رواية لا ما أرضى بالمذله ولا عاش من قلبي يذله الفصل السادس 6 - بقلم غير معروف

شامخ اول ما وصل الطابق الثالث .. تم يناظر الصور كان في اغلبيت الصور ملامح وجهه كلها جديه وقليل اذا ابتسم .. طنشها وقرر انه اول ما يرجع راح يغيرها .. دخل غرفته وابتسم
شامخ ... "ياربي اشتقلها كثيرر .. تميت اناظر الغرفه شوي .. وبعدها تحركت رحت لقسم ملابسي ورحت بسرعه للتسريحه بطلت اول درج طلعت بطاقته التعبائه وخليتها ع التسريحه وتوجهت بسرعه لدولاب الملابس الذي كان يحتوي ع الملابس الستايل والكووووول .. طلعت جنز اسود مرره فيه جيوب كثيره وسير اسود فيه سناسل .. وطلعت قميص اسود بدون اكمام وحاله سحاب من جدام ع طوله .. وله كاب من الخلف .. عجبني حيل . خليتهم ع السرير وبسرعه ركضت ع المسبح اخاف لا احد يجي ويشوفني هنا .. اخذت شور سريع .. وطلعت لاف المنشفه ع خصري وع شعري منشفه علشان انشف شعري اللي كله مااي .. رميتها بسرعه ع السرير .. ولبست بسرعه .. وركضت بسرعه ع قسم الملابس اخذت نظاااره مرره نايس سوداء لدرجه ما نشاف عيوني تكس صورت اللي يشوفي .. تعرفون كنت ما احب هذلا الملابس بس الحين اشوفهن احلا الملابس عندي .. اخذت كااب اسود .. وجوتي ازرق غاامق مره سبورت .. تعطرت ورتبت المكان .. وكل شي خليته مكانه واخذت البطاقه وطلعت اركض برع ... نزلت تحت على الدرج ما ركبت المصعد اخاف حد يشوفني وانتو تعرفون كل شي في بتنا مكشوف ... بس الحظ الحلو ما حصلت حد .. بسرعه مشيت ع الباب .. لكن تجمدت من سمعت صوت يناديني من الخلف .. "
: شامخ .. انت رجعت
شامخ يلتفت ببطى : ........
شامخ اول ما شفتها .. بغيت اذبحاها كانت هذي الغبيه الشغاله ميري : خيررر ويش بغيتي ؟
ميري مندهشه : انت بابا شامخ متى رجعت هنا
شامخ رح صوبها بسرعه ومسكها من ايدها ورص عليها بقوه وعطاها نظره يطاير منها الشرار : سمعيني عدل .. واقسم وربي ان قلتي حق حد اني رجعت .. راح افنشج .. وراح اروح بلادج واذبح ولاد مال انتي فاهمه ولا لا
ميري شوي ويطلع قلبها ...واايد تخاف من شامخ : حاظر بابا
شامخ وخر ايدها وابتعد عنها ويناظر بعيونه شوي وتطلع من مكانها يخوفها يعرفها انها تخاف منه ورافع صبعه السبابه ويحركه بتهديد بس ما يتكلم ... طلع من الباب .. ضحك من الخاطر ع شكل الخدامه شوي وبطيح مغمى عليها من الخووف ..
"مشيت بسرعه وانا اشوف المشتل اللي كل شي من انواع الزهور ... واناظر الطاووله الطويله الكراسي هذي هنا كل صبح افطر فوقها وفي ايدي الجريده ... وجمبي امي وابوي وخواتي اللي يسكتن من اجلس معاهم ... ناظر من اليسار ناظرت المواقف اللي حق السيارتين مالي .. ووحده مال السواق الخاص حق امي والسياره العائله حق ابويي .. الموقف الاخير كانت سياره حق سايق خواتي ... يعني كل المواقف تقريبا عشره مواقف ... حق الظيوف ... انتو تعرفون هذا السوالف .. لبست النظاره ..ومشيت بسرعه وانا افكر برماح اول ما تشوفني بهذا المنظر اكيد راح تجن .. وبتسويلي تحقيق لا في المخفر يسونه كذا .. (ابتسم) ياخي من وين طلعتلي هذي ...خاطري لو اشوف بس شعرها طايح ع ظهرها لو مره وحده .. شفته مره وحده لكن تصدقون ما قدرت انساه ..طلعت برع وحصلت سياره مصعب لحد الحين واقف .. بطلت الباب وانا متاكد انه راح يصارخ .. لكن تفاجات انه ساااكت .. جلست بغيت اموووت من الضحك ع شكله )
شامخ بصوت عالي يضحك : ههههههههههههههههههههههههههههه
مصعب كان نايم ومبطل فمه ع كبره وصوت الاغاني واصل لين اخر الدنيا ...
