رواية لا ما أرضى بالمذله ولا عاش من قلبي يذله الفصل الحادي والعشرون 21 - بقلم غير معروف

خزامي عصبت ع اختها : استحي ع وجهك هذا جدج سميه جدي (وتقلد صوتها ) حيدر يبينا نروح له المزرعه
اياس ببرود وتبتسم : عاآآدي
شامخ : الحين فهمني شنو السالفه ؟؟؟
خزامي بابتسامه : انا بفهمك ..شوف يا سيدي ..جدي اللي هوه حيدر ..متصل ع عمي جاسم وقايلله انه يبينا كلنا من صغارنا لكبارنا .. علشان نقضي معاه شهرين في المزرعه .. ليش محد يدري
شامخ بتفكير : اهاااااااا
شوي ودخلت امهم ..
شيخه وهيه واقفه عند الباب : يمه شامخ مصعب يببك في المجلس ..
شامخ وهو يوقف : ان شاءالله يمه جاي الحين
طلعت امه ..
شامخ مسك خواته من ايدهن وطلعهن وراه ..
شامخ وقف عند الباب وسكاه : يالله كل وحده ع غرفتها ..
ايناس تاففت وراحت وخزامي راحت وراها ..
وراح شامخ المجلس .. وسلم عليه
شامخ وهو يجلس جمبه : شخبارك ؟؟
مصعب بابتسامه :بخير الحمدلله .. وانت شنو اخبارك ؟
شامخ يهز راسه بضيق: بخير الحمدلله ع كل حال
مصعب عرف انه فيه شي : شفيك شامخ ؟
شامخ ناظر بمصعب مده وبعدها قال بحزن طلع من قلبه : مصعب شتقتلها
مصعب عرف انه يعني رماح (لانه يعرف كل شي عن شامخ ) خلا ايده ع رجل شامخ يهديه :ان شاءالله راح تشوفها
شامخ مسك ايد مصعب وشد عليها وسند راسه ع وراء : قلبي ما مطمن .. احسها فيها شي .. او اني (وسكت يبلع ريقه ومتردد يقولها ) ما راح اشوفها مره ثانيه
مصعب بابتسامه مرح : وان قلتلك انك راح تشوفها ..
شامخ التفت عليه بسرعه : كيف ؟؟ شلون ؟؟
مصعب " ويه كاني توهقت " :خلها علي .. بس لين نرجع من المزرعه .. وابشرك انك حتى انك راح تمل منها
شامخ ابتسم حس براحه من كلام مصعب له :آه انا امل منها مستحيل .. انت ما شفتها يا مصعب (وسند راسه يتذكر ويتكلم ولا حاس )عيونها تجنن خضراء كل ما خليت عيوني في عيونها احس نفسي فوق فوق .. ولا ضحكتها اللي تبرد ع القلب وخاطرك بس تسمعها وماتبي تسمع غيرها .. ولا شعرها اللي يوصل لاخر ظهرها اللي سواده مثل سواد الليل ..ولا طولها ولا مشــ (وسكت وكانه تذكر انه حد جمبه التفت ع مصعب وحصله مخلي ايده ع خده ويطالع فوق ومبتسم وسرحان ..عصب عليه ) مصعب
مصعب نط بسرعه عنه : هاااه
شامخ بعصبيه شوووي: تستهبل انت ..
مصعب وقف : شنو ما سويت شي
شامخ بضيق :يعني ما تسمعني اتكلم عنها ليش ما تسكتني هااااااااااه
مصعب وقف وابتسم : والله تصدق من وصفك لها عجبتني
شامخ وصلت معاه مسك المخده اللي جمبه حقت الكنب وفرها ع راس مصعب : استح ع وجهك تقول عنها كذا لا وبعد جدامي
مصعب مسك المخده من الارض وابتسم :احسن اتكلم عنها جدامك ولا من وراك (وفرها ع وجه شامخ )
شامخ قام له وهو ماسك المخده : والله انت قليل ادب ويبلك ادب من جد وجديد
مصعب راح الجانب الثاني من المجلس ومسك المخده الثانيه :لو فيك خير جرب تربيني ههههههههه
شامخ ركض له وهو يضحك عليه .. وصارو يتفارون بلمخاد مثل اللبزور ويضحكون ..
مصعب فر المخده ع شامخ وجاته ع راسه (وصار شعر شامخ منفوش ) : ههههههههه شوف شكله
شامخ ركض له .وهو يضحك .. ومسكاه من قميصه ورماه ع الارض ..وخلا المخده ع وجهه ..
مصعب يمثل انه يرافس وتطلع روحه .. وبعدها وقف عن الحركه .. شوي ودخلت شيخه كاانت ماسكه الصينيه فيها شاي وبعض من الحلويات لهم
شيخه اول ما شافت شامخ جالس ع بطن مصعب وخانقنه بالمخده ..خلت الصينيه ع الارض بسرعه و راحت تركض
شيخه بخوف : شامخ وخر عن الولد ذبحته
شامخ يضحك ع شكل امه وقال وهو اكثر يزيد ع الضغط : لا يمه بعدها روحه عند حلقه ما طلعت .. خليني اكمل معروفي واطلعها
