههه .. امزح وياج ..(وقال ويناظر بنص عيون) اشوف طلع صوتج الحين ..
رونق قامت وجلس بعيد عنه شوي وتفشلت من طريقة كلامها معاه : ههه صقررررر .. والله انت اجبرتني اعصب ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
بيت عزامـ ..
كانت نايمه فسابع نووووووووومه.. وشوي ودخل الغرفه وبطل الباب بطول ايده وع ملاح وجهه احلا ابتسامه ..
عزام بابتسامه وهو يبطل ستاره حق البلكونه : يا الكسوله قووومي
اثار اول ما دخل ضوء الشمس في الغرفه بسرعه اثار تغطت بالبطانيه .. وقالت بضيق : سوااار يعساج العمى غلقي البلكونه ... انتي عميى ما تشوفيني اني نايمه
عزام ناظرها مستغراب والف علامة استفهام ع راسه .. بعدها اغلق الستاره .وهو يناظرها ..اثار بعدت البطانيه عنها .. عزام من شافها بطلع راسها فتح الستاره بسرعه .. اثار عصبت وبعدت البطانيه بعصبيه وجلست ع حيلها معصبه
وقالت بعصبيه وهيه تناظره (ع بالها الخدامه ) : انتي شنو ما تـــ ( وسكتت وهيه تركز من اللي جدامها .. بعدها بانت لها الصوره انه عزام بطلت عيونها ع كبرها .. ) عزام انت شنو تسوي هنا ؟؟
عزام تكتف وناظرها بنظرات يطاير منها الشرار ..
اثار بلعت ريقها بصعوبه .. ونزلت راسها وما تكلمت " يمه اكيد عرفني .. ووويه انا والله غبيه بس هوه ليش دخل هنا .. اووف عاد الحين شنو يفكني من اسالته "
( اثار كانت لابسه قميص حرير اصفر معاه البنطلون الاصفر له جيوب من الخلف .. وكان القميص ازراره مفتوح منها ثلاث .. يعني صدرها شوي عاري .. وشعرها ما لافتنه ومنتفش من النوم بس عاطنها انوثه طاغيه وبراءه مرره حلوه ) ( اما عزام كان لابس بنطلون كحلحي وله سير اسود .. وقميص اسوود ضاغط بدوون اكماام .. وشعره مرتبنه ومشطنه ع الخلف .. وبلا جزمه )
قرب منها عزام وجلس ع طرف السرير وعطاها الظهر وقال ببرود : قولي الصدق من متى انتي تشوفين ؟؟
اثار رفعت راسها وهيه تسكر ازرار قمصه بربكه وقالت بتوتر : ما ادري ..
عزام لف عليها بعصبيه وصرخ في وجها : كذآآآآآآآآآآبه بتتكلمين ولا كيف ؟
اثار اول ما سمعت صرخته بسرعه مسكت البطانيه وتغطت بكبرها وقالت بهمس : عطني الامان وبعدها بقولك
عزام بشوي عصبيه :عطيتج الامان قولي
اثار بعدت البطانيه بشويش وقالت بابتسامه تذبح :ههه من زمان تقريبا من اربع سنوات او اكثر
عزام بطل عيونه ع كبرها "بل وكل السنوات اللي فاتت وانا ع بالي انها ما تشوف .. الا من فتره قصيره وكنت بعد شاك فيها "ووقف :زين .. ع العموم انا جاي اقولج انه السياره تحت راح تروحين المشغل تتجهزين .. وجايبلج فستان ع ذقوي
اثار جلست مستغرب : ليش ؟؟
عزام وهو يمشي علشان يطلع : واحد من ربعي راح تجي مرته تبي تتعرف عليج وابيج تجلسين معاها .. انزين (طالعها بنظرات غريبه .. وبعدها طلع عنها )
اثار صرخت كانها تذكرت شي : عزاآآآآآآآآآموه تعال
دخل عزام بضيق : خير نعم شتبين ؟؟
اثار وقفت وتكتفت بايدها : انت من سمح لك تدخل غرفتي كذا لا تضرب الباب ولا غيره ..
