رواية لا ما أرضى بالمذله ولا عاش من قلبي يذله الفصل الخامس 5 - بقلم غير معروف

رماح طنشته ومشت تكمل شغلها .. وحدها مرتبكه ..
"رماح .. ما ادري احس يوسف شي فيه ليكون الطيحه اثرت ع اسه مره ثانيه .. رفعت ايدي اناظرها انصدمت من اللي فيها .. هذا دم .. بسرعه التفت عليه حصلته واقف وومنزل راسه .. وايده ع راسه من الخلف .. شكله يالمه .. اوووف "
رماح جربت صوبه شوي : يوسف .. تعال وراي
شامخ بعناد :مــــا ابي
رماح بضيق: عن الاستهبال.. تعال وراي انظفه لك ...
شامخ : هههه .. لا انتي جلسي مكانج انا بروح بروحي انظفه
رماح رفعت حاجبه اليسار: لا والله .. اقول اخطف قدامي
شامخ رفع حاجبه اليسار نفسها: ايه والله .. ما ابيج تسويلي شي (طلع لسانه لها وراح داخل )
رماح بصوت عالي : مالت عليك ما منك مني انا اللي اباء اساعدك
شامخ بصوت عالي من داخل البيت : محد طلب منج مساعده
رماح بصوت شبه عالي: مالت عليك
شامخ بصوت عالي : سمعتج يا الحصه
رماح بطلت عيونها ع كبرها .. "انا حصه هذا شقاعد يقول .. مالت عليه وع ويهه .. وع الساعه اللي شفته فيها .. انه ما كفو حد يساعده .. "
...
شوي وطلع شامخ من داخل متعدل ومتلبس وكاشخه ... (كان لابس شورت ابيض . وقميص ازرق غامق) .. طلع ومشى بسرعه صوب الباب الخارجي كان يبا يطلع برع البيت ..
رماح اول ما شافته استغربت منه : ع وين انشاءالله ؟؟
شامخ ما رد عليها :.........
راحت بسرعه قبل لا يطلع من الباب ومسكته من ايده : ما تسمع انا اكلمك
شامخ تم يناظرها بنظرات غريبه .. رماح ما فهمتها .
رماح ارتبكت شوي: شفيك تطالعني كذا ؟؟!!
شامخ قرب ويهه من ويها لدرجه جريبه حيل : وانتي ويش لج من الخص
رماح بلعت ريقها اللي نشف فجاه .. وغمضت عيونها فتره وبعدها فتحتها وقالت : يوسف ما يصير تطلع .. انت تعرف انه محد يعرفك هنا في الحاره
شامخ بضيق بعد عنها : اوووووف وبعدين .. لا تحاتين انا بطلع محد راح يشوفني
رماح عصبت عليه ورفعت ايدها تهدده : تبا تطلع اطلع من وراء البيت ما جدام الخلق ... انت ويش ما تفهم .. ؟؟
شامخ عصب عليها : لا تصارخين تراني اسمعج ..
رماح بعناد: انا اقولك تبا تطلع ا طلع من وراء البيت فاهم ولا لا
شامخ بضيق : لا ما فاهم .. وبطلع من الباب
رماح بصوت عالي : انت شفيك .. مينون ؟
شامخ بتهديد وياشر عليها بصبعه السبابه : اوووووف .. انزين انا بطلع من وراء البيت لكن يوم برد .. برد من الباب فاهمه
رماح بحقد : يعلك من تطلع ما ترد انك جايبلنا المشاكل من كل مكان ..
شامخ مشى عنها ويلوح بايده : روحي زين
...
"رماح .. والله انه الولد فيه شي ما خالي .. امس ما فيه شي واليوم شوفو شنو قاعد يسوي .. لكن انا وراك خلك .. ترجع والله لخبر عليك منصور يطلع منك .. "
راحت وكملت شغلها .. وكلها ساعه بلكثر وخلصت الغداء ودخلت تاخذ شور .
...
اما عند شامخ .. طلع من وراء البيت .. واول ما وصل جدام البيت حصل رونق ورؤى .. جالسات جدام بيت رونق طنشهن ومشى يبا يطلع من الحاره .. بس سمع صوت وحده منهن
رؤى بسخريه : ويه هذا هوه طلع .. من ذاك اليوم من يوم خذته رماحوه محد شافه ..