مصعب ميت من الضحك ولا يتحرك بس قرص شامخ من رجله .. شامخ نقز شوي وكاتم ضحكته
شيخه تضرب خدها : قووووووووووم الولد مات .. (ومسكت قميصه وشدته وقام شامخ ) وخر عنه
شيخه وخرت المخده بعيد وناظرت بمصعب (كان مطلع لسانه شبر ومبطل عيونه ع كبرها ) شيخه خلاص بتموت من الخوف
شيخه بصراخ :شامخ ذبحت الولد
شامخ بتمثل راح يركض لمصعب :هااه يمه ماات ..(مسك مصعب من قميصه وجلسه ودفن راسه في صدره وصار يضحك بدون لا يطلع صوت ) مصــــــــعب لالا لا تموت وتخليني
شيخه خلاص بتبكي : يا ويل حالي .راح الولد
مصعب خلاص ما قدر يستحمل رفع راسه ونسدح ع الارض : ههههههههههههههههههههههههههه شفيك خالتي نمزح معاج هههههههه
شامخ انسدح جمب مصعب : هههههههههههههههه ويه امي خوافه ههههههه .. حلو حلو المقلب ههههه
شيخه عصبت عليهم :والله الجسم جسم بغل والعقل عقل نمله .. (وراحت عنهم وهيه فرحانه ع ولدها من فتره ما شافته يضحك كذا )
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
رونق قامت وجلس بعيد عنه شوي وتفشلت من طريقة كلامها معاه : ههه صقررررر .. والله انت اجبرتني اعصب ..
صقر قرب يمها اكثر وابتسم لها وقال بهمس : شفيج بعتي خآيفه ؟
رونق ارتفعت درجه حرارة جسمها : هاااه صقر واللي يسلمك لا تقرب
صقر وهو اكثر يقرب ومبتسم : وانَ قربت شنو راح تسوين ..؟؟
رونق ابلعت ريقها بخوف وجبينها بتصبب عرق وقلبها طبول وابتسمت مجامله : صقر تعوذ من بليس ..
صقر بابتسامه خبث وصار ملاصقنها وصدره ع زند ايدها :ليش اتعوذ انتي خطيبتي وزوجتي .. وعادي لوو (وسكت وابتسم وهو يناظر كل تفاصيل جسمها )
رونق خلاص بتطلع روحها من فمها ووجها صار احمرر وقالت بهمس : لالا صقر كـ ..كـ كل شي في وقته
صقر حوطها بايده ببطى وابتسم بترجي :بس علشان خاطري ..
رونق "خلاص هذا جن يمه شسوي الحين "تبلع ريقها :ش ششش شنو اللي ع خاطرك؟؟
صقر اجبرها انها تقابله وابتسم لها :حبيبتي شفيج صايره ما تفهمين بسرعه
رونق وهيه تناظر ملامح وجهه وشدت ايدها تريد تفك نفسها منه بس هوه كان مسكنها بقوه : ص صقر كان تحبني وخر
صقر قرب وجهه لوجها وصار يناظره .. وهو يناظر عيونها وخشمها وبعدها ناظر شفايفها . اللي ترتجف بخوف ..قرب صبعه ومسح ع شفايفها ببطى وقال: شفيج ترتجفين ..لحد هذا انا اخوف
رونق ما قدرت حتى انها تبعده عنها تحس كل شي تبنج فيها ما قادره انها تتكلم او انها تبعد او تصرخ ولا بس ترفع عيونها .. تتنفس بسرعه وصدرها يرتفع وينزل ودقات قلبها تتسارع ..
صقر جن جنونه وهو يناظر كذا خايفه منه ..عجبته كثير وهيه مستحيه وترتجف مثل الورقه
صقر بهمس وبعده مجابلنها وبعد صبعه عن شفتها: رونق
رونق رفعت عيونها وناظرته لثواني ونزلتها وقالت بهمس وصوت يرتجف : نعــم
صقر بعيون شك:انتي تحبيني ؟؟
رونق بسرعه رفعت عيونها وقالت بطلاقه : اكيد احبك ما يبيلها كلام (وبعدها عضت ع شفايفها وتلومت ع انها قالت كذا ونزلت عيونها )
صقر خلاص وخرو عنه ..مات وقال باسلوب جذاب وصوت ذباح : لي شرط ان نفذتيه راح ابعد عنج واطلع
رونق " الحمدلله انها جات منك " وقال بخجل وهمس : قول !!!
صقر ابتسم بخبث :ابي ابوسج .
رونق " يمه شنو هذي الوهقه حرام حرام اللي يصير فيني" وقالت بصوت يرتجف :صقر واللي يسـ (سكتت لانه صقر طار وباسها ..رونق توسعت عيونها منصدمه منه )
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
هي تحبني من قلبها وأحبها بكل مافيني
تحبني ومحلى حبها وماتبي غير ترضيني
ماتفكر تعصينـي أبــد
ولا تبيني أكلـم أحــد
يعجبها جنونـي
وتعذبها عيونـي
وياويلي عليها لما تـذوب
أتولع فيها وأبد ماأتـوب
يـاويـلـي ويــلاه

