رواية لا ما أرضى بالمذله ولا عاش من قلبي يذله الفصل الثالث والعشرون 23 - بقلم غير معروف

°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®
»في البررر .. صارت الساعه 11:35
اثار بعدها ع وظعها . وما راضيه تبتعد عنه .. وتبكي
عزام يناظر النجوم ويبتسم ويمسح ع شعرها :اثار شوفي النجوم كيف تشابهج ..
اثار ع وظعها وتتكلم وتبكي :كيف يعني ؟؟ مافهمت ؟
عزام بابتسامه واسعه :تلمع مثل ما انا اشوفج تلمعين
اثار استغربت ليش يقول هذا الكلام :بايخ ما تعرف حتى تتكلم
عزام :هههههههههههههههههه ..اذا انا بايخ انتي شنو راح تطلعين تراج الا مثلي
اثار صار صدرها اكثر يالمها من الجرح :عزام
عزام :شنو
اثار باحراج :ابي اقوم بس كيف ؟
عزام استغرب :كيف .؟؟
اثار ولعت من الاحراج "كيف عاد انا افهمه هذا الغبي ":اقولك ابي اقوم من فوقك بس كيف ؟
عزام ابتسم بينه وبين نفسه وحب يزيدها من الاحراج:عادي قومي ما فيها شي انا مثل اخووج ..
اثار قامت بسرعه وعطته الظهر وهيه جالسه :انت غبي
عزام قام وجلس وناظر بظهرها وشعرها اصلا هو عارف شنو تقصد بس يستغبى عليها..وابتسم
عزام ناظر بقميصه اللي نصه ع صدره دم وتذكر الجرح اللي فيها وطار عليها .. وصار مجابلنها .. اثار بطلت عيونها ع كبرها وبسرعه مسكت اطراف القميص ورصت عليه تغطي نفسها ..
اثار بعصبيه:شفيك ؟؟
عزام مد ايده ع الدم وبعدت عنه اثار وعطته الجانب
اثار تناظره باستغراب وعصبيه :شفيك انت ؟؟
عزام :يا الغبيه خليني اشوف الجرح
اثار :لا عادي ما يالمني جرح بسيط ..
عزام بعصبيه :لا والله جرح بسيط .. وهذا الدم كله من جرح بسيط
اثار بابتسامه وكانها تريد تسحب عصبيت عزام :انزين اناشنو قلت علشان تعصب ؟
عزام بلع ريقه من طريقه كلامها :اووف اثار بلا دلع تعالي
اثار وعزام قامو وراحو عند سيارته وبطل الباب وجلس وهيه بطلت الباب اللي عند السايق وجلست بدون لا تسكر الباب ..عزام بطل الدبه حقت السياره ونزل وجاب شاش ومطهر للجروح ..وقرب منها وجلس عند الحد مال الباب اللي جالسه عليه اثار وقرب منها اكثر
عزام ماسك القطنه فيها المطهر :اثاروه فتحي شوي القميص خليني انظفه لج علشان لا تنزفيني اكثر
اثار انحرج منه كثير ..ورخت ايدهاعن القميص وسندت ظهرها ع الكرسي بتعب ..عزام قام وجلس جمبها فخذه ملاصق فخذها ومد ايده ومسك القميص وفتحه شوي ..واثار تناظر بابتسامه حلوه ولا حتى ترمش بعيونها ..عزام ملاحظ انها تناظره ..
عزام يبلع ريقه وناظرها وبعدها ناظر الجرح:شفيج تناظريني كذا
اثار مثل ما هيه مبتسمه وتناظره ولا تكلمت :...............
عزام سكت عنها وصار ينظف الجرح ويحس بايده انه دقات قلبها تتسارع كل ما قرب منها ..خلص بسرعه تنظيف ..ولا تكلمو وبعدها مسك الشاش
عزام "ويه عاد هنيه الوهقه..شنو راح اسوي ؟":اثار هذا كيف بسويه ؟؟
اثار ناظر بجانب الثاني وقالت بتعب :ما ادري
عزام بتوتر :انزين فصخي القميص شوي
اثار طيرت عيونها فيه وقال بصوت عالي :شنوووووووو ؟
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في بيت جاسم .. ابو مصعب ..
في غرفة قمر ..
كانت جالسه ع اللب فوق السرير .. ومندمجه حدها .. شوي ورن تالفونها ناظرته .."رقم غريب غريبه اول مره حد يدق علي برقم ما اعرفه " طنشته .. وسكت التالفون "الحمدلله انه سك بنفسه " وكملت شغلها بللب شوي ورن المره الثانيه.. مسكت التالفون وتمت تناظر برقم باستغراب ورمت التالفون ع السرير جمبها ..وسكت شوي ورن مره ثانيه ..
قمر بضيق وعصبيه وتناظر التالفون :وحمى ذبحتني اوف من هذا المحتشر لحد كذا .. اووووف
وسكت التالفون .. شوي وجاتها رساله ..وشافتها من الرقم الغريب وفتحتها بفضول كان مكتوب فيها (قمر ردي ع التالفون ) قمر استغربت كثير من هذا "من يكون صاحب الرقم .. يمكن وحده من البنات " وشوي ورن التالفون وردت عليه
قمر باستغراب : الو
بلع ريقه :........
قمر رفعت حاجبها اليسار باستغراب :جالسه وتتصلين كل دقيقه وراسله رساله ردي ع التالفون واخر شي ساكته .. ما تتكلمين
بابتسامه عريض ع كلامها :بس انا ولد مو بنت ..