رونق بضحكه: والله معج حق .. مثل الساحر يطلع ويختفي ..
شامخ كان واقف وعاطنهن الظهر ... طنشهن ومشى عنهن .. واول ما طلع من الحاره .. شاف الشارع اللي جدامه .. وتذكر هذاك اليوم ..
...
شامخ يسوق بسرعه جنونيه .. والسياره اللي جمبه كانت بعد تسرع بسرعه ..
شامخ منزل الزجاج مال سيارته ويناظر السياره اللي جمبه : يا الخمه ان ما بعدت انته وياه والله لا اعلمكم قدر نفسكم ..
السياره اللي كانت جمبه كان فيها اثنين ومتلثمين ..وماتنشاف غير عيونهم
طلع واحد من الزجاج اللي كان جمب السايق : طنش الحمير تعش امير .. هههههه
شامخ داس ع البنزين اكثر .وسك الزجاج .. وما انتبه غير انه السياره اللي كانت جمبه تصدم فيه ع الجمب .. شامخ قدر انه يسيطر ع السياره بصعوبه وعصب عليهم .. وما نتبه غير ع السياره تنصدم فيه مره ثانيه .. وهذي المره اقوى .. شامخ ما قدر يتحكم بالسياره .. وشاحت عليه وما انتبه للجدار اللي كان جدامه وانصدم فيه .. لو ما انه البالونه اللي كانت في الدركسون كان الحين ما حد يعلم بحالته .. وقفت السياره عن الحركه .. وللحين شامخ صاحي ما فقد الوعي .. كان يبا ينزل من السياره بس .. تفاجاء بالثنين اللي بطلو الباب وطلعوه برع السياره وصارو يضربونه ضرب .. واكثر الضربات تجه ع الراس .. وما حس نفسه غير بيت منصور .. ما يذكر أي شي
...
شامخ تنهد بضيق : اآآآآآآآه ... لو بس اعرف من كان السبب كان عرفت كيف اعلمه اصول التربيه ع الكيف .. لكن والله ما اخليهم
مشى لحد ما وصل مكان الحادث .. بس كانت السياره ما موجود .. ومشى ومشى لحد ما وصل للبقاله .. دخل
شامخ : السلام عليكم
راعي البقاله كان كبير بسن : وعليكم السلام
شامخ بابتسامه : ممكن التالفون لو سمحت ؟؟
راعي البقاله طلع التالفون : تفضل
شامخ مسك التالفون ودق ع رقم مصعب
مصعب : الو
شامخ : الو مصعب ؟
مصعب : لا امه .. من معي
شامخ بانفعال : تستهبل انت وجهك
مصعب عرف انه شامخ : شاااامخ
شامخ باستهزاء : لا امه
معصب بفرح: وينك يا ريال .. محد يشوفك موليه ..وبعدين تعال شفيك ذاكـــ
شامخ بضيق قاطعه : مصعب مصعب اسمعني
مصعب : امر
شامخ : اباك تمرني .. في حاره ال... وبسرعه لا تتاخر تمام
مصعب : تمام مسافة السكه واكون معاك
شامخ: يالله مع السلامه
مصعب وقف : مع السلامه
شامخ عطى راعي البقاله التالفون وطلع .. ووقف فتره يناظر الناس الساير والجايه .."شامخ .. انا مستحيل ارد مثل اول .. ابي اتغير اباء اكون غيررر .. اباء الناس كلها تحبني .. اباء اكون مثل الناس والعالم .. ما متكبر ولا مغرور ولا اناني .. ابي اكون طيوب بس بحدود . اباء اكون ضحوك ..ما ابي اكون طول الوقت جاااد .."
شامخ ابتسم .. وشوي تذكر رماح "ههههه اكيد الحين بتتخبل .. انا اعلمج خليني بس اوصل .. ) وشوي وجات سياره مصعب (كان سيارته سبورته مرره حلوه (شفروليه كمارو..ولها بابين بس) لونها كان اصفر .. وعليها في البونيت اللي جدام خطين اسود .. مره زينه حق السباقات .. (طبعا كل هذلا الكشخه لانه مع ابو شامخ متجر كبير من السيارات السبورت والفخمه اللي الحين يديرها شامخ ...)