مصعب بصوت كله نوم : ليش تضحك ؟
شامخ يضحك : هههه انت شفت شكلك ... بصراحه يموت ضحك ههههههههه
مصعب لف راسه الجانب الثاني ويبي ينام : اقول يا شيخ اسكت ابي انام
شامخ بانفعال : نعم تبي تنام ... وانا شنو قايللك وراي مشاوير
مصعب :..............
شامخ عض ع شفايفه السفليه بغيض بطل الباب وهو يتحلف لمصعب : صبر يا اللعين انت تبي تنام اآآآآه
راح بسرعه من جهت مصعب بطل الباب كان بيطيح مصعب لانه كان متكى ع الباب بس قام وتم يناظر بشامخ بنظرات كلها تعب ونوم ...
مصعب بضيق : شامخ شفيك والله ابي انام
شامخ بضيق : تبي تنام روح نام في بيتكم ما هنا في السياره
مصعب يضرب بايده ع رجله بضيق وينافخ: اوووووووف .. وبعدين
شامخ خلاص وصلت معاه من مصعب مسكه من ايده ونزله من السياره .. وراح وبطل الباب اللي جمب السايق ودخله
شامخ: تبي تنام نام هنا .. انا ماني فاضيلك
مصعب سك الباب : روح زين
شامخ ركب وحرك السياره .. وبسرعه اتجه ع الحلاق ..وحلق وظبط عمره .. وحدد سكسوكته وخلاها مرره حلوه عليه .. ورتب شعره اللي مطول حيل .. وخلاه لاخر رقبته واطول بشوي ومن اخر شعره جاي مثل الدبوس يعني من فوق كثيف ومن اول الرقبه خفيف شوي ومن اخرها محددنه خفيف كثير مثل حد المثلث .. وطلع ولحد الحين مصعب نااايم ..وبسرعه اتجه لصراف .. واخذ مبلغ يكفيه لمده ثلاث اشهر جدام ..وبعدها اتجه بسرعه للسوبرماركت .. لبس النظاره ورتب نفسه ونزل .. دخل وايده في جيوبه .. اخذ ملابس حق ريااا .. وتردد كثير ياخذ لرماح اخر شي خذ لها فستان وردي نااعم مرره يوصل لتحت الركبه (متعود ع خواته .) واخذ ملابس حق منصور وحق نفسه كم لبسه ...وخذ العاب لريا ..وخذ حلويااات انواع واشكال ..حق بياعت رماح ...واغلبيتها لريا ..كل هذا كان وراه شخص شايل عنه هذا الاكياس ..حااسب بسرعه وطلع وركب السياره .. واتجه للحاره اللي تسكن فيها رماح وخوانها .. ووقف ع الشارع
شامخ بصوت عالي علشان يسمعه مصعب : مصعــــــــــــــــــــــــــــــــــــــب
مصعب قام بسرعه ونط ع فوق وضرب راسه في السياره من فوق وعيونه حمرااء من النوم : هااااااااااااه خير شنو صاير
شامخ لف راسه الجانب الثاني وميت من الضحك : هههههههههههههههههههههههههههههه
مصعب وهو يمسك راسه يالمه شوي : صدق ما تستحي ع وجهك ... كذا الناس تصحي حد نايم
شامخ بابتسامه ويناظره : احسن تستاهل
مصعب ناظر بشامخ وبعدها ناظر جدام ..وبعدها التفت صوب شامخ بسرعه وبذهول : شامخ .. شنو هذا ؟
شامخ استغرب منه : ايش فيه ؟
مصعب بابتسامه : اول مره تسوي سكسوكتك كذا .. من متى هذا التطور ؟
شامخ بابتسامه وهو ماسك سكسوكته: جد حلو ..