قمر باستغراب " انا سامعه هذا الصوت بس وين ومن "بضيق : بتقول من ولا اقفل الخط
بسرعه :لالا شنو تسكرين ..يعني ما عرفتيني انا من ؟؟
قمر بطفش : لا ما عرفتك من
بابتسامه :اوكيه انا اسمي يبداء بحرف ع وينتهي بحرف ن
قمر دق قلبها بقوه "لا يكون هو لالا مستحيل "بتردد :عبدالرحمن
عبدالرحمن بابتسامه :ايه انا عبدالرحمن
قمر حست بحراره في جسمها بس بينت انها معصبه : نعم خير شتبي ؟؟
عبدالرحمن سند جسمه ع السرير بابتسامه وببرود :ولا شي بس ابي اكلمج فيها شي لا سمح الله ..لا يكون عيب اكلم بنت عمي بعد
قمر ابتسمت بينها وبين نفسها وقالت بضيف عكس اللي في قلبها :لا ما فيها شي بس شتبي داق الحين اخر الليل
عبدالرحمن يناظر ساعته :لا وين اخرالليل الحين بعدها راح تدق وحده ..
قمر سندت جسمها ع السرير مع ابتسامه عريضه وقالت بعصبيه :انت شتبي اخر الليل ولا اول النهار .. ليش داق خلصني ماني فاضيه لك
عبدالرحمن بابتسامه :لا والله اذا ما فاضيه لي انا حق من فاضيه
قمر "ويه مغرور .. ع ايش يا حظي ..ههه ع الطل ":بتقول ولا اسكر بوجهك
عبدالرحمن بملل :ولا شي بس ملان واتصلت عليج ..كذا من الله جيتي ع بالي واتصلت
قمر بطفش منه ومن غروره :اقول انت شكلك واحد فاضي وانا مشغوله باي
وسكت بوجهه الخط ..مع ابتسامه شيطانيه .. وكملت شغلها ع اللب
وشوي وجاتها رساله .. وشافتها من نفس الرقم .. ابتسمت يعني من عبدالرحمن وفتحتها بسرعه (ما عليه انا يا قمور انا تسكين في وجهي التالفون .. خلني بس اشوف وجهك والله لا اذبحك مالت ع وجهك المرسل تاج راسج )
قمر بطلت عيونها ع كبرها وقرت الرساله مره ومرتين وبعدها انفجرت من الضحك عليه .. وردت تكمل شغلها ع اللب .. وهيه مبتسمه
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في بيت العم حسين ...
عبدالعزيز جالس في غرفته توه طالع متروش ويغني ويصفر وحالته حاله .. ولبس شورت بني .. وكان بيلبس القميص بس سمع صوت بكي من الغرفه اللي في بيت جيرانهم .. رمى القميص وراح ببطى ع البلكونه وبطلها ودخل انصدم من شافها عيونها في عيونه ..كانت جالسه ع البلكونه وتبكي .. ظلو كل واحد يناظر الثاني ومستغرب
البنت بصوت عالي مع بكي وتفشلت من شافته كذا (عاري الصدر وشعره مبلول باماي ) :خير شتبي تناظر كذا ؟؟!!
عبدالعزيز :هاااه
البنت تنرفزت منه لفت بوزها ع الجانب بضيق
:لبنــــــــى
لبنى التفت ع الخلف وناظرت بامها توها دخله غرفتها ..وطلعت لها بسرعه لا تدخل وتشوفها تكلم عبدالعزيز وتسويها سالفه لا صارت ولا ستوت ....
لبنى وهيه تسكر الستاره:نعم يمه
الام بعصبيه شوي :ابوج يبيج تحت روحي له
لبنى :ان شاءالله الحين انزل
الام وهيه تطلع :لا تتاخرين
لبنى بابتسامه :ان شاءالله
لبنى ناظرت بامها لحد ما طلعت وفتحت الستاره وناظرته يبتسم وسرحان
لبنى بصوت عالي :هااي انت انا رايحه وراجعه والله وشفتك هنا ياويلك فاااااهم
عبدالعزيز بابتسامه تسحر :ان شاءالله استاذه لبنى من عيوني
لبنى ارتبكت من قال اسمها ودخلت الغرفه بربكه ونزلت تحت بسرعه .....
.......
عبدالعزيز كان سرحان وشوي سمع صوت الباب حق غرفته يتبطل التفت وطلع من البلكونه ونسدح ع السرير
عبدالعزيز بضيق :خير شتبي
عبدالرحمن انسدح جمبه :ولا شي ..بس متملل وجيتك
عبدالعزيز يتغطى بلبطانيه :اقول اطلع وبند النور وسكر الباب زين انت وطالع
عبدالرحمن يناظره بستحقار :عزوز اقولك قوم .. انا ابي اقولك شي
عبدالعزيز جلس بطفش :قول شعندك ؟
عبدالرحمن بتردد :والله مدري شقولك
عبدالعزيز يناظر باخوه "شكله شي مهبب شي معاه ":قول انا اسمعك
عبدالرحمن بضيق :تبا الصدق ما قادر انام من كثر ما افكر فيها
عبدالعزيز استغرب :من هذي اللي ما قادر تنام من كثر ما تفكر فيها
عبدالرحمن يمسح شعره :قمر
عبدالعزيز :قمر بنت عمي جاسم ولا غيرها
عبدالرحمن بطفش منه :عزوز لا تصير غبي ايه هيه بنت عمي في غيرها ..
عبدالعزيز بابتسامه :اوكيه يعني شتبي مني اسوويلك مثلا ..امممم يعني اشالك واقوولك انت تحبها يا اخوووي ... .
عبدالرحمن بابتسامه :ما ادري
عبدالعزيز : هههههههههه لا والله من دامنك ابتسمت انت ميت فيها
عبدالرحمن يناظره باستحقار :بلا مصاخه.. انا اكلمك جد
عبدالعزيز بابتسامه :اوكيه سكت ..اذا انت تحبهاا روح اخطبها وفك نفسك
عبدالرحمن بحيره :ايه انا فكرت في كذا بس اخاف تردني ..