مصعب وقف جمب شامخ .. شامخ فتح الباب ودخل بسرعه .. وحظن مصعب
شامخ بفرحه : ياحبيببي يا ولد عمي اشتقت لك وااااااااااايد
مصعب استغرب منه ومبطل عيونه ع كبرها : وشو ؟
شامخ بنفس الفرحه : اقول يا الثور وايد وايد وايد اشتقتلك .. (تنهد بفرح)آآه الحين ارتحت من شفت ويههك الحلوو .. يا عساني ما انحرمن من هذا الوجه البرر
مصعب انصعق من التغير الجذري اللي جاء حق شامخ .. رفع ايده وبطل عيونه ورجع ع وراء : لالالالالالا انت تمزح اكيد
شامخ بابتسامه : مصعب والله ما امزح شفيك ..
مصعب نفس وضعه : لا البنت شي سوتلك من ذاك اليوم ..
شامخ تذكر رماح وذاك اليوم وضحك بصوت عالي : ههههههههههههههههههه البنت ... حرام عليك ما سوتلي شي .. لا تضلمها
مصعب جرب من شامخ بدرجه كبيره وشوي ويركب فوقه وتم يطالعه بتفحص ..
شامخ يناظر بمصعب اللي عيونه شوي وتطلع : ههه شفيك .. لين هلكثر مشتاقلي
مصعب ع وضعه : لا بس انت مريض فيك شي .. (حط ايده ع جبينه ) ما فيك حراره اجل شفيك متغير
شامخ مل منه بعد ايده عن جبينه وابتسم له مجامله: والله ما فيني شي .. بس انت ودني الحلاق ابي احلق وبعدها .. وصلني للبيت ابي اخذ بطاقتي مال الصرف ابي اشرلي ملابس سنعه وبعض الاغراض.. (ناظر بمصعب اللي ع وضعه ) انت بعدك ما تحركت ..(صرخ بوجهه) حرررك .. ما ابي اتاخر ..
مصعب رد مكانه وحرك السياره وعلامات الاستغراب ماليه عقله .. وما فاهم شي ..
(مصعب مره وسيم .. عليه جمال مره حلو .. ابيض وطويل نفس طول شامخ .. شعره يوصل لاخر رقبته ناااعم وايد .. وتسريحته ما يبدلها سبايكي .. (نفس محمد) بس هذي مرتبه وحلوه عليه ..ولابس حلق في اذنه اليمنا .. عليه تصرفات غريبه ما يعرف البر يعصب .. عليه ليحه وشنب بس مرتبه وخفيفه شوي .. جسمه نفس جسم شامخ والعظلات ..)
(مصعب .. يا هلا والله وغلا ومسهلا .. اخباركم يا جماعه الخير .. ما بغينا يطلعلنا دور في ذي الروايه .. طقت كبدي من كثر ما استنا بس زين يوم طلعت ولا بتشوفوني ميت .. المهم ما ابي اطول في الكلام .. انا اسمي مصعب ....العالي اصير ولد عم شامخ .. عمري 25 سنه .. احب شي اسمه الاكشن.. وع فكره اعشق شي اسمه الرومانسيه .. واااي اموت فيها .. احم احم .. احب ربعي .. واكثر شي يزن وشامخ .. طبعا يزن كبرنا انا وشامخ .. بعدين بتعرفون عنه ... انا احب التواضع عكس شامخ المغرور بس الحين مدري ويش جاه ... اكيد جن ولا صار بعقله شي المهم احسن يتم كذا وعساها دووم مو يوم ... هذا اانا مصعب اللي احبكم واكيد اللي راح تحبوني فديتكم والله ... ادري ادري انكم تحبوني يا ولاد الحلال ما لازم تقسمون صدقتكم انكم تحبوني (مصدق نفسك وايد ) اكيد اللي مثلي لازم واثق من نفسه (خف علينا بس ) ما ابي اخف .ههه يالله خلي عنج .. ما ابي اطول ع الناس باي انا مصعب لا تنسوني )
... «®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في مكان ثاني يعج بناس .. والرايح والجاي
منصور مندمج مع الشغل في المطار .. ولابس ملابس الشغل وواقف في الحجوزات ويشرب قهوه .. كان المكان مزتحم من الناس ويحجز حق هذا وذاك .. وهذي وهذيج .. وشوي ما يسمع غير هذي الهوره والفوضه والضحك العالي .. اللي طاغي ع المكان كله .. التفت يطالع من مسوي هذي الفوظى ويشرب القهوه .. اول ما شاف الشباب بطل عيونه ع كبرها ونفط بالقهوه من فمه بكل قوته الحمدلله انه محد كان جدامه ولا غاب كل القهوه بتي في وجهه ... اما صاحبه اللي كان واقف جمبه اول ما شاف منصور بغى يموت من الضحك عليه ..