مصعب مبطل عيونه شوي وتطلع : اعترف ويش اللي خلاك تبدل من لحيتك المقرفه لكذا ... لالا لا تقولي هذيج البنت بدلتك كذا
شامخ عصب عليه : وبعدين معاك انت .. البنت و البنت تراك وجعت راسي
مصعب لف شفايفه ع الجانب : انزين انا ويش قلت .. ما قلت شي
شامخ بجديه: خلنا من هذا الكلام الحين .. اسمعني ما ابي أي مخلوق اني اعيش هنا .. ولا اشوفك موطوط هنا .. اعرفك نذل
مصعب باستغراب : انت بعدك تبا تجلس هنا في هذا المكان الخرابه
شامخ ناظره ونزل نظارته : انت عاد مالك دخل لا تبا تدخل .. سمعتني هذا اعتبره سر بيني انا وانت وبس
مصعب يخلي ايده ع خده : انزين لو سالني يزن عنك شنو اقوله ؟
شامخ : ما يبيلها تفكير .. قوله اني مسافر
مصعب بابتسامه : ايوااا صح .. بس ودي اعرف شنو يدور براسك
شامخ بابتسامه : كل شي بوقته حلو يا حلو ..
مصعب بملل: بنشوف ويش نهايت هذا المكان
شامخ بجديه : مصعب اوعدني انك ما تخبر حد عن مكاني ولا عن أي شي ..
مصعب بجديه : اقسم بالله اني ما راح اخبر حد ... اوعدك اني ما راح اخبر حد لو ع قص رقبتي تطمن .. انت اخوي حد يفضح اخوه .
شامخ ابتسم له ومسك ايده وشابكها بين اصابعه طلع بطاقة الصرف من جيبه ومسكها مصعب : هذا اخوي اللي اعرفه ... مشكور مصعب ما قصرت .. وهذي البطاقه خلها معاك اذا احتجت أي شي روح خذ اللي تبيه .. لا تحاتي ما راح احاسبك عليها اعتبرها لك
مصعب بابتسامه : ولو.. لو ما وقفت معاك مع من راح اوقف .. مشكور وما قصرت لكن انا راح اخبيها ما راح اصرف منها أي شي بس يوم احتاج راح اخذ منها كل اللي اباه
شامخ ضحك عيله ..وبعدها نزل ومصعب نزل .. شامخ توجه للدبه مال السياره ومسك الاغراض كانن وايدات ومسكهن بصعوبه .. ومصعب يناظره ومبطل عيونه
مصعب باستغراب : يا الظالم هذا كله لمن .. واصلا هذا متى شريته ؟
شامخ بابتسامه: يوم انت نايم
مصعب ركب السياره .. ونزل الزجاج يناظر بشامخ وهو يمشي بصعوبه لانه الاكياس كثيره..
مصعب بصوت عالي : شاااامخ
شامخ ناظر بمصعب كان لابس النظاره :شنو ؟
مصعب :لحظه شوف (وسك الزجاج )
مصعب حرك السياره بسرعه وفحط فيها ع السريع ومشى عنه .. شامخ ابتسم
شامخ ابتسم : هذا الرجال ابد ما يتوب من حركاته ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
شامخ .". آآآآه الحين كيف بسوي ... ويش بقول حق رمااحوه البلوه اكيد بتحشرني بصراخها اللي ما يخلص ..الله يعيني عليها انها بالتني ...مشيت ومشيت لحد ما وصلت في السكه في بدايتها وطلعت راسي ..كان المكان مكشوف بيوت الجيران كلها ..واول بيت كان بيت منصور ..مشيت بسرعه لحد ما وصلت جدام الباب ..ورفسته برجلي وحصلته مقفل ..استغفرالله الحين ويش بسوي .. ضربته بكل قوتي برجلي بس بصراحه خفت لا حد يسمعني من اهل الجيران ويطلع ويشوفني والله لصير بخبر كانا ... بس الحمدلله طلعت لي رماح ..وعيونها كلها نوم ..ابتسمت لها بس ضحكتني نضراتها وهيه تطالعني من فوق لتحت شكلها ما عارفتني "
(رماح ..." يمه هذا من المزيون ... واي انا شكلي بعدني احلم وبعد يتبسم لي ... ياويلي من هذا .. بدون أي تفكير سكيت الباب بكل قوتي في وجهه .. وتميت واقفه فتره وراء الباب استوعب اللي صاير .. بس قاطعني صوته اللي ما انساه البر"
شامخ راص باسنانه: يا الغبيه رمااحوه انا يوسف فتحي الباب ...
رماح بطلت الباب ...وبسرعه مسكته من كرته من وين رقبته وشدته بكل قوتها ع داخل وسكت الباب
رماح ساكته ما تكلمت : ............
شامخ عصب منها : شفيج بغيت اطيح
رماح : شب شب .. ما ابي اسمع منك ولا كلمه ..
شامخ بشك : لا والله ..