عبدالعزيز بشوي عصبيه :وهيه يحصللها تحصل واحد مثلك ..هه والله لو تموت وتحياء ما راح تحصل واحد مثلك ..لا بعد شبيهي وتؤامي
عبدالرحمن :ترااه هيه هذي المشكله اني اشبهك ...انزين شنو اسوي الحين ما اعرف شنو اسوي
عبدالعزيز يعدل جلسته :عادي بسيطه باكر من الصبح كلم ابوي ..وان شاءالله خير
عبدالرحمن تنهد بضيق :ان شاءالله خير
عبدالعزيز بابتسامه عريضه :يالله اطلع برع اشوف ابي انام . وانت واحد ما عندك سالفه
عبدالرحمن ناظر باخوه بطرف عينه وقام ودخل ايده في جيوبه حق البنطلون .. ومشى
عبدالعزيز بغياض :ههههه والله وكبرنا وصرنا نحب ونبي نتزوج اللي نحبهم ..هههههه والله لا افضحك باكر عند الشباب
عبدالرحمن وقف والتفت عليه :كان فيك خير بطلم فمك بكلمه وشوف اللي يجيك ..
عبدالعزيز بعناد وابتسامه :هه انزين بتشوف (وتغطى بالبطانيه وعطاه الظهر )
عبدالرحمن بصعبيه :عزووووووووووووووووز ..
عبدالعزيز ضحك بس بدون لا يسوي صوت ..
عبدالرحمن رجع ونط بكل قوته في ظهر عبدالعزيز وقال بعصبيه :هاااه بتقول ؟
عبدالعزيز يضحك بالم :ههه لالا والله ما اقول ههههههه قوم كسرت ظهري
عبدالرحمن مسك شعر عبدالعزيز ونزه :هههه ع بالي بعد
عبدالعزيز يمسك ايد عبدالرحمن علشان يفك شعره :ههههه حسبي الله عليك وخر ايدك ..
عبدالرحمن قام من فوقه وهو يضحك عليه وطلع .. وعبدالعزيز طاح سب فيه وشتم . ورجع ع البلكونه وناظر بالغرفه لبنى حصلها ظلام ورجع ع السرير .. وطفى النور ونام ......
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في حارة منصور .. في بيت صقر
رؤى منسدحه ع اللفراش وتناظر فوق في السقف وع شفايفها احلى ابتسامه .....
رؤى "معقوله منصور يحبني هو قال بنفسه انه يحبني ... (ابتسمت بخجل ) عادي حتى انتي تحبينه ..ايه والله شنو فيها لو حبني ما فيها شي انا ما ناقصني شي موليه ... ولا هوه ما ناقصنه شي علشان انا ما احبه.. اوووه انا معقوله احب منصور ... هههه احسها فشله بنت تحب ولد ... بس الحب ما فيه فشله ..خخخ ايه صح ما فيها شي لو الواحد حب اللي يباه .. " :اووووف والله حيره
وتغطت بكبرها بلبطانيه ونامت وهيه مبتسمه .......
«®°•.¸.•°°•.¸¸.•°°•.¸.•°®».¸.•°°•.¸¸.•° °•

  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 307 
قديم(ـة) 27-05-2013, 01:51 PM
شقيه بأسلوبي
الافتراضي رد: رواية لا ما أرضى بالمذله ولا عاش من قلبي يذله / بقلمي

ألبــآرتـ ألتــآسعـ.وإلعشـــ,'ـرووونـ...ْ~~~[29]
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»

عزام قام وبطل الباب الخلفي وطلع شماغ ..ورجع وجلس جمبها..
عزام :لفي هذا
اثار : اوووووووووووف منك
مسكت اللشماغ بايد وحده والثانيه ما سكه القميص ..
اثار بطفش منه :كيف بلفه ؟
عزام قام :انا بروح هناك بوقف يوم بتخلصين ناديني
وراح عنها اثار سكت الباب وبسرعه فصخت القميص ولفت ع نفسها اللشماغ ع طولها وطلعت الجرح شوي وكدفوفها طالعه ..وايدها بكبرها طالعه..وبطلت الباب ..
اثار منحرجه من شكلها :عزاموه تعال
جاء عزام ووقف من شافها بهذا الشكل وولع من الاحراج وبلع ريقه الف مره ..ونزل مستواها ولف الشاش بسرعه وراح عنها وركب جدام وشغل السياره .. بس ماطاعت تشتغل ..حاول مره مرتين ثلاث ماشي فايده شاف البانزين ..مصفررررررررررر .. ولا نقطت بانزين فيها
اثار بخوف :شنو شسالفه ؟؟
عزام بيضق عطاها الظهر ورجله برع :شنو بعد ما طاعت تشتغل ما فيها بترول
اثار :اووووووووف والله مو وقته ..والحين شنو راح نسوي ؟
عزام بطفش :ما ادري
مشت ساعتين ولا واحد منهم تكلم ..وصارت الاصوات اللكلاب تعلا واصوات ذيابه توون .. اثار طارت من الخوف اما عزام مرخي راسه ع الكرسي ونايم ...اثار سكرت الباب والتفت ع عزام حصلت نايم ..التفت ع الكرسي وحصلت ثوب ..مسكته ولبسته كان مال عزام ..ونزلت ووقفت جدام عزام بخوف هزته من كدفه كان نايم .. وهيه تسمع صوت اللكلاب اكثر تقرب ..
اثار بخوف وتهز عزام من كتفه :عزام عزام قوووم
عزام بنوم :هممممممممممم
اثار تهز اكثر : اقولك قوووووووم
عزام فتح عيونه :شفيج شتبين ؟
اثار بخوف :انت ما تسمع اسمع اصوت
عزام مسكها من ايدها وسحبها وخلاها تجلس فوق الكرسي بين رجله ومسك راسها وخلا ع صدره وحوطها بايده وسك الباب وقفل السياره
عزام :الحين نامي
اثار منصدمه من حركته ..ولا تكلمت .. بعدها بعدت ايده ورفعت راسها
اثار بعصبيه :انت ما تستحي ع وجهك ..؟
عزام طار النوم منها:لا ما استحي ..
اثار كانت بتقوم وتجلس ع الكرسي اللي جمبها بس مسكها من زندها وجبرها انها تجلس وحوطها بايده
عزام بحزن :اثار
اثار كانت بتعصب عليه بس سكتت من سمعته :شنو ؟
عزام :قوليلي الصدق هذاك الكلب ما قرب منج ..ما اذاج ..ما لمساج ??