عزام يخلي صبعه السبابه ع راسه : كيفي بيتي ادش واطلع في اي غرفه ابي .. ليكون عندج مانع استاذه اثار
اثار تجدمت منه ووقفت مجابلتنه :لا والله .. انت ما تستحي ع وجهك.. هذي غرفة بنت عمك (وهيه تركز ع كلمة عمك) داخل كذااا .. عــــــــيب عيــــــب عليك استح
عزام تخصر بايد وقال : لا والله.لالا تقنعيني انج تستحين مني (ناظرها من فوق لتحت)انتي وين والمستحى وين. وبعدين بنت عمي الحين صرتي ..اول تقولين (ويقلد صوتها ) انا اعتبرك اخوي (وعدل صوته ) حتى الحين اعتبريني اخوج .. عادي ما تغير شي
اثار انجلب وجها من طريقة كلامه : عزاموووه اطلع برع
عزام بغياض :وانَ ما طلعت شنو راح تسوين ؟؟
اثار اغتاضت منه وقالت ببرود :ما راح اسوي شي
عزام ابتسم شوي وراح وجلس ع السرير ونسدح :اوك .. ع بالي بعد
اثار بطلت عيونها ع كبرها :قوم يا قليل الادب ..
عزام تغطى بكبره حتى راسه ولا رد عليها ..
•.¸¸.•°°•.¸.•°®».¸.•°°•.¸¸.•° °•. ¸.•°®»
في بيت مصعب..
كانو كلهم جالسين .. (ام مصعب وابو مصعب ومصعب وليالي ولمى وقمرر )
ليالي بابتسامه عريضه: يبه ابي اكلمك في موضوع
جاسم (الاب ) ناظرها بنص عيون : قولي شنو معاج
ليالي بفرح قامت وجلست جمب ابوها وحظنت ايده :يبه حبيبي .. نبي نسافر لاي مكان
لمى طشت من مكانها وقالت بحماس : آيه يبه نبي نرووح .. عاد الحين اجازه ونبي نسافر
قمر تشجع وياهم :الله يخليك يبه .. عفيه وافق
جاسم ببرود وهو يناظر الجريده اللي بايده : خلصتو
مصعب بغياض وابتسامه خبيثه يناظر خواته ويرفع حواجيه :لا يبه ما نبي نروح مكان .. خلنا مكانا احسن
ناظرته ليالي ولمى وقمر بنظرات يطاير منها الشرار ..
ليالي بعصبيه : انت اسكت ولا تتكلم ... ما نبي نسمع ولا نفس منك
مريم قالت بعصبيه : ووجع ليلوووه ... احترمي هذا اخوج الكبير عيب عليج تكلمينه بهذي الطريقه
مصعب انشق من الوناسه وناظر ليالي ورفع لها حاجبه اليسار .. ويغايضها
ليالي بوزت زعلانه ولا ردت عليهم ..
صار المكان هدوء .. بعدها قال
جاسم وهو يشرب الشاي وببرود تآآآم ويذبح : الحين خلصتو
الكل : آيه
جاسم ابتسم ونزل الجريده والشاي ع الطاوله وناظرهم :لا بروح لا سفره ولا غيره
لمى بضيق : ليش يبه .. ؟؟
ليالي بعدت عنه وشوي وتبكي :افا يبه ليش حرام
قمر : لا عاد يبه لازم نطلع مكان مايصير نقضي الاجازه في البيت بس
جاسم بابتسامه وتناظرهن : انزين انتو ما خالاتوني اكمل كلامي
البنات : كمل
جاسم بفرح : راح نروح شهرين كاملات .. (وتناظر ردت فعل بناته ومرته وولده )اممممم مزرعة ابوي
الكل انصدم ما توقعو انه في يوم من الايام راح يروحون المزرعه ....
