رواية لا ما أرضى بالمذله ولا عاش من قلبي يذله الفصل الرابع والعشرون 24 - بقلم غير معروف

في قصر عزام
صحت من وقت وجالسه في الصاله وتناظر التالفزيون ..(كانت لابسه ..بنطلون جنز غاضط شوي لونه اسود .. وله حزام يلمع كامل لونه اسود جاي ع الخصر .. وقميص زيتوني فيه رسمه بلون الابيض واسع وكدفها واحد طالع .. والحزام كان فوق القميص ولافه شعرها بشريطه بيضاء وجايبته ع اليمين .. وجذلاتها ع جبينها .. ولابسه بوت اسود يوصل لنص الساق ) ..
شوي ونزل عزام يصارخ ..
عزام بصوت عالي :وووووووووين الفطور خلصوني
اثار ناظرته بابتسامه ...
عزام كان لابس (ملابس العمل .. بنطلون اسود وقميص ابيض وفوقه قميص اسود وعليه كرفتا .. وماسك شنطه .وفي ايده الثانيه النظاره الشمسيه )
عزام ناظرها وعطاها طاف ولف عنها وراح صاله الطعام ..
اثار عقدت حواجبها باستغراب وقامت .. ووقفت وراه
اثار بابتسامه :عزام
عزام وهو يدخل وقال بدون نفس :خيــــــر
اثار رفعت حاجبها اليسار :الخير بوجهك .. شفيك ؟
عزام بصوت عالي :مافيني شي ,, ولو سمحتي طلعي برع ابي افطر براحتي ما ابي انغث ع الصبح
اثار طيرت عينها عليه باستغراب واشرت ع نفسها بصبعها :هذا الكلام لي انا ؟
عزام بضحكه استهزاء :لا لي انا .. اقول لا يكثر وطلعي برع
اثار بتحدي : انزين يا عزام .. شكله الكف اللي جاك امس ما رباك عدل لكن انا اعلمك
عزام قال ومدها لها : طـــــــــــــــــــــز فيج ..وانا اللي بعلمج حجمج .. ومدي ايدج مره ثانيه وشوفي اللي يجيج وامس انا ساكت ع مزاجي لكن هين يا اثاروه ..والله لا اربيج ع طريقتي ..(وناظرها بنظرات يطاير منها الشرار ) وما اعتقد انج ما تعرفين كيف اربيج ع مزاجي
اثار :هه اعلى ما بخيلك اركبه .. وابيك تفهم شغله مو انا اللي اتهدد يا استاذ عزام ..فاهم ولا لا ..
عزام قام لها بسرعه ومسكها من ايدها وشد عليها بقوه :اثار احترمي نفسج احسن لج ..ولا تنسين نفسج فاهمه ولا لا ..ولا قلتي عطيتج وجه بزياده معناته خلاص ..لا يا بابا شكلج ما تعرفين عدل ..والله لا ابهدلج لو بس خليتج في راسي .. فلا تخليني اراويج الوجه الثاني لي ..
اثار راصه ع اسنانها :طـــز فيك .. ولا كذبت ع نفسك كم كذبه قلت علتين ..لا يا حبيبي صحصح معاي انا اثار مو اي حد تعلب معاه فاهم ..(وبعدت ايده عنها بقوه وعطته ظهرها) وقلتلك مو انا اللي اتهدد فاهم
عزام يرجع مكانه :بنشوف يا انا يا انتي .. يا اثار ..هههههههههههههه
اثار ناظرته بستحقار .ومشت
عزام بصوت عالي:سمعيني لما ابي اتغداء ولا افطر ولا اتعشى ما ابي اشوفج جدامي لانه ما ابي تلوع كبدي وانتي جدامي
اثار عصبت عليه :ولا انا يشرفني اكل مع واحد مثلك ..
وطلعت عنه بغرور .. وعزام عصبت عليها وقام وطلع ما فطر ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»

في بيت جاسم
مريم دخلت رماح غرفتها.. كانت فوق الطابق الثاني اخر المكان بعيده حيل عن غرفة مصعب .. يعني جمب غرفة لمى وليالي ..