اثار رفعت راسها وناظرته مده وبعدها :لا ..بس (وبلعت ريقها )بس كان ناوي انه يعتدي علي والحمدلله انك انت كنت هنا ..(وصارت تبكي بصمت )
عزام فرح من قلبه ومسح دموعها :الحمدلله ..والله كنت احاتي كثيرر ..وخايف لا يكون شي سوء لج والله كنت ناوي اذبحه ودفنه الا هنا .. بس الحمدلله
اثار ابتسمت وتنهدت تنهيده راحه.:هاه الحين اقدر اجلس هناك ع الكرسي
عزام هز راسه بلا وبعدها :اثار قولي الصدق انتي تحبيني ؟
اثار بطلت عيونها ع كبرها:شنو انا احبك انت ؟
عزام :آيه اناشنو ناقصني علشان ما تحبيني
اثار انحرجت شوي بس ما بينت :وايد ناقصنك ..اول شي راعي بنات وثاني شي اانا ما احب الريال المغرور وانت اكثر واحد اشوفه مغرور وبطران وخقاق وكل شي
عزام يناظر بعيونها :لا والله انا كل هذا فيني
اثار بابتسامه عريضه :ايه كل هذا فيك
عزام تكتف بايده :اجل ليش تكتبين شعرعني ..هاااه
اثار : وحتى انت كتبت شعر عني ..
عزام :هههههههههههه هذاك الشعر جيت وكتبته عادي .. ولا انتي كاتبه اخر شي لاغلى شخص ع قلبي عزام
اثار تضايقت منه:اووووووف ..عادي جيت وكتبته عادي ..
عزام وهو يبعد شعرهاعن وجها مع ابتسامه :تعرفين ؟؟
اثار خدودها صارن حمر"اكره شي يوترني لما يبتسم ويتكلم بهدوء احس قلبي يدق بسرعه ":شنو
عزام بابتسامه :هههه الثوب عليج موليه مو حلو ..طالعه كانج واحد من الشباب ..
اثار قامت من عداله وجلست ع الكرسي اللي جمبه :اقول لا يكثر هرجك ..واتصل ع اي حد بسرعه
عزام ببضيق :مافي شبكه هنا
اثار ناظرته بغرور :وانت كيف عرفت انه ما في شبكه ؟
عزام بقهر من اسلوبها :مالج دخل كيف عرفت ..قلت ما في شبكه يعني ما في شبكه
اثار ناظرته وبعدها ناظرت برع الزجاج وايدها ع خدها
عزام :هاي انتي نزلي راح نروح في سيارتهم
اثار طيرت عيونه فيه :لا والله لو اموت هنا ولا اركب سيارتهم .. هذا اللي ناقص بعد
عزام بضيق منها :اوووووف ..
ونزل عنها واثار تناظره باستغراب شنو راح يسوي ..
مررر الوقت بسررررررعه وصااارت الساعه 1:35 ..بليل
عزام بطل الباب ودخل وجلس بقوه وقال بعصبيه :ما فيه شبكه برع موليه .. اوف
وبعدها رمى بطاقات شخصيه واوراق ع الكرسي الخلفي ..
اثار تناظره وساكته .. عزام ناظرها بعصبيه
اثارخافت من ناظرته :شفيك ؟
عزام نزل وبطل بابها ومسكها من ايدها ونزلها بقوه .. وخلاها تمشي وراه غصب وسكر باب وقفل السياره
اثار :هاي انت وين ماخذني فك ايدي تالمني
عزام :.......
ومشى واثار تمشي وراه وشوي وتبكي .. ووصلها لسياره حق الشباب . .. اثار شدت ايدها بقوه عن ايده ..
اثار بعصبيه :انت شنو ما تفهم .. قلت لك مابي اركب سيارتهم انت شنو ما تحس ..
عزام بعناد وشاد ع اسنانه بطريقه تهديد :لا راح تركبين غصب ما طيب .. فاهمه ولا لا
اثار نزلت دموعها غصبا عنها :لا ما افهم وتبي تروح روح بنفسك انا راح اظل هنا ..
عزام ناظرها مده وقال بهدوء شوي :اثارافهمي حن في اخر الدنيا ومحد فيه غيرنا ..واصوات الكلاب في كل مكان ..ومحد يعلم لو طلع شي من الجن الحين . .."والشطان شاطر "(يكلم نفسه). بس انتي ركبي وانا معاج لا تخافين
اثار تناظره وشكلها اقتنعت ..وتجدمت وقفت مجابلتنه ومسكت ايده بهدوء :انزين راح اركب ..
عزام ابتسم وقال بدون لا يحس :ايوا هذي اثار حبيبتي اللي اعرفها .. ما اللي توها قبل شوي ما تسمع الكلام
اثار ابتسمت وركبت جدام جمبه وانحرجت من قالها حبيبتي وولعن خدودها .. وركب عزام وحرك السياره .. وايده الثانيه ماسك ايدها يطمنها ..وحرك السياره ومشى ــــ اكثر من ساعه في البر وبعدها ركب الشارع وكل واحد شاد ع ايد الثاني ..وساكتين
وتحرك بسرعه وكان المكان ظلام× ظلام ...ما في غير مصابيح السياره الاماميه .. وداخل السياره كان بعد ظلام .. ومشى ـــــ مده طويله لحد ما شاف الشارع اللي تجي منه السيارات .. اثار طارت من الفرحه ..وعزام ساكت وماسك ايده بقوه ولا حاس ..
اثار بابتسامه :عزام ايدي شوي شوي عليها .. صارت تعورني
عزام ناظر بابدها وابتسم ورخى بايده وشابك اصابعه بين اصابعها وسكت ... واثار استغربت منه وسكتت .
ووصل البيت ودخل السياره في الجراج ..ونزلو ..اثار اول ما نزلت خذت نفس طوووووووووويل مع ابتسامه عريضه وراحت ركض لداخل ورافعه الثوب ع فوق ما عارف كيف تتحرك فيه ..