ان قلت اني أحبها تقولها هي كمان
وان حكيت معها أحس اني غرقان
وان صديت عنها ما أحس بالأمان

تحبني وأحبها مـــوت حب مو معقول
وودي بأعلى صــوت أصرخ و أقول
أحبك وهالكلمة صارت ماتفيـد
وماتعبر عن الحب اللي فالوريـد
حبك في قلبي وصفه مستحيل
يعني بالعـربي لغيرك مـايميل

وياويلي عليها لما تـذوب
أتولع فيها وأبد ماأتـوب
يـاويـلـي ويــلاه

«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
صقر بابتسامه ومسك ايدها ووقفها : حبيبتي لا تزعليني مني ..بس والله اني ما اسوي كذا الا اني احبك واموت فيج .. اشوفج ع خير .. اخرتيني ع الدوام باي (وطلع عنها )
رونق تمت واقفه فتره ومدت ايدها ع شفايفها كانها تريد تتاكد من اللي صار لحد ما استوعبت اللي صار وقال بصراخ وضربت رجلها ع الارض ووجها احمر : صقرررر اكرررررررررررررررررررهك
وجلست ع الارض بعصبيه ..ومحد يعلم بحالتها ..
«®°•.¸.•°°•.¸¸.•°°•.¸.•°®».¸.•°°•.¸¸.•°

