رواية لا تترك يدي الفصل السابع 7 - بقلم الكتيبات شهيد

المطر بدأ ينزل وفهد بص لتمارا وقال: لا مش خالصين. تمارا، ده يبقى أياد، مش حد غيره. تمارا سكتت وفهد قال: ساكتة ليه؟ تمارا: يمكن لأني عارفاه. أياد بص لتمارا باستغراب وهي قالت لفهد: تمارا: رسالتك وصلت، تقدر تمشي. فهد بص لتمارا وهز راسه ومشي. أياد بص لتمارا باستغراب والمطر نازل وقال: طب إزاي؟ تمارا: لأنك غبي، اللي بيحب حد بجد بيحس بيها. أياد ابتسم وقال: معنى كده إنك بتحبيني. تمارا: كنت بحبك. البرق بدأ يظهر هو والرعد

وأياد قرب من تمارا وقال: ليه موثقتيش فيا؟ تمارا: أنا مش موثقتش فيك، أنا واثقة ومأكدة إنكم مش خاينين يا أياد. أياد بزعيق: طب ليه، ليه عملتي كده وبعدتي؟ تمارا: أنت كذبت يا أياد، واللي يكذب مرة يكذب الثانية والثالثة. تعرف لو كنت قولتلي يومها ما كناش وصلنا لهنا. الثقة هي أساس أي علاقة، ولما تكذب يبقى أنا فقدت الثقة فيك يا أياد، زي ما عملت وكذبت وقولت إنك زياد. تمارا كانت ماشية بس أياد مسك دراعها وقال بضيق:

يعني دمرتي علاقتنا زمان عشان كذبة صغيرة؟ تمارا: لا، عشان ثقتي فيك اتهزت يا أياد. وبعدين أنت زعلان ليه؟ ما أنت اتجوزت وخلف. أياد خد نفس وقال: طب ما أنتي كمان اتجوزتي. تمام يا تمارا، تمام. اعملي حسابك بعد شهور عدتك هنتجوز. تمارا: وأنا مش موافقة. أياد: وأنا مش باخد رأيك يا تمارا، أنا فعلاً هتجوزك. أياد دخل لجوه وهي كمان، وهدومهم كانت مليانة ميه. بعد يومين من تجاهل تمارا لأياد.

تمارا كانت ماشية وهي حاطة إيدها على الحيط عشان تعرف مكان الباب، بس فجأة كف مسك كف إيدها. أياد: تمارا، أنا آسف. تمارا مردتش وهو قال: اديني فرصة واحدة وبس، واحدة. تمارا هزت راسها وأياد ابتسم وقال: فيه دكتور كويس نازل مصر بعد تلات شهور، وأنتي هتعملي معاه العملية. تمارا خدت نفس وهزت راسها بهدوء. الأيام بتعدي لحد ما فات تلات شهور كاملين. في المستشفى. أياد مسك إيد تمارا وقال: عايز أقولك على تلات حاجات مهمين. تمارا: قول.

أياد: أنا عايزك تعرفي إني مش فارق موضوع نظرك نهائي، وثانياً الخطوبة بتاعتي أنا وأنتي بعد العملية بتاعتك. تمارا ابتسمت وهو قال: ثالثاً وده الأهم: بحبك♡ تمارا ابتسمت وإيد باست كف إيدها. بعد أسبوع كامل. أياد كان واقف جنب السرير اللي تمارا قاعدة عليه والدكتور بيشيل الشاش من على عيونها. أياد: أيا كانت النتيجة يا تمارا، متزعليش. رنيم: خير إن شاء الله. تالا قربت من سرير تمارا والدكتور خلص وقال: افتحي بالراحة.

تمارا بدأت تفتح عيونها تدريجياً بوجع لحد ما سكتت ودموعها نزلت. أياد وهو ماسك إيدها: خلاص، متزعليش يا تمارا. تمارا قربت منه وحطت إيدها على خده وقالت بدموع: أنا شايفاك يا أياد. أياد ضحك ومن الفرحة حضنها وتالا طلعت على السرير وشدت أياد بعيد عن تمارا وقالت: إيه رأيك فيا يا مامي؟ تمارا وهي بتحضنها: زي القمر يا روحي. أياد: تمارا، عندك فستان حلو. تمارا باستغراب: ليه؟ أياد بابتسامة: عشان خطوبتنا. أياد بص لأخته وقال بابتسامة:

رنيم، عايزك تجهزي كل حاجة وتساعدي تمارا. خطوبتنا بكرة بالليل. تاني يوم. عند فهد. فهد بصدمة: هتتخطبي لأياد؟ فهد خد نفس وقال: لا يا تمارا، مش هيحصل. فهد فتح درج مكتبه وبص لمسدسه بشر.