عزام بصوت عالي :اثااار لحظه شوي
اثار وقفت وناظرته وهو يكلم البدقارد وابتسمت ع شكله كان حيل يجذب وهو واقف وعريض وطوله الرشاقته وشعره ولبسه وتوسعت ابتسامتها اكثر "اآآه يا عزام لو تدري باللي انا فيه ..كل ما اشوفه احس نفسي طايره من الوناسه بس هوه ابد ما يحسسني غير اني انا اخته وبس "
عزام خلص كلامه مع البدقارد والتفت عليه وحصلها تناظره ومبتسمه وسرحانه ابتسم عليها وراح ووقف جدامها ..والتفت يمين ويسار وما شاف حد وحوطها بايده ع خسرها .. اثار ارتجفت من حست بايده وناظرته باستغراب ومسكت ايده علشان يبعد عنها ..بس كان هوه يناظر ومبتسم وشاد ع ايده بقوه ع خسرها ..وجدمها اكثر لحد ما صارت ملاصقه صدره .. اثار ماتت من الفشله وزادت دقات قلبها ونزلت راسها منحرجه وسكتت ...
عزام نزل راسه لمستوى اذنها وهمس :شفيج تناظريني كذا ؟
اثار سكتت ومنحرجه وما عارفه شنو تسوي ..:...............
عزام ابتسم حس بحساس حلو وهو يناظرها كذا منحرجه منه وساكته ..حوطها اكثر وحملها بين ايدها ومشى فيها ..اثار مسكت بقميصه عند رقبته علشان ما تطيح
اثار توها تستوعب :آه نزلني .. صدق ما تستحي ..عزاموه اقولك نزلني
عزام بابتسامه : ما ابي انتي تعبانه ..وانا ابي اساعدج
اثار وجها صار احمر :عزام اقولك نزلني من قالك اني تعبانه ..
عزام :انا قلت وبلا كلام فاضي سكتي احسن لج...
اثار بضيق :اوووووووف
عزام بطل الباب بصعوبه بايده .. ودخل كان المكان هدوء .. وركب اللاصنصير ونزلها من بين ايده ..
اثار ترتب ملابسها :والله انت ما تستحي ..
عزام طار ولصقها لجدار وصار مجابلنها وهو قريب منها كثير ..
عزام :انا ما استحي ؟
اثار بطلت عيونها بخوف وقالت بتردد :ايه انت ما تستحي ..(وتبطل الاصنصير )
عزام يناظر ملامح وجها الخايف :بعدج ما شفتي شي مني ..لما تشوفين قولي هذيج الساعه اني ما استحي
اثار بلعت ريقها بخوف من كلامه وسكتت ..ونزل راسها ..وصار عزام يناظر شعرها الاسود وفيها منه بلون الذهبي .. وابتسم وقرب منها اكثر وخذا نفس طووووووويل وهو يشم ريحة شعرها بريحه الورد ..
اثار خلات ايدها بتردد ع صدره ودفته .. بس مسكها عزام بسرعه من ايدها
عزام بابتسامه ويناظر بصابعها :شفيج خايفه مني ؟
اثار زاد استغرابها :عزام شفيك اليوم ..؟؟
عزام ابتسم بالم :انا ولا شي .. ما فيني شي
اثار :اوكيه ما فيك شي .. اجل فك ايدي
عزام فك ايدها بتوتر وطلع بسرعه من الاصنصير ..وكانه يهرب من شي ودخل جناحه .وقفل الباب ..اثار استغربت من تصرفاته ..وداست ع الزر الثاني ونغلق الاصنصير .. ونزل تحت ودخلت جناحها .. وطلعت لها ملابس وخلتهن ع السرير وقفلت الباب ..ودخلت تاخذ شور طووووووووووووويل .. ونص ساعه بلكثير طلعت لافه المنشفه ع جسمها وع شعرها .. اول شي نشفت شعرها وبكامل ..وصار يطاير مع كل حركه بسيطه منها..وتلبست..(كان قميص قطن لونه زيتوني له اكمام طويله .يوصل لاول فخذها ومن فوق .وله ثلاث ازرار من عند اللرقبه عليه رسمه حلوووه تجنن .. وبطلون قطن لونه ابيض وفيه ورود ع كبره بلون الزيتوني ) ولفت شعرها باهمام ونسدحت ع السرير براحه .. شوي ونضرب الباب ..
اثار تنزل من السرير :لحظه
وبطلت الباب شوي دخل عزام وفي ايده اكياس وشنطتها .. وخلهن ع الارض وراح وجلس ع السرير
اثار بابتسامه وتناظر بالاكياس :ويه مسكينه اكيد هذي حبيبتي لبونه جابتهن .مدري شخبارها الحين ... (وناظرت بعزام بابتسامه )
وتلاشت ابتسامتها من شافته شكله متضايق حيل ومخلي راسه بين ايده وشاد شعره اللي اطرافه مبلول مال الماي بضيقه ..(كان لابس بجامت نوم سوداء من عند اللرقبه كويتي وفيها خط ابيض حول رقبته .. وع اطراف الاكمام ..وله جيب من عند صدره اليسار) .. قامت اثار وجلس جمبه ..
اثار بصوت حنان :عزام شفيك اليوم احسك ما ع بعضك
عزام ع وضعه :..........
اثار جربت يمه وخلت ايدها ع فخذه وقال بهمس :عزام شفيك ؟
عزام ناظر بايدها وما تكلم :.......
اثار حست بغصه تبي تبكي ع حالته وبلعت ريقها بقوه وقربت اكثر لحد ما صار بينهم اي فاصل ..وحوطت جدفه بيدها بتردد .. وسكتت عرفت انه متضايق كثير وما عارف شنو يسوي
عزام ابتسم بالم لانها الوحيد اللي تعرفه اذا كان متضايق ولا فرحان ولا حزين ولا غيره .. بس ما تحرك من مكانه
اثار حوطه اكثر بايدها اليسار ع كدفه وايدها اليمين مسكت ايده وبعدتها عن راسه وشابكت اصابعها باصابعه وخلت راسها ع زند ايده وصارت دموعها تنزل ما تعرف ليش كل ما شافته كذا متضايق تبكي ..