يتبـــ،'ــعـ ْ.....~~|||

«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في بيت عزام ..
اول ما انسدح ع السرير وتغطى .. قربت منه اثار وسحبت منه البطانيه ..
عزام قام وجلس مسك البطانيه وشدها : وخري عنها اقولج
اثار تشد البطانيه :اقولك انت اللي تقوم .. قوووووووووووووووووووووووووم
عزام سحبها بقوه وطارت اثار وطاحت ع السرير فوق رجله
عزام : ههههههههه اقولج غبيه ما تصدقين
اثار عصبت عليه وارفعت البطانيه بكل قوتها وطاحت ع رجله وعظتها بكل قووووووووووته .. عزام هز المكان هز من صرخته ودفها بقوه وطاحت ع الارض بقوه ... عزام اول ما شاف العظه طالع منها شوي دم ..
عزام مسك مكان العظه ويمسح عليها ومتالم :الله وكبر عليج بل بل ما ضروس مركبه خرامه .. اااح (وصار يمسح ع رجله )
اثار قامت بسرعه وتحس ظهرها تكسر من الطيحه : يعني ما راح تقوم ؟
عزام بعناد : لا ما راح اقوم ..
اثار بعصبيه : انزين (مشت وشوي بتكسر السرميك اللي تحتها من العصبيه اللي فيهاوطلعت وراحت تركض فوق )
عزام تم جالس ويناظر الغرفه.. بطل الدرج حق السرير شاف التالفون كانت رساله من لبنى وفتحها كان مكتوب فيها (حبيبتي اثار ابيج ادبريني بهذا الغثه اللي كامت ع نفسي .. بليز حبيبتي لا تتاخرين علي هوه بعد شوي راح يوصل دبريني شنو اسوي ) عزام استغرب من اللي يتكلمن عنه .. بس شكلها صاحبتها متوهقه وتبيها تساعدها .. ما اهتم ورجعه مكانه وقام وراح لباب وقفلاه ..وقف ع التسريحه ويشوف المكياج والعطور فتح الدرج شاف دفتر .. خذاه وبطله .. كانت اول صفحه مكتوب فيها ( سلام عليكم .الاسم :اثار عبدالرحيم الفارسي ..العمر 18سنه ..التاريخ 16\8\2007م ..المواهب :كتابت الشعر والخواطر ووضع المكياج وعمل التسريحات ..بعدها فتح الصفحه الثانيه ..كان مكتوب فيها .. هذا انا الان اصبحت وحيده لا ام تضمني ولا اب اشكي له ما يكدر لي خاطري ولا اخت اشكي لها حبي او همومي او حزني او اللي يفرحني ..خلاص اصبحت وحيده .. لا حد معي الا هذا المغرور عزاموه الكريه ..وعمي دايم السفر .. وانا دايم وحيده ..فقدت بصري في حادث افقدت معه اهلي واحبابي وكل شي ..(عزام تضايق شوي وقلب في اخر الدفتر كان التاريخ حق امس بطل عيونه ع كبرها) كانت موجوده صورت عزام كان راكب الخيل ولابس ملابس اللخيول ..ومكتوب تحتها شعر ..(بس هذ الصوره من زمان ولصقتها )
حطيتك في راسي و حلفت أجيبك وأنا اذا حلفت محـدٍ يعارضنـي

راح أشرب هواك و بصير حبيبـك غصباً عليك راح أخليك تعشقنـي

راح أصير دكتورك و بصير طبيبـك وراح أضمك لين صدرك يحرقنـي

وبالعربي كذا أنـا من نصيبــك ولو مو عاجبك بصراحه عاجبنـي

باختصار أنا من نصيبك و بيصيبـك وغير كـذا مافي شي أبد يقنعنـي

والله راح أجيبك يعني راح أجيبـك هذا تحدي وأتحدى انـك تغلبنـي

واثق من نفسي و أدري أنا بطيبـك وأنا راح أخليك تجي وتصارحنـي

مني انا اثار لاغلى شخص ع قلبي <عزام>
(عزام بلم ما عرف شيسوي سك الدفتر ودخله وسند ايده ع التسريحه ونزل راسه ) يكلم في نفسه ويرد عليه شخص كانه في قلبه"معقوله اثار تحبني؟ ..انزين وليش مستغرب ..حتى انت تحبها ..لا انا ما احبهاانا اكرها ولا عمري راح احبها بس ما توقعتها هيه تحبني ..والله وطلعتي تحبين يا بنت العم .. بس من متى وانا ما حسيت فيها موليه ..عادي تصير كثير .. .."
...............
اثار دخلت جناحه ودخلت غرفته وقفلت الباب ..وصارت تحوس يمين ويسار ..راحت حق ملابسه ورمتهن كلهن ع الارض ..وشافت اوراق كثيره ورمتهن ع الارض ..وصارت الغرفه حوووووووووووسه ..كانت بتطلع بس شافت ورقه مكتوب عليها اخر الصفحه (اثار ) مسكتها بفضول .. وكان مكتوب شعر ..