مريم بصدمه :المزرعة ما غيرها
جاسم هز راسه بالايجابيه
مصعب باستغراب : يبه جدي دوم ما يريدنا نروح له شمعنا هذي المره
جاسم رفع كدوفه بمعني ما ادري : هو اتصل امس وقال انه يبيكم وهو وامي تروحون المزرعه وتقضون الاجازه معاه ..
قمر بتسال : بس يبه بروحنا .. ؟؟
جاسم طفر من اسالتهم :كلنا يبنيا .. بمعني انا وعبدالله وحسين واحمد ويـوسـ (وسكت وابتسم بالم ) وكل واحد واولاده .
مريم "هيه يا جاسم لحد اليوم ما ناسنه..صدق يوم قالو انه الظفر ما يطلع من اللحم " وابتسمت له
جاسم " الحمدلله اني بلعتها ولا كملت .. ولا سين وجيم .. اووف ويش عاد يفكني من اسالتهم "(ناظر بمرته وعرفها انها فهمت له ..وابتسم لها وسكت )
مصعب ناظر بامه تناظر بابوه وتبتسم وبعدها ناظر بابوه يناظر بامه ويبتسم
مصعب : هههههههههههههههههه شفيكم تطالعون بعض ..كان تتكلمون بلعيون وناوين ع شي روحو غرفتكم هناك
مريم ستحت ع تعلق مصعب : استح ع وجهك يا ولد (وقامت وراحت عنهم المطبخ )
جاسم ناظر بمريم لحد ما اختفت وابتسم ع مستحها ..وبعدها رفع الجريد وجلس يقراء
قمر قامت : انا بروح ابشر البنات .. بس يبه متى راح نتحرك نروح المزرعه
جاسم يناظر الجريده : بعد خمس ايام ..
راحت قمر وليالي ولمى فوق ....... ومصعب استاذن عن ابوه يروح مع شامخ .. ?
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في المستشفى ..
رماح كانت طول اليوم مع اختها .. وجالسه ع كرسي كل ما تتعب راحت تمشي برع وتبكي ع حالها وع حال خوانها .. جالسه ع الكرسي بتفكير ومخليه ايدها ع خدها وسرحانه " الحين شنو راح اسوي لازم ادبر اللفلوس بسرعه بس كيف ؟!!.. اللبياعه ما تجيب حتى ربع المبلغ ..والحين منصور مفنش من العمل .. اوووف يارب ساعدني .." وصارت تفكر وتفكر بعدها نطت بفرح وضربت بايدها مع بعض بفرح
رماح بفرح : حصلتهاا ..(وقالت بحزن ) بس وين وين راح احصل ع هذي الشغله ..اوووف
وشوي ودخل منصور : السلام عليكم
رماح : وعليكم السلام
منصور جلس ع حافت السرير ويناظر باخته بحزن ومسك ايدها: شخبارها اليوم ؟؟
رماح بضيق : الحمدلله ع كل حال
منصور يناظر رماح :ما صحت ؟؟
رماح : آيه صحت توها وتعبت شوي وجاء الدكتور وعطاها ابره ونامت
منصور اكتفى بهز راسه بايجابيه
رماح تناظره وقالت بتوتر : منصور ابي اكلمك بموضوع
منصور ناظرها باستغراب : قولي
رماح تبلع ريقه : انا بصراحه فكرت في موضوع اللفلوس .. وانا انشاءالله راح ادبرهن بست اشهر
منصور استغرب ونزل ووقف مجابلنها : كيف ؟؟ ما فهمت !!!
رماح بتردد : انا راح اشتغل في اللبيوت ..
منصور بطل عيونه ع كبرها : شنوووووووووو ؟؟ يعني شغاله .. تخدمي في اللبيوت ؟؟!!!!!!
رماح غمضت عيونها " اوووف عاد هذا شنو يفهمه .." وفتحتها وقالت بضيق : آيه ..يعني شغاله ...
