رواية لا ندم في العشق الفصل التاسع 9 - بقلم اسيل باسم

غمض عينيه وهو بينطق الشهادتين، بس فجأة سمع دوشة حواليه. بص بصدمة لما لقى مراته قاعدة فوق ماهي وبتضربها بضمير. جت نور هان من الباب الخلفي ولقت ماهي بتصوب المسدس ناحية عماد. قلقت وانسحبت وراها بهدوء، وماكادت ماهي إن تطلق النار حتى جذبتها نور من شعرها من الخلف بقوة، والطلقة ضربت في السقف. ما اكتفتش بكده، نزلت فيها ضرب بغضب. عماد كان يموت من الضحك، فاسرع ناحية زوجته يسحبها من فوق ماهي. عماد: خلاص يانور. نور

بغضب وهي بتضرب في عماد: سبني عليها، والله لربيها بت ال... كلبة، خطافة الرجالة. عماد بغضب: قولت خلاص يانور. استكانت بهدوء بين ذراعيه وهي ترمقه بنظرات نارية. وذهب خالد وساعد شقيقته في النهوض. ماهي ببكاء: شفتي عملتي فيا إيه، مراته الجربوعة البيئة دي ي خالد. نور بغضب وهي تستعد للانقضاض عليها: وكمان بتتبجحي ي... سبني عليها ي عماد، والله لأوريها مقامها. امسكها عماد بقوة: بس بقى، اهدى.

خالد بنفاذ صبر: ومستني إيه ي ماهي، إنتِ مستوعبة كنتي هتقتلي جوزها؟ هتاخدك بالاحضان يعني؟ يلا ياأخويا خدها واتكل على الله. امسكت فيه بقوة وهي تبكي: بلااش تعمل فيا كده يابيه، أنا مش مجنونة صدقني، بس هجن أكيد لو روحت هناك. ابعدها خالد عنه بغضب: أنا ماعدتش أخوكي ي ماهي. ماهي ببكاء: أبوس إيدك متعملش فيا كده عشان خاطر بابا وماما، أرجوك. هتغير صدقني، هتغير للأحسن، ومعدتش هعمل مشاكل من بعد اليوم، صدقني.

نظر لها كل من نور وعماد بشفقة. فنظر عماد لخالد الذي أردف بغضب: متحاولش ي عماد. ماهي دي مش إنسانة ينشفق عليها، دي كانت هتقتل ابنك لو لا لطف ربنا. أنا لا يمكن أسامحها بيوم، لأنها ببساطة ميتة بالنسبالي. قال كلامه وذهب بغضب وقلبه يعتصر على ابنته. أخذ الممرضين ماهي، فبقي عماد ونور هان فقط. نور: هيكون بخير صدقني، هي مسألة وقت. فأومأ برأسه بنعم، فاردف بغضب: هو أنا مقولتلكيش متتحركيش من البيت؟

إيه اللي خرجك وإزاي عمي ماجد سابك تخرجي أصلاً؟ نور بغضب: حقك عليا ي حبيبي. كان لازم أسيبها تقتلك وتترمل وتتيم ابنك، وطظ في أي حد. مش كده؟ عماد بغضب: متسبقيش الأحداث ي نور. قاطعته نور وهي تبكي وتحضنه بقوة: قطع لساني بعد الشر عنك ي حبيبي. أنا مقدرش أعيش لحظة من غيرك. آسفة، آسفة. بادله عماد الأحضان بقوة: فداكي عمري كله. بس أوعى ي نور، أقولك حاجة وتعملي عكسها، فاهمة ي حبيبتي؟ هزت رأسها بنعم، ثم اعتصرها بين ذراعيه.

عماد بمرح: تعرفي إني بعد اليوم مقدرش على زعلك أبداً. وإنتي بتضربي في ماهي، للصراحة هبقى أخاف على نفسي وعلى مستقبلي. ضحكت بشدة وهو يشاركها هذه الضحكات. بعد شهر. خرج خالد من قوقعته وحزنه. لقى رجله بتوديه للجنينة اللي أول مرة شاف فيها نور سين. فضل باصص لها وهو بيتأمل فيها لحد ما أخدها ماجد وراح هو كمان الشركة اللي بقاله شهر ماعتبهاش. دخل لعماد، لاقاه متعصب وكل مكتبه متكسر ومدمر على الآخر. خالد بقلق: إيه في إيه ي عماد؟

حصل إيه؟ احتضنه عماد، فقلق عليه خالد فسأله مرة تانية. عماد: هو رجع ي خالد... وهياخد كل حاجة مني. أما عند ماهي تاب، كانت حالتها يحن للحجر. المعاملة في المستشفى... تدخل هو بكل هيبة ووقار بغروره المعتاد. راح عندها الأوضة، ابتسم لها بحب. وقفت بصاله باستغراب وصدمة. مهما تدور الدنيا وتلف وتلف، هترجع تقف عند رجلي. ده أنا مراد الألفي مش أي حد. وقفت وركضت لعنده وحضنته بقوة وهو بيشم ريحتها اللي مجناناه.

ماهي ببكاء: مش مصدقة إنك واقف قدامي ي مراد. مراد بحب: لا صدقي ي قلب مراد وكل دنيته. إنتي دلوقتي بحضني وقريب أوي في بيتي وفي سريري يا مراتي. ماهي بحزن: إزاي بس وأنا هنا في المستشفى ومش هخرج منها كل حياتي. مراد: وأنا لازمتي إيه؟ ده أنا نازل مصر مخصوص عشان العينين دول، ومش هتفضلي هنا دقيقة كمان. عانقته بشدة: بحبك أوي ي مراد. مراد بعشق وهو يعتصرها: وأخيراً قولتيها ي ماهي، ده أنا كنت فقدت الأمل إنك تنطقي. ماهي

وهي تمسك وجهه بين يديها: مكنش عندي الشجاعة وقتها، بس دلوقتي العالم كله هيعرف إني بحبك وإنك حبيبي وكل حياتي. قاطعها وهو يقبل شفتيها بنهم، شغف بها، وهي تنصهر بين يديه. يأكل شفتيها بنهم وبشوق سنين. ابتعد عنها بعد مدة وهو يسند جبينه بجبينها. مراد: دلوقتي لو مت مش بزعل. كانت تنظر للأرض خجلاً. رفعت رأسها بإصبعه وهو يردف بغضب: هخليهم يندموا ي عمري. إنتي مش هسيبهم. أي واحد كان السبب في وجودك هنا هياخد جزاءه.

ابتسمت بسعادة وعادت لأحضان تحتضنه وهي تبتسم. ماهي تاب راجعة تهدلك اللي بنيته يا عماد الألفي. زي مخرّبت علاقتي بأخويا، علاقات مع أخوك هخربها وهخليه يقتلك بإيديه.