رواية لا ترحلي الفصل الرابع 4 - بقلم ايه الموافي

وقفت حسناء أمام آسر ونرمين. قال آسر بعصبية: "انتي إيه اللي جابك هنا؟ بصتله حسناء بندم وهي بتترعش: "أنا واقعة في مصيبة ومحتاجة مساعدتك، أنت الوحيد اللي هتحلّيها لي وتقف جنبي." بصلها آسر بقرف: "شوفي حد تاني تعملي عليه التمثيلية دي، لأني أنا خلاص اتلدعت منك وعرفت ألأعيبك القذرة." كانت نرمين بتبص عليهم، وهي حاسة بوجع في قلبها. قربت حسناء منها، وقالت وهي بتمسك إيدها عشان تبوسها: "أبوس إيدك خليه يساعدني."

بعدت نرمين إيدها بسرعة، وآسر مسك دراع حسناء وقال وهو بيجرها وراه: "امشي من هنا، أنا مش عايز أشوفك تاني أبداً، انتي فاهمة؟ فلتت حسناء نفسها منه بصعوبة، وجرت تاني على نرمين، وقالت وهي بتبكي بعنف: "خليه يسمعني عشان خاطري، أنا والله ما بمثل." تنهدت نرمين وقالت: "عايزة تقولي إيه؟ بصلها آسر بصدمة: "انتي بجد هتسمعيها؟ بصتله نرمين بهدوء: "خلينا نشوف هي عايزة إيه." بصتله حسناء بتردد: "أنا كنت عايزة أتكلم معاه لوحدنا." مسك

آسر إيد نرمين وقال ببرود: "لو عايزة تقولي حاجة قوليها وهي معايا، غير كدا يبقى في داهية." دمعت عيون حسناء، وحست بالذل، بس متدتش أي رد فعل، نزلت دموعها وقالت: "خالد بيبتزني بصوري." ضحك آسر بسخرية: "ما انتوا شبه بعض، عايزة منه إيه يعني." قربت حسناء منه، فبعد آسر بقرف. قالت: "خالد عايزني أخلص على واحد بيكرهه." وسع آسر عيونه بصدمة: "تخلصي عليه؟! هزت راسها بـ "آه". قال آسر بجفا وقسوة: "عايزاني أعملك إيه يعني؟

حسناء: "أبوس إيدك يا آسر ساعدني، أنا مش عارفة أروح لمين ولا أعمل إيه." نفخ آسر الهوا بعصبية: "استنيني في العربية." ركبت حسناء في العربية بسرعة. بص آسر لنرمين، فلقاها بتبصله بجمود. اتنهد بتعب وقال: "متخافيش يا نرمين، أنا هساعدها بس عشان في الأول والآخر كان بينا عيش وملح." هزت نرمين راسها وقالت ببرود: "عارفة، متقلقش أنا مش زعلانة لأن في الأول والآخر أنت لازم تساعدها." باس آسر راسها وقال: "شكراً لتفهمك يا نرمين."

طلعت نرمين فوق، وركب آسر العربية، وراح لبيت صاحبه الظابط. حكاله على كل حاجة. فارس: "معاكي أي دليل؟ هزت حسناء راسها: "معيش." فارس ببرود: "لازم نلاقي دليل عشان نقبض عليه." بصتله حسناء بتفكير: "أنا عارفة كل مصايب خالد وعارفة هو بيعين الورق فين." بصلها فارس بتركيز: "فين؟ حسناء: "في الخزنة اللي تحت السرير بتاعه." بص فارس على آسر وقال: "متشيلش هم، أنا عرفت مين اللي هيعرف يدخل بيته ويجيب الأدلة."

بص فارس على حسناء ببرود: "الأدلة لوحدها مش كفاية، لازم تكوني شاهد ضده." بصتله حسناء بصدمة، بس غمضت عيونها بحزن وهزت راسها بالموافقة. لف فارس لآسر وقال: "سيبها وروح انت عشان مراتك." وافق آسر، وراح على طول على البيت. لف فارس لحسناء وقال بجمود: "اتفضلي قدامي عشان هنحتاجك." نزلت حسناء معاه وركبت العربية، ودموعها نازلة على خدها بقهر. ابتسمت بسخرية وقالت بألم لنفسها: "تستاهلي كل اللي يجرالك، عملت كدا ليه؟ عشان الفلوس؟

للدرجة دي أنا طلعت رخيـ ـصة." وصل آسر البيت، ولقى نرمين قاعدة في الصالة ودموعها نازلة على خدها. بس أول ما شافته، مسحت دموعها بسرعة. قرب آسر منها بحنية وقال: "مالك؟ بصتله نرمين بحزن: "خايفة لتروحلها." ضحك آسر وضمها ليه: "يا عبيـ ـطة أنا لسه قايلك إني قربت أحبك، تقومي عاملة كدا؟ بصتله نرمين بمناخيرها المحمرة بسبب بكائها، فضحك. وقال وهو بيقرصها من مناخيرها: "أنا لا يمكن أسيب الغالي وأروح للرخـ ـيص يا نرمين."

حضنته نرمين بسعادة وقالت: "هو أنا قولتلك قبل كدا إني بحبك؟ آسر بغرور مصطنع: "كتير." ضربته نرمين على كتفه بخفة: "سخيف." ضحك آسر عليها بصوت، وضمها ليه أكتر. بعد أسبوع. نجحت خطة فارس وصاحبه إنهم يجيبوا الأدلة من بيت خالد، واعترفت حسناء عليه على كل حاجة كان بيعملها والخطط اللي ارتكبوها سوا.

اتطورت علاقة آسر ونرمين أوي. وملى آسر البيت بالورد والشموع، عشان هيعترف لها أخيراً إنه وقع في حبها بكل جوارحه. رجعت نرمين من بيت أمها، وفتحت الباب، بس استغربت أوي لما لقت النور كله مطفي والشموع متولعة. قرب منها آسر وقال بحب: "إيه رأيك؟ بصتله نرمين بصدمة: "انت اللي عملت كل دا؟ هز آسر راسه وهو مبتسم. نرمين بإستغراب: "ليه؟ قرب آسر من ودانها وقال بكل حب: "عشان أنا بقيت بعشقك يا نرمين." رجعت نرمين لورا بصدمة،

وقالت وهي بتضحك بفرح: "بجد يا آسر؟ ضحك آسر وقال: "بجد يا عيون آسر." نطت نرمين في مكانها بفرح وقالت بسعادة: "وأنا كمان بحبك." اشتالها آسر ولف بيها، وقال وهو بيضحك: "بحبك يا أحلى حاجة حصلت في حياتي."