منصور عصب عليها :خلصن الاشغال علشان تشتغلين شغاله .. مستتحيل
رماح عصبت عليه :شنو بالله نسوي .. اناظر باختنا لين الله ياخذ امانته واحنا نتفرج .. منصور اسمعني عدل .. لا تظن اني راضيه اني اشتغل في اللبيوت .. بس انا مستحيل اشوف اختي تموت جدام عيوني وانا ما اسوي شي .. انت لو كان ما مفنشينك من شغلك كان بعدها اهون .. لكن ماشي غير هذا الحل .. ولا تجلس تناقشني فيه من اليوم بروح ادور ع الشغل (وجلست ع الكرسي بعصبيه .وخلت رجل ع رجل وتكتفت بايدها .. بمعنى لا تناقشني اكثر)
منصور تنهد بضيق ." اوووف يا ربي افرجها علينا .. لكن رماح معاها حق ماشي غير هذا الحل ..":يعني انتي مصره ؟؟
رماح بضيق : آيه وما في باذني ماي
منصور قال بضيق : توكلي ع الله ..وانشاءالله تنحل والله يفرجها لنا
رماح " الحمدلله انه ما ناقش كثيرر .." :اليوم انشاءالله العصر راح (وتبلع ريقه صعبه عليها تطلعها )ادور ع شغل
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في باريس ... في الاوتيل
نآآآآآآآآيم في سابع نووومه .. وشوي سمع صوت التالفون كل دقيقه ويرن .. رفع راسه وفتح عيونه وحده وناظر التالفون .. المتصل خالي سعوود ..
شهاب بتعب دفن راسه في المخده : اوووووف شيبي ذا ؟؟؟
رد ع التالفون
(خاله اسمه سعود عمره 33 سنه .. واللي يشوفه يعطيه 28 سنه .. جميل حيلات ابيض اسلوووووبه بآآآآآرد ثلج ..طويل وعريض ..ابتسامته روعه .. ..حبوب )
سعود بعصبيه ضرب ايده ع طاولة المكتب وقام من مكانه وكانه شهاب جدامه : آنت وين .. انا من متى اتصل وانت تغلقه في وجهي ..
شهاب ببرود يذبح متعمد : هلا خالي .. شبغيت ؟؟
سعود يبلع القهر اللي فيه وتنهد تنهيده طويله وكانه يشفط الغصب : شهاب تعال الشركه احسن لك لا اجي هناك وامردغك ..(امردغك يعني اضربك )
شهاب كتم ضحكته ع خاله : من عيوني ثواني وانا اكون جدامك في المكتب
سعود ما رد عليه سك التالفون في وجهه ..
شهاب مات من الضحك عليه وبعدها قام بكل برود .. ودخل الحمام (اكرمكم الله ) وخذ شور .. وحلق وضبظ السكسوكه .. وطلع ونشف شعره ..(شعره طولان كثير ..واصل لاخر رقبته وجاي كانه مثلث من عند اول الرقبه كثيف وهو نازل متوسط بعدها ضغيف وبعدها من تحت مثل الدبوسه .. وطالع عليه لووووووووول ..ومن ع جبينه واصل لعند حواجبه .. ومعرض وله عضلات يهبلن ع جسمه ..لانه يحمل حديد من فترره طوويله ..وطويل حيل وسكسوكته اللي عاطتنه حلاه اكثر) لبس قمص زيتوني بدون اكمام وله كاب من الخلف .. وبنطلون ابيض حده ستآآيل (وين اول وين الحين .. ههه الحين مدلع من وراء خاله يشري له ملابس بلهبل وكل اللي يبيه يجيبه قبل لا يطلب ..لانه سعوود كثيرر يحب شهاب مثل ولده ويمكن اعز ) ولبس جوتي ابيض سبورت ..ومشط شعره (وهو يصفر ) نزل شعره ع جبينه ومشطه من الخلف عادي ومسك كاب زيتوني ولبسه ولفه ع وراء وطلع شعره من جدام ولبس نظارته الشمسيه الماركه ..