رواية لا تترك يدي الفصل التاسع عشر 19 - بقلم الكتيبات شهيد

رنيم بزعيق: مشاعرك ديه خليها لنفسك فاهم. رنيم دخلت لجوه وهو واقف. بعد اسبوعين، واللي هو يوم خطوبة رنيم ومراد. تمارا بصت لرنيم وقالت: زي القمر. تالا وهي بتشد فستان تمارا: وانتي. تمارا نزلت لمستواها وقالت: انتي قمر يا ملاكي. الباب خبط وتمارا قالت: ادخلي. اياد دخل وابتسم وقال: شكلي هعملها وهلغي الخطوبة واخلي كيفي حضني. رنيم حضنته وتمارا وقفت وقالت بابتسامة: خلاص بقي وابعد عن جوزي انا بغير على فكرة.

كلهم ضحكوا وخرجوا من الأوضة. تحت في الجنينة. مراد مسك ايد رنيم ولبسها الخاتم وهي بتضحك. تمارا كانت ماسكه ايد اياد وقالت: عارف نفسي في ايه. اياد بصلها باهتمام وقال: ايه. تمارا: نفسي اخلف ولد ويبقي زيك. اياد بابتسامة حزينة: عايز بنوته شبهك بس عايزك انتي اكتر. اوعي تسيبيني يا تمارا. تمارا ابتسمت وبصت قدمها ومردتش عليه. بعد ٨ شهور. كانوا قاعدين علي السفرة بيتغدوا ومراد كان قاعد معاهم لأنه اتجوز رنيم.

اياد كان قاعد جنب تمارا اللي حاسة بتعب. تالا قاعده جنبه. تالا حطت ايدها الصغيرة علي بطن تمارا وقالت كالعادة: هو لسه فاضل كتير عشان البيبي يجي. اياد: تالا حبيبتي انتي كل يوم بتسألي نفس السؤال. تمارا ضغطت علي ايد اياد وقالت بوجع: اياد انا تعبانة مش قادرة. اياد ساعدها تقوم وخدها على المستشفى. في المستشفى. تمارا كانت ماسكة ايد اياد وهي بتعيط وقالت: اوعدني يا اياد لو حصلي حاجة تخلي بالك من ابننا. اياد

هز راسه ودموعه نازلة وقال: هتقومي عشاني وعشان تالا وابننا. تمارا سابت ايده وهي داخلة العمليات وهمست بوجع ودموع: بحبك. الباب اتقفل واياد وقف يبص ناحية الباب.