منصور طنشه وتم ينظف فمه بايده : هذلا شلي جابهم هنا ؟!!!!!!!!
تركي بصوت شبه عالي : هااااااااه نصور اشوفك فالنها هنا (يغمز له بعيونه ويعض ع شفايفه السفليه) مع الصبايا
محمد : ههههههه يا حظك يا رجال ما حنا مالت علينا ولا بنت تخطف علينا
شهاب بابتسامه عريضه : ياخي كلم أي حد من اللي تعرفهم يوظفوني معاك .. مررره حماس هنا
منصور باستغراب : اصلا انتو ويش اللي جايبكم ؟
تركي لف ايده ع رقبة صقر وحظنه ع الجانب : علشان هذا الشيخ
منصور بضيق : اقول ضف وجهك انت وياه صدق ما تستحون ع وجيهكم .. فاضحينا جاين بحشرتكم
تركي بحركات استهبال ويحرك ايده ع وجه منصور : اقول بتجي معنا ولا شلون .؟
منصور بعصبيه شوي : ولا شلون ... ويش يعني بتسوي بتذبحني مثلاا
تركي بصوت عالي وكانه بروحه في ذاك المكان : ياشباب جيبوه لي بسرعه ع الطاوله اللي هناك (وهو ياشر ع الطاوله وراهم .. وبعدها مسك ايد صقر ومشى عنهم )
محمد وشهاب لفو ع الطاوله اللي كان واقف وراها منصور وصارو جدامه ..
منصور بملل منهم : محمد شهاب .. بليز ماابي مشاكل روحو من هنا وفي البيت نتفاهم ..
محمد مسك منصور من ايده بقوه : لا بيت ولا غيره هنا راح نتفاهم ما شي غيره هذا المكان ... يالله جدامي
منصور بتوتر لانه الكل يناظرهم : يا محمد كل اللي تبيه ويرضاك انت والشباب راح اسويه بس ما الحين بعدين
محمد يوجه كلامه حق شهاب: شهابوه امسكه من ايده بسرعه نبا نخلص مانا فاضين له ..
شهاب كانه ماصدق خبر مسك منصور من ايده ومشاه لين وصلو عند الطاوله اللي قاعد عليها تركي وصقر .. وجلسو
تركي : منصور ياللي ما تستحي اطلب لنا شي
منصور بضيق : ويش قالولك مطعم .كل اللي تباه جابوه لك .. يابابا هذا مطار
محمد : حن ما قلنالك نبي غداء ولا عشى ... نبا شاي ..او قهوه
منصور بطفش : لحظه بروح اجيب لكم وراجع
وقف وراح عنهم ..
تركي : الحين من يجي راح نقوله .. تمام
صقر بتوتر : ياخي متوتر مدري ليش ؟
محمد يناظر باخوه من فوق لتحت بقرف : خفي علينا المتوتره (عدل صوته للجد ) اقول التوتر حق البنات ما حق العرب تسنع شوي
صقر بضيق لف شفايفه ع الجانب ما عاجبنه كلام محمد : الحين اللي يسمعك يقول كفرنا ... ويش فيها لو الواحد توتر
محمد عقد حواجبه : بس بس انت وجهك لو من غيرك ما بطلت فمي ولا بكلمه من عقب سواد الوجه اللي سويته مع منصور صدق انه فوق شينك قوات عينك . .صــ
تركي قاطع محمد : بس خلاااص .. واقسم بالله انكم محد يبا يجيبكم هنا .. انتو اصلا فشله فضيحه انتو تجون هذلا الامماكن خلوها حق اهلها ( وياشر ع نفسه بكل غرور )
شهاب بضحكه: اقول خف علينا بس .. اللي يسمعك يقول ما تطلع من هذا المكان البر من سفره لسفره ... تراك الا مثلنا واخس بعد ..