ومسك التالفون ولبس السماعه وخلا اغنيه وطول عليها كلها ولبس ساعته الماركه .. وبطل درج السرير وطلع علكة وكلاها ..وتم واقف يناظر نفسه ع المرايه ..وصار يرقص ماد ايده ع جدام وينزل ويرتفع .. وشوي يضرب رقبه .. (تخبل الولد ) وضحك ع شكله .. ومسك مفتاح سيارته وطلع .. وهو يصفر وهو يناظر الرايح والجاي ويتبسم .. دخل ايده في جيوبه ومشى ركب اللاصنصير ونزل تحت .. خذ له كوفي وطلع وركب سيارته الحمراء الكشف السبورت .. ونزل السماعه وطول ع مسجل السياره كآآمل وصار مزعج عند الاخرين وكان مخلي اغنيه ..(اموت انا فعيونه .. ) ويضحك ع اشكالهم لانهم مو فاهمين شي من اللي تقوله الاغنيه ..وقف عند اشارت مرور ..والتفت ع اليمين وناظر بالبنات اللي في السياره كانت سياره ورديه كشف والبنات جالسات ع الحد حق السياره .. شهاب نزل النظاره شوي ورفع حاجبه اليسار وابتسم .والبنات ردن له الابتسامه . وبعدها رفع النظاره وصار يردد مع الاغنيه ..
شهاب ويحرك ايده في الهواء كانه يرقص (بعدها حرك السياره لانه صارت الاشاره خظراء .. والكل مستغرب منه ومن تصرفاته )
وبعد فتره وصل الشركه .. ودخل الشركه .وجلس ونزل النظاره وخلا رجل ع رجل بكل غرور عند السكرتيره ..
شهاب يناظره بنظرات تذبح : هآآآآآآي يا قمر
السكرتيره ابتسمت له بس ما عرفت شنو قال الا بس هاي
شهاب بضيق مع ابتسامه :كان والله ودي اجلس معاج بس انتي تعرفين وقتي من ذهب
السكرتيره خلاص بلمت ما عرفت شنو يقول ..
شهاب : هههههههههههه شفيج تناظريني كذا .. (قام ورفع ايده ع راسه يسويلها سلام )بآآي يا الجيكره
ودخل ع خاله
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
بيت عبدالله ..
في المكتب .. كان جالس وساند ظهره ع كرسي بتعب وماسك القلاده ..وعاطي الباب الظهر ومجابل النافذه..
شامخ " آآآآآآآآآه وينج والله اني شتقتلج كثيررر .كثيرررر ..آه يا رماح لو تعرفين باللي صار فيني والله اني ما اطيق حتى نفسي من دونج .. ولهت عليج كثيرر ..لكن لا انا اليوم العصر لازم اروح اشوفها احسن ع الاقل اريح قلبي .. لكن ما ااعرف بعدها ذاكرتني ولا نستني .. لالالا ما اتوقع انها نستي.. وليش ما تنساني لي اكثر من سنتين ما شفتها اكيد راح تنساك .. لكن رماح ما من طبعها تنسى للي دخلو حياتها بسهوله ..اوووف انا لازم اليوم اروح واشوفها واللي فيها فيها "
شوي وقطع عليه ضرب ع الباب ..
شامخ التفت ع الباب ودخل القلاده في الدرج : تفضل
دخلت خزامي وايناس فرحانات وجلسن ع الكراسي
خزامي بفرح وتناظر اخوها :شامخ ما سمعت اخر خبر ؟؟
شامخ استغرب منها : لا شنو ؟؟
ايناس بسرعه وبحماس : حيدر يبينا نروح له المزرعه ..(وبعدها قالت بغرور ) اوين مشتاق لنا ويبينا ناجز معاه
شامخ :؟؟؟؟؟؟؟؟؟؟؟