مريم بابتسامه:يمه هذي بتكون غرفتج؟
رماح بعدت الشيله عن وجها وناظرت الغرفه باعجاب :هاذي لي انا؟
مريم بابتسامه :آيه يمه هذي بتكون لج من يوم ورايح ..
(الغرفه كانت باللون البنفسجي وناعمه كثير وجميع اللي فيها من اغراض بلون البفسجي سريرها حق شحصين وتسريحه فخمه ودولاب.وكبير وضخم .. ومتشابك معاها حمامها الكبير... وكانت الغرفه قمه من الفخامه والروعه .. وفي الزاويه كرسي هزاز بالون البنفسجي .. وعليه دبدون كبير وحلو .. لها بلكونه كبيره ..والثرياء في السقف عاطي الغرفه جمال اكثر )
مريم مسكت رماح من ايدها وجلستها ع السرير وجلست جمبها
مريم بابتسامه :سمعي يا بنتي انا ما جبتج هنا علشان تشتغلين (رماح ناظرتها باستغراب ) لا انتي راح تكونين بنتي الرابعه .. ما ابيج تسوين اي شي اعتبري البيت بيتج من يوم ورايح .. وكان ع اللفلوس راح اعطيج كل اخر شهر مبلغ حلو علشان اختج ..
رماح وقفت :لا يا خالتي احنا ما اتفقنا ع كذا .. صح اني ارتحت معاج بس ما يجوز انا جايه هنا اشتغل .. ما جايه انام واجلس واخر شي تعطيني فلوس بدون لا اسوي اي شي .. لالالا ما راح ارضى
مريم بضيق شوي :يا رماح انتي فكري زين وبعدين ردي لي خبر
رماح تناظرها :لا يا خالتي هذي ما يبيلها تفكير ..
مريم :انزين راح تشتغلين ..بس لما انا اقولج انزين
رماح ناظرتها بشك :انزين
مريم بابتسامه :يالله اجل ..روحي بدلي في ملابس في الدولاب البنات اختاروها لج ..لبسي منهم
رماح بارتباك :لالا .. انا جايبه ملابسي معاي
مريم بابتسامه :لا والله ..لا حبيبتي ملابسج خذتهن الخدامه ورمتهن
رماح بطلت عيونها ع كبرها :شنووو .. متى ؟
مريم :ههههه شفيج قبل لا تجين انا موصتنها وقلتلها لو جيتي ومعاج شنطتج ترمي ملابسج ..لانها مو كويسه
رماح بضيق :بس انا يا خالتي ما ارتاح غير بملابسي انا
مريم : .. هههه يا بنتي لا تزعلين بس في ملابس يناسبنج في الدولاب شوفيهن اذا ما عجبنج ردي لي خبر
رماح تضايقت كثير :انزين
مريم مسحت ع ظهرها بحنان :يالله انا بروح وانتي ارتاحي شوي تمام
رماح :لالا انا راح ابدل وانزل اشتغل
مريم بابتسامه :انزين مثل ما تبين ...يالله اجل انا بروح وانتي لا تتاخرين
رماح :ان شاءالله
مريم طلعت عنها ... ورماح ناظرت بالغرفه وراحت لدولاب وفتحته ..اول ما ناظرت بلملابس
رماح بطلت عيونها ع كبرها وقالت بصوت عالي :شنووووووو هذا ؟
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
قصر عزام .. كانت الساعه 11
اثار جالسه في الصاله الكبيررررررررررررره .. وتناظر التالفزيون بملل . وشوي ودخل عزام فرحان حيل وجلس جمبها وناسي اللي صار الصبح
عزام بفرح :اثار باركيلي خلاص سويت اللي قلتيلي امس وحولت كل شي لمكان ابوي
اثار بعدم اهتمام وتناظر التالفزيون:مبروك
عزام قوس شفايفه ع الاسفل :هذا اللي قدرتي عليه ..(وصار يقلدها )مبروك .(ورجع صوته ) ما اقول غير ماااالت عليج
اثار ما اهتمت منه .. وطنشته ولا كانه موجود ..عزام ما اهتم منها وقام وراح عنها فوق .. وبعد نص ساعه نزل (لابس بنطلون ابيض وقميص بدون اكمام وفتحت الصدر والظهر كبيره ولونه ابيض بدون اي رسومات وكانت علاضت ايده ظاهر وبارزه كثير وطالع لووووول .. وكان شعره مبلول .)