تركي عصب عليه شوي : اقول شب شب مالت عليك .. انا المره الجايه ما راح اجيبك معنا موليه ..
شهاب حب ينرفز بتركي : والله ما طلبت منك .. انت اللي قلتلي تعال ويانا ولا اذكرك بكلامك
تركي بعصبيه وبصوت عالي : والله يا شهابوه لو ما سكتت نعم لا اشيلك ورميك برع فاهم ولا لا
منصور وصل ع صراخ تركي اللي شال المكان فوق راسه .. كان ماسك صينيه فيها كوبين شاي وثلاثه قهوه .. يعرف انه صقر وشهاب يحبون الشاي اكثر من القهوه .. عكس محمد وتركي وهوه اللي يفضلون القهوه اكثر من الشاي ..
منصور بهمس : علامكم فضحتونا .. والله ان انطردت راح انطرد والسبه انتو صراخكم واصل لبرع
تركي بجديه: منصور خلنا من هذا الكلام الحين .. حن بصراحه جاين نتفاهم معاك ع موضوع خاااص
منصور شاك في الموضوع وجلس مع الشباب : خير انشاءالله

محمد : هههههه اللي يسمعكم يقول جاين نخطب ... من عقب المقدمه اللي قدمها تركي .. ههههه
تركي جدم وجهه ع جدام باتجاه محمد ويتكلم ببرود ويركز ع كلمه يقولها : انت واحد سخـــــــــيف وما شفت اسخف منك ..(رجع ع وراء وتكلم عادي ) كل تبن واسكت احسن لك
محمد بضحك : لو ما اعرف انه ما من قلبك كان عرفت ويش ارد عليك ... لكن اعرف انه ما من قلبك
منصور تنهد تنهيدت ملل : آآآآآآآآه وبعدين يعني ... واقسم ان ما قلتو ليش جاين والله لا اقوم واخليكم هنا
صقر بتوتر : يا منصور احنا جاين بصراحه علشان موضوعنا انا وانت .. يا خوي اعذرني .. واطلب منك السموحه والله اني متلوم قد شعر راسي وربي شاهد عليي .. السموحه منك ما ابيك تزعل مني مهما كان حن خوان واهل .. وطالب منك السموحه يا منصور ع ذاك اليوم والله اني ادري اني كنت سخيف وبايخ .. وما اعرف كيف طلع مني ذاك الكلام لو منقص لساني ولا قايل كان احسن ولا انك تزعل مني ...
منصور ببرود : ومن قالك اني انا زعلان ؟
صقر استغرب : شنوو ... انت ما زعلان اجل ليش ما تكلمني
منصور : عادي ما فيها شي لو بغيت اربيك شوي ع طريقتي ...
صقر بابتسامه راحه: يا الظالم اكثر من شهر .. وانا ع بالي انك زعلان مني ..
منصور بابتسامه : انا اصلا مستحيل ازعل منك ولا ع خواني واهلي .. (يقصد تركي ومحمد وشهاب) بس انت ما ابيك تهتم من الموضوع ..
شهاب مسك طرف شماغه وخلاه بين عيونه وتم يمثل انه يبكي : اهــي اهـــي .. والله الموقف يبكي
تركي ضحك فجاه : هههههههههههههاي (وفجاه سكت وتغيرت ملامح وجهه للجد ) تستهبلون انتو ولا ايش شايفينا ... انت زعلان ولا ما زعلان؟؟ (يوجه الكلام لمنصور )
منصور بابتسامه : لا ماني زعلان
محمد بضيق منهم : والله انتو محد عارفلكم ... مره زعلانين ومره راضيين ..اجل حن يمشون هذلا البزران (يقصد نفسه وتركي ع اساس انهم هم الكبار والعاقلين )
صقر قام من الفرحه واتجه باتجاه كرسي منصور .. قام منصور وحظن صقر ..