آه مافي مثلك بهـالدنيا لو درت ولفيت والله قلتها من قلبي مع اني عنك صديت

لكن انتي ملاك وانـا فعلاً غيرك لقيت بس مالقيت اللي يحس فينـي اذا بكيت

انتي الوحيده تضميني اذا نمت وصحيت و تداوي جراحي اذا تكلمت أو حكيت

حاولت ألقى حبيبه بس غيرك ما حبيت حاولت أشكي لغيرك بس والله ما شكيت

وان شكيت باللي في صدري ما وفيت بالحيل أنا مشتاق لك و لحـنانك حنيت

أحبك و عـن حبك لحظه مـاسهيت ومهما غـبت أنا عنك حبك مـانسيت

واخر شي كان مكتوب .. كنت فاضي وكتبتها بس حق مين اكتبها ..محد غيرها اثار .. "هذا شنو يقصد بكلامه..مالت عليه حتى ما يعرف يكتب كلام مثل الناس .. " شوي واندق االباب
اثار بطفش وصوت عالي : من ؟
عزام بضيق : يا البايخه شنو تسوين داخل ؟
اثار بستهبال وقفت وراء الباب وسندت جسمها ع الباب:ارقص شرايك انت
عزام بملل : اثاروه فتحي الباب ..
اثار بعناد : وان ما فتحت شنو راح تسوي ؟
عزام بعصبيه : فتحي الباب احسن لج وبعدين انتي ليش ما راحتي المشغل .آآآآآآآه
اثار : عادي في وقت للمشغل وغيره
عزام ضرب الباب برجله بعصبيه :اثآآآآآآآآآآآآر اقولج فتحي الباب
اثار طار قلبها من الخوف .......
وفتحت الباب بشويش بطل الباب عزام ودخل بعصبيه ومسكها من شعرها ودفها بقوه برع الغرفه وطاحت ع الارض منصدمه منه
عزام بتهديد وعصبيه : ان شفتج طابه هذا المكان ولا شفت ظلتج هنا ذبحتج (وسك الباب في وجها)
اثار ع وضعها منصدمه ما عارفه شنو صار مسكت شعرها .. وصارت تبكي ..ما الم من شعرها .. لا خوف من القادم تخاااف لا يستغل انه ما عندهااا سند في حيااتهاا لا ام ولا ابو ولا اخووو "عزام ليش مد ايده ..والله انا ما سويت شي ..يعسى ايده الكسر كسرها " وراحت وهيه تمسح دموعها وحلفت يمين انها ما تروح لا مشغل ولا غيره ..
عزام ساند راسه ع الباب ومغمض عيونه بضيق ويكلم نفسه .... " انت ليش سويت كذاما حرام عليك..هيه ما سوت شي لك..بس انك عرفتها انها تحبك تسويت كذا .. لا انا ما ابيها تحبني ابيها تكرهني .. لا ابشرك البنت ما كرهتك بس الا بغضتك ..وهذا انا اللي ابيه..بس حرام اكيد الحين تبككي.. احسن ابيها تبكي ..انت واحد اناني ما تحب غير نفسك وبس ... عادي متعود .. لا الاخ الكلام معاه ضايع ..انا ما ابيها تتعلق بوهم وبعدها تصحى وتحصل نفسها عايشه حلم مو حقيقه.. وليش ما تخليه حقيقه ..لاني انا ما ابيها .. اووووووووف "
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
مر الوقت بسرعه .. وجاء وقت العصر .. بيت شامخ .. كانت الساعه 4:05
شامخ لابس وكاشخ وفرحان ع انه راح يروح يشوف رماح .. (لبس ثوب وشماغ وعقال ولبس ساعته الماركه .. وتعطر وهو ميت من الوناسه.. خذا المفتاح والتالفون وطلع بسرعه.. ونزل تحت ..) كان المكان فاضي .الكل نايم وطلع وركب سيارته الثانيه ..( مازيراتي حدها سبورت كان لونها ابيض) وطلع بسرعه ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في ذا الوقت كانت رماح واصله البيت حدها تعبانه ..واللي كان موصلنها تركي .. ومنصور ظل جالس مع اخته ريا في المستشفى ..
دخلت البيت منهد حيلها .. راحت الصاله حصلتها مهفوسه .ورتبتها ع السريع وكانت حدها يوعانه .. راحت عند الثلاجه وبطلتها حصلتها فآآآآآآآضيه ما فيها غير ماي وبس .. توكلت ع الله وشربت ودخلت داخل شوي وندق الباب .. لبست شيلتها وراحت تبطل الباب
: هاي يا حلو
رماح بتعب وابتسامه صفراء: اهلين رونق
رونق بابتسامه : حياتي رماح جيت اساعدج
رماح وهيه تدخل :لا ما في داعي .. انا اصلا الحين طالعه .
رونق باستغراب : وين راح تروحين ؟؟
رماح تدخل غرفتها :عندي كم شغله لازم اسويها
رونق واقفه عند الباب : اهاا .. انزين ما تبين شي .. ؟؟
رماح التفت عليها : لا حبيبتي مشكوره ..
رونق بحزن ع حالتها : انزين انا راح اروح لانه امي تبيني .. مع السلامه
رماح بحزن : الله وياج
طلعت رونق .. ورماح ظلت واقفه عند الدولاب وتفكر .. وبعدها فصخت الشيله بعصبيه وطاحت ع الارض تبكي ..بكت بكل ما فيها شوي وتشاهق من البكي حوطت ع نفسها وحظنت راسها بين رجلها ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
شعاع يدخل الغرفة بعد العصر
يزحف فوق سجادة
و يطلع فوق هالكرسي
ويمكن يلمس وسادة
ولحظة ما لمحته خاف
تراجع.. طاح من الكرسي
وركض قبل النهار يمسي
ورجع للشمس كالعادة