وجاء ونسدح ع الكنبه اللي كانت اثار جالسه عليها .. وخلا رجله فوق فخذها ..وابتسم بغياظ
اثار عصبت منه ودفت رجله ع الارض بقرف :عزام شنو هذا ؟
عزام رجع ورفع رجله ع رجلها بابتسامه :كيفي انا حر انا اليوم فرحااااااان ..
اثار دفت رجله بقوه :عن المصاخه
عزام قام وجلس ع حيله وقرب منها بس في مسافه شوي :انتي شفيج اليوم ما طايجتني
اثار "هذا يستهبل ولا شنو والله ما عرفتله موليه مره معصب ومره لا ":ما فيني شي
عزام بابتسامه وغمز بعيونه :لا والله عليي انا .. (وكانه تذكر شي )ههههههههه لالا تقولن انج معصبه ع اليوم الصبح .. يااللهبله انا كنت معصب شويه لانج انتي مديتي ايدج عليي امس ..
عزام وقام بسرعه ووقف وصفعها كف بس شوي خفيف ..
اثار بطلت عيونها ع كبرها وخلت ايدها ع خدها باستغراب منه ..
عزام رجع وجلس جمبها وهو يبتسم وناظر التالفزيون
اثار تناظره :انت ليش تضرب ؟
عزام تناظرها وبعدها ناظر التالفزيون :وحده بوحده ..انتي ضربتي كف وانا ضربتج كف
اثار وقفت بعصبيه وقالت بصوت عالي :صدق انك حقير وما تستحي ع وجهك
عزام :اوووووووووه عورج ..ههههه تستاهلين
اثار بعصبيه:صدق انك نذل
وراحت عنه فوق ..وظل هوه يتابع التالفزيون
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
ومرت الايام بسرعه ..بدون اي جديد في الاحداث .. ورماح حدها مندمجه مع البنات وقليل اذا شتغلت في البيات وما شافت مصعب موليه .. .. وجاء اليوم اللي راح يروحون فيه المزرعه ..
في بيت شامخ .. (طبعا ما سافر لانه ابوه ما رضى انه يسافر الا يوم يرجعون من المزرعه )
شامخ يجمع ملابسه في الشنطه .(. ولابس بنطلون كحلي .. وقميص بدون اكمام لونها ابيض .. وفوقه قميص مفتوح له نص كم وعظلاته بارزات كثير لونه كحلي حده ستايل .. ولابس كاب ابيض .. ونظارته الشمسيه الماركه .. وساعته السوداء اللي تلمع طبعا شبابيه .. وجوتي لونه ابيض سبورت حده .. وطالع مررره خقق .. )
شوي وبندق الباب ودخلت خزامي
خزامي بسرعه :شامخ خلصت ابوي وامي راحو .. وقال ابوي انه نتبعهم بسرعه
شامخ :بل مسرعهم راحو
خزامي :ما ادري قال راح نلتقي عند بيت عمي جاسم لانهم كلهم راحو هناك ومناك راح يتحركون للمزرعه
شامخ يمسك الشنطه ويلبسها ع ايده :اوكيه انتو خلصتو
خزامي :ايه احنا خصلنا .. بس دقيقه نلبس العبايا
شامخ وهو يطلع :لا تتاخرون انا انتظركم في السياره .. (وقال بتهديد ويناظرها ) وان تاخرتو والله لا اخليكم هنا واروح
خزامي راحت تركض :لالا الحين نخلص
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في بيت احمد..