شهاب اول ما شاف الموقف اكثر زاد باستهباله وتم يبكي بصوت عالي وفيه الضحكه: اهــــي اهـــي ...ياخي خفو عليي ما استحمل ( بس سكت فجاه من سمع صوت البنات اللي يضحكن ع الطاوله اللي كان وراء محمد وناظرهن بنظرات استحقار وتكبر ولف الجهه يناظر بمنصور وصقر وعطاااهن طاااااااااااف )
قام تركي ومسك مفتاح السياره و لبس النظاره ماله وطلغ مرره خطيررر طبعا كلهم لبسين ملابس رسميه .. ثوب وشماغ وعقال ولافين الشماغ ع راسهم باهمال ... بس منصور الوحيد اللي كان لابس ملابس غير طبعا ملابس الشغل ...قاام محمد وشهاب مع تركي
تركي : يالله مشينا ... منصور ما راح تجي معنا ؟؟؟
منصور بابتسامه : لا .. الحين بادين الشغل وتبيني اطلع .. انا راح ارجع البيت الساعه 5 المغرب
صقر برجا : ياخي خل مكانك حد وانت تعال معنا
منصور باسف : صدقوني والله اني ما اقدر ... ولا من يفوت طلعه معكم ..عذروني ما اقدر
شهاب وهو يمشي: يالله اجل مشينا
تركي : مشيناا
مشو كلهم طلعو من المكان بهدوء عكس تماما اول ما دخلو بصراخ وضحكهم واصل اخر الدنيا .. تم منصور واقف مكانه يطالعهم لحد ما اختفو وطلعو من المكان كله وهو مبتسم بس لفت انتباهه صوت بنت تضحك بصوت عالي ..
كانن ثلاث بنات مغطيات وجهن بالشيله
النت الاولى : خفوا علينا لميس ويحيى ههههههه
البنت الثانيه اللي جالسه ع يمينها : لا حبيبتي هذا في مسلسل نور ومهند هههه
البنت الثالثه كانت جالسه ع اليسار تضحك بكل مياعه وبصوت عالي وملفت للانظار:ههههههههههههههههههههههههههه
منصور لحد الحين عاطنهن الظهر وساكت ويسمع وبعدها التفت اول ما سمع صوت البنت اللي كانت تضحك بصوت عالي ... ناظرهن وتم يطالعهن فتره وبعدها ابتسم لهن بكل جاذبيه وتم يمرر عيونه ع كل وحده منهن وبعدها مسك الكبوس ماله ونزله اكثر ع عيونه .. وهوه لحد الحين يبتسم
منصور يمشي من جنبهن ويناظرهن من تحت الكبوس وقال بهمس واستهزاء :هه مصيبه الواحد لو طلع عنده وسواس وما راح يعالج عنه
ومشى عنهن وراح مكانه .. من وين يشتغل
النت الاولى بتموت خلاص : ياااااااااااااااي يا حلاته وحلاة وسامته وعيونه العسليه اللي تذبح الواحد ذبح
البنت الثانيه : شفتي ابتسامته تشق القلب شق من حلاتها .. يمـــه يمه حلاته
البنت الثالثه : نعم انه حلووو لكن سمعتن ويش قال ؟
البنت الثانيه بضيق : لاااا ولا بعد تبين تقولين علشان لا تشوهين صورته جدامنا ... آآآآه (وتنهدت براحه )
البنت الاولى: صدقها لا تقولين ... ولا شفتن ربعه اللي كان لابس النظاره شكله مرره كووول بس باين عليه خقااااق وبطران
البنت الثالثه : والله هذاك اللي يستهبل ويبكي .. حلو .. بس شكله مغرور شفتنه كيف يطالعنا بنظراته البايخه
البنت الثانيه :انا والله اقول انهم كلهم حلوووين ...
البنت الاولى : انا ابـــــ
ما كملت لانه نادو ع طياتهم ... وقامن وهن يتكلمن عن منصور وربعه ..
.......... «®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في مكان ثاني بعيد عن الصراخ والهوره ... والكلام العالي ..