عزام رفع راسها وناظرها وقرب منها وحظنها وصارت تبكي اثار بصوت عالي :عزام لا تضايق ..اهي اهي..والله ما ابي اشوفك كذا ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»

ودي بهالدنيـا حبيب يستاهـل حناني معي على الحلـوه والمـره وماينسـاني
يقدر الأشواق أكثـر من جنون العشاق يعاهدني بلا فــراق و يوفـي الميثاق

يناديني حبيبي و لا يهـوى أحـد ثاني يحس فيني وأحسـه بالحيـل يهـواني
يشتاق لي اذا حس انـي لـه مشتاق أذوق غرامـه و غير غرامـي مـاذاق

لا ضاق صدره ماله غير دفا أحضاني من دفاها يسكـر و يعيش بعالم ثاني
أذوق بوسته وألقى لها طعـم وأذواق وأدمن عليها وعلى طلته طلة الاشراق

مثل ما أنا أتمنـاه هـو بعد يتمنـاني وأعطيـه الغـلا والحب دامه تمنـاني
أبي أحـس روحـه لروحـي تنساق أبيه يواسيني لا شاف صـدري ضاق

مين يستاهـل يخـاويني باقـي زماني مين يقدر يمسح دموعـي و أحـزاني
مين يستاهـل أهديـه حب الأعماق مين يتحمل جنـوني اللي مـاينطاق
«®°•.¸.•°°•.¸¸.•°°•.¸.•°®».¸.•°°•.¸¸.•°
®».¸.•°°•.¸¸.•° °•. ¸.•°®»
عزام ابتسم وشدها اكثر لحظنه :بس انا مضايق كثير .. ان ما قلتلج حق من اقول .
اثار تبلع ريقها:انزين قولي من ايش متضايق ؟
عزام بعد عنها بهدوء ومبتسم بالم .. اثار بعدت عنه اول السرير واشرت بايدها ع فخذها (بمعنى تعال ) عزام ابتسم لهاونسدح ع السرير وخلا راسه ع فخذها .. اثار مسكت البطانيه ولحفته وكانه طفل ..
عزام بنذاله :اثار قفلي الباب
اثار باستغراب وتمسح دموعها :ليش ؟
عزام رفع راسه وناظرها بخبث :لاني ابي انام وانتي جمبي
اثار عرفت قصده وولعت من الاحراج وضربته ع راسه : هههه والله انك حقير اقول نام وانت ساكت
عزام خلا راسه ع رجلها وابتسم عليها ......
اثار وتمسح ع شعره بهدوء :يالله قولي من ايش متضايق ؟
عزام بضسق : من كل شي ..حتى من نفسي
اثار سكتت تبي تعرف كل شي ..
عزام ابتسم :آآآآه يا اثار ..
اثار ابتسمت :سلامتك من الاآآآآه .. قولي فضفض اللي في قلبك .. وانا اسمعك وصدقني راح تحس براحه من تقولي
عزام حس بشعور في قبله حلوو وهو يسمعها كذا تقوله .. ولا من تصرفاتها معاه ولا من حنانها الطاغي له ..وابتسم بفرح وقال :انا متضايق من حياتي ومن عيشتي ..لا ابو ولا ام ولا خوات ولا من خوان ولا من اهل .. محدمعي غيرج انتي ..بوي اللي هوه ابوي احسه ميت ما حي من بلاد لين بلاد ..ولا حتى يكلف نفسه يتصل يطمن عني ولا عنج .. ابدا .ولا اذا اتصلت ولا يكون مشغول ولا مغلق .. ولا اذا كتبت له رساله يطمني عنه .. يرد عليي برساله .. يقولي لا تزعجني ولا انا في اجتماع ولا مشغول ولا اي شي .. والله انا تعبان كثير من الصبح كل يوم في الشغل لحد الليل .. ولا مره حسيت نفسي عايش حياتي طبيعيه ..مثل اي واحد يعيشها اباء بس لو مره وحده اعيش بلا شغل وبلاهم .وبلا تعب ..آآآآه .. والله اني هلكان منهد حيلي من كل شي .. ولا حد يساعد اووف دبريني شنو اسوي ؟
اثار تمسح ع شعره :اممممممم .. عادي بسيطه ..
عزام قام وجلس بفضول :كيف بسيطه ؟
اثار ابتسمت له :شوف شنو تسوي .. حول كل شي هنا لمكان عمي لمده بسيطه ..لحد ما ترتاح ..وخله هوه يدير اعمامله بنفسه ... مثل ما يقول انه دوووم مشغول خله ينشغل بهذا الشغل عادي تراه الا كم شغله ما راح يتعب ..ومنها انت ترتاح من الشغل ومن كل شي
عزام ابتسم : آيه والله جبتيها ..
اثار :بس اسمعني انت لازم تظمن ..يعني لازم يكون شي باسمك يعني مثل شركه مثل اراضي وبيوت
عزام ابتسم :لالا لا تحاتين .. حاسبلها انا هذي الشغله
اثار ابتسمت : آيه ع بالي .. بعد والله عمي ما مظمون داير ببلاد وولاد الحرام كثار هذلا الايام
عزام يماطل معاها علشان يجلس :آيه والله معج حق
اثار :يالله اجل قوم اطلع برع ابي انام تعبانه
عزام بنذاله انسدح الجانب الثاني :آه والله وانا بعد تعبان مره منهد حيلي
اثار تناظره بستغراب :عزاموه قوم اطلع برع ماني فاضيه لك
عزام بابتسمه : ان شاءالله من عيوني (وسحب البطانيه وتلحف فيها ) بس انتي تعالي نامي احسن لج
اثار تناظره باحراج "ويه والله كانه زوجي كذا يسوي مالت عليه "وجلست بضيق وعطته ظهرها :عزام قوم اطلع والله مالي خلق للهواش
عزام بابتسامه :اذا تعبتي نامي ..تصبحين ع خير
اثار ناظرته بعصبيه : انت من صدقك اقولك قوم
عزام:..............