نور العيون في غرفتها مره حووسه .. مره تلم الملابس ومره تتركهن وتجمع الجزمات ومره اللكسسوارت ومره ما عارف شنو تسوي ..
وحور بكل برود تجمع ملابسها عكس اختها .. جمعت كل شي ع البرود وخلصت بسرعه .. في شنطه ما كبيره وايد متوسطه .. وتعدلت ولبست عبايتها والشيله والصندل واطي وخلت كحل خفيف ورتبت شعرها وطلعت ماسكه الشنطه وقفلت الباب .. ونزلت تحت
الام من اخر الدرج :هااه خلصتو
حور :انا خلصت مدري عن نور
جاء مناك يركض بسرعه وحده فرحان وينطط ونزل من الدري ووقف جمب امه ..
عمر ينزل نظارته :هااه يمه نمشي الحين
الام ناظرته من فوق لتحت بتمعن :وانت شنو هذا مسوي بنفسك
حور بعصبيه مصطنعه :صدق انك ما تستحي حد كذا يلبس ...لكن ما اقول من الدلع ولا ما من شي ..
الام ابتسمت :يا حليلك يا عمور طالع حلوو
عمر انشق من الوناسه :هههه مشكوره يمه ..(وناظر باخته ) مو مثل حد ما عاجبنه شي .. اصلا ما حاصللها تلبس زيي
حور لفت بوزها ع الجانب :عاد من زينك .. هههه كانك عنز ملابس هذا اللباس بلغصب
عمر لبس نظارته :روحي زين ,.. (وطلع )
عمر كان لابس (بنطلون جنز اسود مشتور في اماكن من تحت شوي ومن النص شوي ومن عند الفخذ شوي .. وحزام اسود فيه كرستال بلون الاسود ويلمع كثير وطايح منه سناسل .. وقميص اسود له نص كم .. بس هوه كاسفنه لعند الكدف وعليه كتابه بلون الابيض .. وكاب اسود وطالع من الخلف شعره الكثيف ونظارته الستايل .. )
الام بعجله :روحي نادي اختج بنروح ما نبي نتاخر ... بسرعه روحي
حور تركت الشنطه :ان شاءالله
وراحت ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في بيت حسين ..
ميثاق وعبدالرحمن وحسين وفاطمه كلهم مجتمعين في الحوش ويرتبون الاغراض في السياره ..
اما عبدالعزيز في الغرفه .. بتحديد عند البلكونه (عبد العزيز ولبنى صاااارو الاكثر الاوقاات يسووولفون بس سوالف سطحيه هذا ينكت وهيه تضحك عليه ..)
عبدالعزيز بصوت واطي :لبووونه
لبنى تسمع ومطنشه :...
عبدالعزيز صوت اعلا شوي :لبنـــى
لبنى بطفش :اوووف هذا شيبي ؟
عبدالعزيز طفش :لبنــى يا الحصه وينج ؟
لنى طنشته ... كانت ع السرير جالسه وفي ايدها الاي باد وساكته . (لابسه شورت ظاغط سترتش لتحت الركبه لونه وردي ومن عند الاطراف ورده.. وقميص ابيض يرجع لونه للوردي واسع شووي وفتحت الصدر واسعه وظهر نصه طالع.. وشعرها تاركتنه ع طبيعته)
عبدالعزيز طفش منها الحين راح يروحون اهله وهوه ما شايفنها .. وقف ع الحد ماال البلكونه ومد رجله ع بلكونتها وما لحقت .. تضايق وبعدها نط بقوه لبلكونتها ..