يذكرني شعاع الشمس عيونك
تدخل ضلوعي
في غفلة من عيون الناس
وتمد أهدابها إحساس
وتاخد قلبي من قلبي
تضيق بصدري الأنفاس
ولما ينتبه واحد من الجلاس
بسرعة تركض النظرة
على السجاد والكرسي
أحس ان النهار يمسي
ونغيب الشمس كالعادة
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
وبعدها انسدحت ع الجانب تبكي كل دمعه تحرق قلبها قبل لا تحرق خدها ..
" آآآه يا الدنيا شنو بقى بعد ما سوتيه فيني ..امي وابوي اغلا اشخاص خذاتيهم مني قبل لا حتى اني افرح فيهم كاي بنت او كاي شخص عنده اهل ام وابو .. شمعنى حنا (غمض عيونها بحرقه ) عشت حياتي حزن والم وبكي طول الليل ..كبرت وانا شاله هموم الدنيا ع قلبي ..الحين اختي تريدين تاخذين ..آآآآآآآآآآه حراام انا اخذيني انا ما ابي اعيش حياه مثل كذا كرهت نفسي الف مره من العيشه اللي عايشتنها ..يآآآآآآآرب " غطت وجها بايدها تمنع بكيها .. وشهقاتها .. وبعد مده قامت وجلست ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
وصل الحاره ..ودخل ووقف عند باب منصور كان الحاره غير عادتها هاديه محد فيها وهدووووء تآآآآم ..استغرب ونزل من السياره وراح ووقف عند الباب.. كان بيضرب الباب بس حصله مفتوح زاد استغرابه ..دخل بهدوء
شامخ باستغراب ويناظر المكان ويتذكر وابتسم بالم وتنهد بضيق....

... رماح بعدها جالسه وتتامل ملابس اختها وتبكي بحرقه من قلبها وعيونها حمراء وخشمها احمر ..وشعرها مغطي ملامح وجها ...مسكت قميص اختها وحظنته وغمضت عيونها وصارت تشمها وكانها اخر مره تشوف اختها ..وتنهدت بالم ورفعت راسها لفوق وضمت القميص اكثر وبكيها كل ماله ويزيد...