شامخ ماسك راسه مكان الالم ونازل من السياره جدام بيتهم اللي من فتره شبه طويله ما شافه .. ولا شاف اهله ولا خواته ولا ابوه وامه الغالين ..
شامخ يكلم معصب عند باب السياره : لا تتحرك راح اروح ورجع..
مصعب :تمام بس لا تتاخر
شامخ سك الباب : تمام
مصعب طول ع مسجل السياره ع كامله واندمج مع الاغنيه ... اما شامخ اول ما دخل البيت تم يطالع يمين ويساار ..كانه حرامي وبسرعه مشى المسافه كانت بعيده بين الباب الرئيسي وباب الصاله .. تم يركض لين وصل لباب الصاله مسك مقبض الباب واخذ نفس طوويل .. وبعدها بطل الباب بكل هدوء .. ودخل راسه ناظر يمين ويسار ما حصل حد ... وبسرعه دخل ودخل المصعد واتجه بسرعه الطابق الثالث .. كان طابق كامل لشامخ بروحه .. والطابق الثاني لخواته ..وامه وابوه .. اما الطابق الارضي كان وااااااسع بشكل كبير ..في صاله ع اليمين كبيرره حيل للحريم ومكشوفه .. وبعدها مسافه بعيده للصاله الثانيه المكشوفه للرجاجيل ... وفيه مكتب واسع وكبيرر وايد .بعيد عن الصالات .. وجمب صاله العرب .. كان بعيد شوي ما وايد المطبخ .كان كبير بمعنى الكلمه ..كله ع بعضه كبر بيت منصور هههه ... المهم .. الطابق الثاني كان خمس غرف وكل غرفه بصالتها وغرفت ملابسها ومن غير المسابح والحمامات (اكرمكم الله ) .. كانن متشابكات مع بعض وع كل باب صوره اللي ساكن فيها .. اما الطابق الثالث ... اول شي يواجهج صور شامخ في كل مكان (مصدق نفسه ) واكثر الصور بلملابس الرسميه .... وفيه ثلاث ابواب الغرفه الاولي غرفة النوم اما الثانيه كان لرياضه يمارس فيها الرياضه ع الصبح ..اما الغرفه الثالثه راح اسميها غرفة الديجيه فيها كل انواع الموسيقى وفي الوسط الغرفه كوره كبيره لها الوان غامقه وحلوووه تشتغل بجهاز كانه في حفلت رقص .. وفيها كراسي وغنفات وكل شي لسهرات واللعب ..غرفة النوم لشامخ لها ثلاث اقسااام ..غرفه النوووم .اللي لها سرير كبير... كل شي فيها فاخر وفخم .وع الجنب الحمام (اكرمكم الله ) مندمج فيه المسبح . وغرفته دليل ع الثراء والغنى ..كان لونها احمر دمي ... وبعدها قسم الصاله ..كانت كبيررره.. تلفزيون ع الجدار ماخذ اغلبيت الجدار من كبره .. كانه في سينما وغنفات كبار وفخمات .. ولونها كان بنفسجي غااامق .. اما القسم الثالث غرفت ملابسه لونها بنفسجي بس فاتح شوي كان فيها ثلاث خزانات .. اول خزانه كان فيه ملابسه رسميه . وجزم.. اما الدولاب الثاني كان فيه ملابس الستايل شورتات واحدث الساعات والنظارات والخواتم والكابات من كل لون والجواتي السبورتات ... اما الدولاب الثالث كان فيه ملابس رسميه للشغل .. لانه بعض الاجتماعات يضطر انه لبس ملابس العمل والجزم االمناسبه للملابس (يعني الكرفتا والقميص اللابيض(والوان غيرالابيض ) وفوقه قميص مفتوح وبنطلون واسع ).. وتسريحه كبيره فوقها احدث العطر واغلاها معاه وكلها رجاليه (بذمه ويش يباها النسائيه .. يعني اكيد رجاليه معاه) الطابق اللي فيه شامخ نااادر حد يدخله بس يدخلونه الشغالات علشان ينظفن وبس وبعدها يطلعن ولحد يدخل .. وكل قسم يفصل عن القسم الثاني جدار كبير
...