عبدالعزيز بابتسامه ويناظرها من طرف صبعها لراسها :انا انادي من سنه وانتي ليش ما تردين هااه ؟
لبنى بعدها ما مستوعبها.. بس اللي خلاها تستوعب صوت امها اللي كل ماله ويقرب .. بسرعه قامت من ع السرير وركضت للباب وقفلته بهدوء .. والتفت ع عبدالعزيز
لبنى بعصبيه وبهمس :انت شلي جايبك هنا
عبدالعزيز بابتسامه :جاي اشوفج من متى ما شايــ (ركضت عليه لبنى وخلت ايهدها ع شفايفه لانه كان يتكلم بصوت شوي عالي .. )
الام تضرب الباب :لبنى انتي نايمه .. قومي لانه خطيبج في المجلس يبي يشوفج
لبنى تناظر الباب وبعدها ع وضعها وقالت بتعب وتمثل :حاظر يمه الحين اقوم
الام وهيه تروح : يمه لا تتاخرين على زوجج
لبنى :ان شاءالله
عبدالعزيز بعد ايدها بعصبيه وقال بهمس :انتي مخطوبه ؟
لبنى بعصبيه وبهمس :آيه مخطوبه.. يالله اطلع برع حسبي الله عليك انك بتفضحني
عبدالعزيز مسكها من ايدها :هه قولي حق اللي ينتظرج تحت انه محد راح ياخذج غيري انا وبس
لبنى باحراج وقال بعصبيه :لا والله (وسحبت ايدها بقوه ) اطلع برع
عبدالعزيز بابتسامه تذوب : من عيوني يا عيوني .. (وناظرها من فوق لتحت ) لكن بصراحه الوردي طالع عليج يجنن
لبنى حاسها بطنها من الفشله ولفت وعطته ظهرها :اقولك اطلع برع ما ابي فضايح
عبدالعزيز بطفش منها:انزين بطلع... بس انا يمكن اغيب شهرين ما راح تشوفيني
لبنى ندق قلبها بقوه :الله معاك ,
عبدالعزيز لف بوزها ما عجبه ردها :اوكيه باي
وطلع عنها ..وراح غرفته
اما لبنى جلست ع السرير بخيبت امل "افا ليش بيروح ؟ وين راح يروح ؟ هههه والله راح افقد خباله .. فيه شي يخليني ما اعرف اتصرف من اشوفه .. والا عاد الحين جاي غرفتي اوووووووف منه مدري كيف يفكر هذا بس ويش كان يقصد انه محد راح ياخذج غيري انا ... الله يستر منك " وراحت وبدلت ونزلت تحت .. عند خطيبها ا .. تكرهه كرررره بل عليها
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في بيت جاسم .. مركز التجمع
مصعب جالس في الصاله وكان لابس نفس لابس شامخ طبعا متفقين .. ومخلي شنتطه ع فخذه وايده ع خده بطفش من زمان ينتظر خواته وما نزلن ..
في غرفت قمر .. رماح ولمى وليالي وقمر .. جالست يرتبن المكان ..
قمر تناظر رماح :رموحه حبيبتي روحي جيبي الاكل من الثلاجه الشكلاته والبيبسي وكل شي وجمعيهم في الشنطه .. (ورمت عليها شنطه صغيره )
رماح قامت :ان شاءالله (مسكت الشنطه وطلعت )
(رماح كانت لابسه بنطلون جنز كحلي وقميص لونه كرزي له اكمام طويله .. كم واحد كان ضاغط على ايدها وكم واحد وووواسع .والقميص يوصل لنص الفخذ. وله ثلاث ازرار من عند الرقبه .. ولافه شعرها ذيل ومخليه الشيله لونها كرزي ع راسها .. .. >> طبعا البنات جبرنها انها تلبس كذا . ولا هيه كان الود ودها تلبس شي سااتر اكثر وطوويل )
ونزلت بسرعه من ع الدري وما انتبهت ع مصعب اللي شافها ووقف .. وتبعها
دخلت المطبخ وبطلت الثلاجه
مصعب بصوت عالي وراها واقف :انتي شنو تسوين ؟
رماح التفت عليه بسرعه وبخوف طاحت عنها الشكولاته ...
مصعب ناظرها باستغراب وشاف عيونها الخظراء ضيع الكلام :انتي انتي ... انتي من ؟
رماح نزلت راسها وسكتت .....