رماح بعصبيه : انت غبي ..كانت سياره تركي بتدخل الحاره وانت واقف حظرتك جدام الباب
شامخ بضيق: ومن اللي سك الباب بوجهي
رماح تناظر ومتوتر من شكله ومن كشخته : خلنا من هذا الكلام .. انت من وين جاي (بستهزاء) ماشاءالله عليك متكشخ ..ونظارات واكياس وغير بالله من وين كل هذا ... ؟؟
شامخ بضيق : اطررر .. عندج مشكله
رماح بعصبيه : نعـــــــــــــــم .. اطررر ومن امرك اطر ...صدق ما تستحي ع وجهك نعم والله لا اخبر عليك منصور
شامخ عطاها طاف ومشى عنها :روحي زين ما عندج سالفه
رماح ... "اقص ايدي من عند اللرقبه ان ما كان هذا عقله رداله ما اكون انا رماح ... "
راحت بسرعه وراه .. ودخلت الصاله .. وحصلته جالس وماسك النظاره بايده والكبوس جمبه والاكياس جمبه .. رماح وقفت جدامه متخصره ..
رماح بشك : يوسف ممكن اسالك سؤال .. واباك تجاوبني بصدق
شامخ تمدد ع الجلسه وبطل السحاب شوي وطلع شوي صدره تعمد يسوي كذا جدامها علشان يحرجها : خير ويش بغيتي ؟
رماح اول ما شافت حركته بغت تموت من الاحراج وقالت بصوت كله توتر : انت.. امم انت لحد الحين فاقد ذاكرتك ولا رجعت لك ؟
شامخ ناظره مده وبعدها قام بسرعه وقرب صوبها رماح اول ما شافته جريب منها وايد رجعت بسرعه ع وراء بس كان هوه يتجرب منها كل ما رجعت ع وراء ..لحد ما ضرب ظهر بجدار كانت تبا تروح غرفتها بس شامخ حدها بايده .. وجرب منها وهيه ميته من الخوف ..شامخ ما همه كيف كانت متوتره وباين عليها توترها جرب صوبها وجرب ويهه من وجها لدرجه مره جريبه وبعدها لف وجهه شوي وهمس في اذنها
شامخ بهمس وبصوت بطيى كاان مرتبك بس ما بين لها: انتي ويش تشوفين ؟ انا شكلي فاقد ذاكرتي ؟ ولا رجعت لي ؟
رماح ساكته وجبينها يتصبب عرق .وتحس عمرها شوي ويغمى عليها من الخوف:.........
شامخ ع وضعه وقلبه يضرب بقوه يحسه بطلع من بين ضلوعه : ان تميتي ساكته راح اجرب اكثر منج ..وانتي بتكونين السبب ما انا
رماح ترتجف بكبرها وقلبها يدق بقوه :..........
شامخ جرب صوبها اكثر وحوطها بايده وحظنها ..وهمس باذنها: انتي السبب .. ع فكره انا ما استحمل انا اكلم حد وساكت ما يتكلم .ما اعرف اتحكم بحركاتي
رماح خلاص بتموت من الخوف وما مستوعبه اللي يصير .. غمضت عيونها وفتحتها كانها في حلم تبي تقوم منه باي طريقه ..بس اول ما فتحت عيونها طاحت دمعه من عيونها لاول مره ..وعرفت انها في الحقيقه كيف ما حقيقه وانا اشم ريحت عطره خانقتني .. بحركه لا اراديه دفت شامخ بكل قوتها ع صدره وطاحت شيلتها ع جدفها وطاحت بعض خصلات شعرها ع وجها .. شامخ ابتعد عنها مسافه بس ما هيه بعيد وايد .. رماح بين دموعها ضرب شامخ كــــــــف بكل قوتها ع خده الابيض..شامخ لف وجهه من جاه الكف وشعره انتثر ع ملامح وجهه
....
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
اللـــــه يرحـــــم حبنــــــا اللـــــــــي قتلتــــــــــه ...

جفـــــــــت دموعــــــــــي والبقـــيــــــا في حياتــــــــكـ ...

يـــــــا للأســــــــف كــل الأســف مابكيتـــــــــــــه...

أنـــــــــــت الغـــــرور أعمــــاكـ مــــــع حـــب ذاتـــــكـ ...

أنــــــــــت بديـــــــــت الحـــــــب وأنـــــــت نهيتـــــه ...

أقــــــــرا عليــــــه الفاتحـــــه فــــي صلاتـــــــــــكـ
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»