اثار ناظرت:قسم وربي انك نذل .. اقولك قوم
عزام :............
اثار قربت منه بهدوء ناظرته شكله نام من صدق ..وحرك ايدها ع وجها تشوفها لو حس فيها .. كانت بترجع علشان تطلع .. بس ما قدرت غير انها صرخت لانه عزام مسكها من ايدها بقوه وسحبها جمبه .. وهو يضحك عليها ..
اثار خاطرها لو تنشق الارض ولا تكون في هذا الموقف :عزام خوفتني ..
عزام جمبها وقرب منها اكثر : والله خوفتج ..كثر ايش خوفتج ؟
اثار قامت بعدت عنه .. لكن وين عزام حوطها بايده ع بطنها وجبرها انها تنسدح جمبه وصار ملاصقتنه بشكل كبير .. اثار عصب من جد منه .. عزام يقرب منها اكثر وهو يبتسم ..اثار من شافته كذا غمضت عيونها بقوه ورفعت ايدها وبكل قوووووووووووووتها ضربته كـــــــف من الخاطر طالع ......... عزام بطل عيونه ع كبرها منصدم منها ..
اثار غطت وجها بايدها : عزام انا اسفه بس اطلع برع ..
عزام ظل ساكت ونزل من السرير وطلع وسكر الباب بكل قوته ..وراح فوق جناحه ....
اثار بعدت ايدها وناظرت الغرفه.. وقامت بسرعه وقفلت الباب .. "اوووووف هذا محد يعطيه وجه بسرعه يتمداء ..اووف منه " وضحكت ع نفسها وراحت ع ونسدحت .. وصارت تناظر السقف وهيه مبتسمه .. وبعدها نامت .
.............
عزام انسدح ع السرير بعصبيه وغطى وجهه بالمخده ..وحده معصب "آه يا اثار كل ما ابي اقرب منج تبعدين ..ليش كل ما ابي اقولج اللي في قلبي واللي احسه تبعدين .. اووووف " وسترخى وبعد كل شي يفكر شي .. ونام
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في اليوم الثاني الساعه 8 ..
في بيت منصور..
رماح ترتب اغراضها في شنطه :اسمعني لما تجيب ريا قولها اي شي بس لا تخورها وتقولها اني اشتغل فاهم
منصور واقف عند الباب ومتكدف بايده :ان شاءالله اوامر ثانيه
رماح وقفت مع ابتسامه وفي ايدها شنطه الكبيره والصغيره في ايدها الثانيه :لا بس ما اوصيك عليها ..منصور اذا احتجتو اي شي عنوان البيت ومعاك في اي وقت تعال تمام
منصور تنهد بضيق :انزين
رماح طلعت ووقفت مجابلتنه :يالله اجل مع السلامه
منصور حظنها :مع السلامه حبيبتي .. واذا اي شي صار معاج اوضايقج او مليتي تعالي وقوليلي انا راح اتصرف .. تمام
رماح بابتسامه :ان شاءالله
منصور مسك شنظتها الكبيره .:خليني اساعدج .. واوصلج للبيت
رماح :لالا ماله داعي
رماح مسكت الشنطه عن منصور وطلعت ...
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
:يمه ..
شيخه :هلا يمه
شامخ جلس جمبها :يمه انا بسافر سبوع عندي شغل ..
شيخه :ومتى سفرتك ان شاءالله
شامخ وهو يوقف علشان يروح الشركه :اليوم
شيخه :قلت لابوك
شامخ يلبس نظارته :لا الحين راح اروح اقوله .. سلااام
وطلع عنها ..
شيخه باستغراب:هههه اول مره يقولي انه بيسافر مكان
جات ركض ونطت جمب امها وجلست :يمه شفيج تكلمين نفسج
شيخه ضربتها ع كتفها ع الخفيف :انتي شنو ولد جايه كذا تركضين
ايناس بضيق :لا يمه اانا مو ولد بس ملانه واشغل نفسي بهذلا الحركات
شيخه ضربت يد ع يد :الله يكون بعونج
ايناس :يمه سمعت كانه تقولين سفره .. ولا انا غلطانه
شيخه :اخوج يريد يسافر اليوم
ايناس وقفت بسرعه :يسافر .. وين ؟
شيخه تناظرها ومستغربه :ما ادري
ايناس :عن اذنج يمه .. (وراحت ركض غرفتها )
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
قام من النوم بطفش من الصراخ اللي برع ..
بصوت عالي: اوووووووووووووووووووووووووووووووف .. شنو هذا الازعاج
قام من مكانه ووقف ع البلكونه وشاف لبنى تصارخ ع امها وشوي وتبكي ..
عبدالعزيز تنرفز حده منهم وقال بصوت عالي :هااااااااااااااااااي انتي وياها
لبنى التفت ع عبدالعزيز والام بطلت عيونها عليه ..
الام راحت له ووقفت ع البلكونه :نعم خير شتبي ؟؟
عبدالعزيو بعصبيه شوي :شنو شبي .. انا ريال تعبان ابي انام .. وانتو تصارخون كانه المكان مكانكم
الام بعصبيه : لا والله ...اقول البيت بينا ونصارخ فيه مثل ما نبي
لبنى دخلت البلكونه :يمـ
الام التفت عليها بصبيه :دخلي داخل ما تشوفين هذا واقف بلا ملابس
عبدالعزيز بطل عيونه ع كبرها وتم يناظر نفسه .. (كان عاري الصدر بس وشعره منفوش )
لبنى بسرعه دخلت داخل ..وميته من الاحراج
الام تناظر عبدالعزيز :اسمعني اذا مره دخلت الغرفه وحصلتك واقف هنا لا احش رجلك حش
عبدالعزيز ضحك بمياعه :ههههههاااااي ..(وقال بجديه ) ضحكتين يا جده وانا ما ابي اضحك .. الغرفه غرفتي وكيفي .. اوقف فيها من وين ابي اوقف وانتي مالج دخل فيني
الام تنرفزت منه :صدق انك قليل الادب وما مرباي ..