ودخلت مريم وناظرت رماح ومصعب :مصعب انت شنو تسوي هنا ؟
مصعب ناظر بامه :يمه من هذي ؟
الام توهقت ما عرفت شنو تقول :هذي بنتي رماح
مصعب باستهبال :شنوو بنتج من وين جبتيها ؟
الام قربت منه ومسكته من ايده وطلعت برع..
اما رماح ماتت من الخوف والفشله .. ونزلت ومسكت الشكلاته بايد ترتجف ولمتهن كلهن في الشنطه .. وطلعت وما شافت حد في الصاله وراحت فوق ركض وعطت البنات وهيه ساكته وطلعت بسرعه وراحت غرفتها . ولبست عبايتها وجلست ع السرير جمب شنطتها وساكته وتفكر ..
تحت في الحوش الكل وصل .. ومصعب من عرف السالفه كلها شك فيها انها اللي يتكلم عنها شامخ ..
شامخ دخل سيارته بيت عمه جاسم ووراه سيارت عمه احمد ..ووراها سيارت عبدالعزيز وبعدها سيارت عبدالرحمان وبعدها سياره حسين .. والكل نزل من السياره
شامخ نزل من سيارته وراح عند مصعب من بعد ما سلم ع الكل ..
شامخ بهمس لمصعب : هاي انت وين يزن وما جاء ؟
مصعب ناظره وخلا عيونه بعيون شامخ :الحين راح يوصل اتصلت عليه وقال انه في الطريق هوه وخوانه ..
شامخ بابتسامه :ايه اشوه ع بالي ما راح يجي ..
وشوي نزلن البنات لمى وليالي ما متغطيات وقمر لابسه غشواه ومطلعه عيونها .. اما رماح لابسه عبات كدف ومتغطيه وجها كامل
شامخ ناظرهن واستغرب من اخر وحده . وقال بهمس :مصعب من هذي اخر وحده ؟
مصعب ناظر بخواته وبرماح وابتسم :ما ادري (وراح عنه وهوه يناظر شامخ بنظرات غريبه ويرفع حواجبه له )
شامخ استغرب ..
رماح دق قلبها من شافت السيارت كثيره والشباب والبنات في كل مكان ..بلعت ريقها بصعوبه ومشت
عبدالرحمان ابتسم من شاف قمر ..وبعدها تصرف عادي علشان محد يشك فيه
جاسم بصوت عالي :يا جماعه ..عاد ما اوصيكم هلله بسلام الحلو للوالد ولا تضايقون وهذا الكلام للبنات والشباب ..
حسين :آيه عاد ما انبي نوصيكم تراه عصبي .. والله وعصب لا يحذفنا برع المزرعه وكانه يرمي كوره ..
مصعب :ههههه هااه شدعوه (وقال بصوت واطي ) والله لا امردغه
شامخ سمعه وقال بصوت عالي :ههههههههههههههههههههه ..وانا معاااك
رماح التفت عليه باستغراب بس كان عاطنها الظهر
احمد :يالله مشينا
الكل :يالله
ووصل يزن ووقف برع ..
وكل واحد توزع في سياره ..
عبدالله ومرته والشغاله .. سياره
وشامخ وخزامي وايناس .. سياره
احمد ومرته وعمر وحور .والشغاله . سياره >> سيارتهم عائليه كبيره
وعبدالرحمان وميثاق ونور العيون >> نور راحت مع ميثاق
وعبدالعزيز من عرف انه نصر وناصر معاهم طار من الفرحه وراحو معاه ..بروحم سياره
وجاسم ومرته والشالغه .. سياره
ومصعب وقمر وليالي ولمى ورماح ... سياره >>> ومصعب كل شوي يناظر برماح ورماح ميته من الخوف .وتذكر كانها شايفتنه بس من ووين ؟ ما تعرف
وحسين ومرته والشالغه بروحم سياره ..
ويزن مسكين بروحه سياره .....