...... شامخ دخل الصاله كان بيتكلم بس سمع بكي يقطع القلب استغراب "شنو صاير رماح ليكون فيها شي " مشى بخطوات متسارعه ووقف عند الباب بدون لا يسوي اي حركه او صوت انصدم منها .. " هذي رماح لالا مستحيل غيررر . شفيها تبكي كذا "

........ رماح ما انتبهت ع شامخ بعدت القميص عنها ودخلته داخل الدولاب ..وبعدها التفت ع الجانب الثاني وعاطيه الباب ظهرها .. وهيه تبكي مسحت بايد ترتجف ع فراش ريا بالم وبعدها طاحت ع الفراش وراسها كان ع اللفراش ما ينشاف مسكت الشرشف بايدها بعصبيه وضربت اللفراش بقوه وصارت تبكي اكثر

...... كل هذا جدام عيون شامخ اللي مستغراب بس قلبه ما تطمن من حركاتها " لالالا اكيد ريا فيها شي يارب تخيب ظني " قرب منها ببطى وجلس جمبها بس مسافه بعيده شوي
شامخ بهمس وخوف شوي :ر ..رماح
رماح وقفت من البكي وسكتت بس ما تحركت " معقوله ش شش شامخ جمبي هه وين انتي اكيد تتخيلين من كثر ما تفكرين فيه ..اكيد يتهياء لج .. يمكن سمعتيه لانج محتاجتنه مثل هذا الوقت " ورجعت تبكي
شامخ ما استحمل قرب منها اكثر وجلس قريب منها : رماح حبيبتي شفيج تبكين .؟؟
رماح وقفت بكي " لا انا ما يتهياء لي انا اسمعه " رفعت راسه ببطى والتفت ببطى اكثر ودموعها ع خدها وشعرها ع ملامح وجها من الدموع ..انصدمت من شافته جالس جمبها ويناظرها بنظرات كلها شوق وحب وحنان
رماح قربت منه وكانها تريد تتاكد انه موجود جمبها مدت ايدها ع خده ببطى وتردد لمس صبعها شوي خده وبعدت عنه وابتسمت بالم : شـ شامخ (وخلت ايدها بثنتينهن ع فمها من صدمتها و تمنع شهقاتها من البكي ودموعها ما وقفت اكثر زادت )
شامخ ابتسم لها ومد ايده ع خدها ويمسح دموعها بحنان : شفيج تبكين كذا؟؟ يالمج شي ؟؟
رماح تناظر فيه وكانها ما مصدقه هزت راسها بلا
شامخ ابتسم بالم وبعد ايده عنها : اجل ليش تبكي كل هذا البكي .؟؟
رماح طارت بحظنه مثل الطفله..وصارت تبكي بصوت عالي ..:ش ش شامخ .. انا اهي اهي تعبانه كثير
شامخ يمسح ع شعرها بحنان :شلي متعبنج .. قوليلي
رماح " لالا لا تقوليله عن اختج لا تخلينه يشيل همج .. هو اصلا ما يستااهل ابد شي منج " وبعدت عنه ببطى : لالا ..(وتمسح دموعها ) لا تهتم .
شامخ يناظرها بحزن وهو عيونه في عيونها الخظراء : ليش ما تبيني اهتم ..ان ما اهتميت انا من راح يهتم
رماح تكلم نفسها " رماح لا تتهورين لا تقوليله اي شي ..شنو اسوي ؟؟ (رد عليها عقلها ) طرديه لا تخليله مجال يدخل حياتج وتتمسكين بسراب ..(رد عليها قلبها ) بس ما اقدر اطرده انا انا احبه مستحيل اسوي كذا فيه (رد عليها عقلها ) لا تقدرين .لو ما طردتيه راح يضيع اشياء كثيره ..وبعدين نسيتي هو ابتعد عنج سنتين ويمكن اكثر .. ولا اذكرج باللي سواه والمصايب اللي سواهن وراح .. خلا سمعتج في الارض.."
رماح وقفت وكانها تذكرت شي وقال بشوي عصبيه: شامخ لو سمحت اطلع برع
شامخ وقف مستغرب من تقلاباتها : شنو ؟!!!
رماح قالت بعصبيه : ما تسمع اقولك اطلع برع
شامخ بصدمه : ليش ؟؟ انا شنو سويت ؟؟
رماح عطته ظهرها تمنع احساسها المتلخبطه : ما سويت شي .. بس انا ما ابيك .. بس اللي ابيه منك تطلع من البيت (وقالت بحزن شوي ) ومن حياتي كلها