عبدالعزيز ضحكه :مرباء ولا جااام .. ههههااااااي
الام عصبت عليه :كل تبن ..لكن انا اعلمك
عبدالعزيز :تبن ولا جبن .. هع هع هع هع
الام عطته خمسه ع وجهه ودخلت .
الام للبنى :سمعيني هذي البلكونه تقفل .. ما ابي اجي مره واشوفج واقفه هنا والله لا اذبحج .. وبعدين خطيبج اليوم العصر راح يجي .. وطلعين له فاااهمه ..
وطلعت عنها .. بدون لا تسمع رد من بنتتها ......
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
وقفه عند الباب .. وتضرب الجلس
وشوي وتبطل الباب
رماح بابتسامه :مرحبا
الخدامه :مرهبا .. تفضل
دخلت رماح البيت ..وتجدمتها الخدامه وبطلت باب الصاله ودخلت
رماح باحراج :سلام عليكم
كانت جالسه الام بروحا وقامت بابتسامه لها :يا هلا والله تفضلي
رماح دخلت وسلمت عليها وجلست
مريم بابتسامه فرح :هااه وافق شكله اخوج تجلسين معنا
رماح بعدت الشيله عن وجها :ايه والله ..وافق بطلعت الروح
مريم بابتسامه :المهم انه وافق .. (وقامت ) قومي يمه راح تشوفين غرفتج
رماح قامت معها بابتسامه :ان شاءالله
جاي مناك مستعجل ولا شافها :صباح الخير يمه ..
مريم باستغراب :صباح النور شفيك ؟
رماح تغطت بسرعه ..
مصعب : ولا شي بس تاخرت ع ولد العم .. باي
وراح بسرعه لعند باب الصاله ووقف والتفت ع امه وبعدها شاف اللي وراها ..
مصعب بصوت عالي :سلام عليج يا خاله السموحه ما شفتج ..
رماح ماتت من الاحراج .وسكتت
مريم :اطلع وفكنا
مصعب طلع بسرعه ..
مريم بابتسامه لرماح :هذا ولدي الوحيد .. اسمه مصعب
رماح اكتفت بهزت الراس بالايجابيه وسكتت .....
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»

في باريس ..
شهاب جالس في المقهى ويفطر ع راااحته .. وشوي مشت من جنبه بنت غزآآآآآآآآآآل لابسه تنوره حمراء قصيره مره .. وقميص الابيض ضاغط حيل وشعرها الاشقر لنص ظهرها وبياضها اللي شاااع ..
شهاب اول ما شافها نزل النظاره ع خشمه وناظرها بتفحص من تحت لفوق .. وابتسم ..البنت اول ما شافته يبتسم وقفت عند الطاوله ..
(يتكلمون e بس انا راح اكتب بالفصحى )
شهاب بستهبل :نعم
البنت بمياعه :هل بامكاني ان اجلس قليلا ؟
شهاب :لا ..
البنت سحبت الكرسي ..
شهاب :قلت لكي لا الا تفهمي انتي
البنت بحزن مصطنع :لماذا انا لم افعل اي شي ؟
شهاب :استغفر الله ..اسمعيني جيداا ان لم تخري سوفاء امسكك من شعرك واخرجك الى الخاارج
البنت عصبت وعطته طاف وراحت
شهاب :صدق بنات ما ينعطن وجه
ورفع تالفون واتصل ع صقر
صقر يشتغل في المكتب : الو
شهاب بابتسامه وهو ياكل : يا هلا والله
صقر بابتسامه ووترك اللي بايده :اخبارك يا القاطع ؟
شهاب :والله انا عال العال انت اخبارك ؟
صقر :الحمدلله بس ناقصنا شوفتك
شهاب بطفش :والله اني ابي ارجع بس شنو اسوي بهذا الخال اللي مطفربي ومطلع عيوني
صقر بابتسامه :ههههههه الله يعينك
شهاب :ماقلتلي شخبار تركي ومحمد ومنصور والبنات وامي ..وامك
صقر قاطعه :بس بس خلاص ..بتجلس تعددهم لي .. كلهم بخير ويسلمون عليك
شهاب :الله يسلمهم من كل شر
صقر :فاضي ؟
شهاب بملل :آيه والله ما عندي شي اسويه جالس في المقهى افطر ..
صقر بصوت عالي :اهااااااا من كذا داق اقول طس من وجهي لاني ما فاضي لك موليه وحدي مشغول لما بفضى بدق عليك
شهاب بابتسامه :تمام راح انتظر اتصالك تمام
صقر :تمام باي
شهاب :باي
شهاب سكر من عند صقر وحاسب وطلع ع طول يتفرفر في الاماكن .. حفظ الاماكن مثل اسمه من كثر ما يدور في الشوارع .. ?
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في بيت يزن ..
نصر وناصر وامهم وحلا جالسين في الصاله .. (اما يزن في الشغل )
نصر وناصر كانو لابسين نفس الشي ولا تفرق من بينهم اي شي (شورت ابيض لعند الركبه وقميص كت لونه زيتوني وكاب ابيض ..ولافينه ع وراء .. ولا ينعرف نصر من ناصر )
نصر :يمه يوم الخميس ان شاءالله راح نروح مكان خطير
الام باستغراب :وين ؟
حلا رمت اذنها تسمع
ناصر :كلمنا يزن راح نروح مع الشباب مزرعت جدهم كلها كم سبوع وراجعين
الام :انزين بس خذيتو راي ابوكم
نصر :عاد هذي شغلت يزن يقنع الوالد
ناصر بابتسامه :حنا علينا نجمع ملابسنا في الشنط ونروح .. ما صح نصرر؟؟
نصر ناظر اخوه بابتسامه :ايوا صح
حلابصوت رجولي وبشعرها اللي رافعتنه سبايكي :يارب ابوي ما يرضى
نصر يناظرها بستحقرار :سكتا دهرن ونطقا كفرن ..اقول كرمينا بسكوتج احسن
حلا لفت بوزها الجانب الثاني وسكتت عنه ..
«®°•.¸.•°°•.¸¸.•°°•.¸.•°®».¸.•°°•.¸¸.•°