«®°•.¸.•°°•.¸¸.•°°•.¸.•°®».¸.•°°•.¸¸.•
¸.•°®»
بيت يزن ..
حلا جالسه في الصاله وتاكل حب بكل دفاشه ..
جاتها الام بعصبيه وفي ايدها الملاس :قومي ساعديني شويه ..جالسه هنا لا شغله ولا مشغله
حلا ناظرتها ببرود :يمه مالي خلق اشتغل ..انا تعبانه بروح ارتاح شوي
وقامت وعدت من عدال الام وراحت فوق
الام بعصبيه وصوت عالي :حسبيالله عليج من بنت
وراحت الام المطبخ تكمل شغلها ..
حلا انسدحت ع السرير بكل دفاشه .. وشوي ورن التالفون ..ناظرته (خالد يتصل بك )
"اوووووووووف هذا شيبي بعد الحين"
وردت عليه بصوت فخم :هلا
خالد بابتسامه :اهلين فيك ..وينك انت يا القاطع ؟
حلا ببرود :هنا ما رحنا مكان بس انت اللي محد يشوفك
خالد :انا .. انا كل يوم اتصل فيك ولا ترد ولا مشغول ولا مغلق
حلا بضيق منه :اقول خلص شنو تبي داق علي
خالد :اليوم عازمك ع حفله .مالك عذر اليوم تجي تجي اليوم عاد عيد ميلادي وابيك معاي
حلا :لا ما اقدر
خالد بضيق :لا تقدر واستناك لاني دقيت ع الشباب ومحد رضى يجي معاي .. عاد لا تردني
حلا بابتسامه :خلاص راح اجي بس وين ؟
خالد فرح :عماره ... شارع... الشقه رقم ...
حلا :تمام يصير خير
خالد :اوكيه راح استناك
حلا :باي
خالد:باي
.....
خالدكان منسدح ع الكنبه وقام بسرعه وطلع علشان يجهز للحفله >>> كبره كبر البغل وبعده يبا حفله ههههه
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في حارة منصور ..
رؤى ورونق جالسات في ع طرف الحاره ..
رونق بشك :شفيج رؤى اليوم ما ع بعضج شفيج ؟
رؤى بضيق :والله ما ادري شفيني احس راسي متلخبط ..احس نفسي ما قادره افكر موليه
رونق بهتمام :انزين قوليلي شفيج ؟؟
رؤى :شفي انا بقولج بس وعديني انج ما تقولين لحد تمام
رونق :انزين والله ما راح اقول لحد
رؤى باحراج :من كم يوم حصلت منصور وتكلمنا شويه وبعدها قالي انه هوه ..(وسكتت شويوبعدها )يحبني
رونق بطلت عيونها ع كبرها :شنوووووو ....انتي متاكده ؟؟!!!!!!!!!
رؤى باحراج ووجها قلب احمر :ايه متاكده مثل ما اشوفج جدامي الحين
رونق ابتسمت ابتسامه عررريضه :ههههه ويش عليج ومنصور وجبتي راسه خخخخ
رؤى دفتها كوع باحراج ونزلت راسها :روووووووونق شفيج شوي شوي علي
رونق :هههههههههه يالبى قلبه اللي يستحون
رؤى ابتسمت ولا ردت عليهاا طنشتها ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»

في بيت منصور ..
منصور منسدح جدام التالفزيون وجمبه ريا ..
ريا باستغراب :منصور
منصور ويناظر التالفزيون :هلا
ريا :وين تروح رماح لي مده ما شفتها ؟
منصور :ولا مكان تروح تشتغل في مكان ..
ريا قامت وجلست :يعني وين تروح ؟
منصور ناظرها :ريا لا تدخلين .. وبعدين انتي خذيتي دواج ؟
ريا رجعت تنسدح جمبه :هيه خذيته ..
وشوي جات تركض ..
نرجس :ريا خلا بنروح نلعب شويه
منصور :قومي روحي لعبي معاها
ريا قامت وراحت مع نرجس ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في سيارة شامخ ..