شامخ انصدم من كلامها وكانه ما قادر يستوعب الكلام اللي تقوله مسك كدفها وجبرها تلتفت عليه وقال بعصبيه :ليش .. ليش تبيني اطلع من حياتج ..(قال بحزن ) انتي لو طالبه اني انتحر كان اهون من اني اطلع من حياتج نهانيا .. رماح (وقال بحزن شديد ) انتي تطلبين مني المستحيل
رماح " يا رب تساعدني " بلعت ريقها وتكلمت ولا كانها سمعت ولا كلمه من كلامه وقال بعصبيه زايده :شامخ طلع برع ..احسن لك .ما يكفي اللي سويته فيني ..(وقالت بحزن ودموعها رجعت تنزل )انت من طلعت من هذا البيت ما قلت انه في انسانه تنتظرني .. انه في شخص بصمت في قلبه بصمه ما راح تنمسح ابد ..تركتني اكثر من سنتين وانا انتظر ع بالي راح ترجع .. لكن بصراحه خيبت ظني ..استحتمل كلام الناس .. سمعتي صارت بطين وانا كل اللي اسويه اطنشهم ..(وصارت تبكي اكثر ) حرام اللي سويته فيني والله حرام
شامخ قال بحزن ويقرب منها : رماح انا ما نسيتج .. انا طول الوقت وانا افكر فيج .. والله اني تغيرت كثير من شفتج .. رماح انا (وهو يقرب منها اكثر ) انا احبك .. عمر قلبي ما نبض بالحب الا لج انتي وبس
رماح " كذاب لا تصدقينه .. هذا ممثل محترف " رفعت عيونها الحمراء من البكي وطاحت عيونها بعيونه : كذاب انا لو امموت ما راح اصدقك ..
شامخ خلا ايده ع خدها .. لكن تفاجا من ردت فعلها دفت ايده بعيد
رماح بعصبيه : لا تمد ايدك ثاني مره ولا راح اكسرها لك فاهم
مسكت شيلتها ولبستها وغطت وجها ولبست عبايتها .. ومشت من جمبه وقالت : انت وطالع سكر الباب وراك (وطلعت )
شامخ صار واقف منصدم منها " لاااا مستحيل هذي رماح .. هذي انسانه ثانيه كاني اول مره اكلمها ."التفت عليها وما حصلها ..طلع برع البيت .. ووقف وهو يلتفت يمين ويسار وما حصلها ..ركب سيارته وراح يمشي ما عارف وين يروح..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
رماح كانت واقفه بعيد .. لما شافته طالع دق قلبها بقوه ..وتاكدت انه راح ..تنهدت بضيق كاتم ع نفسهااا ... راحت بعدهاا تدور ع اللبيوت ..ومشت ومشت وكل بيت تدق بابه بقولها انهم مو محتاجين ولا يعطونها فلوس ع بالهم طلابه ..واللي واللي... تعبت من المشي صار اكثر من عشر بيوت يردونها خايبه .. توهقت ما عرفت انها السالفه صعبه كذا .. قامت ومشت ومشت كثير لحد ما وصلت حاره كل اللبيوت فلاااات .اللبيوت كل واحد طابقين ولا ثلاثه .. انصدمت تمت تناظر اللبيوت ..وهيه تشجعت اكثر انهم هوامير وراح يمكن يرحمون حالتها .. اول ما وصلت في نص الحاره انصدمت من الشباب اشكالهم ما يطمن موليه.. ولا سيارته افخم من الثاني .. ضربت اول بيت .. وبعد نفس الشي عطوها فلوس ..وهيه ترجع اللفوس لهم .. وتمشي عنهم شوي وتبكي ..وبعدها جلست عند بيت طابقين ..ومسكت راسها بحزن .. والشباب اللي واقفين يناظرونها ويتهامسون
شافتهم قلبها ضرب بقوه من الخوف قامت وضرب الباب حق البيت اللي جمبها ..وسمعت صوت بنت
البنت من وراء الباب : من عند الباب ؟
رماح بتوتر وربكه وصوت ناعم حيل : انا انا
البنت باستغراب : من انتي ؟؟