خزامي بملل :شامخ شغل لنا شي والله طفش وما ندري متى راح نوصل المزرعه
شامخ شغل المسجل وطول عليه كامل
ايناس بحكم انها في الخلف ومنسدحه .قامت وجلست ترقص ع الاغنيه ..
شامخ ناظر باخته من المرايه وابتسم وصار يطبل ع الدركسون بايده وشوي يهز رقبته
خزامي تناظرهم وهزت رقبتها .. ..

.................
في سياره مصعب ..
قمر كانت جمب مصعب .. وليالي ع اليمين ولمى في النص ورماح ع اليسار .. (كانت السياره مطول المسجل ع الكامل كانت اغنيه عراقيه . )
قمر مخليه ايدها ع خدها وما عجبتها الاغنيه كل ما تمد ايدها علشان تبدلها طار لها مصعب وضربها ع ايدها .
اما ليالي ولمى جالست ويترقصن ..
ليالي تنطط في السياره ودفت لمى فوق رماح بقوه ..
رماح بصوت شوي عالي :آآآآآه
لمى بسرعه وخرت عنها :تالمتي .. اسفه والله ما كان قصدي .. هذي اللبقره دفتني فوقج
رماح بابتسامه :لالا(مصعب قصر ع الاغنيه كامل يريد يسمع ) ولا يهمج ما صار الا الخير
لمى التفت ع ليالي وقالت بصوت عالي :انتي يا العميى يوم تريدين ترقصين ما تجلسين تدفينا كانج حمار ويرافس
ليالي ترفزت منها :انا حمار ويرافس ..اذا انا كذا انتي شنو بطلعين قرد وينطط
لمى بطلت عيونه :انا قرد ينطط ..طالعه عليج يا الباندا ..
ليالي تريد تضحك عليها :انا باندا ..
لمى بعصبيه :آيه انتي باندا ,وبطريقه بعد .
مصعب دار راسه منهن مد ايده للخلف وضرب لمى ع راسها ..:سكتي ما ابي اسمع منج نفس
ومد ايده ع ليالي بس بعيده شوي .. رفع جسمه وهد الدركسون وجسمه نصه في الخلف ورجله ع الفرامل وما يشوف اللي جدام .. قمر جن جنونها قامت تصورخ عليه وهوه الا يضرب ليالي .. وصارت قمر ماسكه الدركسون وتحركه عنه .. مصعب ضرب ليالي ع راسها بقوه .. ليالي دار راسها خلت ايدها ع راسها وتسدج عليه ..
كل هذا ورماح تناظرهم ومبطله عيونها .. وساكته وخاطرها ميته من الضحك عليهم ..بعدها شافت مصعب ولمحت في اذنه حلق بحرف M ابتسمت وسكتت
مصعب ناظر ليالي وبعدها لمى وبعدها ناظر رماح بنظرات شك .. رماح تصرفت كانها ما شافته ولا همها نظراته..بعدها رجع مكانه ..
قمر بصوت عالي :انت شنو تريد تذبحنا ؟
مصعب خلا صبعه ع فمه :شب ما ابي اسمع نفس وحده منكن .. رجيتن راسي حسبي الله عليجن من بنات .
وصار سكوت في السياره وطول ع الاغنيه ..
.....................
في سياره عبدالعزيز .. كان جالس جمبه ناصر ووراء نصر
عبدالعزيز :احس انه المسافه طويله مدري كم ساعه راح نسوق
ناصر ضرب صده :لا تحاتي اذا تعبت انا اللي بسوق عنك
عبدالعزيز ناظره بطرف عيونه :لا انا ما متبري من سيارتي ..
نصر :ايه والله هذا ا يعرف يسوق موليه .. مره ماخذ سيارتي طلع فيها ورجع الله لا راواك ايها تقول دايستنها تريلا ..مداخله (وهوه يمثل بايده ) مع بعضها ولا ينعرف باب ومن تاير